31.12.2008 |
MT |
Il-Ġurnal Uffiċjali ta’ l-Unjoni Ewropea |
365 |
DEĊIŻJONI TAL-KUMITAT POLITIKU U TA' SIGURTÀ EUPOL COPPS/1/2005
tas-16 ta’ Novembru 2005
dwar il-ħatra tal-Kap tal-Missjoni/Kummissarju tal-Puluzija tal-Missjoni tal-Pulizija ta' l-Unjoni Ewropea għat-Territorji Palestinjani (EUPOL COPPS)
(2005/836/PESK)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea u b’mod partikolari t-tielet paragrafu ta' l-Artikolu 25 tiegħu,
Wara li kkunsidra l-Azzjoni Konġunta tal-Kunsill 2005/797/PESK ta' l-14 ta’ Novembru 2005 dwar il-Missjoni tal-Pulizija ta' l-Unjoni Ewropea għat-Territorji Palestinjani (1), u b'mod partikolari l-Artikolu 11(2) tagħha,
Billi:
(1) |
L-Artikolu 11(2) ta' l-Azzjoni Konġunta 2005/797/PESK jipprovdi li l-Kunsill jawtorizza lill-Kumitat Politiku u ta' Sigurtà biex jieħu d-deċiżjonijiet rilevanti skond l-Artikolu 25 tat-Trattat, inkluża d-deċiżjoni li jaħtar, fuq proposta tas-Segretarju Ġenerali/Rappreżentant Għoli, Kap ta' Missjoni/Kummissarju tal-Pulizija. |
(2) |
Is-Segretarju Ġenerali/Rappreżentant Għoli ppropona l-ħatra tas-Sur Jonathan McIvor, |
IDDEĊIEDA KIF ĠEJ:
Artikolu 1
Is-Sur Jonathan McIvor huwa b'dan maħtur il-Kap tal-Missjoni tal-Pulizija ta' l-Unjoni Ewropea għat-Territorji Palestinjani (EUPOL COPPS) mill-jum minn meta tibda l-missjoni. Sa dik id-data, huwa għandu jaġixxi bħala l-kap ta' l-iskwadra ta' l-ippjanar.
Artikolu 2
Din id-Deċiżjoni għandha jkollha effett mill-jum ta’ l-adozzjoni tagħha.
Hija għandha tapplika sal-31 ta’ Diċembru 2006.
Magħmul fi Brussell, 16 ta’ Novembru 2005.
Għall-Kumitat Politiku u ta' Sigurtà
Il-President
J. KING
(1) ĠU L 300, 17.11.2005, p. 65.