li tistabbilixxi l-ħtiġijiet tas-saħħa ta' l-annimali u taċ-ċertifikazzjoni veterinarja għall-importazzjoni fil-Komunità ta' embrijuni bovini u li tirrevoka d-Deċiżjoni 2005/217/KE

Wara li kkunsidrat id-Direttiva tal-Kunsill 89/556/KEE tal-25 ta' Settembru 1989 dwar il-kondizzjonijiet tas-saħħa ta' l-annimali li jirregolaw l-kummerċ intra-Komunitarju u l-importazzjoni minn pajjiżi terzi ta' annimali domestiċi ta' l-ispeċi bovina (1), u b'mod partikolari l-Artikolu 7(1) u l-punt (b) ta' l-ewwel subparagrafu ta' l-Artikolu 9(1) tagħha,

L-Istati Membri għandhom jawtorizzaw l-importazzjoni ta' embrijuni ta' annimali domestiċi ta' l-ispeċi bovina (“embrijuni”) miġbura jew prodotti f'pajjiż terz elenkat fl-Anness I għal din id-Deċiżjoni minn skwadri approvati ta' ġbir jew ta' produzzjoni ta' l-embrijuni elenkati fl-Anness għad-Deċiżjoni 92/452/KEE.

L-Istati Membri għandhom jawtorizzaw l-importazzjoni ta' embrijuni miksuba minn fertilizzazzjoni in vivo u li jikkonformaw mal-ħtiġijiet tas-saħħa ta' l-annimali stabbiliti fiċ-ċertifikat veterinarju mudell fl-Anness II.

1. L-Istati Membri għandhom jawtorizzaw l-importazzjoni ta' embrijuni miksuba minn fertilizzazzjoni in vitro bl-użu ta' semen li huwa konformi mad-Direttiva 88/407/KEE u li jissodisfa l-ħtiġijiet tas-saħħa ta' l-annimali stabbiliti fiċ-ċertifikat veterinarju mudell fl-Anness III għal din id-Deċiżjoni.

2. L-Istati Membri għandhom jawtorizzaw l-importazzjoni ta' embrijuni li huma prodotti b'fertilizzazzjoni in vitro permezz ta' semen prodott f'ċentri ta' ġbir approvati jew maħżun f'ċentri ta' ħżin tas-semen f'pajjiżi terzi elenkati fl-Anness I għad-Deċiżjoni tal-Kummissjoni 2004/639/KE (6) u li jikkonformaw mal-ħtiġijiet tas-saħħa ta' l-annimali elenkati fiċ-ċertifikat veterinarju mudell fl-Anness IV għal din id-Deċiżjoni bil-kondizzjoni li tali embrijuni jiġu:

Permezz ta' deroga mill-Artikoli 2 u 3, l-Istati Membri għandhom jawtorizzaw, sal-31 ta' Diċembru 2006, l-importazzjoni ta' embrijuni minn terzi pajjiżi elenkati fl-Anness I sakemm tali embrijuni jikkonformaw ma':

ANNESS I

Kodiċi ISO	Pajjiż	Ċertifikat Veterinarju Applikabbli			Rimarki
AR	L-Arġentina	ANNESS II	ANNESS II	ANNESS IV
AU	L-Awstralja	ANNESS II	ANNESS III	ANNESS IV	Il-garanziji addizzjonali ffissati fil-punt 11.5.2 taċ-ċertifikat fl-Anness II u fil-punti 11.6.2 taċ-ċertifikati fl-Anessi III u IV huma obbligatorji.
CA	Il-Kanada	ANNESS II	ANNESS III	ANNESS IV
CH	L-Iżvizzera (*)	ANNESS II	ANNESS III	ANNESS IV
HR	Il-Kroazja	ANNESS II	ANNESS III	ANNESS IV
IL	L-Iżrael	ANNESS II	ANNESS III	ANNESS IV
MK	(dik li qabel kienet) Ir-Repubblika Jugoslava tal-Maċedonja (**)	ANNESS II	ANNESS III	ANNESS IV
NZ	New Zealand	ANNESS II	ANNESS III	ANNESS IV
RO	Ir-Rumanija	ANNESS II	ANNESS III	ANNESS IV
US	L-Istati Uniti	ANNESS II	ANNESS III	ANNESS IV

(*) Mingħajr preġudizzju għal-ħtiġijiet ta' ċertifikazzjoni speċifiċi stipulati f'xi ftehim rilevanti bejn il-Komunità u pajjiżi terzi.

(**) Din il-Kodiċi proviżjonali ma tippreġudika, bl-ebda mod, in-nomenklatura definittiva għal dan il-pajjiż, li se tkun approvata wara l-konklużjoni tan-negozjati li għaddejjin bħalissa fin-Nazzjonijiet Uniti.

ANNESS II

Embrijuni miksuba in vivo ta' annimali domestiċi ta' l-ispeċi bovina għall-importazzjoni, miġbura f'konformità mad-direttiva tal-kunsill 89/556/KEE

Test ta 'immaġni

PAJJIŻ

Embrijuni bovini miksuba in vivo

Parti II: Ċertifikazzjoni

II. Tagħrif fuq is-saħħa

II.a. Numru ta’ referenza taċ-ċertifikat

II.b. Numru ta’ referenza lokali

Jiena, hawn taħt iffirmat, veterinarju uffiċjali tal-Gvern ta’…, (daħħal isem il-pajjiż esportatur)

niċċertifika li:

1.1. l-iskwadra ta’ ġbir ta’ l-embrijuni identifikata hawn fuq:

— ġiet approvata skond il-Kapitolu I ta’ l-Anness A għad-Direttiva 89/556/KEE;

— ġabret, ipproċessat, ħażnet u ttrasportat l-embrijuni deskritti hawn fuq skond il-Kapitolu II ta’ l-Anness A għad-Direttiva 89/556/KEE;

— hija suġġetta għall-ispezzjoni minn veterinarju uffiċjali għallinqas darbtejn fis-sena.

1.2. L-embrijuni għall-esportazzjoni nġabru fil-pajjiż esportatur, li skond ir-riżultati uffiċjali:

1.2.1. kien ħieles mir-rinderpest matul l-aħħar 12-il xahar immedjatament qabel il-ġbir tagħhom;

1.2.2.

1.2.2.1. jew kien ħieles mill-marda ta’ l-ilsien u d-dwiefer matul it-tnax-il xahar immedjatament qabel il-ġbir tagħhom u ma laqqamx kontra l-marda ta’ l-ilsien u d-dwiefer matul dak il-perjodu (1),

1.2.2.2. jew ma kienx ħieles mill-marda ta’ l-ilsien u d-dwiefer matul it-12-il xahar immedjatament qabel il-ġbir tagħhom u/jew laqqam kontra l-marda ta’ l-ilsien u d-dwiefer matul dak il-perjodu, u

— l-embrijuni ma kinux suġġetti għall-penetrazzjoni taż-żona pelluċida;

— l-embrijuni nħażnu skond il-kondizzjonijiet approvati għal mill-inqas 30 jum immedjatament wara l-ġbir tagħhom, u

— d-donaturi femminili ġew minn oqsma fejn l-ebda annimal ma tlaqqam kontra l-marda ta’ l-ilsien u d-dwiefer matul it-30 jum qabel il-ġbir u l-ebda annimal ta’ speċi suxxettibbli ma wera sinjali kliniċi tal-marda ta’ l-ilsien u d-dwiefer matul it-30 jum ta’ qabel, u minn ta’ l-inqas it-30 jum ta’ wara, il-ġbir ta’ l-embrijuni (1).

1.3.

1.3.1. F’raġġ ta’ 10 km mill-post fejn l-embrijuni għall-esportazzjoni nġabru u ġew ipproċessati, skond ir-riżultati uffiċjali ma kien hemm l-ebda inċidenza tal-marda ta’ l-ilsien u d-dwiefer, tal-marda emorraġika epiżootika, ta’ l-istomatite veżikulari, tad-deni Rift Valley jew tal-plewropnewmonite bovina kontaġjuża fit-30 jum immedjatament qabel il-ġbir tagħhom u, fil-każ ta’ embrijuni ċċertifikati skond 1.2.2.2, fit-30 jum wara l-ġbir tagħhom ukoll,

1.3.2. Mill-ħin tal-ġbir sa 30 jum wara, (jew, fil-każ ta’ embrijuni friski, sad-data tal-bgħit), l-embrijuni għall-esportazzjoni nħażnu f’kull ħin f’post approvat li, skond ir-riżultati uffiċjali, f’raġġ ta’ 10 km madwaru, ma kien hemm l-ebda inċidenza tal-marda ta’ l-ilsien u d-dwiefer, ta’ l-istomatite veżikulari u tad-deni Rift Valley.

1.4. Id-donaturi femminili:

1.4.1. inżammu, matul it-30 jum immedjatament qabel il-ġbir ta’ l-embrijuni għall-esportazzjoni, f’post li f’raġġ ta’ 10 km madwaru, skond ir-riżultati uffiċjali, ma kien hemm l-ebda inċidenza tal-marda ta’ l-ilsien u d-dwiefer, tal-bluetongue, tal-marda emorraġika epiżootika , ta’ l-istomatite veżikulari, tad-deni Rift Valley jew tal-plewropnewmonite bovina kontaġjuża;

1.4.2. ma wrew ebda sinjali kliniċi ta’ mard fil-jum tal-ġbir;

1.4.3. qattgħu s-sitt xhur immedjatament qabel il-ġbir fit-territorju tal-pajjiż esportatur f’mhux aktar minn żewġ merħliet:

— li, skond ir-riżultati uffiċjali, kienu ħielsa mit-tuberkulożi matul dak il-perjodu,

— li, skond ir-riżultati uffiċjali, kienu ħielsa mill-bruċellożi matul dak il-perjodu,

— li kienu ħielsa minn lewkożi bovina enżootika jew fejn l-ebda annimal ma wera sinjali kliniċi ta’ lewkożi bovina enżootika matul it-tliet snin ta’ qabel,

— li fihom l-ebda annimal bovin ma wera sinjali kliniċi ta’ rinotrakejite infettiva/pustular vulvo-vaginitis infettiva matul it-12-il xahar ta’ qabel.

Test ta 'immaġni

1.5. L-embrijuni għall-esportazzjoni jipprovdu l-garanziji addizzjonali li ġejjin (3):

1.5.1. jew l-embrijuni nġabru fil-pajjiż esportatur, li skond ir-riżultati uffiċjali huwa ħieles mill-marda ta’ l-Akabane (1),

1.5.2. jew l-embrijuni nġabru fil-pajjiż esportatur, li skond ir-riżultati uffiċjali mhux ħieles mill-marda ta’ l-Akabane (1), u

— l-embrijuni ma kinux suġġetti għall-penetrazzjoni taż-żona pelluċida;

— l-embrijuni nħażnu skond il-kondizzjonijiet approvati għal mill-inqas 30 jum immedjatament wara l-ġbir, u

— d-donaturi femminili sarilhom test ta’ newtralizzazzjoni tas-serum għall-marda ta’ l-Akabane, magħmul fuq kampjun tad-demm meħud mhux inqas minn 21 jum wara l-ġbir (1) u rriżultaw negattivi għalih.

1.6. L-embrijuni għall-esportazzjoni ġew ikkonċepiti bl-inseminazzjoni artifiċjali bl-użu ta’ semen ġej minn ċentri ta’ ġbir jew ta’ ħżin tas-semen, approvati għall-ġbir, l-ipproċessar u/jew il-ħżin tas-semen mill-awtorità kompetenti ta’ pajjiż elenkat fl-Anness I għad-Deċiżjoni tal-Kummissjoni 2004/639/KE (4) jew minn awtorità kompetenti ta’ Stat Membru tal-Komunità Ewropea.

Noti

(1) Ħassar kif meħtieġ.

(2) [Kaxxa bin-nru ta’ referenza. I.28 f’Parti I]:

Marka ta’ identifikazzjoni: tikkorrispondi għall-identifikazzjoni fuq it-tubi tad-donaturi baqar u d-data tal-ġbir.

Kategorija: speċifika jekk a) penetrazzjoni jew b) mingħajr penetrazzjoni taż-żona pelluċida.

Numru ta’ approvazzjoni ta’ l-iskwadra: jimtela jekk huwa differenti mill-kaxxa nru.I.11.

(3) Ara r-rimarki għall-pajjiż esportatur ikkonċernat fl-Anness I għad-Deċiżjoni …[daħħal referenza għad-Deċiżjoni preżenti].

(4) ĠU L 292, tal-15.9.2004, p. 21.

(5) Il-firma u t-timbru jridu jkunu ta’ kulur differenti minn dak tal-formola stampata.

NB: Dan iċ-ċertifikat għandu:

(a) jitħejja f’mill-inqas waħda mill-lingwi uffiċjali ta’ l-Istat Membru destinatarju u ta’ l-Istat Membru li minnu l-embrijuni jidħlu fit-territorju tal-Komunità;

(b) jinħareġ għal destinatarju wieħed;

Veterinarju uffiċjali

Isem (b’ittri Kapitali):

Data:

Kwalifika u titlu

Firma:

Timbru

L-ANNESS III

Embrijuni prodotti in vitro ta' annimali domestiċi ta' l-ispeċi bovina għall-importazzjoni, konċepiti bl-użu ta' semen konformi mad-direttiva tal-kunsill 88/407/KEE

Test ta 'immaġni

PAJJIŻ

Embrijuni bovini prodotti in vitro

Parti II: Ċertifikazzjoni

II. Tagħrif fuq is-saħħa

II.a. Numru ta’ referenza taċ-ċertifikat

II.b. Numru ta’ referenza lokali

Jiena, hawn taħt iffirmat, veterinarju uffiċjali tal-Gvern ta’…, (daħħal isem il-pajjiż esportatur) niċċertifika li:

1.1. l-iskwadra ta’ produzzjoni ta’ l-embrijuni identifikata hawn fuq:

— kienet approvata skond il-Kapitolu I fl-Anness A għad-Direttiva 89/556/KEE;

— ipproduċiet, ipproċessat, ħażnet u ttrasportat l-embrijuni deskritti hawn fuq skond il-Kapitolu II fl-Anness A għad-Direttiva 89/556/KEE;

— hija suġġetta għall-ispezzjoni minn veterinarju uffiċjali għallinqas darbtejn fis-sena.

1.2. L-embrijuni għall-esportazzjoni ġew prodotti fil-pajjiż esportatur, li skond ir-riżultati uffiċjali:

1.2.1. kien ħieles mir-rinderpest matul it-12-il xahar immedjatament qabel il-produzzjoni tagħhom;

1.2.2.

1.2.2.1. jew kien ħieles mill-marda ta’ l-ilsien u d-dwiefer matul it-12-il xahar immedjatament qabel il-produzzjoni tagħhom u ma laqqamx kontra l-marda ta’ l-ilsien u d-dwiefer matul dak il-perjodu (1),

1.2.2.2. jew ma kienx ħieles mill-marda ta’ l-ilsien u d-dwiefer matul it-12-il xahar immedjatament qabel il-produzzjoni tagħhom u/jew laqqam kontra l-marda ta’ l-ilsien u d-dwiefer matul dak il-perjodu u

— l-embrijuni ġew prodotti mingħajr penetrazzjoni taż-żona pelluċida,

— l-embrijuni nħażnu skond il-kondizzjonijiet approvati għal mill-inqas 30 jum immedjatament wara l-produzzjoni tagħhom, u

— d-donaturi femminili ġew minn oqsma fejn l-ebda annimal ma tlaqqam kontra l-marda ta’ l-ilsien u d-dwiefer matul it-30 jum qabel il-ġbir u l-ebda annimal ta’ speċi suxxettibbli ma wera sinjali kliniċi tal-marda ta’ l-ilsien u d-dwiefer matul it-30 jum ta’ qabel, u mill-inqas it-30 jum ta’ wara, il-ġbir ta’ l-ooċiti (1).

1.3. L-ooċiti (ċelluli tal-bajd) użati fil-produzzjoni ta’ l-embrijuni għall-esportazzjoni nġabru minn donaturi femminili konformi mal-ħtiġijiet li ġejjin:

1.3.1. Id-donaturi femminili:

— inżammu f’pajjiż jew żona ħielsa mill-vajrus tal-bluetongue għal mill-inqas 60 jum qabel, u matul, il-ġbir ta’ l-ooċiti (1);

jew

1.3.2.

— inżammu matul perjodu staġonali ħieles jew protetti mill-organiżmu li jġorr il-Culicoides għal mill-inqas 60 jum qabel, u matul, il-ġbir ta’ l-ooċiti, u l-embrijuni ġew prodotti mingħajr penetrazzjoni taż-żona pelluċida, ħlief jekk id-donaturi sarilhom test seroloġiku biex jiskopri antikorpi tal-grupp tal-vajrus tal-bluetongue, magħmul skond il-Manwal tat-Testijiet Dijanjostiċi u l-Vaċċini għall-Annimali Terrestri bejn 21 u 60 jum wara l-ġbir u rriżultaw negattivi għalih u l-embrijuni nħażnu għal mill-inqas 30 jum (1);

jew

1.3.3.

— sarilhom test seroloġiku biex jiskopri antikorpi tal-grupp tal-vajrus tal-bluetongue, magħmul skond il-Manwal tat-Testijiet Dijanjostiċi u l-Vaċċini għall-Annimali Terrestri bejn 21 u 60 jum wara l-ġbir u rriżultaw negattivi għalih, u l-embrijuni nħażnu għal mill-inqas 30 jum (1);

jew

1.3.4.

— sarilhom test ta’ identifikazzjoni ta’ l-aġent, magħmul skond il-Manwal tat-Testijiet Dijanjostiċi u l-Vaċċini għall-Annimali Terrestri fuq kampjun tad-demm meħud fil-jum tal-ġbir jew il-jum tat-tbiċċir u rriżultaw negattivi għalih – u l-embrijuni jkunu ġew prodotti, fil-każ ta’ l-aħħar, mingħajr penetrazzjoni taż-żona pelluċida (1);

Test ta 'immaġni

1.4.

1.4.1. F’raġġ ta’ 10 km mill-post fejn l-ooċiti użati fil-produzzjoni ta’ l-embrijuni għall-esportazzjoni nġabru u ġew ipproċessati, skond ir-riżultati uffiċjali ma kien hemm l-ebda inċidenza tal-marda ta’ l-ilsien u d-dwiefer, tal-bluetongue, tal-marda emorraġika epiżootika, ta’ l-istomatite veżikulari, tad-deni Rift Valley jew tal-plewropnewmonite bovina kontaġjuża fit-30 jum immedjatament qabel il-ġbir tagħhom u, fil-każ ta’ embrijuni ċċertifikati skond 11.2.2.2, fit-30 jum wara l-ġbir tagħhom ukoll.

1.4.2. Mill-ħin tal-ġbir sa 30 jum wara, l-embrijuni għall-esportazzjoni nħażnu f’kull ħin f’post approvat li skond ir-riżultati uffiċjali, f’raġġ ta’ 10 km madwaru, ma kien hemm l-ebda inċidenza tal-marda ta’ l-ilsien u d-dwiefer, ta’ l-istomatite veżikulari u tad-deni Rift Valley.

1.5. Id-donaturi ta’ l-ooċiti użati fil-produzzjoni ta’ l-embrijuni għall-esportazzjoni:

1.5.1. inżammu, matul it-30 jum immedjatament qabel il-ġbir ta’ l-ooċiti, f’post li f’raġġ ta’ 10 km madwaru, skond ir-riżultati uffiċjali, ma kien hemm l-ebda inċidenza tal-marda ta’ l-ilsien u d-dwiefer, tal-bluetongue, tal-marda emorraġika epiżootika, ta’ l-istomatite veżikulari kontaġjuża, tad-deni Rift Valley jew tal-plewropnewmonite bovina kontaġjuża;

1.5.2. ma wrew ebda sinjali kliniċi ta’ mard fil-jum tal-ġbir;

1.5.3. qattgħu s-sitt xhur immedjatament qabel il-ġbir fit-territorju tal-pajjiż esportatur f’mhux aktar minn żewġ merħliet:

— li, skond ir-riżultati uffiċjali, kienu ħielsa mit-tuberkulożi matul dak il-perjodu,

— li, skond ir-riżultati uffiċjali, kienu ħielsa mill-bruċellożi matul dak il-perjodu,

— li kienu ħielsa mil-lewkożi bovina enżootika jew li fihom ebda annimal ma wera sinjali kliniċi ta’ lewkożi bovina enżootika matul it-tliet snin ta’ qabel,

— li fihom l-ebda annimal bovin ma wera sinjali kliniċi ta’ rinotrakejite infettiva/pustular vulvo-vaginitis infettiva matul it-12-il xahar ta’ qabel.

1.6. L-embrijuni għall-esportazzjoni jipprovdu l-garanziji addizzjonali li ġejjin (3):

1.6.1. jew l-embrijuni għall-esportazzjoni ġew prodotti fil-pajjiż esportatur, li skond ir-riżultati uffiċjali huwa ħieles mill-marda ta’ l-Akabane (1),

1.6.2. jew l-embrijuni ġew prodotti fil-pajjiż esportatur, li skond ir-riżultati uffiċjali mhux ħieles mill-marda ta’ l-Akabane (1), u

— l-embrijuni ġew prodotti mingħajr penetrazzjoni taż-żona pelluċida;

— l-embrijuni nħażnu skond il-kondizzjonijiet approvati għal mill-inqas 30 jum immedjatament wara l-produzzjoni, u

— d-donaturi ta’ l-ooċiti użati fil-produzzjoni ta’ l-embrijuni sarilhom test ta’ newtralizzazzjoni tas-serum għall-marda ta’ l-Akabane li għalih irriżultaw negattivi, magħmul fuq kampjun tad-demm meħud mhux inqas minn 21 jum wara l-ġbir tagħhom, jew test ta’ identifikazzjoni ta’ l-aġent li sar skond il-Manwal tat-Testijiet Dijanjostiċi u l-Vaċċini għall-Annimali Terrestri fuq kampjun tad-demm meħud fil-jum tat-tbiċċir (1).

1.7. L-embrijuni għall-esportazzjoni ġew ikkonċepiti permezz tal-fertilizzazzjoni in vitro bl-użu ta’ semen ġej minn ċentri ta’ ġbir jew ta’ ħżin tas-semen li jinsabu fi Stat Membru tal-Komunità Ewropea jew f’pajjiż terz u approvati f’konformità ma’ l-Artikolu 5 (1) u l-Artikolu 9 (1) rispettivament tad-Direttiva 88/407/KEE (5)

Noti

(1) Ħassar kif meħtieġ.

(2) [Kaxxa bin-nru ta’ referenza. I.28 f’Parti I]:

Marka ta’ identifikazzjoni: tikkorrispondi għall-identifikazzjoni tal-baqar donaturi u d-data tal-ġbir.

Kategorija: speċifika jekk a) penetrazzjoni jew b) mingħajr-penetrazzjoni taż-żona pelluċida.

(3) Ara r-rimarki għall-pajjiż esportatur ikkonċernat fl-Anness I għad-Deċiżjoni …[daħħal referenza għad-Deċiżjoni preżenti].

(4) Il-firma u t-timbru jridu jkunu ta’ kulur differenti mill-formola stampata.

(5) Iċ-ċentri għall-ġbir u l-ħżin tas-semen approvati skond il-leġiżlazzjoni tal-KE huma elenkati fil-websajt tal-Kummissjoni f’http:// europa.eu.int/comm/food/index_en.htm.

NB: Dan iċ-ċertifikat għandu:

(a) jitħejja f’mill-inqas waħda mill-lingwi uffiċjali ta’ l-Istat Membru destinatarju u ta’ l-Istat Membru li minnu l-embrijuni jidħlu fit-territorju tal-Komunità;

(b) jinħareġ għal destinatarju wieħed;

Veterinarju uffiċjali

Isem (b’ittri Kapitali):

Data:

Kwalifika u titlu

Firma:

Timbru

L-ANNESS IV

Embrijuni prodotti in vitro ta' annimali domestiċi ta' l-ispeċi bovina konċepiti bl-użu ta' semen li ġej minn ċentri ta' ġbir jew ħżin tas-semen approvati mill-awtoritajiet kompetenti tal-pajjiż esportatur

Test ta 'immaġni

PAJJIŻ

Embrijuni bovini prodotti in vitro bl-użu ta’ semen minn ċentri tas-semen approvati mill-pajjiż esportatur

Parti II: Ċertifikazzjoni

II. Tagħrif fuq is-saħħa

II.a. Numru ta’ referenza taċ-ċertifikat

II.b. Numru ta’ referenza lokali

Jiena, hawn taħt iffirmat, veterinarju uffiċjali tal-Gvern ta’…, (daħħal isem il-pajjiż esportatur) niċċertifika li:

1.1. l-iskwadra ta’ produzzjoni ta’ l-embrijuni identifikata hawn fuq:

— ġiet approvata skond il-Kapitolu I ta’ l-Anness A għad-Direttiva 89/556/KEE;

— ipproduċiet, ipproċessat, ħażnet u ttrasportat l-embrijuni deskritti hawn fuq skond il-Kapitolu II ta’ l-Anness A għad-Direttiva 89/556/KEE;

— hija suġġetta għall-ispezzjoni minn veterinarju uffiċjali għallinqas darbtejn fis-sena.

1.2. L-embrijuni għall-esportazzjoni ġew prodotti fil-pajjiż esportatur, li skond ir-riżultati uffiċjali:

1.2.1. kien ħieles mir-rinderpest matul it-12-il xahar immedjatament qabel il-produzzjoni ta’ l-embrijuni;

1.2.2.

1.2.2.1. jew kien ħieles mill-marda ta’ l-ilsien u d-dwiefer matul it-12-il xahar immedjatament qabel il-produzzjoni ta’ l-embrijuni u ma laqqamx kontra l-marda ta’ l-ilsien u d-dwiefer matul dak il-perjodu (1),

1.2.2.2. jew ma kienx ħieles mill-marda ta’ l-ilsien u d-dwiefer matul it-12-il xahar immedjatament qabel il-produzzjoni ta’ l-embrijuni u/jew laqqam kontra l-marda ta’ l-ilsien u d-dwiefer matul dak il-perjodu, u

— l-embrijuni ġew prodotti mingħajr penetrazzjoni taż-żona pelluċida,

— l-embrijuni nħażnu skond il-kondizzjonijiet approvati għal mill-inqas 30 jum immedjatament wara l-produzzjoni, u

— d-donaturi femminili ġew minn oqsma fejn l-ebda annimal ma tlaqqam kontra il-marda ta’ l-ilsien u d-dwiefer matul it-30 jum qabel il-ġbir u l-ebda annimal ta’ speċi suxxettibbli ma wera sinjali kliniċi tal-marda ta’ l-ilsien u d-dwiefer matul it-30 jum ta’ qabel, u mill-inqas sat-30 jum ta’ wara, il-ġbir ta’ l-ooċiti (1).

1.3. L-ooċiti (ċelluli tal-bajd) użati fil-produzzjoni ta’ l-embrijuni għall-esportazzjoni nġabru minn donaturi femminili konformi mal-ħtiġijiet li ġejjin:

1.3.1. Id-donaturi femminili:

— inżammu f’pajjiż jew żona ħielsa mill-vajrus tal-bluetongue għal mill-inqas 60 jum qabel, u matul, il-ġbir ta’ l-ooċiti (1);

jew

1.3.2.

— jew inżammu matul perjodu staġonali ħieles jew protetti mill-organiżmu li jġorr il-Culicoides għal mill-inqas 60 jum qabel, u matul, il-ġbir ta’ l-ooċiti, u l-embrijuni ġew prodotti mingħajr penetrazzjoni taż-żona pelluċida, ħlief jekk id-donaturi sarilhom test seroloġiku biex jiskopri antikorpi tal-grupp tal-vajrus tal-bluetongue, magħmul skond il- Manwal tat-Testijiet Dijanjostiċi u l-Vaċċini għall-Annimali Terrestri bejn 21 u 60 jum wara l-ġbir u rriżultaw negattivi għalih, u l-embrijuni nħażnu għal mill-inqas 30 jum (1);

jew

1.3.3.

jew

1.3.4.

— sarilhom test ta’ identifikazzjoni ta’ l-aġent, magħmul skond il-Manwal tat-Testijiet Dijanjostiċi u l-Vaċċini għall-Annimali Terrestri fuq kampjun tad-demm meħud fil-jum tal-ġbir jew fil-jum tat-tbiċċir u rriżultaw negattivi għalih, u l-embrijuni jkunu ġew prodotti, fil-każ ta’ l-aħħar, mingħajr penetrazzjoni taż-żona pelluċida (1).

Test ta 'immaġni

1.4.

1.4.2. Mill-ħin tal-ġbir sa 30 jum wara, l-embrijuni għall-esportazzjoni nħażnu f’kull ħin f’post approvat li f’raġġ ta’ 10 km madwaru, skond ir-riżultati uffiċjali, ma kien hemm l-ebda inċidenza tal-marda ta’ l-ilsien u d-dwiefer, l-istomatite veżikulari jew id-deni Rift Valley.

1.5. Id-donaturi ta’ l-ooċiti użati fil-produzzjoni ta’ l-embrijuni għall-esportazzjoni:

1.5.2. ma wrew l-ebda sinjal kliniku ta’ mard fil-jum tal-ġbir;

1.5.3. qattgħu s-sitt xhur immedjatament qabel il-ġbir fit-territorju tal-pajjiż esportatur f’mhux aktar minn żewġ merħliet:

— li, skond ir-riżultati uffiċjali, kienu ħielsa mit-tuberkulożi matul dak il-perjodu,

— li, skond ir-riżultati uffiċjali, kienu ħielsa mill-bruċellożi matul dak il-perjodu,

— li kienu ħielsa mil-lewkożi bovina enżootika jew li fihom ebda annimal ma wera sinjali kliniċi ta’ lewkożi bovina enżootika matul it-tliet snin ta’ qabel,

— li fihom l-ebda annimal bovin ma wera sinjali kliniċi tar-rinotrakejite infettiva/pustular vulvo-vaginitis infettiva matul it-12-il xahar ta’ qabel.

1.6. L-embrijuni għall-esportazzjoni jipprovdu l-garanziji addizzjonali li ġejjin (3):

1.6.1. jew l-embrijuni għall-esportazzjoni ġew prodotti fil-pajjiż esportatur, li skond ir-riżultati uffiċjali huwa ħieles mill-marda ta’ l-Akabane (1),

1.6.2. jew l-embrijuni ġew prodotti fil-pajjiż esportatur, li skond ir-riżultati uffiċjali mhux ħieles mill-marda ta’ l-ta’ l-Akabane (1), u

— huma ġew prodotti mingħajr penetrazzjoni taż-żona pelluċida;

— huma nħażnu skond il-kondizzjonijiet approvati għal mill-inqas 30 jum immedjatament wara l-produzzjoni, u

— d-donaturi ta’ l-ooċiti użati fil-produzzjoni ta’ l-embrijuni sarilhom test ta’ newtralizzazzjoni tas-serum għall-marda ta’ l-Akabane li għalih irriżultaw negattiv, magħmul fuq kampjun tad-demm meħud mhux inqas minn 21 jum wara l-ġbir tagħhom, jew test ta’ identifikazzjoni ta’ l-aġent li sar skond il-Manwal tat-Testijiet Dijanjostiċi u l-Vaċċini għall-Annimali Terrestri fuq kampjun tad-demm meħud fil-jum tat-tbiċċir (1).

1.7. L-embrijuni għall-esportazzjoni ġew ikkonċepiti permezz tal-fertilizzazzjoni in vitro bl-użu ta’ semen ġej minn ċentri ta’ ġbir jew ħżin tas-semen approvati għall-ġbir, l-ipproċessar u/jew ħżin tas-semen mill-awtorità kompetenti ta’ pajjiż elenkat fl-Anness I għad-Deċiżjoni tal-Kummissjoni 2004/639/KE (5) jew mill-awtorità kompetenti ta’ Stat Membru tal-Komunità Ewropea.

Noti

(1) Ħassar kif meħtieġ.

(2) [Kaxxa bin-nru ta’ referenza. I.28 f’Parti I]:

Marka ta’ identifikazzjoni: tikkorrispondi għall-identifikazzjoni tal-baqar donaturi u d-data tal-ġbir

Kategorija: speċifika jekk a) penetrazzjoni jew b) mingħajr-penetrazzjoni taż-żona pelluċida

(3) Ara r-rimarki għall-pajjiż esportatur ikkonċernat fl-Anness I għad-Deċiżjoni …[daħħal referenza għad-Deċiżjoni preżenti].

(4) Il-firma u t-timbru jridu jkunu ta’ kulur differenti mill-formola stampata.

(5) ĠU L 292, tal-15.9.2004, p. 21.

NB: Dan iċ-ċertifikat għandu:

(a) jitħejja f’minn ta’ l-inqas lingwa waħda uffiċjali ta’ l-Istat Membru destinatarju u ta’ l-Istat Membru li minnu l-embrijuni se jidħlu fit-territorju tal-Komunità;

(b) jinħareġ għal destinatarju wieħed;

Tagħrif: f’konformità ma’ l-Artikolu 3 (a) tad-Direttiva tal-Kunsill 89/556/EEC, embrijuni importati taħt il-kondizzjonijiet stabbiliti f’dan iċ-ċertifikat huma esklużi mill-kummerċ intra-Komunitarju.

Veterinarju uffiċjali

Isem (b’ittri Kapitali):

Data:

Kwalifika u titlu

Firma:

Timbru

L-ANNESS V

ĊERTIFIKAT VETERINARJUEMBRIJUNI TA' ANNIMALI DOMESTIĊI TA' L-ISPEĊI BOVINA GĦALL-IMPORTAZZJONI MIĠBURA JEW PRODOTTI QABEL L-1el TA' JANNAR 2006

Test ta 'immaġni

D. TAGĦRIF FUQ IS-SAĦĦA

11.1. Jiena, hawn taħt iffirmat, veterinarju uffiċjali tal-Gvern ta’…

(daħħal isem il-pajjiż esportatur)

niċċertifika li:

11.1. l-iskwadra ta’ ġbir (1) / produzzjoni (1) ta’ l-embrijuni identifikata hawn fuq:

— hija approvat skond il-Kapitolu I ta’ l-Anness A għad-Direttiva 89/556/KEE,

— ġabret, ipproċessat, ipproduċiet (1) u ħażnet l-embrijuni deskritti hawn fuq skond il-Kapitolu II ta’ l-Anness A għad-Direttiva 89/556/KEE,

— hija suġġetta għall-ispezzjoni minn veterinarju uffiċjali għallinqas darbtejn fis-sena.

11.2. L-embrijuni għall-esportazzjoni nġabru (1) jew ġew prodotti (1) fil-pajjiż esportatur, li skond ir-riżultati uffiċjali:

11.2.1. kien ħieles mir-rinderpest matul it-12-il xahar immedjatament qabel il-ġbir (1) jew il-produzzjoni (1) ta’ l-embrijuni;

11.2.2.

11.2.2.1.jew kien ħieles mill-marda ta’ l-ilsien u d-dwiefer matul it-12-il xahar immedjatament qabel il-ġbir (1) jew il-produzzjoni (1) ta’ l-embrijuni u ma laqqamx kontra l-marda ta’ l-ilsien u d-dwiefer matul dan il-perjodu (1),

jew

11.2.2.2.ma kienx ħieles mill-marda ta’ l-ilsien u d-dwiefer matul it-12-il xahar immedjatament qabel il-ġbir (1) jew il-produzzjoni (1) ta’ l-embrijuni u/jew laqqam kontra l-marda ta’ l-ilsien u d-dwiefer matul dan il-perjodu, u

— l-embrijuni nħażnu skond il-kondizzjonijiet approvati għal perjodu minimu ta’ 30 jum immedjatament wara l-ġbir, u

— d-donaturi femminili u d-donaturi ta’ ovarji, ooċiti u tessuti oħra użati fil-produzzjoni ta’ l-embrijuni ġew minn stabbiliment fejn l-ebda annimal ma wera sinjali kliniċi tal-marda ta’ l-ilsien u d-dwiefer u lanqas ma tlaqqam kontra l-marda ta’ l-ilsien u d-dwiefer matul it-30 jum qabel il-ġbir (1);

11.2.3.

11.2.3.1.jew kien ħieles mill-bluetongue u l-marda emorraġika epiżootika (EHD) għat-12-il xahar immedjatament qabel il-ġbir (1) jew il-produzzjoni (1) ta’ l-embrijuni għall-esportazzjoni u ma laqqamx kontra dan il-mard matul dan il-perjodu (1),

jew

11.2.3.2.ma kienx ħieles mill-bluetongue u l-marda emorraġika epiżootika (EHD) għat-12-il xahar immedjatament qabelil-ġbir (1) jew il-produzzjoni (1) ta’ l-embrijuni għall-esportazzjoni u/jew laqqam kontra dan il-mard matul dan il-perjodu, u

— l-embrijuni nħażnu skond il-kondizzjonijiet approvati għal perjodu minimu ta’ 30 jum immedjatament wara l-ġbir, u

— d-donaturi femminili u d-donaturi ta’ ovarji, ooċiti u tessuti oħra użati fil-produzzjoni ta’ l-embrijuni kienu suġġetti għal test ta’ immuno-diffużjoni bl-agar ġel u għal test ta’ newtralizzazzjoni tas-serum biex jiskopri l-antikorpi tal-marda emorraġika epiżootika, u rriżultaw negattivi għalihom, fuq kampjun tad-demm meħud mhux inqas minn 21 jum wara l-ġbir (1);

11.3.

11.3.1. Il-post fejn l-embrijuni għall-esportazzjoni jew ovarji, ooċiti u tessuti oħra użati fil-produzzjoni ta’ embrijuni għall-esportazzjoni nġabru u ġew ipproċessati kien, fiż-żmien tal-ġbir, jinsab fiċ-ċentru ta’ area b’dijametru ta’ 20 km fejn skond ir-riżultati uffiċjali ma kien hemm l-ebda inċidenza ta’ mard ta’ l-ilsien u d-dwiefer, tal-bluetongue, tal-marda emorraġika epiżootika, ta’ l-istomatite veżikulari, tad-deni Rift Valley jew tal-plewropnewmonite bovina kontaġjuża għal 30 jum immedjatament qabel il-ġbir u fil-każ ta’ embrijuni ċċertifikati skond 11.2.2.2 u 11.2.3.2 għal 30 jum wara l-ġbir;

11.3.2. bejn iż-żmien tal-ġbir jew produzzjoni ta’ l-embrijuni għall-esportazzjoni u l-bgħit, kienu kontinwament maħżuna f’post approvat li kien jinsab fiċ-ċentru ta’ area b’dijametru ta’ 20 km fejn skond ir-riżultati uffiċjali ma kien hemm l-ebda inċidenza tal-marda ta’ l-ilsien u d-dwiefer, ta’ l-stomatite veżikulari, jew tad-deni Rift Valley;

Test ta 'immaġni

11.4. id-donaturi femminili u d-donaturi ta’ ovarji, ooċiti u tessuti oħra użati fil-produzzjoni ta’ l-embrijuni:

11.4.1. inżammu matul it-30 jum immedjatament qabel il-ġbir ta’ l-embrijuni għall-esportazzjoni f’post li jinsab fiċ-ċentru ta’ area b’dijametru ta’ 20 km fejn skond ir-riżultati uffiċjali matul dan il-perjodu ma kien hemm l-ebda inċidenza tal-marda ta’ l-ilsien u d-dwiefer, tal-bluetongue, tal-marda emorraġika epiżootika, ta’ l-istomatite veżikulari, tad-deni Rift Valley u tal-plewropnewmonite bovina kontaġjuża;

11.4.2. ma wrew l-ebda sinjali kliniċi ta’ mard fil-jum tal-ġbir;

11.4.3. qattgħu s-sitt xhur immedjatament qabel il-ġbir fit-territorju tal-pajjiż esportatur f’massimu ta’ żewġ merħliet:

— li, skond ir-riżultati uffiċjali, kienu ħielsa mit-tuberkulożi,

— li, skond ir-riżultati uffiċjali, kienu ħielsa mill-bruċellożi,

— li kienu ħielsa mill-lewkożi bovina enżootika jew fejn l-ebda annimal ta’ l-ispeċi bovina ma wera sinjali kliniċi ta’ lewkożi bovina enżootika matul it-tliet snin ta’ qabel,

— li fihom l-ebda annimal ta’ l-ispeċi bovina ma wera sinjali kliniċi ta’ rinotrakejite infettiva/pustular vulvo-vaginitis infettiva matul it-12-il xahar ta’ qabel.

11.5. L-embrijuni jikkonformaw mal-garanziji addizzjonali li ġejjin (3):

11.5.1. jew l-embrijuni għall-esportazzjoni nġabru(1) jew ġew prodotti(1) fil-pajjiż esportatur, li skond ir-riżultati uffiċjali huwa ħieles mill-marda ta’ l-Akabane (1),

jew

11.5.2. l-embrijuni għall-esportazzjoni nġabru(1) jew ġew prodotti(1) fil-pajjiż esportatur, li skond ir-riżultati uffiċjali mhux ħieles mill-marda ta’ l-Akabane (1), u

— l-embrijuni nħażnu skond il-kondizzjonijiet approvati għal perjodu minimu ta’ 30 jum immedjatament wara l-ġbir, u

— id-donaturi femminili u d-donaturi ta’ ovarji, ooċiti u tessuti oħra użati fil-produzzjoni ta’ l-embrijuni kienu suġġetti għal test ta’ newtralizzazzjoni tas-serum għall-marda ta’ l-Akabane, li għalih irriżultaw negattivi, fuq kampjun tad-demm meħud mhux inqas minn 21 jum wara l-ġbir tagħhom (1).

11.6. L-embrijuni għall-esportazzjoni ġew ikkonċepiti permezz ta’ l-inseminazzjoni artifiċjali jew fertilizzazzjoni in vitro b’semen minn annimal maskili donatur miżmum f’ċentru għall-ġbir tas-semen approvat mill-awtorità kompetenti għall-ġbir, l-ipproċessar u l-ħżin ta’ semen jew b’semen importat mill-Komunità Ewropea.

E. VALIDITÀ

12. Data u post

13. Isem u kwalifika tal-veterinarju uffiċjali

14. Firma u timbru tal-veterinarju uffiċjali (4)

Nota ta’ gwida:

(1) Ħassar kif meħtieġ.

(2) Tikkorrispondi għall-identifikazzjoni tal-baqar donaturi u d-data tal-ġbir.

(3) Ara r-rimarki għall-pajjiż esportatur ikkonċernat fl-Anness I għad-Deċiżjoni …[daħħal referenza għad-Deċiżjoni preżenti]

(4) Il-firma u t-timbru għandhom ikunu ta’ kulur differenti minn dak ta’ l-istampar.

Nota: Dan iċ-ċertifikat għandu:

(a) jitħejja f’mill-inqas waħda mill-lingwi uffiċjali ta’ l-Istat Membru ta’ destinazzjoni u ta’ l-Istat Membru li minnu l-embrijuni se jidħlu fit-territorju tal-Komunità;

(b) jinħareġ għal destinatarju wieħed;

(d) jieqaf jintuża wara d-data indikata fl-Artikolu 4 tad-Deċiżjoni …[ daħħal referenza għad-Deċiżjoni preżenti].

Tagħrif: Skond l-Artikolu 3 (a) tad-Direttiva tal-Kunsill 89/556/KEE, embrijuni importati taħt il-kondizzjonijiet stabbiliti f’dan iċ-ċertifikat mhumiex eliġibbli għall-kummerċ intra-Komunitarju.