18.10.2006   

MT

Il-Ġurnal Uffiċjali ta’ l-Unjoni Ewropea

214

(1)

Id-Direttiva 72/245/KEE hija waħda mid-Direttivi separati taħt il-proċedura ta' approvazzjoni tat-tip stabbilita bid-Direttiva 70/156/KEE.

(2)

Sabiex titjieb is-sigurtà tal-vetturi bis-saħħa tat-tħeġġiġ għall-iżvilupp u t-tħaddim ta’ teknoloġiji li jużaw tagħmir tar-radar b’firxa żgħira għall-vetturi, il-Kummissjoni armonizzat, permezz tad-Deċiżjoni tal-Kummissjoni 2004/545/KE tat-8 ta’ Lulju 2004 dwar l-armonizzazzjoni ta’ medda ta’ frekwenzi tar-radju ta’ 79 GHz għall-użu fil-Komunità ta’ tagħmir tar-radar b’ firxa żgħira għall-vetturi (3) u d-Deċiżjoni tal-Kummissjoni 2005/50/KE tas-17 ta' Jannar 2005 dwar l-armonizzazzjoni tal-medda ta’ frekwenzi tar-radju ta’ 24 GHz għall-użu għal żmien limitat minn tagħmir tar-radar b’firxa żgħira għall-vetturi fil-Komunità (4), l-użu ta’ żewġ meded ta’ frekwenza ta’ l-ispektrum tar-radju.

(3)

Il-medda ta’ frekwenzi tar-radju ta' 79 GHz ġiet identifikata bħala l-aktar medda adattata għall-iżvilupp fit-tul u għall-użu u-tħaddim ta’ radar b'firxa żgħira għall-vetturi. Huwa għalhekk li d-Deċiżjoni 2004/545/KE għażlet u għamlet disponibbli l-medda ta’ frekwenzi tar-radju ta’ 79 GHz għat-tagħmir tar-radar b’firxa żgħira għall-vetturi fuq bażi ta’ non-interferenza u non-protezzjoni. Madankollu, it-teknoloġija fil-medda ta’ frekwenzi tar-radju ta’ 79 GHz għadha qed tiġi żviluppata u mhix immedjatament disponibbli fuq bażi ta’ nfiq effettiv.

(4)

L-użu limitat fiż-żmien għall-medda ta’ frekwenzi tar-radju ta’ 24 GHz għal tagħmir tar-radar b’firxa żgħira għall-vetturi ġie permess bid-Deċiżjoni 2005/50/KE. It-teknoloġija li tuża din il-medda ta’ frekwenzi hija disponibbli fiż-żmien fil-qosor bi prezz raġoneveoli, u dan se jagħmel possibbli li tiġi evalwata malajr l-effettività ta’ l-użu u t-tħaddim ta’ tagħmir tar-radar b’firxa qasira għall-vetturi f’dak li għandu x’jaqsam mas-sigurtà fuq it-toroq. Madanakollu, l-użu ta’ radars ta’ dik it-tekonolġija għandhom ikunu limitati sabiex ma jkunx hemm interferenza ma’ oġġetti oħra li jużaw il-medda ta’ frekwenzi tar-radju ta’ 24 GHz.

(5)

Id-Deċiżjoni 2005/50/KE tippermetti l-użu ta’ tagħmir tar-radar ta’ 24 GHz biss meta jkun ġie oriġinarjament installat f’vetturi ġodda jew meta jkun qed jissostitwixxi tagħmir li ġie installat b’dan il-mod u għal perjodu li jdum sa mhux aktar tard mit-30 ta’ Ġunju 2013. Madankollu, skond l-Artikolu 5 tad-Deċiżjoni 2005/50/KE, din id-data tista’ tiġi estiża.

(6)

Fi qbil mad-Deċiżjoni 2005/50/KE, l-Istati Membri waqqfu sistema ta’ monitoraġġ bil-ħsieb li jikkwantifikaw in-numru ta' vetturi rreġistrati fit-territorju tagħhom li huma mgħammra b'tagħmir tar-radar b'firxa żgħira u li jaħdem fuq medda ta’ 24 GHz. Huwa għalhekk meħtieġ illi l-Istati Membri jiġu pprovduti bil-mezzi xierqa sabiex iwettqu dan il-monitoraġġ.

(7)

Id-Direttiva 72/245/KEE għandha għalhekk tiġi emendata għal dawn ir-raġunijiet.

(8)

L-emendi għad-Direttiva 72/245/KEE għandhom impatt fuq id-Direttiva 70/156/KEE. Jeħtieġ għalhekk li din id-Direttiva tiġi emendata kif jixraq.

(9)

Il-miżuri previsti f' din id-Direttiva huma konformi ma’ l-opinjoni tal-Kumitat għall-Adattament għall-Progress Tekniku stabbilit mill-Artikolu 13 tad-Direttiva 70/156/KEE,

(1)

Fl-Anness I, il-punti li ġejjin jiddaħħlu wara l-punt 2.1.12.2:

(*)  ĠU L 21, tal-25.1.2005, p. 15."

(**)  ĠU L 241, tat-13.7.2004, p. 66”."

(2)

Fl-Anness IIA, il-punti li ġejjin jiddaħħlu wara l-punt 12.2.7:

(3)

Fl-appendiċi għall-Anness III A, il-punti li ġejjin jiddaħħlu wara l-punt 1.3:

(1)

Fl-Annessi I u III, il-punti li ġejjin jiddaħħlu wara l-punt 12.6.4:

(2)

Fl-Anness IX tal-Faċċata 2 ta' kull mudell taċ-Ċertifikat ta' Konformità (COC), il-punt 50 huwa ssostitwit minn dan li ġej:

“50.   Rimarki

(a)

għandhom iqisu ċ-ċertifikati ta’ konformità li jiġu mal-vetturi ġodda fi qbil mad-dispożizzjonijiet tad-Direttiva 70/156/KEE bħala li m’għadhomx validi għall-għanijiet ta’ l-Artikolu 7(1) ta’ dik id-Direttiva;

(b)

jistgħu jirrifjutaw ir-reġistrazzjoni, il-bejgħ jew it-tħaddim ta' vetturi ġodda.