12.12.2006 |
MT |
Il-Ġurnal Uffiċjali ta’ l-Unjoni Ewropea |
641 |
DEIŻJONI TAL-KUMMISSJONI
tat-30 ta’ Novembru 2005
li temenda d-Deċiżjonijet 2005/759/KE u 2005/760/KE dwar il-miżuri għall-ġlieda kontra l-influwenza tat-tjur f’għasafar oħra għajr it-tjur ta’ l-irziezet
(innotifikata taħt dokument numru C(2005) 4663)
(Test b’rilevanza għaż-ŻEE)
(2005/862/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 90/425/KEE tas-26 ta’ Ġunju 1990 dwar l-iċċekkjar, veterinarju u żootekniku applikabbli għall-kummerċ intra-Komunitarju ta' ċerti annimali ħajjin u prodotti bil-ħsieb tat-tlestija tas-suq intern (1), u b’mod partikolari l-Artikolu 10(3) tiegħu,
Wara li kkunsidrat id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (2), u partikolarment l-Artikolu 18(1) tagħha,
Wara li kkunsidrat id-Direttiva tal-Kunsill 97/78/KEE tal-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (3), u partikolarment l-Artikolu 22(1) tagħha,
Wara li kkunsidrat ir-Regolament (KE) Nru 998/2003 tal-Parlament Ewropew u tal-Kunsill tas-26 ta' Mejju 2003 dwar il-ħtiġiet rigward is-saħħa ta' l-annimali li japplikaw għall-moviment mhux kummerċjali tal-pets u li jemenda d-Direttiva tal-Kunsill 92/65/KEE (4), u b' mod partikolari l-Artikolu 18 tiegħu,
Billi:
(1) |
L-influwenza tat-tjur hija marda virali infettiva fit-tjur ta’ l-irziezet u għasafar oħra, li tikkawża mwiet u disturbi li malajr jistgħu jiksbu daqs epiżootiku li kapaċi jkunu ta’ theddida serja għas-saħħa pubblika u dik ta’ l-annimali u li jnaqqsu sew il-profittabbiltà tat-trobbija tat-tjur ta' l-irziezet. Hemm riskju li l-aġent tal-marda jista’ jiddaħħal permezz tal-kummerċ internazzjonali fl-għasafar ħajjin għajr it-tjur ta’ l-irziezet, inkluż it-tjur li jiġu mas-sidien tagħhom (għasafar tad-dar). |
(2) |
Id-Deċiżjoni tal-Kummissjoni 2000/666/KE tas-16 ta’ Ottubru 2000 li tistabbilixxi r-rekwiżiti tas-saħħa ta' l-annimali u ċ-ċertifikat veterinarju għall-importazzjoni ta' għasafar, barra minn tjur u l-kondizzjonijiet għal kwarantina (5) tipprevedi li l-Istati Membri għandhom jawtorizzaw l-importazzjoni ta’ għasafar minn pajjiżi terzi elenkati bħala membri ta’ l-Organizzazzjoni Dinjija dwar is-Saħħa ta' l-Annimali (OIE). |
(3) |
Influwenza tat-tjur patoġenika ħafna ġiet lokalizzata fit-tjur importati fi kwarantina fi Stat Membru, u l-Kummissjoni adottat id-Deċiżjoni 2005/759/KE tas-27 ta’ Ottubru 2005 dwar ċerti miżuri ta’ ħarsien fir-rigward ta’ influwenza tat-tjur patoġenika ħafna f'ċerti pajjiżi terzi u l-moviment minn pajjiżi terzi ta’ għasafar li jakkumpanjaw lis-sidien tagħhom (6), u d-Deċiżjoni 2005/760/KE tas-27 ta’ Ottubru 2005 dwar ċerti miżuri ta’ ħarsien fir-rigward ta’ influwenza tat-tjur patoġenika f'ċerti pajjiżi terzi għall-importazzjoni ta' tjur maqbuda (7). |
(4) |
Ġew irrapportati każi ġodda ta' l-influwenza tat-tjur f'ċerti pajjiżi membri ta' l-OIE. Is-sospensjoni taċ-ċaqliq ta’ għasafar tad-dar u ta’ l-importazzjonijiet ta’ għasafar oħra minn ċerti żoni ta' riskju għandhom għalhekk jiġu estiżi. |
(5) |
Ir-Regolament (KE) Nru 998/2003 tal-Parlament Ewropew u tal-Kunsill tas-26 ta' Mejju 2003 dwar il-ħtiġiet rigward is-saħħa ta' l-annimali li japplikaw għall-moviment mhux kummerċjali tal-pets u li jemenda d-Direttiva tal-Kunsill Nru 92/65/KEE jipprevedi għar-reġimi veterinarji ta’ kontroll li jiddependu fuq in-numru u l-pajjiż ta’ l-oriġini ta’ l-annimali, Huwa xieraq li tintuża l-lista tal-pajjiżi terzi fit-Taqsima 2 tal-Parti B ta’ l-Anness II għal dak ir-regolament flimkien mal-lista ta’ pajjiżi previsti fl-Artikolu 1(4) tar-Regolament tal-Kummissjoni (KE) Nru 745/2004 tas-16 ta’ April 2004 li jistabbilixxi miżuri fir-rigward ta’ importazzjonijiet ta’ prodotti ġejjin mill-annimali għall-kunsum personali (8) sabiex jipprovdu għal deroga f’din id-Deċiżjoni. |
(6) |
Skond ir-Regolament (KE) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jippreskrivi regoli tas-saħħa li jirrigwardaw il-prodotti sekondarji ta’ l-annimali mhux maħsuba għall-konsum uman (9), it-tqegħid fis-suq ta’ firxa ta’ prodotti sekondarji ta’ l-annimali, bħall-ġelatina għall-użu tekniku, materjali għall-użu farmaċewtiku u oħrajn, li joriġinaw f’żoni tal-Komunità, taħt restrizzjonijiet tas-saħħa huwa awtorizzat, għax prodotti bħal dawn huma kkunsidrati sikuri minħabba kundizzjonijiet speċifiċi ta’ produzzjoni, ipproċessar u użu li effettivament jiddiżattivaw patoġeni possibbli jew jipprevjenu kuntatt ma’ annimali suxxettibbli. Skond il-punt 7 tal-Parti B tat-Taqsima II fil-Kapitolu III ta’ l-Anness VIII għal dak ir-Regolament, it-tqegħid fis-suq tal-gwanu mhuwiex suġġett għall-ebda kundizzjoni tas-saħħa ta’ l-annimali. |
(7) |
Skond l-Artikolu 21 tar-Regolament (KE) Nru 1774/2002, miżuri ta' salvagwardja dwar prodotti koperti bl-Annessi VII u VIII għal dak ir-Regolament huma adottati skond l-Artikolu 10 tad-Direttiva 90/425/KEE. |
(8) |
Id-Deċiżjonijiet 2005/759/KE u 2005/760/KE għandhom għalhekk jiġu emendati skond dan. |
(9) |
Il-miżuri previsti f’dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Id-Deċiżjoni Nru 2005/759/KE hija emendata kif ġej:
1. |
L-Artikolu 1 huwa mibdul b'dan li ġej: “Artikolu 1 Moviment mill-pajjiżi terzi 1. L-Istati Membri għandhom jawtorizzaw il-moviment mill-pajjiżi terzi ta’ l-għasafar tad-dar ħajjin mill-pajjiżi terzi biss fejn il-konsenja ikun fiha mhux iktar minn ħames għasafar u:
2. Il-konformità mal-kundizzjonijiet fil-paragrafu 1 se jiġi ċċertifikat minn veterinarju uffiċjali, fil-każ tal-kundizzjonijiet previsti fil-paragrafu 1 1 (b) (ii) ibbażat fuq id-dikjarazzjoni tas-sidien, fil-pajjiż terz tat-tluq skond iċ-ċertifikat mudell previst fl-Anness II. 3. Iċ-ċertifikat veterinarju se jiġi kkumplimentat bi
|
2. |
L-Artikolu 3 huwa mibdul b'dan li ġej: “Artikolu 3 Din id-Deċiżjoni ma għandhiex tapplika għall-moviment lejn it-territorju Komunitarju ta’ għasafar ħajjin li jakkumpanjaw lis-sidien tagħhom minn Andorra, il-Gżejjer Faeroe, Greenland, l-Iżlanda, il-Liechtenstein, Monako, in-Norveġja, San Marino, l-Iżvizzera u l-Istat tal-Belt tal-Vatikan.” |
3. |
Fl-Artikolu 5, id-data “t-30 ta’ Novembru 2005” tinbidel għal “l-31 ta’ Jannar 2006”. |
4. |
L-Anness I huwa emendat skond l-Anness għal din id-Deċiżjoni. |
Artikolu 2
Id-Deċiżjoni Nru 2005/760/KE hija emendata kif ġej:
1. |
L-Artikolu 2 huwa mibdul b'dan li ġej: “Artikolu 2 1. B’deroga mill-Artikolu 1(1)(a), l-Istati Membri għandhom jawtorizzaw l-importazzjoni ta’ l-għasafar mill-korpi, l-istituti u ċ-ċentri u maħsuba għal korpi, istituti u ċentri approvati mill-awtorità kompetenti ta’ l-Istat Membru destinatarju b’konformità mad-Direttiva 92/65/KEE. 2. B’deroga mill-Artikolu 1(1)(b), l-Istati Membri għandhom jawtorizzaw l-importazzjonijiet ta’:
|
2. |
Fl-Artikolu 6, id-data “t-30 ta’ Novembru 2005” tinbidel għal “l-31 ta’ Jannar 2006”. |
Artikolu 3
L-Istati Membri għandhom jieħdu l-miżuri meħtieġa biex jikkonformaw ma’ din id-Deċiżjoni u jippubblikaw dawk il-miżuri. Huma għandhom minnufih jgħarrfu l-Kummissjoni b'dan.
Artikolu 4
Din id-Deċiżjoni hija indirizzati lill-Istati Membri.
Magħmul fi Brussell, nhar it-30 ta’ Novembru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 29. Direttiva kif emendata l-aħħar bid-Direttiva 2002/33/KE tal-Parlament Ewropew u tal-Kunsill (ĠU L 315, 19.11.2002, p. 14).
(2) ĠU L 268, 24.9.1991, p. 56. Direttiva kif emendata l-aħħar bl-Att ta' l-Adeżjoni ta' l-2003.
(3) ĠU L 24, 30.1.1998, p. 9. Direttiva kif emendata l-aħħar bl-Att ta' l-Adeżjoni ta' l-2003.
(4) ĠU L 146, 13.6.2003, p. 1. Regolament kif emendat l-aħħar mir-Regolament tal-Kummissjoni (KE) Nru 1193/2005 (ĠU L 194, 26.7.2005, p. 4).
(5) ĠU L 278, 31.10.2000, p. 26. Deċiżjoni kif emendata l-aħħar bid-Deċiżjoni 2002/279/KE (ĠU L 99, 16.4.2002, p. 17).
(6) ĠU L 285, 28.10.2005, p. 52.
(7) ĠU L 285, 28.10.2005, p. 60.
(8) ĠU L 122, 26.4.2004, p. 1.
(9) ĠU L 273, 10.10.2002, p. 1. Regolament kif emendat l-aħħar mir-Regolament tal-Kummissjoni (KE) Nru 416/2005 (ĠU L 66, 12.3.2005, p. 10).
ANNESS
Anness I għad-Deċiżjoni 2005/759/KE hija mibdula b’li ġej:
“ANNESS I
Parti A
Il-pajjiżi membri ta’ l-OIE li jaqgħu taħt il-kompetenza tal-Kummissjonijiet Reġjonali ta' l-OIE msemmija fl-Artikolu 1 (1) (a):
—
Parti B
Il-pajjiżi membri ta’ l-OIE li jaqgħu taħt il-kompetenza tal-Kummissjonijiet Reġjonali ta' l-OIE msemmija fl-Artikolu 1 (1) (a):
— |
l-Afrika, |
— |
l-Ameriki, |
— |
L-Ażja, il-Lvant Imbiegħed u l-Oċeanja |
— |
l-Ewropa, minbarra l-pajjiżi msemmija fl-Artikolu 3, u |
— |
Il-Lvant Nofsani.” |