(1)

Il-marda tan-Newcastle hija marda virali kuntaġġuża ħafna fit-tjur ta' l-irziezet u l-għasafar u hemm riskju li l-aġent tal-marda jista' jiġi introdott permezz tal-kummerċ internazzjonali ta' tjur ħajjin u prodotti tat-tjur.

(2)

Ir-Rumanija nnotifikat lill-Kummissjoni bl-okkorrenza tat-tifqigħat tal-marda tan-Newcastle fit-territorju tagħha.

(3)

Għalhekk, fid-dawl tar-riskju għas-saħħa ta' l-annimali minħabba l-introduzzjoni tal-marda fil-Komunità, huwa xieraq li jittieħdu miżuri fir-rigward ta' l-importazzjonijiet ta' tjur ħajjin, tar-ratiti, tat-tjur tal-kaċċa mrobbija u selvaġġi u tal-bajd għat-tifqis ta' dawk l-ispeċijiet mir-Rumanija.

(4)

Ir-Rumanija ressqet iktar informazzjoni dwar is-sitwazzjoni tal-marda u għamlet talba għal reġjonalizzazzjoni biex tiġi sospiża l-importazzjoni fil-Komunità minn dawk ir-reġjuni effettwati mill-marda biss peress li s-sitwazzjoni fil-bqija tal-pajjiż tidher li hija sodisfaċenti. L-informazzjoni disponibbli fil-preżent tagħti l-possibbiltà li jitnaqqsu l-miżuri ta' protezzjoni f'reġjuni speċifiċi.

(5)

L-informazzjoni ppreżentata lill-Kummissjoni turi li l-ewwel darba li kien hemm suspett tal-marda fir-Rumanija kienet fit-22 ta' Novembru 2005.

(6)

Għalhekk, filwaqt li jitqies il-perjodu ta' l-inkubazzjoni tal-marda, l-importazzjoni fil-Komunità mir-reġjuni affetwatati fir-Rumanija ta' laħam frisk tat-tjur, tar-ratiti u tat-tjur tal-kaċċa mrobbija u selvaġġi, tal-preparazzjonijiet tal-laħam u prodotti tal-laħam magħmula mil-laħam ta' dawk l-ispeċijiet, jew li fihom dan it-tip ta' laħam, miksub minn għasafar maqtula wara l-1 ta' Ottubru 2005, għandha tiġi sospiża.

(7)

Id-Deċiżjoni tal-Kummissjoni 2005/432/KE tat-3 ta' Ġunju 2005 li tistabbilixxi l-kundizzjonijiet tas-saħħa ta' l-annimali u tas-saħħa pubblika u mudelli ta' ċertifikati għall-importazzjoni ta' prodotti tal-laħam għall-konsum mill-bniedem minn pajjiżi terzi u li tirrevoka d-Deċiżjonijiet 97/41/KE, 97/221/KE u 97/222/KE (3), tistipola lista ta' pajjiżi terzi jew partijiet minnhom minn fejn l-importazzjoni ta' prodotti tal-laħam għall-Komunità hija awtorizzata u tistabbilixxi sistemi ta' trattament għall-prodotti tal-laħam li huma meqjusa effikaċi biex il-patoġeni rispettivi ma jitħallewx attivi.

(8)

Sabiex jiġi evitat ir-riskju tat-trażmissjoni tal-marda permezz ta' prodotti koperti mid-Deċiżjoni 2005/432/KE, għandu jiġi applikat trattament adegwat skond l-istatus tas-saħħa tal-pajjiż ta' l-oriġini u l-ispeċi li minnha nkiseb l-prodott. Għalhekk, huwa xieraq li importazzjonijiet ta' prodotti tal-laħam tat-tjur li joriġinaw mir-reġjuni affettwati fir-Rumanija u li ġew trattati f'temperatura ta' mill-inqas 70 °C għall-prodott kollu, għandhom ikomplu jiġu awtorizzati għall-importazzjoni fil-Komunità.

(9)

Sabiex l-importazzjonijiet tal-prodotti tal-laħam, li ġew soġġetti għal trattament bis-sħana li jkun biżżejjed biex kull virus possibbli fil-laħam ma jibqax attiv, jiġu awtorizzati, jeħtieġ li jiġi speċifikat it-trattament meħtieġ għal-laħam tat-tjur fiċ-ċertifikati tas-saħħa mfassla skond l-Annessi III u IV tad-Deċiżjoni 2005/432/KE.

(10)

Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

(a)

laħam frisk tat-tjur, tar-ratiti u t-tjur tal-kaċċa kemm imrobbija kif ukoll selvaġġ; u

(b)

preparazzjonijiet ta' laħam u ta' prodotti tal-laħam li jikkonsistu minn, jew li fihom laħam ta' l-ispeċijiet li jissemmew fil-punt (a).