(1)

L-Artikolu 16(1) tar-Regolament tal-Kummissjoni (KE) Nru 1520/2000 tat-13 ta’ Lulju 2000 li jistipula regoli dettaljati komuni għall-applikazzjoni tas-sistema ta’ l-għoti tar-rifużjonijiet għall-esportazzjoni fuq ċerti prodotti agrikoli esportati fil-forma ta’ oġġetti mhux koperti mill-Anness I għat-Trattat, u l-kriterji biex jiġi ffissat l-ammont ta rifużjonijiet bħal dawn (2) jipprevedi li r-Regolament (KE) Nru 800/1999 tal-15 ta’ April 1999 li jistipula ir-regoli komuni ddettaljati għall-applikazzjoni tas-sistema għar-rifużjonijiet ta’ l-esportazzjoni fuq il-prodotti agrikoli (3) se japplika fir-rigward ta’ l-esportazzjonijiet tal-prodotti fil-forma ta’ merkanzija mhux koperti bl-Anness I għat-Trattat.

(2)

L-Artikolu 3 tar-Regolament (KE) Nru 800/1999, jipprevedi li l-intitolament għar-rifużjoni ta' l-esportazzjoni tinkiseb ma’ l-importazzjoni lejn pajjjiż terz speċifiku meta tapplika r-rifużjoni ddifferenzjata għal dak il-pajjiż terz. L-Artikoli 14, 15 u 16 ta’ dak ir-Regolament jistabbilixxu il-kondizzjonijiet għal-ħlas tar-rifużjoni ddiferenzjata, b’mod partikolari id-dokumenti li għandhom jingħataw bħala prova tal-wasla tal-merkanzija fid-destinazzjoni.

(3)

Meta xi rifużjoni ddifferenzjata tkun tapplika, l-Artikolu 18(1) u (2) tar-Regolament (KE) Nru 800/1999 jipprevedi li dik il-parti tar-rifużjoni, maħduma bir-rata ta' rifużjoni l-aktar baxxa, titħallas ma’ l-applikazzjoni mill-esportatur la darba tingħata prova li l-prodott ikun telaq mit-territorju tad-dwana tal-Komunità.

(4)

Il-Ftehim bejn il-Komunità Ewropea u l-Konfederazzjoni Żvizzera li jemenda l-Ftehim bejn il-Komunità Ekonomika Ewropea u l-Konfederazzjoni Żvizzera fit-22 ta' Lulju 1972 (4), li kien iffirmat f’Ottubru 2004, huwa applikabbli provviżorjament mill-1 ta’ Frar 2005 bis-saħħa 2005/45/KE tat-22 ta’ Diċembru 2004 dwar il-konklużjoni u l-applikazzjoni provviżorja tal-Ftehim bejn il-Komunità Ewropea u l-Konfederazzjoni Svizzera li temenda il-Ftehim bejn il-Komunità Ekonomika Ewropea u l-Konfederazzjoni Żvizzera tat-22 ta’ Lulju 1972 fir-rigward tad-dispożizzjonijiet applikabbli għall-prodotti agrikoli pproċessati (5).

(5)

Skond id-Deċiżjoni 2005/45/KE l-esportazzjoni ta’ ċerti prodotti agrikoli pproċessati lejn l-Iżvizzera u l-Liechtenstein, mill-1 ta’ Frar 2005, mhux se jkunu aktar eliġibbli għar-rifużjonijiet ta’ l-esportazzjoni, sakemm il-Komunità ma tiddeċidix li tintroduċi rifużjonijiet bħal dawn meta l-prezz ta’ referenza domestiku Żvizzeru ikun aktar baxx mill-prezz ta’ referenza domestiku tal-Komunità.

(6)

Id-Deċiżjoni 2005/45/KE tintroduċi dispożizzjonijiet speċjali fuq kooperazzjoni amministrattiva maħsuba biex tiġġieled l-irregolaritajiet u l-frodi fil-kwistjonijiet li għandhom x’jaqsmu mad-dwana u r-rifużjonijiet ta’ l-esportazzjoni.

(7)

Minħabba dawk id-dispożizzjonijiet u sabiex tiġi evitata l-impożizzjoni ta’ spejjeż bla ħtieġa fuq l-operaturi fin-negozju kummerċjali tagħhom ma’ pajjiżi terzi oħra, huwa xieraq li ssir deroga mir-Regolament (KE) Nru 800/1999 sa fejn dan jitlob prova ta’ l-importazzjoni fil-każ ta’ rifużjonijiet differenzjati. Huwa xieraq ukoll, fejn l-ebda rifużjonijiet ta’ esportazzjoni ma jkunu ġew iffissati għall-pajjiżi ta’ destinazzjoni partikolari fil-kwistjoni, li ma jitiqesx il-fatt ta’ meta tiġi ddeterminata l-iktar rata baxxa ta' rifużjoni.

(8)

Minħabba li l-miżuri stabbiliti fid-Deċiżjoni 2005/45/KE se japplikaw mill-1 ta’ Frar 2005 dan ir-Regolament għandu japplika mill-istess data u jidħol fis-seħħ minnufih.

(9)

Il-miżuri previsti f'dan ir-Regolament huma skond l-opinjoni tal-Kumitat ta' Ġestjoni dwar mistoqsijiet orizzontali li jikkonċernaw il-prodotti pproċessati agrikoli li ma humiex elenkati fl-Anness I tat-Trattat,