DEĊIŻJONI TAL-KUMMISSJONI

tat-12 ta' April 2006

li temenda d-Deċiżjoni 2003/526/KE fir-rigward tal-miżuri għall-kontroll tad-deni klassiku tal-ħnieżer fil-Ġermanja

(innotifikata taħt dokument numru C(2006) 1521)

(Test b'rilevanza għaż-ŻEE)

(2006/284/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar veterinarju u żootekniku applikabbli għall-kummerċ intra-Komunitarju ta' ċerti annimali ħajjin u prodotti bil-ħsieb tat-tlestija tas-suq intern (1), u b'mod partikolari l-Artikolu 10(4) tagħha,

Billi:

(1)

Bħala reazzjoni għat-tifqigħat tad-deni klassiku tal-ħnieżer f'ċerti Stati Membri, ġiet adottata d-Deċiżjoni tal-Kummissjoni 2003/526/KE tat-18 ta' Lulju 2003 dwar il-miżuri ta' protezzjoni li jirrelataw mad-deni klassiku tal-ħnieżer f'ċerti Stati Membri (2). Dik id-Deċiżjoni tistabbilixxi ċerti miżuri oħra ta' kontroll tal-marda li għandhom x'jaqsmu mad-deni klassiku tal-ħnieżer.

(2)

Il-Ġermanja għarrfet lill-Kummissjoni bl-iżvilupp riċenti ta' dik il-marda fil-ħnieżer slavaġ fl-istat federali ta' Nordrhein-Westfalen. Fid-dawl ta' l-informazzjoni epidemjoloġika disponibbli, iż-żoni tal-Ġermanja fejn japplikaw miżuri ta' kontroll tal-marda għandhom jiġu emendati biex jinkludu ċerti żoni ta' Nordrhein-Westfalen u żoni viċini fir-Rheinland-Pfalz.

(3)	Is-sitwazzjoni tal-marda f'żoni oħra ta' l-istat federali tar-Rheinland-Pfalz tjiebet b'mod sinifikanti. Għalhekk il-miżuri previsti fid-Deċiżjoni 2003/526/KE li jikkonċernaw dawk iż-żoni m'għandhomx japplikaw iktar.

(4)	Id-Deċiżjoni 2003/526/KE għandha għalhekk tiġi emendata skond dan.

(5)	Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

ADOTTAT DIN ID-DEĊIŻJONI:

Artikolu 1

L-Anness li jinsab mad-Deċiżjoni 2003/526/KE qed jinbidel bl-Anness li jinsab ma' din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, nhar it-12 ta' April 2006.

Għall-Kummissjoni

Markos KYPRIANOU

Membru tal-Kummissjoni

(1) ĠU L 224, 18.8.1990, p. 29. Direttiva kif emendata l-aħħar mid-Direttiva 2002/33/KE tal-Parlament Ewropew u tal-Kunsill (ĠU L 315, 19.11.2002, p. 14).

(2) ĠU L 183, 22.7.2003, p. 46. Deċiżjoni kif emendata l-aħħar bid-Deċiżjoni Nru 2005/946/KE (ĠU L 342, 24.12.2005, p. 100).

ANNESS

“ANNESS

PARTI I

Iż-żoni tal-Ġermanja u ta' Franza msemmija fl-Artikoli 2, 3, 5, 6, 7 u 8

1. Il-Ġermanja

Fl-istat federali ta' Rheinland-Pfalz:

(a)	id-Distretti: Südliche Weinstraße u Ahrweiler u Daun;

(b)	il-Bliet ta': Landau u Pirmasens;

(ċ)	fid-distrett Bitburg-Prüm: il-muniċipalità ta' Prüm, il-lokalitajiet ta' Burbach, Balesfeld u Neuheilenbach (fil-muniċipalità ta' Kyllburg);

(d)	fid-distrett Cochem-Zell: il-muniċipalitajiet ta' Kaisersesch u Ulmen;

(e)	fid-distrett Germersheim: il-muniċipalitajiet ta' Lingenfeld, Bellheim u Germersheim;

(f)	fid-distrett Mayen-Koblenz: il-muniċipalità ta' Vordereifel, il-muniċipalità ta' Mendig fil-punent ta' l-awtostrada A 61 u t-triq nazzjonali B 262 u l-belt ta' Mayen fil-punent tat-triq nazzjonali B 262 u fit-tramuntana tat-triq nazzjonali 258;

(g)

fid-distrett Südwestpfalz: il-muniċipalitajiet ta' Waldfischbach-Burgalben, Rodalben, Hauenstein, Dahner-Felsenland, Pirmasens-Land u Thaleischweiler-Fröschen, il-lokalitajiet ta' Schmitshausen, Herschberg, Schauerberg, Weselberg, Obernheim-Kirchenarnbach, Hettenhausen, Saalstadt, Wallhalben u Knopp-Labach.

Fl-istat federali ta' Nordrhein-Westfalen:

(a)	il-Belt ta' Aachen: fin-nofsinhar ta' l-awtostadi A4, a544 u t-triq nazzjonali B1;

(b)	il-Belt ta' Bonn: in-nofsinhar tat-triq nazzjonali 56 u l-awtostrada A 565 (Bonn-Endenich sa Bonn-Poppelsdorf) u l-lbiċ tat-triq nazzjonali 9;

(ċ)	fid-distrett Aachen: il-Bliet ta' Monschau u Stolberg, il-muniċipalitajiet ta' Simmerath u Roetgen;

(d)	fid-distrett Düren: il-Bliet ta' Heimbach u Nideggen, il-muniċipalitajiet Hürtgenwald u Langerwehe;

(e)

fid-distrett Euskirchen: il-Bliet Bad Münstereifel, Mechernich, Schleiden u l-lokalitajiet ta' Billig, Euenheim, Euskirchen, Flamersheim, Kirchheim, Kuchenheim, Kreuzweingarten, Niederkastenholz, Palmersheim, Rheder, Roitzheim, Schweinheim, Stotzheim, Wißkirchen (fil-Belt ta' Euskirchen), il-muniċipalitajiet ta' Blankenheim, Dahlem, Hellenthal, Kall u Nettersheim;

(f)	fid-distrett Rhein-Sieg: il-Bliet ta' Meckenheim u Rheinbach, il-muniċipalità Wachtberg, il-lokalitajiet ta' Witterschlick, Volmershofen, Heidgen (fil-muniċipalità ta' Alfter) u l-lokalitajiet ta' Buschhoven, Morenhoven, Miel u Odendorf (fil-muniċipalità ta' Swisttal).

2. Franza:

It-territorju tad-Dipartiment ta' Bas-Rhin u l-Moselle li jinsab fil-Punent tar-Renu u l-kanal bejn ir-Renu u l-Marne, fit-Tramuntana ta' l-awtostrada A 4, fil-Lvant tax-xmara Sarre u fin-nofsinhar tal-fruntiera mal-Ġermanja u l-muniċipalitajiet ta' Holtzheim, Lingolsheim u Eckbolsheim.

PARTI II

Iż-żoni tas-Slovakkja msemmija fl-Artikoli 2, 3, 5, 7 u 8

It-territorju ta' l-Amministrazzjonijiet Distrettwali Veterinarji u ta' l-Ikel (DVFA) ta' Trenčín (inklużi d-distretti ta' Trenčín u Bánovce nad Bebravou), Prievidza (inklużi d-distretti ta' Prievidza u Partizánske), Púchov (inkluż id-distrett ta' Ilava biss), Žiar nad Hronom (inkluż id-distretti ta' Žiar nad Hronom, Žarnovica u Banská Štiavnica), Zvolen (inklużi d-distretti ta' Zvolen, Krupina u Detva), Lučenec (inklużi d-distretti ta' Lučenec u Poltár) u Veľký Krtíš.”