|
12.12.2006 |
MT |
Il-Ġurnal Uffiċjali ta’ l-Unjoni Ewropea |
491 |
DEĊIŻJONI TAL-KUMMISSJONI
ta’ l-24 ta’ Ottubru 2005
li temenda d-Deċiżjoni 2002/300/KE dwar iż-żoni li tħallew barra mil-lista ta’ żoni li għandhom l-approvazzjoni rigward il-Bonamia ostreae u/jew il-Marteilia refringens
(innotifikata taħt dokument numru C(2005) 4081)
(Test b'relevanza għaż-ŻEE)
(2005/748/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/67/KEE tat-28 ta' Jannar 1991 li tikkonċerna l-kundizzjonijiet tas-saħħa ta' l-annimali li jirregolaw it-tqegħid fuq is-suq ta' l-annimali u prodotti ta' l-akwakultura (1), u b'mod partikolari l-Artikolu 5 tiegħu,
Billi:
|
(1) |
Id-Deċiżjoni tal-Kummissjoni 2002/300/KE tat-18 ta’ April 2002 li tistabbilixxi l-lista taż-żoni li għandhom l-approvazzjoni rigward il-Bonamia ostreae u/jew il-Marteilia refringens (2), tistabilixxi ż-żoni fil-Komunità meqjusa li ħielsa mill-mard tal-molluskiBonamia ostreae u/jew il-Marteilia refringens. |
|
(2) |
L-Irlanda u r-Renju Unit, permezz ta’ ittri tal-5 ta’ Ġunju 2005, infurmaw lill-Kummissjoni li l-Bonamia ostreae nstabet f'Lough Foyle, żona ta’ ilma tal-kosta komuni fil-fruntiera ta' bejn l-Irlanda u l-Irlanda ta' Fuq. Dik iż-żona qabel kienet meqjusa ħielsa mill-Bonamia ostreae għalhekk iżda ma tistax tibqa’ meqjusa bħala ħielsa minn dik il-marda. |
|
(3) |
Barra dan, l-Irlanda ressqet talba biex il-lista ta’ żoni li għandhom l-approvazzjoni fl-Irlanda rigward il-Bonamia ostreae fid-Deċiżjoni 2002/300/KE, tkun emendata sabiex id-deskrizzjoni ġeografika ta’ waħda miż-żoni affetwati minn dik il-marda tkun aktar preċiża. Għalhekk, id-deskrizzjoni “Logmore, Belmullet” għandha tinbidel f“Loughmore, Blacksod Bay”. |
|
(4) |
Id-Deċiżjoni 2002/300/KEE għandha tiġi emendata kif jixraq, |
|
(5) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Anness li jinsab mad-Deċiżjoni 2002/300/KE qed jinbidel bl-Anness li jinsab ma' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, nhar l-24 ta’ Ottubru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 46, 19.2.1991, p. 1. Direttiva kif emendata l-aħħar bir-Regolament (KE) Nru 806/2003 (ĠU L 122, 16.5.2003, p. 1).
(2) ĠU L 103, 19.4.2002, p. 24. Deċiżjoni kif emendata l-aħħar bid-Deċiżjoni Nru 2005/104/KE (ĠU L 33, 5.2.2005, p. 71).
ANNESS
“ANNESS
ŻONI APPROVATI GĦAL WIEĦED JEW AKTAR TIPI TA' MARD TAL-MOLLUSKI TAL-BONAMIA OSTREAE U MARTEILIA REFRINGENS
1.A. Iż-żoni Fl-Irlanda approvati fir-rigward tal-B. Ostreae
|
— |
Il-kosta kollha ta' l-Irlanda, minbarra s-seba’ żoni li jmiss:
|
1.B. Iż-żoni fl-irlanda approvati fir-rigward tal-M. Refringens
|
— |
Il-kosta kollha ta' l-Irlanda |
2.A. Iż-żoni fir-Renju Unit, iċ-Channel Islands u l-isle of Man approvati fir-rigward tal-B. Ostreae
|
— |
Il-kosta kollha tal-Gran Brittanja, minbarra t-tliet żoni li jmiss:
|
|
— |
Il-kosta kollha ta' l-Irlanda ta’ Fuq, minbarra ż-żona li miss:
|
|
— |
Il-kosta kollha ta' Guernesey u Herm |
|
— |
Iż-żona ta' l-Istati ta' Jersey: din iż-żona tikkorrispondi għaż-żona ta' tifrigħ tal-baħar u x-xatt bejn il-linja medja tal-mili tal-baħar fuq il-Gżira ta' Jersey u l-linja immaġinarja impinġija tliet mili nawtiċi 'l bogħod mil-linja medja tal-frugħ tal-baħar fuq il-Gżira ta' Jersey. Iż-żona tinsab fil-Golf Normann-Brittaniku, fin-naħa t'isfel tal-Kanal Ingliż. |
|
— |
Il-kosta kollha ta' l-Isle of Man |
2.B. Iż-żoni fir-Renju Unit, iċ-Channel Islands u l-isle of Man Approvati fir-rigward tal-M. Refringens
|
— |
Il-kosta kollha tal-Gran Brittanja |
|
— |
Il-kosta kollha ta' l-Irlanda ta’ Fuq |
|
— |
Il-kosta kollha ta' Guernesey u Herm |
|
— |
Iż-żona ta' l-Istati ta' Jersey: Din iż-żona tikkorrispondi għaż-żona ta' tifrigħ tal-baħar u x-xatt bejn il-linja medja tal-mili tal-baħar fuq il-Gżira ta' Jersey u l-linja immaġinarja impinġija tliet mili nawtiċi 'l bogħod mil-linja medja tal-frugħ tal-baħar fuq il-Gżira ta' Jersey. Iż-żona tinsab fil-Golf Normann-Brittaniku, fin-naħa t'isfel tal-Kanal Ingliż. |
|
— |
Il-kosta kollha ta' l-Isle of Man |
3. Iż-żoni fid-Danimarka approvati fir-rigward tal-B. Ostreae u M. Refringens
|
— |
Limfjorden minn Thyborøn fil-punent għal Hals fil-lvant.” |