16.6.2006   

MT

Il-Ġurnal Uffiċjali ta’ l-Unjoni Ewropea

234

(1)

Ir-Regolament tal-Kunsill (KE) Nru 2062/94 tat-18 ta' Lulju 1994 li jistabbilixxi Aġenzija Ewropea għas-Sigurtà u s-Saħħa fuq il-Post tax-Xogħol (2) jinkludi dispożizzjonijiet dwar l-għanijiet, il-kompiti u l-organizzazzjoni ta' l-Aġenzija u b'mod partikolari tal-Bord Amministrattiv tagħha. Dawk id-dispożizzjonijiet ġew emendati wara l-adeżjoni ta' l-Awstrija, tal-Finlandja u ta' l-Isvezja, meta membri ġodda kellhom jiġu miżjuda fil-Bord Amministrattiv.

(2)

Il-qasam tas-saħħa u s-sigurtà fuq il-post tax-xogħol, elementi prinċipali fil-promozzjoni tal-kwalità ta' l-impjieg, jirrappreżenta wieħed mill-oqsma l-iktar importanti tal-politika soċjali ta' l-Unjoni Ewropea. Il-Komunikazzjoni tal-Kummissjoni dwar l-“Adattament għall-bidla fix-xogħol u fis-soċjetà: strateġija ġdida Komunitarja dwar is-saħħa u s-sigurtà fuq il-post tax-xogħol 2002-2006” tal-11 ta' Marzu 2002 tenfasizza r-rwol importanti li għandha jkollha l-Aġenzija Ewropea għas-Sigurtà u s-Saħħa fuq il-Post tax-Xogħol, minn hawn 'il quddiem “l-Aġenzija”, fil-attivitajiet ta' promozzjoni, sensibilizzazzjoni u antiċipazzjoni li huma meħtieġa sabiex jiġu mwettqa l-għanijiet definiti fiha.

(3)

Ir-Riżoluzzjoni tal-Kunsill tat-3 ta' Ġunju 2002 dwar il-Komunikazzjoni tal-Kummissjoni: “Adattament għall-bidla fix-xogħol u fis-soċjetà: strateġija ġdida Komunitarja dwar is-saħħa u s-sigurtà fuq il-post tax-xogħol 2002-2006” (3) tesiġi li l-Aġenzija jkollha rwol direttiv fil-ġbir u t-tixrid ta' informazzjoni dwar prattika tajba, fis-sensibilizzazzjoni u fl-antiċipazzjoni ta' riskji. Il-Kunsill isejjaħ lill-Kummissjoni sabiex din tippromovi l-koperazzjoni bejn l-Istati Membri u s-sħab soċjali fil-livell Ewropew permezz ta' l-Aġenzija b'kont meħud tat-tkabbir futur u jilqa' l-intenzjoni tal-Kummissjoni li tippreżenta proposta għat-titjib ta' l-operazzjoni u tal-kompiti ta' l-Aġenzija fid-dawl tar-rapport estern ta' valutazzjoni u ta' l-opinjoni tal-Kumitat Konsultattiv dwar dak ir-rapport.

(4)

Ir-Riżoluzzjoni tal-Parlament Ewropew tat-23 ta' Ottubru 2002 dwar il-Komunikazzjoni tal-Kummissjoni: “Adattament għall-bidla fix-xogħol u fis-soċjetà: strateġija ġdida Komunitarja dwar is-saħħa u s-sigurtà fuq il-post tax-xogħol 2002-2006” ukoll tappoġġa r-rwol direttiv mogħti lill-Aġenzija bħala attur prinċipali f'attivitajiet mhux leġislattivi favur is-saħħa u s-sigurtà fil-livell Komunitarju u tesprimi t-tama li l-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol u l-Aġenzija jkomplu jtejbu l-koperazzjoni tagħhom skond ir-rwoli rispettivi tagħhom f'dan il-qasam ta' politika.

(5)

L-Opinjoni tal-Kumitat Soċjali u Ekonomiku Ewropew tas-17 ta' Ġunju 2002 dwar il-Komunikazzjoni tal-Kummissjoni: “Adattament għall-bidla fix-xogħol u fis-soċjetà: strateġija ġdida Komunitarja dwar is-saħħa u s-sigurtà fuq il-post tax-xogħol 2002-2006” (4) tenfasizza r-rwol ta' l-Aġenzija fil-valutazzjoni ta' riskji u l-ħtieġa ta' kuntatti regolari bejn l-Aġenzija u l-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol sabiex tiġi evitata d-duplikazzjoni u sabiex tiġi stimulata riflessjoni konġunta.

(6)

Il-Komunikazzjoni tal-Kummissjoni dwar il-“Valutazzjoni ta' l-Aġenzija Ewropea għas-Sigurtà u s-Saħħa fuq il-Post tax-Xogħol”, imħejjija skond l-Artikolu 23 tar-Regolament (KE) Nru 2062/94 u bbażata fuq valutazzjoni esterna magħmula fl-2001, kif ukoll fuq il-kontributi tal-Bord Amministrattiv u tal-Kumitat Konsultattiv tal-Kummissjoni dwar is-Sigurtà u s-Saħħa fuq il-Post tax-Xogħol, tenfasizza l-ħtieġa li jiġi emendat ir-Regolament (KE) Nru 2062/94 sabiex jinżammu u jiġu mtejba l-effiċjenza u l-effikaċja ta' l-Aġenzija u ta' l-istrutturi amministrattivi tagħha.

(7)

Il-Parlament Ewropew sejjaħ lill-Kummissjoni sabiex din tirrikonsidra l-kompożizzjoni u l-metodi ta' ħidma tal-bordijiet ta' l-aġenziji u sabiex tipproponi proposti adatti.

(8)

Ġiet preżentata lill-Kummissjoni Opinjoni Konġunta dwar il-governanza u l-funzjonament futuri tal-Bordijiet ta' l-Aġenzija, taċ-Ċentru Ewropew għall-Iżvilupp tat-Taħriġ Vokazzjonali u tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol mill-Bordijiet direttivi jew amministrattivi rispettivi tagħhom.

(9)

Il-governanza tripartitika ta' l-Aġenzija, taċ-Ċentru Ewropew għall-Iżvilupp tat-Taħriġ Vokazzjonali u tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol minn rappreżentanti tal-gvernijiet nazzjonali, organizzazzjonijiet ta’ min iħaddem u organizzazzjonijiet ta’ impjegati hija essenzjali għas-suċċess ta’ dawk il-korpi.

(10)

Il-parteċipazzjoni tas-sħab soċjali fil-governanza ta’ dawk it-tliet korpi Komunitarji toħloq speċifiċità li tobbligahom jiffunzjonaw skond regoli komuni.

(11)

L-eżistenza fil-Bord tripartitiku tat-tliet gruppi meħuda mill-gvern, minn organizzazzjonijiet ta’ min iħaddem u minn organizzazzjonijiet ta’ impjegati u l-ħatra ta’ koordinatur għall-gruppi ta’ min iħaddem u ta’ l-impjegati urew li huma essenzjali. Dak l-arranġament għandu għalhekk jiġi formalizzat kif ukoll estiż għall-grupp tal-gvernijiet. Konformement mal-linji gwida għall-iżvilupp ta' Korpi Komunitarji futuri, inklużi fil-Komunikazzjoni mill-Kummissjoni intitolata “Il-qafas operattiv għall-Aġenziji Regolatorji Ewropej”, u b'mod partikolari fid-dawl tal-ħtieġa tar-rappreżentanza tal-partijiet interessati rilevanti fil-bordijiet ta' dawn il-korpi, u konformement mal-prinċipju miftiehem bejn l-Kapijiet ta' Stat u tal-Gvern ta' l involviment iżjed attiv tas-sħab soċjali fl-iżvilupp ta' l-Aġenda tal-Politika Soċjali, il-membri kollha tal-Bord (ir-rappreżentanti tal-gvernijiet, ta' l-impjegati, u tal-Kummissjoni) għandhom ikollhom uniformament vot kull wieħed.

(12)

Iż-żamma tar-rappreżentanza tripartitika minn kull Stat Membru tiżgura li l-partijiet interessati maġġuri kollha jkunu nvoluti u li jittieħed kont tad-diversità ta' interessi u approċċi li jikkaratterizzaw kwistjonijiet soċjali.

(13)

Huwa meħtieġ li jiġu antiċipati l-konsegwenzi prattiċi għall-Aġenzija tat-tkabbir li jmiss ta’ l-Unjoni. Il-kompożizzjoni u l-funzjonament tal-Bord tagħha għandhom jiġu aġġustati sabiex jittieħed kont ta’ l-adeżjoni ta’ Stati Membri ġodda.

(14)

Il-Bureau li huwa previst fir-Regoli ta’ Proċedura tal-Bord jeħtieġ li jiġi msaħħaħ sabiex jiġu żgurati l-kontinwità fil-funzjonament ta' l-Aġenzija u l-effiċjenza fit-teħid ta' deċiżjonijiet minnha. Il-kompożizzjoni tal-Bureau għandha tibqa' tirrifletti l-istruttura tripartitika tal-Bord.

(15)

Skond l-Artikolu 3 tat-Trattat, il-Komunità għandha timmira li telimina l-inugwaljanzi u tippromwovi l-ugwaljanza bejn l-irġiel u n-nisa fl-attivitajiet kollha tagħha. Għalhekk, huwa xieraq li ssir dispożizzjoni sabiex tiġi mħeġġa rappreżentanza bilanċjata ta' rġiel u nisa fil-kompożizzjoni tal-Bord.

(16)

Ir-Regolament (KE) Nru 2062/94 għandu għalhekk jiġi emendat kif meħtieġ.

(17)

It-Trattat ma jipprovdi għal ebda poter għajr dawk previsti fl-Artikolu 308 tiegħu għall-adozzjoni ta’ dan ir-Regolament,

1)

L-Artikolu 2 jiġi sostitwit b’dan li ġej:

“Artikolu 2

L-Għan

Sabiex jiġi mtejjeb l-ambjent tax-xogħol, fir-rigward tas-sigurtà u tas-saħħa tal-ħaddiema kif previst fit-Trattat u fl-istrateġiji u programmi ta' azzjoni suċċessivi Komunitarji dwar is-saħħa u s-sigurtà fil-post tax-xogħol, l-għan ta' l-Aġenzija għandu jkun li tipprovdi lill-korpi Komunitarji, lill-Istati Membri, lis-sħab soċjali u lil dawk involuti fil-qasam l-informazzjoni teknika, xjentifika u ekonomika siewja fil-qasam tas-sigurtà u s-saħħa fuq il-post tax-xogħol.”

2)

L-Artikolu 3 jiġi emendat kif ġej:

3)

L-Artikolu 4 jiġi emendat kif ġej:

4)

Jiġi miżjud l-Artikolu li ġej:

“Artikolu 7a

Strutturi direttivi u amministrattivi

L-istrutturi direttivi u amministrattivi ta' l-Aġenzija għandhom jikkonsistu fi:

5)

L-Artikolu 8 jiġi sostitwit b’dan li ġej:

“Artikolu 8

Bord Governattiv

1.   Il-Bord Governattiv għandu jkun kompost minn:

2.   Il-membri msemmija fil-punti (a), (b) u (ċ) tal-paragrafu 1 għandhom jinħatru mill-Kunsill minn fost il-membri u l-membri supplenti tal-Kumitat Konsultattiv dwar is-Sigurtà u s-Saħħa fuq il-Post tax-Xogħol.

Il-membri msemmija fil-paragrafu 1(a) għandhom jinħatru fuq proposta mill-Istati Membri.

Il-membri msemmija fil-paragrafu 1 (b) u (ċ) għandhom jinħatru fuq proposta mill-kelliema tal-gruppi rispettivi fi ħdan il-Kumitat.

Il-proposti mit-tliet gruppi fi ħdan il-Kumitat għandhom jiġu preżentati lill-Kunsill; il-proposti għandhom jiġu wkoll mgħoddija lill-Kummissjoni għall-fini ta' informazzjoni.

Il-Kunsill għandu fl-istess waqt jaħtar membru supplenti, taħt l-istess kondizzjonijiet tal-membru, sabiex jattendi l-laqgħat tal-Bord Governattiv biss fl-assenza tal-membru.

Il-Kummissjoni għandha taħtar il-membri u dawk supplenti li jirrappreżentawha, b'kont meħud ta' rappreżentanza bilanċjata bejn irġiel u nisa.

Fil-preżentazzjoni tal-listi tal-kandidati, l-Istati Membri, l-organizzazzjonijiet ta’ min iħaddem u l-organizzazzjonijiet ta’ impjegati għandhom jagħmlu li jistgħu sabiex jiżguraw li l-kompożizzjoni tal-Bord Governattiv tirrifletti b'mod ġust is-setturi ekonomiċi varji konċernati u sabiex jiżguraw rappreżentanza bilanċjata bejn irġiel u nisa. Dawn il-preżentazzjonijiet għandhom jiġu magħmula fi żmien tliet xhur mit-tiġdid tas-sħubija tal-Kumitat Konsultattiv dwar is-Sigurtà u s-Saħħa fuq il-Post tax-Xogħol skond id-dispożizzjonijiet ta' l-Artikoli 3(3) u (4) u 4(1) tad-Deċiżjoni tal-Kunsill 2003/C 218/01 (5).

Il-lista tal-membri tal-Bord Governattiv għandha tiġi pubblikata mill-Kunsill fil-Ġurnal Uffiċjali ta' l-Unjoni Ewropea u mill-Aġenzija fuq is-sit ta' l-Internet tagħha.

3.   Il-mandat tal-membri tal-Bord Governattiv għandu jkun ta' tliet snin. Huwa għandu jkun jista' jiġġedded.

Eċċezzjonalment, il-mandat tal-membri tal-Bord Governattiv li jkunu fil-kariga fil-jum tad-dħul fis-seħħ ta' dan ir-Regolament għandu jiġi estiż sakemm jinħatar Bord Governattiv ġdid skond id-dispożizzjonijiet tal-paragrafu 2.

Meta jiskadi l-mandat tagħhom jew fil-każ tar-riżenja tagħhom, il-membri għandhom jibqgħu fil-kariga sakemm il-ħatriet tagħhom jiġu mġedda jew sakemm huma jiġu sostitwiti.

4.   Fi ħdan il-Bord Governattiv, ir-rappreżentanti tal-gvernijiet, ta' l-organizzazzjonijiet ta' min iħaddem u ta' l-organizzazzjonijiet ta' impjegati għandhom rispettivament jifformaw grupp. Kull grupp għandu jaħtar koordinatur li jieħu sehem fil-laqgħat tal-Bord Governattiv. Il-koordinaturi tal-gruppi ta' l-impjegati u ta' min iħaddem għandhom ikunu r-rappreżentanti ta' l-organizzazzjonijiet rispettivi tagħhom fil-livell Ewropew. Koordinaturi li mhumiex maħtura membri tal-Bord fis-sens tal-paragrafu 1 għandhom jieħdu sehem fil-laqgħat mingħajr id-dritt għal vot.

Il-Bord Governattiv għandu jeleġġi l-president tiegħu u tliet viċi-presidenti, wieħed minn kull wieħed mit-tliet gruppi msemmija hawn fuq u wieħed minn fost ir-rappreżentanti tal-Kummissjoni, sabiex iservu għal perjodu ta’ sena, li jistgħu ikollhom il-mandat tagħhom imġedded.

5.   Il-president għandu jsejjaħ il-Bord Governattiv mill-inqas darba fis-sena. Il-president għandu jsejjaħ laqgħat addizzjonali fuq it-talba ta’ mill-inqas terz tal-membri tal-Bord Governattiv.

6.   Il-membri kollha tal-Bord Governattiv għandhom ikollhom vot kull wieħed u d-deċiżjonijiet għandhom jittieħdu permezz ta' maġġoranza assoluta. Madanakollu, deċiżjonijet meħuda fil-qafas tal-programm ta' ħidma annwali u li jkollhom konsegwenzi finanzjarji għall-punti fokali nazzjonali għandhom jeħtieġu wkoll il-kunsens tal-maġġoranza tal-grupp tal-gvernijet.

Il-Bord Governattiv għandu jfassal proċedura bil-miktub ta' teħid ta' deċiżjonijiet, li għaliha għandu japplika mutatis mutandis l-ewwel sub-paragrafu.

7.   Il-Bord Governattiv, wara li jirċievi opinjoni mill-Kummissjoni, għandu jadotta r-regoli ta' proċedura tiegħu, li għandhom jistabbilixxu l-arranġamenti prattiċi għall-attivitajiet tiegħu. Ir-regoli ta' proċedura għandhom jiġu trasmessi għall-fini ta' informazzjoni lill-Parlament Ewropew u lill-Kunsill. Madankollu, fi żmien tliet xhur minn meta r-regoli ta' proċedura jiġu trasmessi lilu, u b'maġġoranza sempliċi, il-Kunsill jista' jimmodifika dawk ir-regoli.

8.   Il-Bord Governattiv għandu jistabbilixxi Bureau ta' 11-il membru. Il-Bureau għandu jkun kompost mill-president u t-tliet viċi-presidenti tal-Bord Governattiv, koordinatur wieħed għal kull grupp kif imsemmi fl-ewwel sub-paragrafu tal-paragrafu 4, u rappreżentant ieħor ta' kull grupp u tal-Kummissjoni. Kull grupp jista' jaħtar sa tliet membri supplenti sabiex jattendu l-laqgħat tal-Bureau, fl-assenza tal-membri sħaħ.

9.   Mingħajr preġudizzju għar-responsabbiltajiet tad-Direttur, kif stabbiliti fl-Artikolu 11, il-Bureau għandu, kif delegat mill-Bord Governattiv, jissorvelja l-implementazzjoni tad-deċiżjonijiet tal-Bord Governattiv u jieħu l-miżuri meħtieġa kollha għall-amministrazzjoni adegwata ta' l-Aġenzija bejn il-laqgħat tal-Bord Governattiv. Il-Bord Governattiv ma jistax jiddelega lill-Bureau l-kompetenzi msemmija fl-Artikoli 10, 13, 14 u 15.

10.   In-numru annwali tal-laqgħat tal-Bureau għandu jiġi deċiż mill-Bord Governattiv. Il-president tal-Bureau għandu jsejjaħ laqgħat addizzjonali fuq talba tal-membri tiegħu.

11.   Id-deċiżjonijiet tal-Bureau għandhom jittieħdu b’unanimità. Jekk ma tintlaħaqx l-unanimità, il-Bureau għandu jirreferi l-kwistjoni lill-Bord Governattiv għal deċiżjoni.

12.   Il-Bord Governattiv għandu jiġi informat kompletament u rapidament dwar l-attivitajiet tal-Bureau u d-deċiżjonijiet meħuda mill-Bureau.

(5)  ĠU C 218, 13.9.2003, p. 1.”"

6)

Fl-Artikolu 9, jiġi miżjud is-sub-paragrafu li ġej:

“Il-president tal-Bord Governattiv u d-Direttur tal-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol għandhom ikollhom l-għażla li jattendu l-laqgħat tal-Bord Governattiv bħala osservaturi.”

7)

L-Artikolu 10 jiġi emendat kif ġej:

8)

Fl-Artikolu 11, il-paragrafu 2 jiġi sostitwit b’dan li ġej:

“2.   Id-Direttur għandu jkun ir-rappreżentant legali ta' l-Aġenzija u għandu jkun responsabbli għal dawn li ġejjin:

9)

It-terminu “Bord Amministrattiv” jiġi sostitwit bit-terminu “Bord Governattiv” kull darba li jidher fl-Artikoli.