IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat il-Protokoll 10 dwar Ċipru għall-Att rigward il-kondizzjonijiet ta’ l-adeżjoni tar-Repubblika Ċeka, ir-Repubblika ta' l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika Slovakka u l-aġġustamenti għat-Trattati li fuqhom hija stabbilita l-Unjoni Ewropea (1),

Wara li kkunsidrat ir-Regolament tal-Kunsill (KE) Nru 866/2004 tad-29 ta’ April 2004 dwar reġim li jaqa’ taħt l-Artikolu 2 tal-Protokoll Nru 10 għall-Att ta’ Adeżjoni (2), u b’mod partikolari l-Artikolu 9 tiegħu,

Billi:

(1)

L-Anness I għar-Regolament tal-Kunsill (KE) Nru 866/2004 jistipula lista ta’ postijiet li minnhom jaqsmu persuni u prodotti jistgħu jaqsmu l-fruntiera bejn iż-żoni li huma taħt kontroll effettiv tal-Gvern tar-Repubblika ta’ Ċipru u dawk iż-żoni li fihom il-Gvern tar-Repubblika ta' Ċipru ma jerċitax kontroll effettiv.

(2)	Wara ftehim dwar il-ftugħ ta’ postijiet ġodda li minnhom taqsam il-fruntiera f’Zodia u f’Ledra Street jinħtieġ li jiġi adottat l-Anness I.

(3)	Il-Gvern tar-Repubblika ta' Ċipru aċċetta dan l-adattament.

(4)	Il-Kamra tal-Kummerċ Turko-Ċiprijotta ġiet ikkonsultata dwar dan is-suġġett,

ADOTTAT DAN IR-REGOLAMENT

Artikolu 1

L-Anness I għar-Regolament (KE) Nru 866/2004 jinbidel b'dan li ġej:

“ANNESS I

Lista ta’ postijiet li minnhom taqsam il-fruntiera msemmija fl-Artikolu 2(4)

—	Agios Dhometios

—	Ledra Palace

—	Ledra Street

—

Zodia”

Artikolu 2

Dan ir-Regolament jidħol fis-seħħ fit-tielet jum wara l-jum l-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, nhar it-18 ta' April 2005.

Għall-Kummissjoni

Olli REHN

Membru tal-Kummissjoni