8.5.2007   

MT

Il-Ġurnal Uffiċjali ta’ l-Unjoni Ewropea

493

(1)

L-influwenza tat-tjur hija marda virali infettiva fit-tjur ta' l-irziezet u għasafar oħra, li tikkawża mwiet u disturbi li malajr jistgħu jiksbu daqs epiżootiku li kapaċi jkunu ta' theddida serja għas-saħħa pubblika u dik ta' l-annimali u li jnaqqsu sew il-profittabbiltà tat-trobbija tat-tjur ta' l-irziezet. Hemm riskju li l-aġent tal-marda jista' jiddaħħal fil-Komunità permezz tal-kummerċ internazzjonali fit-tjur ħajjin u fil-prodotti tat-tjur.

(2)

Il-Bulgarija nnotifikat lill-Kummissjoni l-iżolament ta' virus ta' l-influwenza A tas-sottotip H5N1 tar-razza Ażjatika miġbur minn każ kliniku fit-tjur selvaġġi.

(3)

Il-Bulgarija hija inkluża fil-lista tal-Parti I ta' l-Anness I għad-Deċiżjoni tal-Kummissjoni 96/482/KE tat-12 ta' Lulju 1996 li tistabbilixxi l-kondizzjonijiet ta' saħħa ta' l-annimali u ċertifikati veterinarji għall-importazzjoni ta' tjur u bajd ta' tfaqqis minbarra ta' għasafar li ma jtirux u l-bajd tagħhom minn pajjiżi terzi li jinkludu miżuri ta' saħħa li għandhom jiġu applikati wara l-importazzjoni (3). Dik il-lista tistipula l-pajjiżi terzi jew il-partijiet minn pajjiżi terzi li huma awtorizzati jużaw il-mudelli taċ-ċertifikati A sa D kif stipulati fl-Anness għal dik id-Deċiżjoni. L-importazzjonijiet ta' tjur ta' l-irziezet ħajjin, bajd għat-tifqis u flieles ta' jum mill-pajjiżi terzi jew il-partijiet tagħhom fil-lista tal-Parti I ta' l-Anness I għal dik id-Deċiżjoni huma awtorizzati jidħlu fil-Komunità.

(4)

Il-Bulgarija hija inkluża fil-lista fl-Annessi I u II għad-Deċiżjoni tal-Kummissjoni 2000/585/KE tas-7 ta' Settembru 2000, li tistabbilixxi lista ta' pajjiżi terzi li minnhom l-Istati Membri jawtorizzaw importazzjonijiet ta' laħam tal-fenek u ċertu laħam ta' annimali tal-kaċċa selvaġġi jew imrobbija, u li tistipula l-kundizzjonijiet tas-saħħa ta' l-annimali u tal-pubbliku u taċ-ċertifikazzjoni veterinarja għal dawn l-importazzjonijiet (4). Għaldaqstant, l-importazzjonijiet fil-Komunità ta' laħam ta' tjur tal-kaċċa mill-Bulgarija huma permessi.

(5)

Fid-dawl tas-sitwazzjoni epidemjoloġika, jixraq għalhekk li jiġu sospiżi l-importazzjonijiet ta' tjur ta' l-irziezet ħajjin, ratiti u tjur tal-kaċċa, imrobbi jew selvaġġ, u l-bajd għat-tifqis ta' dawk l-ispeċijiet li jiġi mit-territorju kollu tal-Bulgarija.

(6)

Minbarra dik is-sospensjoni, jixraq ukoll li jiġu sospiżi l-importazzjonijiet ta' laħam frisk ta' tjur tal-kaċċa u importazzjonijiet ta' laħam ikkapuljat, preparazzjonijiet tal-laħam u prodotti tal-laħam li jikkonsistu fi jew li fihom laħam ta' dawk l-ispeċijiet, kif ukoll ċerti prodotti oħrajn ta' tjur li joriġinaw mill-Bulgarija.

(7)

Id-Deċiżjoni tal-Kummissjoni 2003/812/KE tas-17 ta' Novembru 2003 li tifformula lista ta' pajjiżi terzi minfejn l-Istati Membri huma awtorizzati li jimportaw ċerti prodotti għall-konsum mill-bnedmin mingħajr preġudizzju għad-Direttiva tal-Kunsill 92/118/KEE (5), tipprevedi li l-lista ta' pajjiżi terzi jew partijiet minn pajjiżi terzi li minnhom l-Istati Membri għanhom jawtorizzaw l-importazzjonijiet ta' bajd maħsuba għall-konsum mill-bniedem hija l-lista fl-Anness għad-Deċiżjoni 94/85/KE tas-16 ta' Frar 1994 li tistabbilixxi lista ta' pajjiżi terzi li minnhom l-Istati Membri jawtorizzaw importazzjonijiet ta' laħam tat-tjur frisk (6). Meta wieħed iqis l-istagun li ġej fejn l-għasafar selvaġġi jbidu, l-importazzjonijiet ta' bajd mill-Bulgarija għall-konsum mill-bniedem miġbura mill-għasafar selvaġġi għandha tiġi pprojbita wkoll.

(8)

Meta wieħed iqis il-qagħda epidemjoloġika attwali fil-Bulgarija u l-fatt li dak il-pajjiż applika ċerti miżuri għall-kontroll tal-mard u bagħat aktar informazzjoni lill-Kummissjoni dwar is-sitwazzjoni tal-marda, jixraq li tiġi llimitata s-sospensjoni ta' l-importazzjonijiet ta' ċerti prodotti ta' għasafar lil dawk il-partijiet tat-territorju tal-Bulgarija li huma milquta jew f'riskju mill-influenza tat-tjur.

(9)

Ċerti prodotti dderivati minn tjur tal-kaċċa selvaġġi kkaċċjati qabel l-1 ta' Awissu 2005 għandhom ikomplu jiġu awtorizzati minn dawk il-partijiet tal-Bulgarija, filwaqt li titqies l-epidemjoloġija tal-marda f'dawk il-partijiet ta' dak il-pajjiż.

(10)

Id-Deċiżjoni tal-Kummissjoni 2005/432/KE tat-3 ta' Ġunju 2005 li tistabbilixxi l-kundizzjonijiet tas-saħħa ta' l-annimali u tal-pubbliku u mudelli taċ-ċertifikati għall-importazzjonijiet ta' prodotti tal-laħam għall-konsum mill-bniedem minn pajjiżi terzi u li tirrevoka d-Deċiżjonijiet 97/41/KE, 97/221/KE u 97/222/KE (7) tistabbilixxi listi ta' pajjiżi terzi jew partijiet minnhom minn fejn il-prodotti tal-laħam huma awtorizzati għall-importazzjoni fil-Komunità u tistabbilixxi reġimi ta' trattament għall-prodotti tal-laħam meqjusa effettivi fl-inattivazzjoni ta' ċerti patoġeni.

(11)

Sabiex ma jkunx hemm riskju ta' trażmissjoni tal-mard permezz tal-prodotti koperti mid-Deċiżjoni 2005/432/KE, għandu jkun applikat trattament xieraq skond il-qagħda tas-saħħa tal-pajjiż ta' l-oriġini u l-ispeċi li l-prodott jinkiseb minnha. Jixraq, għalhekk, li l-importazzjonijiet ta' prodotti tal-laħam ta' tjur selvaġġ, li joriġinaw fil-Bulgarija u li kellhom trattament b'temperatura ta' għallinqas 70 oC fil-prodott kollu kemm hu, għandhom ikomplu jkunu awtorizzati għall-importazzjoni fil-Komunità.

(12)

Sabiex ikunu awtorizzati l-importazzjonijiet tal-laħam soġġetti għal trattament bis-sħana bizzejjed biex jinattiva kull virus possibbli fil-laħam, jeħtieġ li jkun speċifikat it-trattament rikjest għal laħam minn tjur tal-kaċċa selvaġġ fiċ-ċertifikati tas-saħħa mfassla skond l-Anness III u IV għad-Deċiżjoni 2005/432/KE.

(13)

Il-miżuri previsti f'din id-Deċiżjoni għandhom japplikaw mingħajr preġudizzju għall-miżuri marbuta mal-marda ta' Newcastle fil-Bulgarija kif previst fid-Deċiżjoni 2005/648/KE tat-8 ta' Settembru 2005 dwar miżuri ta' ħarsien marbuta mal-marda ta' Newcastle fil-Bulgarija (8).

(14)

Il-miżuri previsti f'dan ir-Regolament huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

a)

tjur ta' l-irziezet ħajjin, ratiti u tjur tal-kaċċa sew ta' l-irziezet kif ukoll selvaġġ u bajd għat-tifqis ta' dawn l-ispeċijiet li ġejjin mill-parti tat-territorju tal-Bulgarija msemmija fil-Parti A ta' l-Anness; u

b)

il-prodotti li ġejjin mill-parti tat-territorju tal-Bulgaria msemmija fil-Parti B ta' l-Anness: