DEĊIŻJONI TAL-KUMMISSJONI

ta’ l-14 ta’ Diċembru 2005

li temenda d-Direttiva tal-Kunsill 2002/56/KE fir-rigward tad-data stipulata fl-Artikolu 21(3) sa meta l-Istati Membri huma awtorizzati jestendu l-validità tad-deċiżjonijiet dwar l-ekwivalenza tal-patata taż-żrigħ minn pajjiżi terzi

(innotifikata taħt dokument numru C(2005) 5020)

(Test b'rilevanza għaż-ŻEE)

(2005/908/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 2002/56/KE tat-13 ta' Ġunju 2002 dwar il-bejgħ fis-suq tal-patata taż-żrigħ (1), u l-aktar it-tieni subparagrafu ta' l-Artiklu 21(3) tagħha,

Billi:

(1)	Id-Direttiva 2002/56/KE tipprevedi li, b'effett minn ċerti dati, l-Istati Membri jistgħu ma jibqgħux jiddeterminaw għalihom infushom l-ekwivalenza tal-patata taż-żrigħ li tkun ġejja minn pajjiżi terzi mal-patata taż-żrigħ li tkun ġejja mill-Komunità u li tkun tikkonforma ma' dik id-Direttiva.

(2)

Madankollu, billi għadha ma tlestietx il-ħidma għat-twaqqif ta' ekwivalenza Komunitarja għall-patata taż-żrigħ mill-pajjiżi terzi kollha kkonċernati, id-Direttiva 2002/56/KE permettiet li l-Istati Membri jestendu sal-31 ta’ Marzu 2005 l-validità tad-deċiżjonijiet ta’ ekwivalenza li kienu ġà ħadu għall-patata taż-żrigħ minn ċerti pajjiżi terzi mhux koperti minn ekwivalenza Komunitarja.

(3)

Fin-nuqqas ta' regoli Komunitarji fuq l-ekwivalenza tal-patata taż-żrigħ li tkun inħasdet f'pajjiżi terzi ma' dik li tkun ġejja mill-Komunità, l-awtorizzazzjoni mogħtija lill-Istati Membri mid-Direttiva 2002/56/KE biex jitwal il-perjodu tal-validità tad-deċiżjonijiet ta' l-ekwivalenza għandha titkompla għal perjodu ta' tliet snin.

(4)	Id-Direttiva 2002/56/KE għandha għalhekk tiġi emendata skond dan.

(5)	Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar iż-Żrieragħ u l-Materjal ta' Propagazzjoni għall-Agrikoltura, l-Ortikoltura u l-Forestrija,

ADOTTAT DIN ID-DEĊIŻJONI: