(3)

Il-Kummissjoni rċeviet mill-partijiet imniżżlin fit-tabella 1 hawn taħt l-informazzjoni kollha meħtieġa għad-determinazzjoni ta' l-ammissibilità tat-talbiet tagħhom. L-informazzjoni pprovduta ġiet eżaminata u vverifikata, fejn meħtieġ, fil-bini tal-partijiet ikkonċernati. Skond din l-informazzjoni, il-Kummissjoni sabet li t-talbiet sottomessi mill-partijiet imniżżlin fit-tabella 1 hawn taħt huma ammissibbli konformi ma' l-Artikolu 4(1) tar-Regolament ta' eżenzjoni

Tabella 1

(4)

Il-fatti kif finalment aċċertati mill-Kummissjoni juru li għal dawn l-operazzjonijiet kollha ta' l-immuntar ta' roti ta' l-applikanti, il-valur tal-partijiet li joriġinaw fir-Repubblika tal-Poplu taċ-Ċina li ntużaw fl-operazzjonijiet ta' l-immuntar tagħhom kien inqas minn 60 % tal-valur totali tal-partijiet użati f'dawn l-operazzjonijiet ta' mmuntar, u huma, għalhekk, jaqgħu barra mill-ambitu ta' l-applikazzjoni ta' l-Artikolu 13(2) tar-Regolament bażiku.

(5)

Għar-raġuni ta' hawn fuq, u skond l-Artikolu 7(1) tar-Regolament ta' eżenzjoni, il-partijiet imniżżlin fit-tabella hawn fuq għandhom ikunu eżentati mid-dazju antidumping estiż.

(6)

Skond l-Artikolu 7(2) tar-Regolament ta' eżenzjoni, l-eżenzjoni tal-partijiet imniżżlin fit-tabella 1 mid-dazju antidumping estiż għandu jkollha effett mid-data meta jiġu rċevuti t-talbiet tagħhom. Barra dan, id-debitu doganali tagħhom f'dak li għandu x'jaqsam mad-dazju antidumping estiż għandu jkun ikkunsidrat bla effett mid-data meta jiġu rċevuti t-talbiet tagħhom għal eżenzjoni.

(7)

Għandu jitniżżel li l-ħames partijiet li ġejjin imniżżlin fit-tabella 1 infurmaw lis-servizzi tal-Kummissjoni b'bidla f'isimhom u/jew fis-sede legali tagħhom, jew fi trasferiment ta' attività legali, matul il-perjodu ta' eżami:

(8)

Ġie stabbilit li dawn il-bidliet fl-isem u/jew fis-sede legali u t-trasferiment ta' attività ekonomika ma affettwawx l-operazzjonijiet ta' l-immuntar f'dak li għandu x'jaqsam ma' l-istipulazzjonijiet tar-Regolament ta' eżenzjoni u għalhekk il-Kummissjoni ma tikkunsidrax li dawn il-bidliet għandhom jaffettwaw l-eżenzjoni mid-dazju antidumping estiż.

(9)

Il-partijiet imniżżlin fit-tabella 2 hawn taħt issottomettew talbiet għall-eżenzjoni mid-dazju antidumping estiż.

Tabella 2

(10)

Il-verifiki fuq il-post fil-bini ta' parti waħda kixfu li hi naqset milli żżomm ċerti reġistri speċifiċi u milli tipprovdi informazzjoni dettaljata meħtieġa għall-għoti ta' l-eżenzjoni. B'mod partikolari, l-informazzjoni li għandha x'taqsam ma' l-oriġini tal-partijiet tar-roti użati fl-operazzjonijiet ta' l-immuntar, kif mitluba mill-Artikolu 6(2) tar-Regolament ta' l-eżenzjoni, ma setgħetx tkun ivverifikata. Il-parti kienet infurmata li kien hemm l-intenzjoni li ma tiġix aċċettata t-talba tagħha, u sussegwentement ġew sottomessi kummenti bil-miktub. Madankollu, hi ma pprovdietx evidenza addizzjonali verifikabbli biex tappoġġja l-argumenti tagħha.

(11)

Parti oħra rtirat it-talba tagħha għal eżenzjoni u infurmat lill-Kummissjoni b'dan.

(12)

Parti oħra ma rnexxilhiex tressaq l-informazzjoni meħtieġa mitluba għall-eżami tat-talba tagħha. Għal din ir-raġuni, u skond l-Artikolu 7(3) tar-Regolament ta' eżenzjoni, il-Kummissjoni infurmat lil din il-parti li hija kellha l-intenzjoni li ma taċċettax it-talba tagħha għall-eżenzjoni. Din il-parti ngħatat l-opportunità biex tikkummenta. L-ebda kummenti ma waslu.

(13)

Parti oħra ma użatx il-partijiet tar-roti għall-produzzjoni jew l-immuntar ta' roti matul il-perjodu ta' eżami, li jikkostitwixxi ksur fl-obbligi mfassla fl-Artikolu 6(2) tar-Regolament ta' eżenzjoni. Il-parti kienet infurmata b'dan u ressqet kummenti bil-miktub. Madankollu, billi din l-informazzjoni kellha x'taqsam ma' perjodu sussegwenti għall-perjodu ta' eżami, ma setgħetx titqies f'konformità ma' l-Artikolu 6(1) tar-Regolament bażiku.

(14)

Billi l-partijiet imniżżlin fit-tabella 2 naqsu milli jilħqu l-kriterji għall-eżenzjoni stipulati mill-Artikolu 6(2) tar-Regolament ta' eżenzjoni, il-Kummissjoni jkollha tiċħad it-talbiet tagħhom għall-eżenzjoni, skond l-Artikolu 7(3) tar-Regolament. F'dan ir-rigward, is-sospensjoni tal-pagament tad-dazju antidumping estiż li hemm referenza għalih fl-Artikolu 5 tar-Regolament ta' eżenzjoni għandha titneħħa u d-dazju antidumping estiż għandu jinġabar mid-data meta ntlaqgħu it-talbiet imressqa minn dawn il-partijiet.

(15)

Il-partijiet imniżżlin fit-tabella 3 hawn taħt ukoll issottomettew talbiet għall-eżenzjoni mill-pagament tad-dazju antidumping estiż.

Tabella 3

(16)

Għandu jiġi nnutat li “ROG Kolesa, d.d., Letališka 29, 1000 Ljubljana, Slovenja” imniżżla fit-tabella 3 infurmat lis-servizzi tal-Kummissjoni b'bidla fl-isem minn “ELAN Bikes, d.d.” għal “ROG Kolesa, d.d.”. Ġie stabbilit li din il-bidla fl-isem ma affettwatx it-talba għall-eżenzjoni mid-dazju antidumping estiż.

(17)

Fir-rigward ta' dawn it-talbiet, għandu jitniżżel li, minħabba ċirkostanzi partikolari relatati ma' l-istruttura korporattiva mibdula ta' xi wħud mill-kumpaniji, ma kienx possibbli għall-Kummissjoni li tiddetermina jekk l-operazzjonijiet ta' l-immuntar ta' dawn il-partijiet waqgħux barra mill-ambitu ta' l-applikazzjoni ta' Artikolu 13(2) tar-Regolament bażiku għall-perjodu ta' eżami.

(18)

F'dak li għandu x'jaqsam ma' parti waħda, is-servizzi tal-Kummissjoni ma setgħux jivverifikaw id-data tal-kwestjonarju fuq il-post minħabba li d-dokumenti essenzjali tal-kontabilità li huma meħtieġa għall-għotja ta' l-eżenzjoni kienu miżmuma mis-Senat ta' Ftehim tal-Qorti tad-Distrett. Din il-Qorti rċeviet ir-reġistri tal-kontabilità ta' din il-parti fil-qafas ta' Pjan ta' Ftehim Obbligatorju.

(19)

Tnejn mill-partijiet ingħaqdu f'entità legali ġdida. Minħabba li dan l-avveniment seħħ wara s-sottomissjoni tat-tweġiba għall-kwestjonarju, il-Kummissjoni ma kenitx f'pożizzjoni li tivverifika jekk l-operazzjonijiet ta' l-immuntar ta' l-entità legali l-ġdida waqgħux barra mill-ambitu ta' l-applikazzjoni ta' l-Artikolu 13(2) tar-Regolament bażiku.

(20)

Parti oħra importat partijiet matul il-perjodu ta' eżami, imma hi kienet bdiet biss l-operazzjonijiet ta' l-immuntar wara l-perjodu ta' eżami.

(21)

F'dak li għandu x'jaqsam mat-tliet partijiet li fadal, ma kienx possibbli waqt iż-żjara ta' verifika li tkun iddeterminata l-proporzjon tal-valur tal-partijiet tar-roti li joriġinaw fir-Repubblika tal-Poplu taċ-Ċina fil-valur totali tal-partijiet tar-roti użati fl-operazzjonijiet ta' l-immuntar għall-perjodu ta' eżami minħabba li l-partijiet użaw numru kbir ħafna ta' partijiet mixtrija qabel it-tkabbir fl-operazzjonijiet tagħhom ta' mmuntar.

(22)

Fir-rigward ta' dan kollu, il-partijiet imniżżlin fit-tabella 3 għandhom jinżammu fil-lista ta' partijiet taħt eżami. Il-pagament tad-dazju antidumping estiż f'dak li għandu x'jaqsam ma' l-importazzjonijiet ta' partijiet essenzjali tar-roti ddikjarati għal ċirkolazzjoni ħielsa minn dawn il-partijiet għandu jibqa' sospiż.

(23)

Il-partijiet imniżżlin fit-tabella 4 wkoll issottomettew it-talbiet għal eżenzjoni mill-pagament tad-dazju antidumping estiż:

Tabella 4

(24)

F'dak li għandu x'jaqsam ma' dawn il-partijiet, għandu jiġi nnutat li t-talbiet tagħhom ma laħqux il-kriterji ta' ammissibilità stipulati fl-Artikolu 4(1) tar-Regolament ta' eżenzjoni.

(25)

Żewġ applikanti użaw partijiet essenzjali tar-roti għall-produzzjoni jew l-immuntar ta' roti fi kwantitajiet inqas minn 300 unità għal kull tip fuq bażi ta' kull xahar.

(26)

Tliet applikanti ma pprovdewx evidenza prima facie li l-operazzjonijiet tagħhom ta' mmuntar jaqgħu barra mill-ambitu ta' applikazzjoni ta' l-Artikolu 13(2) tar-Regolament bażiku, b'mod notevoli l-valur tal-partijiet li joriġinaw fir-Repubblika tal-Poplu taċ-Ċina, li ntużaw fl-operazzjonijiet tagħhom ta' mmuntar, kien ogħla minn 60 % tal-valur totali tal-partijiet użati f'dawn l-operazzjonijiet ta' mmuntar.

(27)

Dawn il-partijiet kienu nfurmati b'dan u ngħataw opportunità li jikkummentaw. L-ebda kumment ma wasal. Għalhekk, l-ebda sospensjoni ma ngħatat lil dawn il-partijiet.

(28)

Partijiet interessati huma hawnhekk infurmati li ġew irċevuti iktar talbiet għall-eżenzjoni, konformi ma' l-Artikolu 3 tar-Regolament ta' eżenzjoni, minn partijiet imniżżlin fit-tabella 5. Is-sospensjoni mid-dazju estiż, wara dawn it-talbiet, għandu jkollha effett kif jidher fil-kolonna intitolata “Data ta' l-effett”:

Tabella 5