12.12.2006   

MT

Il-Ġurnal Uffiċjali ta’ l-Unjoni Ewropea

568

(1)

Skond id-Deċiżjoni tal-Kunsill 91/666/KEE tal-11 ta’ Diċembru 1991 li tistabbilixxi r-riżervi tal-Komunità tal-vaċċini (3) kontra l-marda ta’ l-ilsien u d-dwiefer, ħażniet ta’ l-antiġeni ġew stabbiliti għall-formulazzjoniurġenti għall-vaċċini kontra l-marda ta' l-ilsien u d-dwiefer u dawn jinżammu għal raġunijiet ta' sikurezza f' postijiet speċifiċinominati għal dan il-għan gl-istabbiliment tal-manifattur.

(2)

Skond id-Direttiva tal-Kummissjoni 2003/85/KE, il-Kummissjoni għandha tiżgura li r-riżervi Komunitarji ta’ l-antiġeni mhux attivati kkonċentrati għall-produzzjoni tal-vaċċini kontra l-marda ta’ l-ilsien u d-dwiefer jinżammu fl-istabbiliment tal-bank Komunitarju ta’ l-antiġeni u l-vaċċini.

(3)

Għal dak il-għan, in-numru tad-dożi u d-diversità tal-varjetajiet u s-subtipi ta’ l-antiġeni tal-viruses tal-marda ta’ l-ilsien u d-dwiefer maħżuna fil-bank Komunitarju ta’ l-antiġeni u vaċċini għandu jiġi deċiż billi jitqiesu l-ħtiġijiet kif stmati fil-kuntest tal-pjanijiet ta’ kontinġenza u s-sitwazzjoni epidemjoloġika, fejn hu xieraq wara konsultazzjoni mal-Laboratorju Komunitarju tar-Referenzi.

(4)

Sa ma jiġi nominat Laboratorju Komunitarju tar-Referenzi għall-marda ta’ l-ilsien u d-dwiefer, għandu jitqies r-rapport tal-Laboratorju Dinji tar-Referenzi tal-FAO għall-Marda ta’ l-Ilsien u Dwiefer dwar lista ta’ antiġeni prijoritarji li huma rrikmandati għall-banek ta' l-antiġeni. Din il-lista ġiet approvata mill-Kumitat Tekniku tal-Kummissjoni Ewropea għall-Kontroll tal-Marda ta' l-Ilsien u d-Dwiefer (EUFMD) fl-Organizzazzjoni ta' l-Ikel u l-Agrikoltura (FAO) fis-36 Sessjoni Ġenerali ta' l-EUMFD.

(5)

Id-deterjorament tas-sitwazzjoni tal-marda ta’ l-ilsien u d-dwiefer f’ ċerti partijiet tad-dinja jeħtieġ ċerti ħażniet ta’ l-antiġeni għall-forniment urġenti skond ir-riskji assoċjati ma’ dan l-iżvilupp għal sitwazzjoni epidemjoloġika fil-Komunità u l-pajjiżi qrib.

(6)

Meta jsiru d-deċiżjonijiet dwar l-akkwist ta’ kwantitajiet u subtipi addizzjonali ta' l-antiġeni tal-virus tal-marda ta' l-ilsien u d-dwiefer, trid titqies il-kwantita eżistenti ta' dawn l-antiġeni, tal-kompatibbiltà meħtieġa għat-tagħqid f’ vaċċini polivalenti u ta’ l-awtorizzazzjoni għat-tqegħid fis-suq li tkun fil-pussess tal-produttur ta’ l-antiġeni f’ mill-inqas Stat Membru wieħed skond id-Direttiva 2001/82/KE tal-Parlament Ewropew u tal-Kunsill tas-6 ta’ Novembru 2001 dwar il-kodiċi Komunitarju fir-rigward tal-prodotti mediċinali veterinarji (4).

(7)

Minħabba li l-informazzjoni dwar il-kwantitajiet u s-subtipi ta’ l-antiġeni jew tal-vaċċini awtorizzati maħżuna fil-bank Komunitarju ta’ l-antiġeni u l-vaċċini għandha tiġi ttrattata bħala informazzjoni klassifikata skond id-Direttiva 2003/85/KE, l-Anness ma’ din id-Deċiżjoni m' għandux jiġi ppubblikat.

(8)

Skond l-Artikolu 14 tad-Deċiżjoni 90/424/KEE, il-livell tal-parteċipazzjoni Komunitarja biex jiġu stabbiliti dawn il-ħażniet ta’ riżerva ta’ antiġeni u l-kondizzjonijiet li għalihom tista’ tkun soġġetta din il-parteċipazzjoni għandhom jiġu stipolati wkoll.

(9)

Il-miżuri previsti f’din id-Deċiżjoni huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,