REGOLAMENT TAL-KUNSILL (KE, EURATOM) Nru 31/2005

ta' l-20 ta' Diċembru 2004

li jemenda, mill-1 ta’ Lulju 2004, ir-remunerazzjoni u l-pensjonijiet ta’ l-uffiċjali u impjegati oħra tal-Komunitajiet Ewropej kif ukoll il-koeffiċjenti korrettivi li jaffetwaw din ir-remunerazzjoni u l-pensjonijiet

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra l-Protokoll dwar il-Privileġġi u l-Immunitajiet tal-Komunitajiet Ewropej, u partikolarment l-Artikolu 13 tiegħu,

Wara li kkunsidra r-Regolamenti ta’ l-Uffiċjali tal-Komunitajiet Ewropej u l-Kondizzjonijiet tax-xogħol applikabbli għall-impjegati l-oħra tal-Komunitajiet, stabbiliti fir-Regolament (KEE, Euratom, KEFA) Nru 259/68 (1), kif emendat l-aħħar bir-Regolament (KE, Euratom) …/ (2), u b’mod partikolari l-Artikoli 63, 64, 65, 65a, 82 u l-Annessi VII, XI u XIII tar-Regolamenti msemmija kif ukoll l-ewwel inċiż ta’ l-Artikolu 20, l-Artikoli 64 u 92 tal-Kondizzjonijiet imsemmija,

Wara li kkunsidra l-proposta tal-Kummissjoni,

Sabiex jiggarantixxi li s-saħħa tax-xiri ta’ l-uffiċjali u l-impjegati l-oħra tal-Komunitajiet Ewropej tiżviluppa b’mod parallel ma’ dik ta’ l-impjegati taċ-ċivil nazzjonali ta’ l-Istati Membri, il-pagi u l-pensjonijiet ta' l-uffiċjali u l-impjegati l-oħra tal-Komunitajiet Ewropej se jiġu aġġustati skond il-verifika annwali tas-sena 2004,

ADOTTA DAN IR-REGOLAMENT:

Artikolu 1

B’effett mill-1 ta’ Lulju 2004, id-data ta'“l-1 ta’ Lulju 2003” imniżżla fit-tieni inċiż ta’ l-Artikolu 63 tar-Regolamenti tal-Persunal qed tiġi mibdula bid-data ta’“l-1 ta’ Lulju 2004”.

Artikolu 2

B’effett mill-1 ta' Lulju 2004, it-tabella tal-pagi bażiċi tax-xahar li tinsab fl-Artikolu 66 tar-Regolamenti tal-Persunal, qed tiġi mibdula bit-tabella li ġejja:

Artikolu 3

B’effett mill-1 ta’ Lulju 2004, il-koeffiċjenti korrettivi applikabbli, skond l-Artikolu 64 tar-Regolamenti tal-Persunal, għar-remunerazzjoni ta’ l-uffiċjali u impjegati oħra qed jiġu stabbiliti kif indikat fil-kolonna 2 tat-tabella hawn taħt.

B’effett mill-1 ta’ Jannar 2005, il-koeffiċjenti korrettivi applikabbli skond l-Artikolu 17(3) ta’ l-Anness VII tar-Regolamenti tal-Persunal, għat-trasferimenti li jsiru minn uffiċjali u impjegati oħra qed jiġu stabbiliti kif indikat fil-kolonna 3 tat-tabella hawn taħt.

B’effett mill-1 ta’ Lulju 2004, il-koeffiċjenti korrettivi applikabbli għall-pensjonijiet skond l-Artikolu 20(2) ta’ l-Anness XIII tar-Regolamenti tal-Persunal, qed jiġu stabbiliti kif indikat fil-kolonna 4 tat-tabella hawn taħt.

B’effett mill-1 ta’ Mejju 2005, il-koeffiċjenti korrettivi applikabbli għall-pensjonijet skond l-Artikolu 20(2) ta’ l-Anness XIII tar-Regolamenti tal-Persunal, qed jiġu stabbiliti kif indikat fil-kolonna 5 tat-tabella hawn taħt:

Artikolu 4

B’effett mill-1 ta’ Lulju 2004, l-ammont ta' l-allowance għal-leave tal-ġenituri msemmija fl-Artikolu 42a tar-Regolamenti tal-Persunal għandu jkun ta' 804,36 EUR u ta' 1 072,48 EUR għal ġenituri, mara jew raġel, li jrabbu t-tfal waħedhom.

Artikolu 5

B’effett mill-1 ta’ Lulju 2004, l-ammont bażiku ta' l-allowance tal-familja msemmija fl-Artikolu 1(1) ta' l-Anness VII tar-Regolamenti tal-Persunal għandu jkun ta' 150,44 EUR.

B’effett mill-1 ta’ Lulju 2004, l-ammont ta' l-allowance għat-tfal dipendenti msemmija fl-Artikolu 2(1) ta' l-Anness VII tar-Regolamenti tal-Persunal għandu jkun ta' 328,73 EUR.

B’effett mill-1 ta’ Lulju 2004, l-ammont ta' l-allowance għall-edukazzjoni msemmija fl-Artikolu 3(1) ta' l-Anness VII tar-Regolamenti tal-Persunal għandu jkun ta' 223,05 EUR.

B’effett mill-1 ta’ Lulju 2004, l-ammont ta' l-allowance għall-edukazzjoni kif imniżżel fl-Artikolu 3(2) ta' l-Anness VII tar-Regolamenti tal-Persunal għandu jkun ta' 80,30 EUR.

B’effett mill-1 ta’ Lulju 2004, l-ammont minimu ta' l-allowance għall-espatrijazzjoni imsemmija fl-Artikolu 69 tar-Regolamenti tal-Persunal u fit-tieni inċiż ta’ l-Artikolu 4(1) ta’ l-Anness VII tiegħu għandu jkun ta' 445,88 EUR.

Artikolu 6

B’effett mill-1 ta’ Jannar 2005, l-allowance għall-kilometraġġ imsemmija fl-Artikolu 8 ta' l-Anness VII tar-Regolamenti tal-Persunal għandha tiġi aġġustata kif ġej:

Ammont b’rata fissa supplimentari hu miżjud ma' l-allowance għall-kilometraġġ imniżżel hawn fuq:

Artikolu 7

B’effett mill-1 ta’ Lulju 2004, l-ammont għall-allowance tas-sussistenza ta' kuljum imsemmija fl-Artikolu 10(1) ta' l-Anness VII tar-Regolamenti tal-Persunal għandu jkun ta':

Artikolu 8

B’effett mill-1 ta’ Lulju 2004, l-inqas limitu għall-allowance għall-istallazzjoni imsemmija fl-Artikolu 24(3) tal-Kondizzjonijiet tax-Xogħol applikabbli għall-impjegati għandu jkun ta':

Artikolu 9

B’effett mill-1 ta’ Lulju 2004, għall-allowance għall-qgħad imsemmija fit-tieni inċiż ta’ l-Artikolu 28a(3) tal-Kondizzjonijiet tax-Xogħol għall-Impjegati l-oħra tal-Komunitajiet Ewropej, l-inqas limitu għandu jkun ta' 1 179,72 EUR, l-għola limitu għandu jkun ta' 2 359,44 EUR u l-allowance standard għandha tkun ta' 1 072,48 EUR

Artikolu 10

B’effett mill-1 ta’ Lulju 2004, it-tabella tal-pagi bażiċi ta’ kull xahar imniżżla fl-Artikolu 63 tal-Kondizzjonijiet tax-Xogħol applikabbli għall-impjegati l-oħra għandha tiġi mibdula bit-tabella li ġejja:

Artikolu 11

B’effett mill-1 ta’ Lulju 2004, it-tabella tal-pagi bażiċi ta’ kull xahar fl-Artikolu 93 tal-Kondizzjonijiet tax-Xogħol applikabbli għall-impjegati l-oħra għandha tiġi mibdula bit-tabella li ġejja:

Artikolu 12

B’effett mill-1 ta’ Lulju 2004, l-inqas limitu għall-allowance għall-istallazzjoni msemmija fl-Artikolu 94 tal-Kondizzjonijiet tax-Xogħol applikabbli għall-impjegati l-oħra għandu jkun ta':

Artikolu 13

B’effett mill-1 ta’ Lulju 2004, għall-allowance għall-qgħad imsemmija fit-tieni inċiż ta’ l-Artikolu 96(3) tal-Kondizzjonijiet tax-Xogħol applikabbli għall-impjegati l-oħra, l-inqas limitu għandu jkun ta' 884,79 EUR, l-għola limitu għandu jkun ta' 1 769,58 EUR u l-allowance standard għandha tkun ta' 804,36 EUR.

Artikolu 14

B’effett mill-1 ta’ Lulju 2004, l-allowances għal xogħol bix-xift imniżżla fl-Artikolu 1 tar-Regolament (KEFA, KEE, Euratom) Nru 300/76 (3) għandhom ikunu ta' 337,16 EUR, 508,90 EUR, 556,42 EUR u 758,58 EUR.

Artikolu 15

B’effett mill-1 ta’ Lulju 2004, l-ammonti imniżżla fl-Artikolu 4 tar-Regolament (KEE, Euratom, KEFA) Nru 260/68 (4) għandhom ikunu soġġetti għal koeffiċjent ta’ 4,867097.

Artikolu 16

B’effett mill-1 ta’ Lulju 2004, it-tabella ta’ l-ammonti li għandhom jiġu applikati imniżżla fl-Artikolu 8 ta’ l-Anness XIII tar-Regolamenti tal-Persunal għandha tiġi mibdula bit-tabella li ġejja:

Artikolu 17

B’effett mill-1 ta’ Lulju 2004, l-ammont għall-allowance għat-tfal dipendenti msemmija fl-Artikolu 14 ta' l-Anness XIII tar-Regolamenti tal-Persunal għandu jkun kif ġej:

Artikolu 18

B’effett mill-1 ta’ Lulju 2004, l-ammonti għall-allowance għall-edukazzjoni msemmija fl-Artikolu 15 ta' l-Anness XIII tar-Regolamenti tal-Persunal għandhom ikunu kif ġej:

Artikolu 19

B’effett mill-1 ta’ Lulju 2004, għall-applikazzjoni ta’ l-Artikolu 18 ta’ l-Anness XIII tar-Regolamenti tal-Persunal, l-ammont ta' l-allowance b’rata fissa msemmi fl-Artikolu 4a ta’ l-Anness VII tar-Regolamenti tal-Persunal qabel l-1 ta’ Mejju 2004 għandu jkun ta':

Artikolu 20

Dan ir-Regolament għandu jidħol fis-seħħ fil-jum ta’ wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.

(1)  ĠU L 56, 4.3.1968, p. 1.

(2)  ĠU L 124, 27.4.2004, p. 1.

(3)  Regolament tal-Kunsill (KEFA, KEE, Euratom) Nru 300/76 tad-9 ta’ Frar 1976 li jiddetermina l-kategoriji ta’ l-uffiċjali li jieħdu l-allowances għal xogħol bix-shift, u r-rati u l-kundizzjonijiet ta’ dawn (ĠU L 38, 13.2.1976, p. 1). Ir-Regolament kif komplut bir-Regolament (Euratom, KEFA, KEE) nru 1307/87 (ĠU L 124, tat-13.5.1987, p. 6), kif emendat l-aħħar mir-Regolament (KEFA, KE, Euratom) nru … (ĠU L …, 1.1.2004, p. 1).

(4)  Regolament tal-Kunsill (KEE, Euratom, KEFA) Nru 260/68 tad-29 ta’ Frar 1968 li jqiegħed il-kundizzjonijiet u l-proċedura għall-applikazzjoni tat-taxxa għall-benefiċċju tal-Komunitajiet Ewropej (ĠU L 56, ta’ l-4.3.1968, p. 8). Regolament kif emendat l-aħħar bir-Regolament (KE, KEFA, Euratom) nru … (ĠU L 264, 2.10.2002, p. 15).