(1)

Id-Deċiżjoni BĊE/2004/5 tat- 22 t'April 2004, dwar l-ishma ta' persentaġġ tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew (1) stabbilixxiet b' effett mill- 1 ta' Mejju 2004, l-ippeżar assenjat lil dawk il-banek ċentrali nazzjonali (BĊNi) li kienu membri tas-Sistema Ewropea ta' Banek Ċentrali (SEBĊ) fl- 1 ta' Mejju 2004, fl-iskema għas-sottoskrizzjoni tal-kapital tal-BĊE (minn issa “l quddiem l-'ippeżar ta' l-iskema kapitali” u l-‘iskema kapitali’ rispettivament).

(2)

Minħabba s-sħubija tal-Bulgarija u r-Rumanija fl-Unjoni Ewropea u minħabba li l-BĊNi rispettivi tagħhom se jissieħbu fis-SEBĊ fl- 1 ta' Jannar 2007, il-kapital sottoskritt tal-BĊEs għandu jiżdied awtomatikament skond l-Artikolu 49.3 ta' l-Istatut. Din iż-żieda teħtieġ il-kalkulazzjoni ta' l-ippeżar ta' l-iskema kapitali ta' kull BĊN li se jkun membru tas-SEBĊ fl- 1 ta' Jannar 2007, b'analoġija ma' l-Artikolu 29.1 u b'konformita ma' l-Artikolu 29.2 ta' l-Istatut. L-iskema kapitali mkabbra tal-BĊE u kull ippeżar ta' l-iskema kapitali tal-BĊN se japplika b'effett mill- 1 ta' Jannar 2007. Id-Deċiżjoni BĊE/2004/5 għandha għalhekk tiġi rrevokata u sostitwita b'deċiżjoni ġdida li tirrifletti l-pożizzjoni aġġornata.

(3)

Skond id-Deċiżjoni tal-Kunsill 2003/517/KE tal- 15 ta' Lulju 2003 dwar id-data statistika biex tintuża għall-aġġustament ta' l-iskema għas-sottoskrizzjoni tal-kapital tal-Bank Ċentrali Ewropew (2), il-Kummissjoni Ewropea pprovdiet lill-BĊE b'data statistika biex tintuża fid-determinazzjoni ta' l-iskema kapitali mkabbra.

(4)

Minħabba l-Artikoli 3.5 u 6.6 tar-Regoli ta' Proċedura tal-Kunsill Ġenerali tal-Bank Ċentrali Ewropew, u minħabba l-kontribuzzjoni tal-Kunsill Ġenerali lil din id-Deċiżjoni, il-Gvernaturi tal-Bulgarian National Bank u tal-Banca Naţională a României kellhom l-opportunita biex jissottomettu osservazzjonijiet dwar din id-Deċiżjoni qabel l-adozzjoni tagħha,