(1)

Id-Direttiva 2000/75/KE tistabbilixxi l-miżuri ta’ kontroll u r-regoli biex jingħeleb l-bluetongue fil-Komunità, inkluż it-twaqqif ta’ żoni ta’ protezzjoni u sorveljanza u projbizzjoni fuq l-annimali li jħallu dawn iż-żoni.

(2)

Id-Deċiżjoni tal-Kummissjoni 2005/393/KE tat-23 ta’ Mejju 2005 dwar żoni ta’ protezzjoni u ta’ sorveljanza u kundizzjonijiet li japplikaw għall-movimenti minn jew f’dawn iż-żoni (2) tipprovdi għad-demarkazzjoni taż-żoni globali ġeografiċi fejn iż-żoni ta’ protezzjoni u sorveljanza (“żoni ristretti”) għandhom jiġu stabbiliti mill-Istati Membri fir-rigward tal-bluetongue.

(3)

Spanja infurmat lill-Kummissjoni li ċ-ċirkolazzjoni tal-virus instabet f’għadd ta’ żoni periferiċi taż-żona ristretta fir-rigward tss-serotip 4.

(4)

Konsegwentement, iż-żona ristretta għandha tiġi estiża u għandha titqies d-dejta disponibbli dwar l-ekoloġija ta’ l-organiżmu li jservi ta’ vettura u l-evoluzzjoni ta’ l-attività ta’ l-istaġjun tiegħu.

(5)

Id-Deċiżjoni 2005/393/KE għandha għalhekk tiġi emendata kif jixraq.

(6)

Il-miżuri previsti f’din id-Deċiżjoni huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali.

—

Provinċja ta’ Cádiz, Málaga, Sevilla, Huelva, Córdoba, Cáceres, Badajoz.

—

Provinċja ta’ Jaen (comarcas ta’ Jaen u Andujar).

—

Provinċja ta’ Toledo (comarcas ta’ Almorox, Belvis de Jara, Gálvez, Mora, Los Navalmorales, Ocaña, Oropesa, Quintanar de la Orden, Madridejos, Talavera de la Reina, Toledo, Torrijos u Juncos).

—

Provinċja ta’ Avila (comarcas de Arenas de San Pedro, Candelada, Cebreros, Las Navas del Marques, Navaluenga, Sotillo de la Adrada).

—

Provinċja ta’ Ciudad Real (comarcas ta’ Almadén, Almodóvar del Campo, Ciudad Real, Horcajo de los Montes, Malagón, Manzanares u Piedrabuena).

—

Provinċja ta’ Salamanca (comarcas ta’ Bejar, Ciudad Rodrigo u Sequeros).

—

Provinċja ta’ Madrid (comarcas ta’ Aranjuez, El Escorial, Grinon, Navalcarnero u San Martin de Valdeiglesias)”.