|
29.9.2006 |
MT |
Il-Ġurnal Uffiċjali ta’ l-Unjoni Ewropea |
343 |
DEĊIŻJONI TAL-KUNSILL 2006/229/ĠAI
tad-9 ta' Marzu 2006
li tiffissa d-data ta' applikazzjoni ta' ċerti dispożizzjonijiet tad-Deċiżjoni 2005/211/ĠAI dwar l-introduzzjoni ta' xi funzjonijiet ġodda għas-Sistema ta' Informazzjoni ta' Schengen, inkluż fil-ġlieda kontra t-terroriżmu
IL-KUNSILL TA' L-UNJONI EWROPEA,
Wara li kkunsidra d-Deċiżjoni tal-Kunsill 2005/211/ĠAI ta’ l-24 ta' Frar 2005 dwar l-introduzzjoni ta' xi funzjonijiet ġodda għas-Sistema ta' Informazzjoni ta' Schengen, inkluż fil-ġlieda kontra t-terroriżmu (1), u b'mod partikolari l-Artikolu 2 (4) tiegħu,
Billi:
|
(1) |
Id-Deċiżjoni 2005/211/ĠAI tispeċifika li d-disposizzjonijiet ta' l-Artikolu 1 ta' dik id-Deċiżjoni ser japplikaw minn data ffissata mill-Kunsill, hekk kif il-prekondizzjonijiet meħtieġa jkunu ġew sodisfatti, u li l-Kunsill jista' jiddeċiedi li jiffissa dati differenti għall-applikazzjoni ta' disposizzjonijiet differenti. Dawk il-prekondizzjonijiet ġew sodisfatti fir-rigward ta' l-Artikolu 1(7) tad-Deċiżjoni 2005/211/ĠAI, l-Artikolu 100 Punt (3)(e) ġdid. |
|
(2) |
Fir-rigward ta’ l-Iżvizzera, din id-Deċiżjoni tikkostitwixxi żvilupp tad-disposizzjonijiet ta’ l-acquis ta’ Schengen fis-sens tal-Ftehim iffirmat bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen (2), li jaqa’ fil-qasam imsemmi fl-Artikolu 1, punt G tad-Deċiżjoni 1999/437/KE (3) li għandu jinqara flimkien ma' l-Artikolu 4(1) tad-Deċiżjonijiet tal-Kunsill 2004/860/KE (4) u 2004/849/KE (5) tal-25 ta' Ottubru 2004 dwar l-iffirmar f’isem l-Unjoni Ewropea, u dwar l-iffirmar f’isem il-Komunità Ewropea, u dwar l-applikazzjoni provviżorja ta’ ċerti disposizzjonijiet ta’ dak il-Ftehim. |
ADOTTA DIN ID-DEĊIŻJONI:
Artikolu 1
L-Artikolu 1(7) tad-Deċiżjoni 2005/211/ĠAI tal-Kunsill, l-Artikolu 100 Punt (3)(e) ġdid, għandu japplika mill-31 ta’ Marzu 2006.
Artikolu 2
Din id-Deċiżjoni għandu jkollha effett fid-data ta’ l-adozzjoni tagħha. Għandha tiġi pubblikata fil-Ġurnal Uffiċjali ta’ l-Unjoni Ewropea.
Magħmul fi Brussell, nhar id-9 ta' Marzu 2006.
Għall-Kunsill
Il-President
J. PRÖLL
(1) ĠU L 68, 15.3.2005, p. 44.
(2) Dokument tal-Kunsill 13054/04 aċċessibbli fuq http://register.consilium.eu.int.
(3) ĠU L 176, 10.7.1999, p. 31.
(4) ĠU L 368, 15.12.2004, p. 26.
(5) ĠU L 370, 17.12.2004, p. 78.