|
8.3.2006 |
MT |
Il-Ġurnal Uffiċjali ta’ l-Unjoni Ewropea |
L 68/37 |
DEĊIŻJONI TAL-KUMMISSJONI
tat-13 ta’ Frar 2006
li tirrevoka d-Deċiżjoni 2001/645/KE li taċċetta garanziji offruti b’konnessjoni mal-proċediment anti-dumping fir-rigward ta' l-importazzjonijiet ta’ tertuqa tat-tereftalat tal-polietilene li joriġinaw, inter alia, fl-Indja.
(2006/173/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 384/96 tat-22 ta’ Diċembru 1995 dwar il-ħarsien minn importazzjonijiet taħt il-prezz minn pajjiżi li mhumiex membri tal-Komunità Ewropea (“ir-Regolament bażiku”) (1), u b’mod partikolari l-Artikoli 8 u 9 tiegħu,
Wara li kkonsultat il-Kumitat Konsultattiv,
Billi:
A. PROĊEDURA PREĊEDENTI
|
(1) |
Il-Kunsill, permezz tar-Regolament (KE) Nru 1676/2001 (2) impona miżuri anti-dumping definittivi fuq importazzjonijiet ta’ tertuqa tat-tereftalat tal-polietilene (“PET”) li joriġinaw, inter alia, fl-Indja. Il-miżuri ħadu x-xejra ta' dazju ad valorem li jvarja bejn 0 % u 62,6 % fuq l-importazzjonijiet ta' tertuqa PET li joriġinaw fl-Indja. |
|
(2) |
Fit-22 ta’Awissu 2001, il-Kummissjoni aċċettatat b’Deċiżjoni (2001/645/KE) (3), garanziji ta’ ħames produtturi Indjani: Ester Industries Limited (“Ester”), Flex Industries Limited (“Flex”), Garware Polyester Limited (“Garware”), MTZ Polyfilms Limited (“MTZ”), u Polyplex Corporation Limited (“Polyplex”). |
|
(3) |
Fit-22 ta’ Novembru 2003 (4), il-Kummissjoni bdiet reviżjoni interim parzjali tar- Regolament (KE) Nru 1676/2001 limitata għall-forma ta’ miżuri anti-dumping definittivi. Din l-investigazzjoni ġiet konkluża bir-Regolament tal-Kunsill (KE) Nru 365/2006 (5) li emenda r-Regolament (KE) Nru 1676/2001. |
B. IRTIRAR TA’ L-AĊĊETTAZZJONI TAL-GARANZIJA
|
(4) |
Kif imsemmi fil-premessi 22 sa 25 tar-Regolament (KE) Nru 365/2006, u wara li ġew ikkonsultati l-partijiet ikkonċernati kollha, il-garanzija fil-forma attwali tagħha mhux adegwata biex tikkumpensa għall-effett offensiv tad-dumping peress li tirrikjedi sorveljanza konsiderevoli, u hemm ukoll diffikultajiet ta’ nfurzar u riskji li m'humiex aċċettabbli. Fuq din il-bażi, kif ukoll bi qbil mal-klawżoli rilevanti tal-garanzija kkonċernata, li jawtorizzaw lill-Kummissjoni li tirtira l-aċċettazzjoni tal-garanzija b’mod unilaterali, il-Kummissjoni ddeċidiet li tirtira l-aċċettazzjoni tal-garanzija. |
|
(5) |
Il-Kummissjoni infurmat lill-awtoritajiet Indjani u l-produtturi esportaturi Indjani kkonċernati fir-Regolament (KE) Nru 365/2006 li pproponiet li tirtira l-aċċettazzjoni tal-garanzija attwali. Il-partijiet interessati ingħataw l-opportunità li jikkummentaw. |
|
(6) |
Dawn il-kummenti huma indirizzati fil-premessi (27) sa (31) tar-Regolament tal-Kunsill (KE) Nru 365/2006. |
Ċ. REVOKA TAD-DEĊIŻJONI 2001/645/KE
|
(7) |
Fid-dawl ta’ dak li ntqal hawn fuq, id-Deċiżjoni 2001/645/KE li taċċetta garanzija mill-Ester Industries Limited (“Ester”), Flex Industries Limited (“Flex”), Garware Polyester Limited (“Garware”), MTZ Polyfilms Limited (“MTZ”), u Polyplex Corporation Limited (“Polyplex”) għandha tiġi rrevokata. |
|
(8) |
Fl-istess waqt ma’ din id-deċiżjoni, il-Kunsill, permezz tar-Regolament (KE) Nru 366/2006 (6), impona dazji definittivi anti-dumping fuq l-importazzjonijiet ta’ tertuqa tat-tereftalat tal-polietilene (“PET”) lejn il-Komunità li joriġinaw, inter alia, fl-Indja, |
IDDEĊIDIET KIF ĠEJ:
Artikolu 1
Id-Deċiżjoni 2001/645/KE hi b’dan irrevokata.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Magħmula fi Brussell, it-13 ta’ Frar 2006.
Għall-Kummissjoni
Peter MANDELSON
Membru tal-Kummissjoni
(1) ĠU L 56, 6.3.1996, p. 1. Ir-Regolament kif emendat l-aħħar mir-Regolament (KE) Nru 2117/2005 (ĠU L 340, 23 23.12.2005, p. 17).
(2) ĠU L 227, 23.8.2001, p. 1.
(3) ĠU L 227, 23.8.2001, p. 56.
(4) ĠU C 281, 22.11.2003, p. 4.
(5) Ara paġna 1 ta’ dan il-Ġurnal Uffiċjali.
(6) Ara paġna 6 ta’ dan il-Ġurnal Uffiċjali.