li jemenda l-Anness IV għar-Regolament (KE) Nru 999/2001 tal-Parlament Ewropew u tal-Kunsill rigward in-nutriment ta’ l-annimali

Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabbilixxi r-regoli għall-prevenzjoni, il-kontroll u l-qerda ta’ ċerti enċefalopatiji sponġiformi trażmissibbli (1), u b’mod partikolari l-ewwel paragrafu ta’ l-Artikolu 23 tiegħu,

L-Anness IV għar-Regolament (KE) Nru 999/2001 hu emendat skond l-Anness għal dan ir-Regolament.

Dan ir-Regolament għandu jidħol fis-seħħ fl-20 jum wara l-pubblikazzjoni tiegħu fil-Gurnal Ufficjali ta’ l-Unjoni Ewropea.

ANNESS

L-Anness IV għar-Regolament (KE) Nru 999/2001 jiġi ssostitwit b’li ġej:

“ANNESS IV

IT-TMIGĦ TA’ L-ANNIMALI

I. L-estensjoni tal-projbizzjoni prevista fl-Artikolu 7(1)

Il-projbizzjoni prevista fl-Artikolu 7(1) għandha tiġi estiża għat-tmigħ:

lill-annimali mrobbija, bl-eċċezzjoni tat-tmigħ lill-annimali karnivori li jipproduċu l-fer, ta’:

i)	proteini pproċessati ta’ l-annimali;

ii)	ġelatina li tkun ġejja minn bhejjem li jixtarru;

iii)	prodotti tad-demm;

iv)	proteini idrolizzati;

v)	dicalcium phosphate u tricalcium phosphate li jkunu ġejjin mill-annimali (dicalcium phosphate u tricalcium phosphate);

vi)	oġġetti ta’ l-għalf li jkun fihom il-proteini elenkati fil-punti (i) sa (v).

b)	lill-bhejjem li jixtarru, ta’ proteini ta’ l-annimali u oġġetti ta’ l-għalf li jkun fihom it-tali proteini.

II. Derogi mill-projbizzjonijiet previsti fl-Artikolu 7(1) u (2), u kundizzjonijiet speċifiċi għall-applikazzjoni ta' dawn id-derogi.

Il-projbizzjonijiet previsti fl-Artikolu 7(1) u (2) m'għandhomx japplikaw għal:

it-tmigħ lill-annimali mrobbija tal-proteini msemmija fil-punti (i), (ii), (iii) u (iv) u ta' oġġetti ta' l-għalf idderivati mit-tali proteini:

i)	ħalib, kolostru u prodotti bbażati fuq il-ħalib;

ii)	bajd u prodotti mill-bajd;

iii)	ġelatina dderivata minn bhejjem li ma jixtarrux;

iv)	proteini idrolizzati dderivati minn partijiet ta’ ġlud ta’ bhejjem li jixtarru u li ma jixtarrux;

it-tmigħ lill-annimali mrobbija li ma jixtarrux tal-proteini msemmija fil-punti (i), (ii) u (iii), u ta' prodotti dderivati mit-tali proteini:

i)	ħut imqadded mitħun (fishmeal), skond il-kundizzjonijiet stabbiliti fil-punt B;

ii)	dicalcium phosphate u tricalcium phosphate, skond il-kundizzjonijiet stabbiliti fil-punt C;

iii)	prodotti tad-demm idderivati minn bhejjem li ma jixtarrux skond il-kundizzjonijiet stabbiliti fil-punt D;

c)	it-tmigħ lill-ħut ta’ demm imqadded mitħun (bloodmeal) idderivat minn bhejjem li ma jixtarrux skond il-kundizzjonijiet stabbiliti fil-punt D;

it-tmigħ lill-annimali mrobbija ta’ wċuħ tar-raba’ tat-tuberi u l-għeruq u oġġetti ta' l-għalf li jkun fihom it-tali prodotti wara d-detezzjoni ta' spikuli ta' l-għadam, jista' jiġi permess mill-Istati Membri jekk ikun hemm evalwazzjoni tar-riskju favorevoli. L-evalwazzjoni tar-riskju għandha talanqas tqis l-ammont u s-sors ta’ kontaminazzjoni possibbli u d-destinazzjoni aħħarija tal-kunsinna.

Il-kundizzjonijiet li ġejjin japplikaw għall-użu tal-ħut imqadded mitħun imsemmi fil-punt A(b)(i) u l-oġġetti ta’ l-għalf li jkun fihom il-ħut imqadded mitħun fit-tmigħ ta’ annimali mrobbija li ma jixtarrux (mhux applikabbli għat-tmigħ ta' annimali karnivori li jipproduċu l-fer):

a)	Il-ħut imqadded mitħun għandu jkun prodott f'impjanti ta' l-ipproċessar iddedikati esklussivament għall-produzzjoni ta' prodotti dderivati mill-ħut;

b)	qabel ma tinħareġ għaċ-ċirkolazzjoni libera fil-Komunità, kull kunsinna importata ta’ ħut imqadded mitħun għandha tiġi analizzata permezz tal-mikroskopija skond id-Direttiva 2003/126/KE;

l-oġġetti ta’ l-għalf li jkun fihom il-ħut imqadded mitħun għandhom jiġu prodotti fi stabbilimenti li ma jipproduċux oġġetti ta’ l-għalf għall-bhejjem li jixtarru u li jkunu awtorizzati għal dan il-għan mill-awtorità kompetenti.

B’deroga mill-punt (c):

m'għandhiex tintalab awtorizzazzjoni speċifika għall-produzzjoni ta’ oġġetti ta’ l-ikel kompluti minn oġġetti ta’ l-ikel li jkun fihom il-ħut imqadded mitħun għall-home compounders:

—	irreġistrati mill-awtorità kompetenti;

—	li jrabbu biss bhejjem li ma jixtarrux;

—	li jipproduċu oġġetti ta’ l-għalf kompluti għall-użu biss fl-istess impriża; u

—	sakemm l-oġġetti ta' l-għalf li jkun fihom il-ħut imqadded mitħun użat fil-produzzjoni jkun fihom anqas minn 50 % proteina kruda;

ii)

il-produzzjoni ta' l-oġġetti ta' l-għalf għall-annimali li jixtarru fi stabbilimenti li jipproduċu wkoll oġġetti ta' l-għalf li jkun fihom il-ħut imqadded mitħun għal speċi oħrajn ta' annimali tista' tiġi awtorizzata mill-awtorità kompetenti soġġetta għall-kundizzjonijiet li ġejjin:

—

l-oġġetti ta’ l-ikel bl-ingrossa u ppakkjati ddestinati għall-bhejjem li jixtarru jkunu jinżammu f’faċilitajiet li jkunu separati fiżikament minn dawk għall-ħut imqadded mitħun bl-ingrossa u l-oġġetti ta’ l-għalf bl-ingrossa li jkun fihom il-ħut imqadded mitħun matul il-ħażna, il-ġarr u l-ippakkjar;

—	l-oġġetti ta’ l-għalf iddestinati għall-bhejjem li jixtarru jkunu mmanifatturati f’faċilitajiet separati fiżikament minn faċilitajiet fejn jiġu mmanifatturati oġġetti ta’ l-għalf li jkun fihom il-ħut imqadded mitħun.

—	tinżamm għad-dispożizzjoni ta' l-awtorità kompetenti sa talanqas ħames snin, dokumentazzjoni li turi d-dettalji tax-xiri u l-użi tal-ħut imqadded mitħun u l-bejgħ ta' l-oġġetti ta' l-għalf li jkun fihom il-ħut imqadded mitħun; u

—	isiru testijiet ta’ rutina fuq l-oġġetti ta’ l-għalf iddestinati għall-bhejjem li jixtarru sabiex jiġi żgurat li ma jkunux preżenti proteini pprojbiti li jinkludu l-ħut imqadded mitħun.

d)	It-tikketta u d-dokument akkompanjanti ta' l-oġġetti ta' l-għalf li jkun fihom il-ħut imqadded mitħun għandhom jindikaw b'mod ċar il-kelmiet ‘fih il-ħut imqadded mitħun (fishmeal) – mhux se jintgħalef lill-bhejjem li jixtarru (ruminants)’.

L-oġġetti ta’ l-għalf bl-ingrossa li jkun fihom il-ħut imqadded mitħun għandhom jinġarru permezz ta’ vetturi li ma jġorrux fl-istess waqt oġġetti ta’ l-għalf għall-bhejjem li jixtarru. Jekk sussegwentement il-vettura tintuża għat-trasport ta' oġġetti ta' l-għalf maħsuba għall-bhejjem li jixtarru, din għandha titnaddaf sew skond il-proċedura approvata mill-awtorità kompetenti sabiex tiġi evitata l-krosskontaminazzjoni.

L-użu u l-ħażna ta’ oġġetti ta’ l-għalf li jkun fihom il-ħut imqadded mitħun għandhom jiġu pprojbiti fil-farms fejn jinżammu l-bhejjem li jixtarru.

B’deroga minn dik il-kundizzjoni, l-awtorità kompetenti tista' tippermetti l-użu u l-ħażna ta' oġġetti ta’ l-għalf li jkun fihom il-ħut imqadded mitħun ġo farms fejn jinżammu l-bhejjem li jixtarru, jekk hi tkun sodisfatta li fil-farms infushom jiġu implimentati miżuri li jżommu milli l-oġġetti ta’ l-għalf li fihom il-ħut imqadded mitħun jintgħalfu lill-bhejjem li jixtarru.

Il-kundizzjonijiet li ġejjin japplikaw għall-użu tad-dicalcium phosphate u t-tricalcium phosphate imsemmija fil-punt A(b)(ii) u l-oġġetti ta’ l-għalf li jkun fihom it-tali proteini fit-tmigħ ta’ annimali mrobbija li ma jixtarrux (mhux applikabbli għat-tmigħ ta' annimali karnivori li jipproduċu l-fer):

L-oġġetti ta’ l-għalf li jkun fihom id-dicalcium phosphate jew it-tricalcium phosphate għandhom jiġu prodotti fi stabbilimenti li ma jippreparawx oġġetti ta’ l-għalf għall-bhejjem li jixtarru u li jkunu awtorizzati għal dan il-għan mill-awtorità kompetenti.

B’deroga minn dik il-kundizzjoni:

m'għandhiex tintalab awtorizzazzjoni speċifika għall-produzzjoni ta’ oġġetti ta’ l-ikel kompluti prodotti minn oġġetti ta’ l-għalf li jkun fihom id-dicalcium phosphate jew it-tricalcium phosphate għall-home compounders:

—	irreġistrati mill-awtorità kompetenti;

—	li jrabbu biss bhejjem li ma jixtarrux;

—	li jipproduċu oġġetti ta’ l-għalf kompluti għall-użu biss fl-istess impriża; u

—	sakemm l-oġġetti ta' l-għalf li jkun fihom id-dicalcium phosphate jew it-tricalcium phosphate użati fil-produzzjoni jkun fihom anqas minn 10 % ta’ fosfru totali;

ii)

il-produzzjoni ta' l-oġġetti ta' l-għalf għall-annimali li jixtarru fi stabbilimenti li jipproduċu wkoll oġġetti ta' l-għalf li jkun fihom id-dicalcium phosphate jew it-tricalcium phosphate għal speċi oħrajn ta' annimali tista' tiġi awtorizzata mill-awtorità kompetenti soġġetta għall-kundizzjonijiet li ġejjin:

—	l-oġġetti ta’ l-għalf bl-ingrossa u ppakkjati ddestinati għall-bhejjem li jixtarru jiġu mmanifatturati f'faċilitajiet li jkunu separati fiżikament minn dawk fejn jiġu mmanifatturati oġġetti ta’ l-għalf li jkun fihom id-dicalcium phosphate jew it-tricalcium phosphate;

—

waqt il-ħażna, il-ġarr u l-ippakkjar, l-oġġetti ta’ l-ikel bl-ingrossa ddestinati għall-bhejjem li jixtarru jkunu jinżammu f’faċilitajiet separati fiżikament minn dawk għad-dicalcium phosphate bl-ingrossa, it-tricalcium phosphate bl-ingrossa u l-oġġetti ta’ l-ikel bl-ingrossa li jkun fihom id-dicalcium phosphate jew it-tricalcium phosphate;

—	tinżamm għad-dispożizzjoni ta' l-awtorità kompetenti sa talanqas ħames snin, dokumentazzjoni li turi d-dettalji tax-xiri u l-użi tad-dicalcium phosphate jew it-tricalcium phosphate u l-bejgħ ta' l-oġġetti ta' l-għalf li jkun fihom id-dicalcium phosphate jew it-tricalcium phosphate.

b)	It-tikketta u d-dokument akkompanjanti ta' l-oġġetti ta' l-għalf li jkun fihom id-dicalcium phosphate jew it-tricalcium phosphate għandhom jindikaw b'mod ċar il-kelmiet ‘fih id-dicalcium/tricalcium phosphate li ġej mill-annimali – mhux se jintgħalef lill-bhejjem li jixtarru (ruminants)’.

L-oġġetti ta’ l-għalf bl-ingrossa li jkun fihom id-dicalcium phosphate jew it-tricalcium phosphate għandhom jinġarru permezz ta’ vetturi li fl-istess waqt ma jkunux qed iġorru oġġetti ta’ l-għalf għall-bhejjem li jixtarru. Jekk sussegwentement il-vettura tintuża għat-trasport ta' oġġetti ta' l-għalf maħsuba għall-bhejjem li jixtarru, din għandha titnaddaf sew skond il-proċedura approvata mill-awtorità kompetenti sabiex tiġi evitata l-krosskontaminazzjoni.

L-użu u l-ħażna ta’ oġġetti ta’ l-għalf li jkun fihom id-dicalcium phosphate jew it-tricalcium phosphate għandhom jiġu pprojbiti fil-farms fejn jinżammu l-bhejjem li jixtarru.

B’deroga minn dik il-kundizzjoni, l-awtorità kompetenti tista' tippermetti l-użu u l-ħażna ta' oġġetti ta’ l-għalf li jkun fihom id-dicalcium phosphate jew it-tricalcium phosphate ġo farms fejn jinżammu l-bhejjem li jixtarru, jekk hi tkun sodisfatta li fil-farms infushom jiġu implimentati miżuri li jżommu milli l-oġġetti ta’ l-għalf li fihom id-dicalcium phosphate jew it-tricalcium phosphate jintgħalfu lill-bhejjem li jixtarru.

Il-kundizzjonijiet li ġejjin japplikaw għall-użu tal-prodotti mid-demm imsemmija fil-punt A(b)(iii) u d-demm imqadded mitħun imsemmi fil-punt A(c) u l-oġġetti ta’ l-għalf li jkun fihom it-tali proteini, fit-tmigħ ta’ annimali mrobbija li ma jixtarrux u ta’ ħut rispettivament:

Id-demm għandu jkun idderivat minn biċċeriji approvati mill-UE fejn ma jinqatlux bhejjem li jixtarru u li huma rreġistrati bħala biċċeriji fejn ma jinqatlux bhejjem li jixtarru, u għandu jinġarr direttament lejn l-impjant ta’ l-ipproċessar f’vetturi ddedikati esklussivament għat-trasport ta’ demm li mhux ta’ bhejjem li jixtarru. Jekk il-vettura tkun intużat qabel għall-ġarr ta' demm ta’ bhejjem li jixtarru, din, wara li titnaddaf, għandha tiġi spezzjonata mill-awtorità kompetenti qabel it-trasportazzjoni ta’ demm ta’ bhejjem li ma jixtarrux.

B’deroga minn dik il-kundizzjoni, l-awtorità kompetenti tista' tippermetti l-qatla ta' bhejjem li jixtarru f’biċċerija li tiġbor id-demm ta’ bhejjem li ma jixtarrux maħsub għall-produzzjoni ta’ prodotti mid-demm u demm imqadded mitħun għall-użu fl-għalf għal annimali mrobbija li ma jixtarrux u ħut rispettivament, jekk il-biċċerija jkollha sistema ta’ kontroll rikonoxxuta. Dik is-sistema ta’ kontroll għandha talanqas tinkludi:

—	li l-qatla tal-bhejjem li ma jixtarrux tinżamm separata fiżikament mill-qatla tal-bhejjem li jixtarru;

—	li l-faċilitajiet tal-ġbir, il-ħażna, il-ġarr u l-ippakkjar għad-demm li jkun ġej mill-bhejjem li jixtarru jinżammu separati fiżikament minn dawk għad-demm li jkun ġej minn annimali li ma jixtarrux; u

—	isir teħid ta’ kampjuni u analiżi regolari tad-demm li jkun ġej minn bhejjem li ma jixtarrux sabiex tinstab il-preżenza ta’ proteini minn bhejjem li jixtarru

Il-prodotti mid-demm u d-demm imqadded mitħun għandhom jiġu pprodotti fi stabbiliment li jipproċessa esklussivament id-demm minn bhejjem li ma jixtarrux.

B’deroga minn dik il-kundizjoni, l-awtorità kompetenti tista’ tippermetti li l-produzzjoni tal-prodotti tad-demm u d-demm imqadded mitħun għall-użu fl-għalf għall-annimali mrobbija li ma jixtarrux u ħut rispettivament fi stabbilimenti li jipproċessaw demm ta’ bhejjem li jixtarru, li jkollhom implimentata sistema ta’ kontroll rikonoxxuta li tiskansa l-krosskontaminazzjoni. Dik is-sistema ta’ kontroll għandha talanqas tinkludi:

—	l-ipproċessar tad-demm ta’ bhejjem li ma jixtarrux f'sistema magħluqa separata fiżikament mill-ipproċessar ta' demm ta’ bhejjem li jixtarru;

—

iż-żamma waqt il-ħażna, il-ġarr u l-ippakkjar ta’ materja prima bl-ingrossa u prodotti lesti bl-ingrossa li jkunu ġejjin minn bhejjem li jixtarru f'faċilitajiet li jkunu separati fiżikament minn dawk għal materja prima bl-ingrossa u prodotti lesti bl-ingrossa li jkunu ġejjin minn bhejjem li ma jixtarrux; u

—	isir teħid ta’ kampjuni u analiżi regolari tal-prodotti mid-demm u d-demm imqadded mitħun li jkunu ġejjin minn bhejjem li ma jixtarrux sabiex tinstab il-preżenza ta’ proteini minn bhejjem li jixtarru.

L-oġġetti ta’ l-għalf li jkun fihom il-prodotti mid-demm jew id-demm imqadded mitħun għandhom jiġu prodotti fi stabbilimenti li ma jippreparawx oġġetti ta’ l-għalf għall-bhejjem li jixtarru jew annimali mrobbija rispettivament għajr ħut u li jkunu awtorizzati għal dan il-għan mill-awtorità kompetenti.

B’deroga minn dik il-kundizzjoni:

m'għandhiex tintalab awtorizzazzjoni speċifika għall-produzzjoni ta’ oġġetti ta’ l-għalf kompluti prodotti minn oġġetti ta’ l-għalf li jkun fihom il-prodotti mid-demm jew id-demm imqadded mitħun għall-home compounders:

—	irreġistrati mill-awtorità kompetenti;

—	li jżommu biss bhejjem li ma jixtarrux fil-każ li jintużaw prodotti mid-demm, jew ħut biss fil-każ li jintuża demm imqadded mitħun;

—	li jipproduċu oġġetti ta’ l-għalf kompluti għall-użu biss fl-istess impriża; u

—	sakemm l-oġġetti ta' l-għalf li jkun fihom il-prodotti mid-demm jew id-demm imqadded mitħun użati fil-produzzjoni jkun fihom anqas minn 50 % ta’ proteina totali.

ii)

il-produzzjoni ta' l-oġġetti ta' l-għalf għall-annimali li jixtarru fi stabbilimenti li jipproduċu wkoll oġġetti ta' l-għalf li jkun fihom il-prodotti mid-demm jew id-demm imqadded mitħun għal annimali mrobbija li ma jixtarrux jew ħut rispettivament tista' tiġi awtorizzata mill-awtorità kompetenti soġġetta għall-kundizzjonijiet li ġejjin:

—

l-oġġetti ta’ l-għalf bl-ingrossa jew ippakkjati ddestinati għal bhejjem li jixtarru jew annimali mrobbija għajr il-ħut ikunu mmanifatturati f’faċilitajiet separati fiżikament minn dawk fejn jiġu mmanifatturati oġġetti ta’ l-għalf li jkunu fihom prodotti mid-demm jew demm imqadded mitħun rispettivament;

—

waqt il-ħażna, il-ġarr u l-ippakkjar, l-oġġetti ta’ l-għalf bl-ingrossa jkunu jinżammu f’faċilitajiet separati fiżikament kif ġej:

a)	l-oġġetti ta’ l-għalf destinati għall-bhejjem li jixtarru jinżammu separati mill-prodotti mid-demm u minn oġġetti ta' l-għalf li jkun fihom prodotti mid-demm;

b)	l-oġġetti ta’ l-għalf destinati għal annimali mrobbija għajr il-ħut jinżammu separati minn demm imqadded mitħun u oġġetti ta’ l-għalf li jkun fihom id-demm imqadded mitħun.

—	tinżamm għad-dispożizzjoni ta' l-awtorità kompetenti sa talanqas ħames snin, dokumentazzjoni li turi d-dettalji tax-xiri u l-użi tal-prodotti mid-demm u d-demm imqadded mitħun u l-bejgħ ta' l-oġġetti ta' l-għalf li jkun fihom it-tali prodotti.

It-tikketta, id-dokument kummerċjali akkompanjanti jew iċ-ċertifikat sanitarju, skond il-każ, ta' l-oġġetti ta' l-għalf li jkun fihom il-prodotti mid-demm jew id-demm imqadded mitħun għandhom jindikaw b'mod ċar il-kelmiet ‘fih prodotti mid-demm – mhux se jintgħalef lill-bhejjem li jixtarru (ruminants)’ jew ‘fih demm imqadded mitħun – se jintgħalef biss lill-ħut’, skond il-każ.

L-oġġetti ta’ l-għalf bl-ingrossa li jkun fihom prodotti mid-demm għandhom jinġarru permezz ta' vetturi li fl-istess waqt ma jkunux qed iġorru oġġetti ta' l-għalf għall-bhejjem li jixtarru u l-oġġetti ta' l-għalf bl-ingrossa li jkun fihom id-demm imqadded mitħun permezz ta’ vetturi li fl-istess waqt ma jġorrux oġġetti ta' l-għalf għal annimali mrobbija għajr il-ħut. Jekk sussegwentement il-vettura tintuża għat-trasport ta' oġġetti ta' l-għalf maħsuba għall-bhejjem li jixtarru jew annimali mrobbija għajr il-ħut rispettivament, din għandha titnaddaf sew skond il-proċedura approvata mill-awtorità kompetenti sabiex tiġi evitata l-krosskontaminazzjoni.

L-użu u l-ħażna ta’ l-oġġetti ta’ l-għalf li jkun fihom il-prodotti mid-demm għandhom jiġu pprojbiti f’farms fejn jinżammu l-bhejjem li jixtarru, u dawk ta’ l-oġġetti ta’ l-għalf li jkun fihom id-demm imqadded mitħun għandhom jiġu pprojbiti f’farms fejn jinżammu l-annimali mrobbija għajr il-ħut.

B’deroga, l-awtorità kompetenti tista’ tippermetti l-użu u l-ħażna ta' oġġetti ta' l-għalf li jkun fihom prodotti mid-demm jew demm imqadded mitħun rispettivament ġo farms fejn jinżammu rispettivament il-bhejjem li jixtarru jew l-annimali mrobbija għajr il-ħut, jekk tkun sodisfatta li jkunu implimentati miżuri fil-farms sabiex jipprevjenu milli l-oġġetti ta’ l-għalf li jkun fihom il-prodotti mid-demm jew id-demm imqadded mitħun rispettivament jintgħalfu lill-bhejjem li jixtarru jew lil speċi ta’ annimali għajr il-ħut rispettivament.

III. Kundizzjonijiet implimentattivi ġenerali

A.	Dan l-Anness japplika mingħajr preġudizzju għad-dispożizzjonjiet fir-Regolament (KE) Nru 1774/2002.

L-Istati Membri għandhom iżommu listi aġġornati ta’:

a)	biċċeriji approvati għal ġbir tad-demm skond il-punt D(a) tal-Parti II;

b)	impjanti ta’ l-ipproċessar approvati li jipproduċu d-dicalcium phosphate, it-tricalcium phosphate, il-prodotti mid-demm jew id-demm imqadded mitħun, u

c)	stabbilimenti, bl-eċċezzjoni tal-home compounders, awtorizzati biex jimmanifatturaw oġġetti ta’ l-għalf li jkun fihom il-ħut imqadded mitħun u l-proteini msemmija fil-punt (b) li joperaw skond il-kundizzjonijiet stabbiliti fil-punti B(c), C(a) u D(c) tal-Parti II.

Il-proteini ta’ l-annimali pproċessati bl-ingrossa, għajr il-ħut imqadded mitħun, u prodotti bl-ingrossa, inklużi l-oġġetti ta' l-għalf, il-fertilizzanti organiċi u improvers tal-ħamrija, li jkun fihom it-tali proteini, għandhom jinħażnu u jinġarru ġo faċilitajiet speċifiċi għalihom. Il-maħżen jew il-vettura tista’ tintuża għal għanijiet oħra biss, wara li tkun tnaddfet, u wara li tkun ġiet spezzjonata mill-awtorità kompetenti.

Il-ħut imqadded mitħun bl-ingrossa imsemmi fil-punt A(b)(i) tal-Parti II, id-dicalcium phosphate bl-ingrossa u t-tricalcium phosphate bl-ingrossa msemmija fil-punt A(b)(ii) tal-Parti II, il-prodotti mid-demm imsemmija fil-punt A(b)(iii) tal-Parti II u d-demm imqadded mitħun imsemmi fil-punt A(c) tal-Parti II għandhom jinħażnu u jinġarru f’imħażen u vetturi speċifiċi għal dak il-għan.

B’deroga mill-punt (b):

i)	l-imħażen jew il-vetturi jistgħu jintużaw għall-ħażna u l-ġarr ta' oġġetti ta' l-għalf li jkun fihom l-istess proteina;

ii)	l-imħażen jew il-vetturi, wara li jitnaddfu, jistgħu jintużaw għal għanijiet oħra wara li jkunu ġew spezzjonati mill-awtorità kompetenti; u

iii)

l-imħażen u l-vetturi li jġorru l-ħut imqadded mitħun jistgħu jintużaw għal għanijiet oħra jekk il-kumpanija jkollha fis-seħħ sistema ta' kontroll, li tkun rikonoxxuta mill-awtorità kompetenti, sabiex tiġi pprevenuta l-krosskontaminazzjoni. Is-sistema ta’ kontroll għandha talanqas tinkludi:

—	rekords dwar il-materjal ittrasportat u t-tindif tal-vettura; u

—	teħid ta’ kampjuni u analiżi regolari ta' l-oġġetti ta' l-għalf ittrasportati sabiex jinstab jekk ikun hemm il-preżenza tal-ħut imqadded mitħun.

L-awtorità kompetenti għandha twettaq kontrolli frekwenti fuq il-post sabiex tivverifika l-applikazzjoni korretta tas-sistema ta' kontroll imsemmija hawn fuq.

L-oġġetti ta’ l-għalf, inkluż għalf għall-pets, li jinkludu l-prodotti mid-demm li jkunu ġejjin mill-bhejjem li jixtarru jew il-proteini ta’ l-annimali pproċessati, għajr il-ħut imqadded mitħun, m'għandhomx jiġu mmanifatturati fi stabbilimenti li jipproduċu oġġetti ta' l-għalf għall-annimali mrobbija, għajr l-oġġetti ta' l-għalf għall-annimali karnivori li jipproduċu l-fer.

L-oġġetti ta’ l-għalf bl-ingrossa, inkluż għalf għall-pets, li jinkludu l-prodotti mid-demm li jkunu ġejjin mill-bhejjem li jixtarru jew il-proteini ta’ l-annimali pproċessati, għajr il-ħut imqadded mitħun, meta jinħażnu, jinġarru jew jiġu ppakkjati, għandhom jinżammu ġo faċilitajiet li jkunu separati fiżikament minn faċilitajiet li jipproduċu oġġetti ta' l-għalf bl-ingrossa għall-annimali mrobbija, għajr l-oġġetti ta' l-għalf għall-annimali karnivori li jipproduċu l-fer.

Għalf għall-pets u l-oġġetti ta’ l-għalf maħsuba għall-annimali karnivori li jipproduċu l-fer li jkun fihom id-dicalcium phosphate jew it-tricalcium phosphate msemmi fil-punt A(b)(ii) tal-Parti II, u l-prodotti mid-demm imsemmija fil-punt A(b)(iii) tal-Parti II għandhom jinħadmu u jinġarru skond il-punti C(a) u (c) u l-punti D(c) u (e), rispettivament tal-Parti II.

1.	L-esportazzjoni lejn pajjiżi terzi ta’ proteini ta’ l-annimali pproċessati dderivati mill-bhejjem li jixtarru, u ta’ prodotti li fihom it-tali proteini ta’ l-annimali pproċessati, għandha tkun ipprojbita.

L-esportazzjoni ta’ proteini ta’ l-annimali pproċessati dderivati minn annimali li ma jixtarrux u ta’ prodotti li jkun fihom it-tali proteini għandha tkun permessa biss mill-awtorità kompetenti soġġetta għall-kundizzjonijiet li ġejjin:

—	ikunu ddestinati għal użi mhux ipprojbiti mill-Artikolu 7;

—	qabel l-esportazzjoni, ikun sar ftehim bil-miktub mal-pajjiż terz li jkun jinkludi impenn min-naħa tal-pajjiż terz li jirrispetta l-użu finali u li ma jesportax mill-ġdid il-proteini ta' l-annimali pproċessati jew il-prodotti li jkun fihom it-tali proteini għal użi pprojbiti mill-Artikolu 7.

L-Istati Membri li jippermettu l-esportazzjoni skond il-punt 2 għandhom, għall-implimentazzjoni effettiva ta' dan ir-Regolament, jinformaw lill-Kummissjoni u lill-Istati Membri l-oħra dwar it-termini u l-kundizzjonijiet kollha kif maqbula mal-pajjiż terz inkwistjoni, fil-kuntest tal-Kumitat Permanenti dwar il-Katina Alimentari u s-Saħħa ta' l-Annimali.

Il-punti 2 u 3 ma japplikawx għal:

—	l-esportazzjoni tal-ħut imqadded mitħun, sakemm dan jissodisfa l-kundizzjonijiet stipulati fil-punt B tal-Parti II;

—	il-prodotti li jkun fihom il-ħut imqadded mitħun;

—	għalf għall-pets.

L-awtorità kompetenti għandha twettaq kontrolli dokumentarji u fiżiċi, inklużi testijiet fuq l-oġġetti ta' l-għalf, mal-katina tal-produzzjoni u d-distribuzzjoni kollha skond id-Direttiva 95/53/KE sabiex tikkontrolla l-konformità mad-dispożizzjonijiet tagħha u mad-dispożizzjonijiet ta' dan ir-Regolament. Fejn tinstab kwalunkwe preżenza ta’ xi proteina ta’ l-annimali pprojbita, tapplika d-Direttiva 95/53/KE. L-awtorità kompetenti għandha tivverifika fuq bażi regolari l-kompetenza tal-laboratorji li jwettqu l-analiżijiet għat-tali kontrolli uffiċjali, b’mod partikolari billi tevalwa r-riżultati tar-ring trials. Jekk il-kompetenza titqies li mhix waħda sodisfaċenti, bħala miżura korrettiva minima, għandu jsir it-taħriġ mill-ġdid ta’ l-istaff tal-laboratorju.”