12.12.2006   

MT

Il-Ġurnal Uffiċjali ta’ l-Unjoni Ewropea

489

(1)

L-influwenza tat-tjur hija marda virali li tittieħed fit-tjur u l-għasafar, li hija kawża ta’ mortalità u ta’ disturbi li faċilment jistgħu jaslu sa proporzjonijiet epiżootiċi u li jistgħu jkunu ta' periklu serju għas-saħħa ta’ l-annimali u tal-pubbliku u jnaqqsu konsiderevolment il-qligħ mit-trobbija tat-tjur. Hemm riskju li l-aġent tal-marda jista' jiddaħħal permezz tal-kummerċ internazzjonali fit-tjur ħajjin u fil-prodotti tat-tjur.

(2)

Influwenza tat-tjur b'patoġeniċità għolja kkawżata mis-sottotip H5N1 tal-virus A ta' l-Influwenza dan l-aħħar ġiet ikkonfermata f'pajjiżi terzi ġirien tal-Komunità. Xhieda ċirkostanzjali u data ta' epidemjoloġija molekolari jindikaw bil-qawwa li l-virus ta' l-influwenza tat-tjur infirex permezz ta' għasafar li jpassu.

(3)

Il-Kummissjoni, biex tagħmel monitoraġġ fuq is-sitwazzjoni fl-Istati Membri, adottat id-Deċiżjoni tas-17 ta' Ottubru 2005 li tapprova l-programmi għall-implimentazzjoni ta’ l-istħarriġ ta’ l-Istati Membri għall-inflwenza tat-tjur fit-tjur u fl-għasafar selvaġġi matul l-2005 u li tistipola regoli dwar ir-rappurtar u l-eliġibbiltà għall-kontribuzzjoni finanzjarja tal-Komunità fin-nefqa għall-implimentazzjoni ta’ dawk il-programmi (2)..

(4)

Sabiex jitnaqqas ir-riskju ta' l-influwenza tat-tjur b'patoġeniċità għolja li hu kkawżat mill-introduzzjoni tas-sottotip H5N1 tal-virus A ta' l-Influwenza fi stabbilimenti tat-tjur ta' l-irziezet u postijiet oħra fejn jinżammu maqbuda l-għasafar, minn għasafar selvaġġi, id-Deċiżjoni tal-Kummissjoni 2005/734/KE tad-19 ta' Ottubru 2005 li tistabbilixxi miżuri ta' bijosigurtà sabiex jitnaqqas ir-riskju ta' trażmissjoni ta' l-influwenza tat-tjur b'patoġeniċità għolja kkawżata mis-sottotip H5N1 tal-virus A ta' l-Influwenza minn għasafar selvaġġi fl-ambjent naturali tagħhom għal tjur ta' l-irziezet u għasafar oħra mrobbija mill-bniedem u li tipprevedi sistema ta' ditezzjoni minn kmieni f'żoni b'riskju partikolari (3), ġiet adottata.

(5)

Skond dik id-Deċiżjoni, l-Istati Membri għandhom jidentifikaw l-istabbilimenti li jżommu tjur ta' l-irziezet u għasafar oħra mrobbija mill-bniedem, li skond tagħrif epidemjoloġiku u ornitoloġiku għandhom jitqiesu f'riskju partikolari mis-sottotip H5N1 tal-virus A ta' l-Influwenza tat-tjur li nfirex permezz ta' għasafar selvaġġi.

(6)

Hekk kif qed jersaq l-istaġun il-ġdid tal-passa għal għasafar selvaġġi fil-Komunità u daħlu rapporti dwar tifqigħat ġodda ta' l-influwenza tat-tjur f'pajjiżi terzi ġirien tal-Komunità, huwa xieraq li jissaħħu, u fejn jixraq jiġu ssupplimentati, il-miżuri Komunitarji diġà fis-seħħ skond id-Deċiżjoni 2005/734/KE biex jitrażżan ir-riskju ta' frix ta' l-influwenza tat-tjur.

(7)

Id-Deċiżjoni 2005/734/KE għandha għalhekk tkun emendata kif jixraq.

(8)

L-Istati Membri għandhom jinfurmaw lill-Kummissjoni sal-5 ta' Novembru 2005 bil-miżuri meħuda sabiex tiġi żgurata implimentazzjoni tajba ta' din id-Deċiżjoni.

(9)

Il-miżuri previsti f’din id-Deċiżjoni huma f’konformità ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

1.

L-Artikolu 2a li ġej għandu jiġi miżjud:

“Artikolu 2a

Miżuri addizzjonali li jrażżnu r-riskji

1.   L-Istati Membri għandhom jiżguraw li fiż-żoni tat-territorji tagħhom li huma identifikati bħala partikolarment f'riskju għall-introduzzjoni ta' l-influwenza tat-tjur, skond l-Artikolu 1(1), jintlaħqu l-kundizzjonijiet li ġejjin:

2.   L-Istati Membri għandhom jiżguraw li l-ġabra ta' tjur ta’ l-irziezet u għasafar oħra fi swieq, spettakli, wirjiet u avvenimenti kulturali tkun ipprojbita; madankollu l-awtorità kompetenti tista' tawtorizza l-ġabra ta' tjur ta’ l-irziezet u għasafar tat-trobbija oħra f’dawn l-istabbilimenti suġġetti għal valutazzjoni tar-riskju b’riżultat favorevoli.”

2.

Id-data “sal-31 ta' Jannar 2006” fl-Artikolu 4 tinbidel għad-diċitura “sa l-1 ta' Diċembru 2005”.