(1)

Ir-Regolament tal-Kunsilli Nru 6/66/Euratom, 121/66/KEE tat-28 ta’ Lulju 1966 li jistabbilixxi l-lista tal-postijiet fejn tista’ tingħata konċessjoni għall-alloġġ, kif ukoll it-total massimu u r-regoli li jiddeterminaw meta tingħata din il-konċessjoni (3), jistabbilixxi r-regoli dettaljati għall-applikazzjoni ta' l-Artikolu 14a ta' l-Anness VII tar-Regolamenti tal-Personal. Dan l-Artikolu ġie mħassar mir-Regolament tal-Kunsill (KE, Euratom) Nru 723/2004 tat-22 ta’ Marzu 2004 li emenda r-Regolamenti tal-Persunal ta’ l-Uffiċjali tal-Komunitajiet Ewropej kif ukoll il-Kundizzjonijiet tax-Xogħol għall-Impjegati l-oħra tal-Komunitajiet (4).

(2)

Ir-Regolament tal-Kunsilli Nru 7/66/Euratom, 121/66/KEE tat-28 ta’ Lulju 1966 li jistabbilixxi l-lista tal-postijiet fejn tista’ tingħata konċessjoni għall-alloġġ, kif ukoll it-total massimu u r-regoli li jiddeterminaw meta tingħata din il-konċessjoni (5), u li jistabbilixxi r-regoli għall-applikazzjoni ta' l-Artikolu 14a ta' l-Anness VII tar-Regolamenti tal-Personal. Dan l-Artikolu ġie mħassar ukoll mir-Regolament (KE, Euratom) Nru 723/2004.

(3)

Ir-Regolament tal-Kunsilli Nru 174/65/KEE, 14/65/Euratom tat-28 ta’ Diċembru 1965 li jistabbilixxi tabelli ta’ mortalità u ta' invalidità u l-liġi ta’ varjazzjoni fis-salarji li għandha tintuża għall-kalkolu tal-valuri attwarji, previst mir-Regolamenti tal-Persunal ta' l-Uffiċjali tal-Komunitajiet (6), jikkonċerna t-twettiq ta' l-Artikolu 39 ta' l-Anness VIII tar-Regolamenti tal-Personal, li wkoll ġie mħassar mir-Regolament (KE, Euratom) Nru 723/2004.

(4)

Għal raġunijiet ta’ ċarezza u ta’ sigurtà ġuridika, ir-Regolamenti msemmija, li m'għadhomx jgħoddu, għandhom jiġu mħassra espressament,