REGOLAMENT TAL-KUMMISSJONI (KE) Nru 1206/2005

tas-27 ta' Lulju 2005

li jikkonċerna l-awtorizzazzjoni permanenti ta’ ċerti adittivi fl-għalf

(Test b’rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 70/524/KEE tat-23 ta’ Novembru ta’ l-1970 fir-rigward ta’ l-adittivi flgħalf (1), u b’mod partikolari l-Artikoli 3 u 9d(1) tagħha,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru ta’ l-2003 dwar l-adittivi għall-użu fin-nutriment ta’ l-annimali (2), u b’mod partikolari l-Artikolu 25 tiegħu,

Billi:

(1)	Ir-Regolament (KE) Nru 1831/2003 jistipola għall-awtorizzazzjoni ta’ adittivi għall-użu fin-nutriment ta’ l-annimali.

(2)	L-Artikolu 25 tar-Regolament (KE) Nru 1831/2003 jistipola miżuri transizzjonali għall-applikazzjonijiet ta’ l-awtorizzazzjoni ta’ adittivi ta’ l-ghalf li ġew sottomesi skond id-Direttiva 70/524 qabel id-data ta’ l-applikar tar-Regolament (KE) Nru 1831/2003.

(3)	L-applikazzjonijiet ghall-awtorizzazzjoni ta’ l-adittivi elenkati fl-Annessi ma’ dan ir-Regolament ġew sottomessi qabel id-data ta’ l-applikazzjoni tar-Regolament (KE) Nru 1831/2003.

(4)

Kummenti tal-bidu mill-Istati Membri dwar dawn l-applikazzjonijiet li nħarġu skond l-Artikolu 4(4) tad-Direttiva 70/524/KEE tressqu lill-Kummissjoni qabel id-data ta’ l-applikazzjoni tar-Regolament (KE) Nru 1831/2003. Applikazzjonijiet bħal dawn għalhekk ser jibqgħu jitqiesu skond l-Artikolu 4 tad-Direttiva 70/524/KEE.

(5)

L-użu tal-preparazzjoni ta’ enżimi ta’ l-endo-1,4-beta-glucanase, l-endo-1,3(4)-beta-glucanase u l-endo-1,4-beta-xylanase prodotti mit-Trichoderma longibrachiatum (ATCC 74 252) kien awtorizzat proviżorjament, għall-ewwel darba, għad-dundjani għat-tismin, mir-Regolament tal-Kummissjoni (KE) Nru 937/2001 (3). Data ġdida ġiet sottomessa b’appoġġ għal applikazzjoni mingħajr limitu ta’ żmien għal dik il-preparazzjoni ta’ enżimi. L-assessjar juri li l-kondizzjonijiet stipolati fl-Artikolu 3a tad-Direttiva 70/524/KEE għal awtorizzazzjoni bħal din intlaħqu. Għalhekk, l-użu ta’ dik il-preparazzjoni ta’ enżimi, kif speċifikat fl-Anness, għandu jiġi awtorizzat mingħajr limitu ta’ żmien.

(6)

L-użu tal-preparazzjoni ta’ enżimi ta’ endo-1,3(4)-beta-glucanase u endo-1,4-beta-xylanase prodotti mill-Penicillium funiculosum (IMI SD 101) kien awtorizzat proviżorjament, għall-ewwel darba, ħnieżer għat-tismin mir-Regolament tal-Kummissjoni (KE) Nru 418/2001 (4). Data ġdida ġiet sottomessa b’appoġġ għal applikazzjoni ġdida mingħajr limitu ta’ żmien għal dik il-preparazzjoni ta’ enżimi. L-assessjar juri li l-kondizzjonijiet stipolati fl-Artikolu 3a tad-Direttiva 70/524/KEE għal awtorizzazzjoni bħal din intlaħqu. Għalhekk, l-użu ta’ dik il-preparazzjoni ta’ enżimi, kif speċifikat fl-Anness, għandu jiġi awtorizzat mingħajr limitu ta’ żmien.

(7)

L-użu tal-preparazzjoni ta’ l-enżimi ta’ endo-1,4-beta-xylanase li hija prodottta mill-Bacillus subtilis (LMG S-15136) ġie awtorizzat proviżorjament għall-ewwel darba fuq il-ħnienes, mir-Regolament tal-Kummissjoni (KE) Nru 937/2001. Data ġdida ġiet sottomessa b’appoġġ għal applikazzjoni mingħajr limitu ta’ żmien għal dik il-preparazzjoni ta’ enżimi. L-assessjar juri li l-kondizzjonijiet stipolati fl-Artikolu 3a tad-Direttiva 70/524/KEE għal awtorizzazzjoni bħal din intlaħqu. Għalhekk, l-użu ta’ dik il-preparazzjoni ta’ enżimi, kif speċifikat fl-Anness, għandu jiġi awtorizzat mingħajr limitu ta’ żmien.

(8)

L-użu tal-preparazzjoni ta’ enżimi ta’ l-endo-1,3(4)-beta-glucanase prodott mit-Trichoderma longibrachiatum (ATCC 2106), l-endo-1,4-beta- xylanase prodott mit-Trichoderma longibrachiatum (ATCC 2105) u s-subtilisin prodott mill-Bacillus subtilis (ATCC 2107) kien awtorizzat proviżorjament, għall-ewwel darba, għat-tiġieġ għat-tismin, mir-Regolament tal-Kummissjoni (KE) Nru 1636/1999 (5). Data ġdida ġiet sottomessa b’appoġġ għal applikazzjonimingħajr limitu ta’ żmien għal dik il-preparazzjoni ta’ enżimi. L-assessjar juri li l-kondizzjonijiet stipolati fl-Artikolu 3a tad-Direttiva 70/524/KEE għal awtorizzazzjoni bħal din intlaħqu. Għalhekk, l-użu ta’ dik il-preparazzjoni ta’ enżimi, kif speċifikat fl-Anness, għandu jiġi awtorizzat mingħajr limitu ta’ żmien.

(9)

L-assessjar ta’ dawk l-applikazzjonijiet juri li għandu jinħtieġ li ċerti proċeduri għandhom jipprotġu l-operaturi mill-espożizzjoni għall-adittivi li huma stipolati fl-Annessi. Protezzjoni bħal din għandha tiġi assigurata mill-applikazzjoni tad-Direttiva tal-Kunsill 89/391/KEE tat-12 ta’ Ġunju ta’ l-1989 li tikkonċerna l-introduzzjoni ta’ miżuri għat-tisħiħ tas-sigurtà u s-saħħa tal-ħaddiema fuq ix-xogħol (6).

(10)	Il-miżuri stipolati f’dan ir-Regolament jikkonformaw ma’ l-opinjoni tal-Kumitat Permanenti fuq il-Katina ta’ l-Ikel u s-Saħħa ta’ l-Annimal,

ADOTTAT DAN IR-REGOLAMENT:

Artikolu 1

Il-preparazzjonijiet li jagħmlu parti mill-gupp “Enżimi”, kif speċifikat fl-Anness, huma awtorizzati għall-użu mingħajr limitu ta’ żmien bħala adittivi fin-nutriment ta’ l-annimali skond il-kondizzjonijiet stipolati f’ dak l-Anness.

Artikolu 2

Dan ir-Regolament għandu jidħol fis-seħħ fit-tielet ġurnata wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, nhar is-27 ta' Lulju 2005.

Għall-Kummissjoni

Neelie KROES

Membru tal-Kummissjoni

(1) ĠU L 270, 14.12.1970, p. 1. Direttiva kif ġiet l-aħħar emendata bir-Regolament (KE) Nru 1800/2004 (ĠU L 317, tas-16.10.2004, p. 37).

(2) ĠU L 268, 18.10.2003, p. 29. Regolament kif l-aħħar emendat bir-Reglament (KE) Nru 378/2005 (ĠU L 59, tal-5.3.2005, p. 8).

(3) ĠU L 130, 12.5.2001, p. 25.

(4) ĠU L 62, 2.3.2001, p. 3.

(5) ĠU L 194, 27.7.1999, p. 17.

(6) ĠU L 183, 29.6.1989, p. 1. Direttiva kif l-aħħar emendata mir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, tal-31.10.2003, p. 1).

ANNESS

Nru KE

Adittiv

Formula kimika, deskrizzjoni

Is-speċi jew il-kategorija ta’ l-annimal

Età massima

Kontenut minimu

Kontenut massimu

Dispożizzjonijiet oħrajn

Skadenza tal-perijodu ta’ l-awtorizzazzjoni

Unitajiet ta’ attività/kg ta’ oġġetti ta’ l-għalf sħaħ

Enzymes

E 1602

Endo-1,4-beta-glucanase

EC 3.2.1.4

Endo-1,3(4)-beta-glucanase

EC 3.2.1.6

Endo-1,4-beta-xylanase

EC 3.2.1.8

Preparazzjoni ta’ endo-1,4-beta-glucanase, endo-1,3(4)-beta-glucanase u endo-1,4-beta-xylanase prodotti mit- Trichoderma longibrachiatum (ATCC 74 252) li għandhom attivitajiet minimi ta’:

taħt forma likwida u granulari:

endo-1,4-beta-glucanase: 8 000 U (1)/ml or g

endo-1,3(4)-beta-glucanase: 18 000 U (2)/ml or g

endo-1,4-beta-xylanase: 26 000 U (3)/ml or g

Dundjani għat-tismin

—

endo-1,4-beta-glucanase: 400 U

—

1.	Fl-istruzzjonijiet għall-użu ta’ l-adittivi u ta’ kif isir it-taħlit, indika t-temperatura ta’ ħażna, skadenza ta’ żmien ta’ ħażna u l-istabbiltà fl-ambitu ta’ formazzjoni ta’ pritkuni ta’ adittivi.

Doża irrakkomandata għal kull kilogramm ta’ oġġett ta’ l-għalf sħiħ:

endo-1,4-beta-glucanase: 400-800 U

endo-1,3(4)-beta-glucanase:900-1 800 U

endo-1,4-beta-xylanase: 1 300 -2 600 U.

3.	Għall-użu f’ għalf kompost li fih ħafna polysaccharides mhux mil-lamtu (fil-biċċa l-kbira beta-glucans u arabinoxylans).eż. li fihom aktar minn 25 % qamħ jew 20 % xgħir u 5 % segala.

Mingħajr limitu ta’ żmien

endo-1,3(4)-beta-glucanase: 900 U

—

endo-1,4-beta-xylanase: 1 300 U

—

E 1604

Endo-1,3(4)-beta-glucanase

EC 3.2.1.6

Endo-1,4-beta-xylanase

EC 3.2.1.8

Preparazzjoni ta’ endo-1,3(4)-beta-glucanase u endo-1,4-beta-xylanase prodotti mill- Penicillium funiculosum (IMI SD 101) li għandha attivita minimi ta’:

Taħt forma ta’ trab:

endo-1,3(4)-beta-glucanase: 2 000 U (4)/g

endo-1,4-beta-xylanase: 1 400 U (5)/g

Taħt forma likwida:

endo-1,3(4)-beta-glucanase: 500 U/ml

endo-1,4-beta-xylanase: 350 U/ml

Ħnieżer għat-tismin

—

endo-1,3(4)-beta-glucanase: 100 U

—

1.	Fl-istruzzjonijiet għall-użu ta’ l-adittivi u ta’ kif isir it-taħlit, indika t-temperatura ta’ ħażna, skadenza ta’ żmien ta’ ħażna u l-istabbiltà fl-ambitu ta’ formazzjoni ta’ pritkuni ta’ adittivi.

Doża irrakkomandata għal kull kilogramm ta’ oġġett ta’ l-għalf sħiħ:

endo-1,3(4)-beta-glucanase: 100 U

endo-1,4-beta-xylanase: 70 U.

3.	Għal użu f’għalf kompost fejn ikun hemm ammont kbir ta’ polysaccharides li mhumiex assoċjati mal-lamtu (l-iktar beta-glucans u arabinoxylans), eż fejn ikun hemm iktar minn 40 % ta’ xgħir u 20 % ta’ qamħ.

Mingħajr limitu ta’ żmien

Endo-1,4-beta-xylanase: 70 U

—

E 1606

Endo-1,4-beta-xylanase

EC 3.2.1.8

Preparazzjoni ta’ endo-1,4-beta-xylanase prodotta mill- Bacillus subtilis (LMG S-15136) li għandha attivita minima ta’:

Taħt forma solida u likwida:

100 IU (6)/g or ml

Ħnieżer żgħar

—

10 IU

—

1.	Fl-istruzzjonijiet għall-użu ta’ l-adittivi u ta’ kif isir it-taħlit, indika t-temperatura ta’ ħażna, skadenza ta’ żmien ta’ ħażna u l-istabbiltà fl-ambitu ta’ formazzjoni ta’ pritkuni ta’ adittivi.

Doża irrakkomandata għal kull kilogramm ta’ oġġett ta’ l-għalf sħiħ:

endo-1,4-beta-xylanase: 10 IU.

3.	Għall-użu f’ għalf kompost li fih ħafna arabinoxylan eż. li fih minimu ta’ 40 % qamħ jew xgħir.

4.	Għal-ħnieżer żgħar li huma ta’ piż ta bejn wieħed u ieħor 35 kg.

Mingħajr limitu ta’ żmien

E 1633

Endo-1,3(4)-beta-glucanase

EC 3.2.1.6

Endo-1,4-beta-xylanase

EC 3.2.1.8

Subtilisin

EC 3.4.21.62

Preparazzjoni ta' endo-1,3(4)-beta-glucanase prodott mit-Trichoderma longibrachiatum (ATCC 2106), endo-1,4-beta-xylanase prodotti mit-Trichoderma longibrachiatum (ATCC 2105), u subtilisin prodott mill-Bacillus subtilis (ATCC 2107) li għandhom attivitajiet minimi ta':

Taħt forma solida:

endo-1,3(4)-beta-glucanase: 100 U (7)/g

endo-1,4-beta-xylanase: 300 U (8)/g

subtilisin: 800 U (9)/g

Tiġieġ għat-tismin

—

endo-1,3(4)-beta-glucanase: 30 U

—

1.	Fl-istruzzjonijiet għall-użu ta’ l-adittiv u ta’ kif isir it-taħlit, indika t-temperatura ta’ ħażna, skadenza ta’ żmien ta’ ħażna u l-istabbiltà fl-ambitu ta’ formazzjoni ta’ pritkuni.

Doża irrakkomandata għal kull kilogramm ta’ oġġett ta’ l-għalf sħiħ:

endo-1,3(4)-beta-glucanase: 30-100 U

endo-1,4-beta- xylanase: 90-300 U

subtilisin: 240-800 U

3.	Għall-użu fl-għalf kompost eż li jkun fih iktar minn 60 % qamħ.

Mingħajr limitu ta’ żmien

Endo-1,4-beta-xylanase: 90 U

—

Subtilisin: 240 U

—

(1) 1 U huwa l-ammont ta’ enżimi li jillibera 0.1 mikromole ta’ glukożju minn carboxymethylcellulose fil-minuta f’ pH ta’ 5.0 u 40.°C.

(2) 1 U huwa l-ammont ta’ enżimi li jillibera 0.1 mikromole ta’ glukożju minn beta-glucan miġjub mix-xgħir fil-minuta f’ pH ta’ 5.0 u 40.°C.

(3) 1 U huwa l-ammont ta’ enżimi li jillibera 0.1 mikromole ta’ xylan miġjub mil-ħafur fil-minuta f’ pH ta’ 5.0 u 40.°C.

(4) 1 U huwa l-ammont ta’ enżimi li jillibera 5.55 mikromole ta’ reducing sugars (ekwivalent ta’ maltożju) beta-glucan miġjub mix-xgħir fil-minuta f’ pH ta’ 5.0 u 50 °C.

(5) 1 U huwa l-ammont ta’ enżimi li jillibera 4.00 mikromole ta’ reducing sugars (ekwivalenti ta’ maltożju) minn xylan ta’ l-injam tal-betula fil-minuta f’ pH ta’ 5.5 u 50 °C.

(6) 1 U huwa l-ammont ta’ enżimi li jillibera 1 mikromole ta’ reducing sugars (ekwivalent ta’ xylose) minn xylan ta’ l-injam tal-betula fil-minuta f’ pH ta’ 4.5 u 30.°C.

(7) 1 U huwa l-ammont ta’ enżimi li jillibera 1 mikromole ta’ reducing sugars (ekwivalent ta’ glukożju) minn barley beta-glucan fil-minuta f’ pH ta’ 5.0 u 30 °C.

(8) 1 U huwa l-ammont ta’ enżimi li jillibera 1 mikromole ta’ reducing sugars (ekwivalent ta’ xylose) minn xylan miġjub mill-ħafur fil-minuta f’ pH ta’ 5.3 u 50 °C.

(9) 1 U huwa l-ammont ta’ enżimi li jillibera mikro gram wiehed ta’ kompost fenoliku (ekwivalenti tat-tyrosine) minn sustrat tal-każejina fil-minuta f’ pH ta’ 7.5 u 40 °C.