21.6.2006   

MT

Il-Ġurnal Uffiċjali ta' l-Unjoni Ewropea

176

REGOLAMENT TAL-KUNSILL (KE) Nru 1436/2005

tal-31 ta’ Awissu 2005

li jnaqqas temporanjament id-dazji awtonomi tat-Tariffa Doganali Komuni għal ċerti prodotti tas-sajd tropikali

(Test b’rilevanza għaż-ŻEE)

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 133 tiegħu,

Wara li kkunsidra l-proposta mill-Kummissjoni,

Billi:

(1)

It-Tariffa Doganali Komuni hija stabbilita fir-Regolament (KEE) Nru 2658/87 (1).

(2)

Il-Komunità hija konsumatur prinċipali ta’ ċerti prodotti tas-sajd tropikali. Ikollha timporta kwantitajiet kbar ta’ tali prodotti sabiex tissodisfa l-ħtiġijiet tagħha. Sabiex jiġi evitat taqlib fil-kummerċ, huwa fl-interess tal-Komunità li tnaqqas temporanjament id-dazji tat-Tariffa Doganali Komuni għall-importazzjoni ta’ dawn il-prodotti.

(3)

Minħabba l-importanza ekonomika ta' dan ir-Regolament, huwa meħtieġ li tiġi invokata l-proċedura ta' urġenza prevista fil-punt I.3 tal-Protokoll anness mat-Trattat dwar l-Unjoni Ewropea u mat-Trattati li jistabbilixxu l-Komunità Ewropea dwar ir-rwol tal-parlamenti nazzjonali fl-Unjoni Ewropea.

(4)

Ladarba dan ir-Regolament għandu jibda japplika mill-1 ta' Awwissu 2005, huwa għandu jidħol fis-seħħ immedjatament,

ADOTTA DAN IR-REGOLAMENT:

Artikolu 1

Id-dazji awtonomi tat-Tariffa Doganali Komuni kif jinsabu fir-Regolament (KEE) Nru 2658/87 għandhom jiġu mnaqqsa, fir-rigward tal-prodotti elenkati fl-Anness ma’ dan ir-Regolament, għar-rati ta' dazju stabbiliti f'dak l-Anness.

Artikolu 2

Dan ir-Regolament għandu jidħol fis-seħħ fis-seba' jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu japplika mill-1 ta’ Awwissu 2005 sal-31 ta’ Diċembru 2005.

Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.

Magħmul fi Brussell, nhar il-31 ta’ Awissu 2005.

Għall-Kunsill

Il-President

J. STRAW

(1)   ĠU L 256, 7.9.1987, p.1. Regolament kif emendat l-aħħar bir-Regolament tal-Kummissjoni (KE) Nru 1989/2004 (ĠU L 344, 20.11.2004, p. 5).

ANNESS

Il-prodotti li għalihom id-dazji awtonomi tat-Tariffa Doganali Komuni jitnaqqsu mill-1 ta’ Awissu 2005 sal-31 ta’ Diċembru 2005

Kodiċi NM

Deskrizzjoni

Rata ta’ dazju

Kapitolu 3

ĦUT U KRUSTAĊJI, MOLLUSKI U INVERTEBRATI AKWATIĊI OĦRA

 

 

Krustaċji, sew fil-qoxra sew jekk le, ħajjin, friski, imkessħa, iffriżati, imnixxfa, immellħa jew fis-salnitru; krustaċji, fil-qoxra, imsajra fuq il-fwar jew mgħollija fl-ilma, imkessħa jew le, iffriżati, imnixxfa, immellħa jew fis-salmura; krustaċji bħala dqiq, proċessat jew pritkuna, għall-konsum mill-bniedem

 

 

Gambli u gambli kbar

 

0306 13 50

Gambli tal-ġeneri Penaeus

4,2

0306 13 80

Oħrajn

4,2

 

 

 

Kapitolu 16

PREPARAZZJONIJIET TA’ LAĦAM, TA' ĦUT JEW TA’ KRUSTAĊJI, MOLLUSKI JEW INVERTEBRATI AKWATIĊI OĦRAJN

 

 

Krustaċji, molluski u invertebrati akwatiċi oħrajn, preparati jew konservati

 

 

Gambli u gambli kbar

 

1605 20 10

F’kontenituri siġillati ermetikament

7,0

 

Oħrajn

 

1605 20 91

F’ippakkjar immedjat ta’ kontenut nett li ma jaqbiżx 2 kg

7,0