21.11.2006   

MT

Il-Ġurnal Uffiċjali ta’ l-Unjoni Ewropea

375


DIRETTIVA TAL-KUMMISSJONI 2005/91/KE

tas-16 ta’ Diċembru 2005

li temenda d-Direttiva 2003/90/KE li tistabbilixxi miżuri ta’ implimentazzjoni għall-iskopijiet ta l-Artikolu 7 tad-Direttiva tal-Kunsill 2002/53/KE fir-rigward tal-karatteristiċi li għandhom jiġu koperti bħala minimu mill-eżami u l-kundizzjonijiet minimi għall-eżami ta’ ċerti varjetajiet ta’ speċi ta’ pjanti agrikoli

(Test b'rilevanza għaz-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 2002/53/KE tat-13 ta' Ġunju 2002 dwar il-katalgu komuni ta' varjetajiet ta' l-ispeċi tal-pjanti agrikoli (1), u b'mod partikolari l-Artikolu 7(2) (a) u (b) tagħha,

Billi:

(1)

Id-Direttiva tal-Kummissjoni 2003/90/KE (2) ġiet adottata biex tiżgura li l-varjetajiet li l-Istati Membri jinkludu fil-katalgi nazzjonali tagħhom jikkonformaw mal-linjigwida stabbiliti mill-Uffiċju Komunitarju dwar il-Varjetajiet tal-Pjanti (CPVO) fir-rigward tal-karatteristiċi li għandhom jiġu koperti bħala minimu mill-eżami u l-kundizzjonijiet minimi għall-eżami tal-varjetajiet, sa fejn kienu ġew stabbiliti linjigwida bħal dawn. Għal varjetajiet oħra, dik id-Direttiva tipprevedi li għandhom japplikaw il-linjigwida ta' l-Unjoni Internazzjonali għall-Protezzjoni ta’ Varjetajiet Ġodda ta' Pjanti (UPOV).

(2)

Is-CPVO stabbilixxa minn dak iż-żmien ’l hawn aktar linjigwida għal għadd ta’ speċi oħrajn.

(3)

Id-Direttiva 2003/90/KE għandha għalhekk tiġi emendata skond dan.

(4)

Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar iż-Żrieragħ u l-Materjal ta’ Propagazzjoni għall-Agrikoltura, l-Ortikultura u l-Forestrija,

ADOTTAT DIN ID-DIRETTIVA:

Artikolu 1

L-Annessi I u II tad-Direttiva 2003/90/KE huma sostitwiti bit-test fl-Anness għal din id-Direttiva.

Artikolu 2

Għall-eżamijiet mibdija qabel l-1 ta' April 2006, l-Istati Membri jistgħu jiddeċiedu li japplikaw it-test tad-Direttiva 2003/90/KE li japplika qabel l-emenda tiegħu mid-Direttiva preżenti.

Artikolu 3

L-Istati Membri għandhom minnufih jadottaw u jippubblikaw, sal-31 ta’ Marzu 2006, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Għandhom jikkomunikaw minnufih lill-Kummissjoni t-test ta’ dawn id-dispożizzjonijiet u tabella ta’ korrelazzjoni bejn dawn id-dispożizzjonijiet u din id-Direttiva.

Għandhom japplikaw dawn id-dispożizzjonijiet mill-1 ta’ April 2006.

Meta l-Istati Membri jadottaw dawk id-dispożizzjonijiet, għandhom jinkludu referenza għal din id-Direttiva jew ikunu akkumpanjati minn referenza bħal din dak in-nhar tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir referenza bħal din.

Artikolu 4

Din id-Direttiva għandha tidħol fis-seħħ fis-seba’ jum wara l-pubblikazzjoni tagħha fil-Ġurnal Uffiċjali ta' l-Unjoni Ewropea.

Artikolu 5

Din id-Direttiva hija indirizzata lill-Istati Membri.

Magħmula fi Brussell, nhar is-16 ta’ Diċembru 2005.

Għall-Kummissjoni

Markos KYPRIANOU

Membru tal-Kummissjoni


(1)   ĠU L 193, ta’ l-20.7.2002, p. 1 Id-Direttiva kif emendata mir-Regolament (KE) Nru. 1829/2003 tal-Parlament Ewropew u tal-Kunsill (ĠU L 268, tat-18.10.2003, p. 1).

(2)   ĠU L 254, tat-8.10.2003, p. 7.


ANNESS

“ANNESS I

Lista’ ta’ speċi li għandhom jikkonformaw mal-linjigwida tat-test CPVO

Speċi elenkati fil-Katalgu Komuni

Protokoll CPVO

Piżelli

Piżelli, TP 7/1 tas-6.11.2003

Kolza

Kolza, TP 36/1 tal-25.03.2004

Ġirasol

Ġirasol, TP 81/1 tal-31.10.2002

Ħafur

Ħafur, TP 20/1 tas-6.11.2003

Xgħir

Xgħir, TP 19/2 tas-6.11.2003

Ross

Ross, TP 16/1 tat-18.11.2004

Segala

Segala, TP 58/1 tal-31.10.2002

Triticale

Triticale, TP 121/1 tas-6.11.2003

Qamħ

Qamħ, TP 3/3 tas-6.11.2003

Qamħ durum

Qamħ durum, TP 12/02 tas-6.11.2003

Qamħirrum

Qamħirrum, TP 2/2 tal-15.11.2001

Patata

Patata, TP 23/1 tas-27.3.2002

It-test ta’ dawn il-protokolli jinsab fil-websajt tas-CPVO (www.cpvo.eu.int).

“ANNESS II

Lista’ ta’ speċi li għandhom jikkonformaw mal-linjigwida tat-test UPOV

Speċi elenkati fil-Katalgu Komuni

Linjigwida UPOV

Żerriegħa tal-pitravi għall-għalf (Beta vulgaris var. alba)

Żerriegħa tal-pitravi għall-għalf (Beta vulgaris var. alba), linjagwida TG 150/3 ta’ l-4.11.1994

Velvet bent

Bent, linjagwida TG/30/6 tat-12.10.1990

Red top

Bent, linjagwida TG/30/6 tat-12.10.1990

Creeping bent

Bent, linjagwida TG/30/6 tat-12.10.1990

Brown top

Bent, linjagwida TG/30/6 tat-12.10.1990

Rescue grass

Rescue grass, linjagwida TG/180/3 ta’ l-4.4.2001

Alaska brome-grass

Alaska brome-grass, linjagwida TG/180/3 ta' l-4.4.2001

Sieq is-serduk (Dactylis glomerata L.);

Sieq is-serduk (Dactylis glomerata L.), linjagwida TG/31/8 tas-17.4.2002

Żwien twil

Żwien twil, linjagwida TG/39/8 tas-17.4.2002

Żwien ovin (sheeps’ fescue)

Żwien (sheep’s fescue), linjagwida TG/67/4 tat-12.11.1980

Żwien tal-bur

Żwien tal-bur, linjagwida TG/39/8 tas-17.4.2002

Żwien aħmar

Żwien aħmar, linjagwida TG/67/4 tat-12.11.1980

Sikrana Taljana

Sikrana, linjagwida TG/4/7 tat-12.10.1990

Sikrana perenni

Sikrana, linjagwida TG/4/7 tat-12.10.1990

Sikrana ibrida

Sikrana, linjagwida TG/4/7 tat-12.10.1990

Timothy

Timothy, linjagwida TG/34/6 tas-7.11.1984

Millieġ (biz-zokk lixx)

Ħuxlief ikħal tal-Kentucky, linjagwida TG/33/6 tat-12.10.1990

Lupina bajda

Lupina bajda, linjagwida TG/66/4 tal-31.3.2004

Lupina kaħla

Lupina kaħla, linjagwida TG/66/4 tal-31.3.2004

Lupina safra

Lupina safra, linjagwida TG/66/4 tal-31.3.2004

Xnien

Xnien, linjagwida TG/6/5 tas-6.4.2005

Silla ħamra

Silla ħamra, linjagwida TG/5/7 ta’ l-4.4.2001

Silla bajda

Silla bajda, linjagwida TG/38/7 tad-9.4.2003

Fażola ta’ l-għelieqi

Fażola ta’ l-għelieqi, linjagwida TG/8/6 tas-17.4.2002

Ġilbiena sewda

Ġilbiena sewda, linjagwida TG/32/6 tal-21.10.1988

Swede

Swede, linjagwida 89/6 ta’ l-4.4.2001

Ravanell għall-għalf

Ravanell għall-għalf, linjagwida TG/178/3 ta’ l-4.4.2001

Karawett

Karawett, linjagwida TG/93/3 tat-13.11.1985

Lift (turnip rape)

Lift (turnip rape), linjagwida TG/185/3 tas-17.4.2002

Għosfor

Għosfor, linjagwida TG/134/3 tat-12.10.1990

Qoton

Qoton, linjagwida TG/88/6 ta’ l-4.4.2001

Kittien

Kittien, linjagwida TG/57/6 ta’ l-20.10.1995

Xaħxieħ

Xaħxieħ/Peprin, linjagwida TG/166/3 ta’ l-24.3.1999

Ġarġir abjad

Ġarġir abjad, linjagwida TG/179/3 ta’ l-4.4.2001

Sojja

Sojja, linjagwida TG/80/6 ta’ l-1.4.1998

Sorgu

Sorgu, linjagwida TG/122/3 tas-6.10.1989

It-test ta’ dawn il-linjigwida jinsab fil-websajt ta’ l-UPOV (www.upov.eu.int).

”