8.5.2007   

MT

Il-Ġurnal Uffiċjali ta’ l-Unjoni Ewropea

225

(1)

Il-Kunsill, bir-Regolament (KE) Nru 1212/2005 (2), (“ir-Regolament definittiv”) impona dazji definittivi ta' l-anti-dumping fuq l-importazzjonijiet lejn il-Komunità ta' ċerti fonduti li joriġinaw fir-Repubblika tal-Poplu taċ-Ċina (“RPĊ”).

(2)

Malli ssir il-pubblikazzjoni tar-Regolament definittiv, l-ebda impenn ma jista' jintlaqa' mill-Kummissjoni. Matul l-istħarriġ li wassal għall-impożizzjoni tal-miżuri definittivi bosta produtturi esportaturi indikaw l-intenzjoni tagħhom biex joffru impenn fil-prezz imma naqsu milli jressqu offerti ta' impenn sostanzjati biżżejjed sad-data ta' l-għeluq stabbilita fl-Artikolu 8(2) tar-Regolament bażiku. Madankollu, kif stabbilit fil-premessa 152 tar-Regolament definittiv, il-Kunsill, fid-dawl tal-kumplikazzjoni tal-kwistjoni ta' l-operaturi ekonomiċi konċernati (predominantement intrapriżi żgħar u ta' daqs medju) u peress li l-iżvelar definittiv ma kienx preċedut minn żvelar provviżorju, ikkunsidra li għandhom jitħallew jispiċċaw l-offerti ta' impenn tagħhom wara d-data ta' l-għeluq bħala eċċezzjoni.

(3)

Wara d-data ta' l-għeluq imsemmija hawn fuq, il-Kamra tal-Kummerċ għall-Importazzjoni u l-Esportazzjoni ta' Makkinarju u Prodotti Elettroniċi taċ-Ċina (“CCCME”) flimkien ma' għoxrin kumpanija jew gruppi ta' kumpaniji Ċiniżi li jikkooperaw, fosthom l-importatur relatat ta' wieħed mill-gruppi (“il-kumpaniji”) offrew impenn konġunt. L-impenn jistipula li ksur minn kwalunkwe kumpanija jew mill-Kamra tal-Kummerċ għall-Importazzjoni u l-Esportazzjoni ta' Makkinarju u Prodotti Elettroniċi taċ-Ċina (“CCCME”) għandu jkun kkunsidrat bħala ksur ta' l-impenn mill-firmatarji kollha. Madankollu, peress li l-bejgħ mill-ġdid mill-importatur relatat fil-Komunità ma jaqax taħt l-awspiċji tal-Kamra tal-Kummerċ għall-Importazzjoni u l-Esportazzjoni ta' Makkinarju u Prodotti Elettroniċi taċ-Ċina (“CCCME”), kwalunkwe vjolazzjoni minn dak l-importatur relatat jew l-esportaturi relatati tagħhom fir-RPĊ għandha tiġi kkunsidrata bħala ksur biss minn dak il-grupp partikolari. L-offerta ta' impenn kienet appoġġjata mill-awtoritajiet Ċiniżi.

(4)

Skond dan l-impenn il-Kamra tal-Kummerċ għall-Importazzjoni u l-Esportazzjoni ta' Makkinarju u Prodotti Elettroniċi taċ-Ċina (“CCCME”) u l-kumpaniji jimpenjaw ruħhom li jiżguraw li l-prodott ikkonċernat ikun esportat bi jew ogħla mill-prezz minimu stabbilit f'livell li jelimina l-effetti inġurjużi tad-dumping. Barra minn hekk, l-offerta li saret tipprevedi l-indiċjar tal-prezz minimu tal-prodott ikkonċernat skond il-kwoti pubbliċi nazzjonali għall-materja prima ewlenija, jiġifieri ħadid mhux maħdum, peress li l-prezzijiet tal-fondut ivarjaw b'mod sinjifikanti skond il-prezzijiet tal-ħadid mhux maħdum.

(5)

Fid-dawl ta' dak li ngħad hawn fuq, il-Kummissjoni tqis li l-impenn konġunt offrut mill-Kamra tal-Kummerċ għall-Importazzjoni u l-Esportazzjoni ta' Makkinarju u Prodotti Elettroniċi taċ-Ċina (“CCCME”) u l-kumpaniji jista' jiġi aċċettat peress li jeqred l-effetti inġurjużi tad-dumping. Barra minn hekk, ir-rapporti regolari u dettaljati li l-Kamra tal-Kummerċ għall-Importazzjoni u l-Esportazzjoni ta' Makkinarju u Prodotti Elettroniċi taċ-Ċina (“CCCME”) u l-kumpaniji impenjaw ruħhom li jipprovdu lill-Kummissjoni se jippermettu monitoraġġ effettiv, u jitqies li r-riskju ta' evażjoni mill-impenn huwa limitat.

(6)

Sabiex il-Kummissjoni titħalla ssegwi b'mod effettiv il-konformità ma' l-impenn, meta t-talba għar-rilaxx għaċ-ċirkolazzjoni ħielsa skond l-impenn tiġi ppreżentata lill-awtoritajiet tad-dwana rilevanti, l-eżenzjoni mid-dazju tkun bil-kundizzjoni li tiġi ppreżentata fattura b'ta' l-inqas il-punti ta' informazzjoni elenkati fl-Anness għar-Regolament (KE) 268/2006 (3). Dan il-livell ta' informazzjoni jinħtieġ ukoll biex l-awtoritajiet tad-dwana jkunu jistgħu jaċċertaw b'biżżejjed preċiżjoni li l-konsenja tikkorrispondi mad-dokumenti kummerċjali. Fejn ma tiġix ippreżentata din il-fattura, jew fejn ma tikkorrispondix għall-prodott ippreżentat lid-dwana, minflok titħallas ir-rata tad-dazju anti-dumping xierqa stabbilita mir-Regolament imsemmi hawn fuq.

(7)

Biex tkompli tiżgura r-rispett effettiv ta' l-impenn, l-importaturi ġew avżati mir-Regolament tal-Kunsill ta' hawn fuq li kwalunkwe vjolazzjoni ta' l-impenn jista' jwassal għall-applikazzjoni retrospettiva tad-dazju anti-dumping għat-tranżazzjoni rilevanti.

(8)

Fil-każ ta' ksur jew irtirar ta' l-impenn, jew fil-każ ta' rtirar ta' l-aċċettazzjoni ta' l-impenn mill-Kummissjoni, id-dazju anti-dumping imponut skond l-Artikolu 9(4) tar-Regolament bażiku għandu japplika awtomatikament skond l-Artikolu 8(9) tar-Regolament bażiku.