12.12.2006 |
MT |
Il-Ġurnal Uffiċjali ta’ l-Unjoni Ewropea |
708 |
DEĊIŻJONI TAL-KUMMISSJONI
tal-21 ta’ Diċembru 2005
li teħles lill-Finlandja u l-Iżvezja mill-obbligu li japplikaw id-Direttiva tal-Kunsill 68/193/KEE dwar il-marketing ta' materjal għall-propagazzjoni veġetattiva tad-dielja
(innotifikata taħt dokument numru C(2005) 5469)
(It-testi bil-Finlandiż u bl-Iżvediż biss huma awtentiċi)
(2005/931/KE)
IL-KUMMISSJONI TAL-KOMMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 68/193/KEE tad-9 ta' April 1968 dwar il-marketing ta' materjal għall-propagazzjoni veġetattiva tad-dielja (1), u b'mod partikolari l-Artikolu 18a tagħha,
Wara li kkunsidrat it-talbiet imressqa mill-Finlandja u mill-Iżvezja.
Billi:
(1) |
Id-Direttiva 68/193/KEE tistipula ċerti dispożizzjonijiet għall-kummerċjalizzazzjoni ta' materjal għall-propagzzjoni tad-dwieli. Din id-Direttiva tipprevedi li, suġġett għal ċerti kundizzjonijiet, l-Istati Membri jistgħu jinħelsu għal kollox jew parzjalment mill-obbligu li japplikaw din id-Direttiva. |
(2) |
Il-materjal għall-propagazzjoni tad-dwieli normalment mhuwiex imkabbar jew imqiegħed fis-suq fil-Finlandja u l-Iżvezja. Barra minn hekk, it-tkabbir tad-dwieli huwa ta’ importanza ekonomika minima fil-pajjiżi msemmija hawn fuq. |
(3) |
Sakemm jibqgħu dawn il-kundizzjonijiet, l-Istati Membri rilevanti għandhom jinħelsu mill-obbligu li japplikaw id-Direttiva 68/193/KEE għall-materjal ikkonċernat. |
(4) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar iż-Żrieragħ u l-Materjal ta' Propagazzjoni għall-Agrikoltura, l-Ortikultura u l-Foresterija, |
ADOTTAT DIN ID-DEĊIŻJONI:
Artikolu 1
Il-Finlandja u l-Iżvezja huma b’dan meħlusa mill-obbligu li japplikaw id-Direttiva 68/193/KEE, minbarra l-Artkoli 12(1) u 12a.
Artikolu 2
Din id-Deċiżjoni hija indirizzata r-Repubblika tas-Finlandja u lir-Renju tad-Iżvezja.
Magħmul fi Brussell, nhar il-21 ta’ Diċembru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 93, 17.4.1968, p. 15. Direttiva kif l-aħħar emendata bid-Direttiva 2005/43/KE (ĠU L 164, 24.6.2005, p. 37).