(1)

Id-Deċiżjoni tal-Kunsill 90/424/KEE tipprovdi għal kontribuzzjoni finanzjarja tal-Komunità għat-teħid ta' miżuri tekniċi u xjentifiċi meħtieġa għall-iżvilupp tal-leġiżlazzjoni veterinarja Komunitarja u għall-edukazzjoni veterinarja jew it-taħriġ veterinarju.

(2)

Id-Deċiżjoni tal-Kummissjoni 2005/464/KE tal-21 ta’ Ġunju 2005 dwar l-implimentazzjoni tal-programmi ta’ stħarriġiet li għandhom isiru fl-Istati Membri għall-influwenza tat-tjur fit-tjur u fl-għasafar selvaġġi (2) tipprovdi għall-implimentazzjoni fl-2005 u kmieni fl-2006 għal dawn l-istħarriġiet, soġġetti għall-approvazzjoni mill-Kummissjoni ta' dawk il-pjanijiet ta' stħarriġ. Dawk l-istħarriġiet għandhom jinvestigaw il-preżenza ta’ infezzjonijiet fit-tjur, proċess li jista’ jwassal għal reviżjoni tal-leġiżlazzjoni kurrenti u jikkontribwixxi għall-għarfien ta’ xi riskji possibbli għall-annimali u għall-bniedem mill-annimali selvaġġi.

(3)

Il-programmi li tressqu mill-Istati Membri ġew eżaminati mill-Kummissjoni skond dik id-Deċiżjoni.

(4)

Madanakollu, wara l-iżvilupp reċenti tas-sitwazzjoni ta’ l-influwenza tat-tjur fl-Asja, laqgħat ta' grupp ta’ esperti li saru fil-25 ta’ Awwissu 2005 u fis-6 ta’ Settembru 2005 kkonkludew li fid-dawl tar-r-rotot migratorji ta’ l-ispeċijiet ta’ għasfar mill-Asja Ċentrali u tal-Punent, huwa xieraq li titjieb is-sorveljanza ta’ l-għasafar ħajjin u kaċċati kif ukoll is-sorvelljanza passiva fuq għasafar li jinsabu mejta. B’ mod partikolari, il-grupp ta’ l-esperti rrakkomanda intensifikazzjoni tal-programmi ta’ sorveljanza li huma diġà ppjanati għall-2005/2006, billi jissaħħaħ it-teħid ta' kampjuni ta’ l-għasafar ta’ l-ilma tul ir-rotot ta’ titjir li jistgħu jikkawżaw riskju ta’ l-introduzzjoni tal-marda. Id-Deċiżjoni 2005/464 b’ hekk ġiet emendata mid-Deċiżjoni 2005/726/KE.

(5)

Il-Kummissjoni sabet li l-programmi li tressqu huma konsistenti mal-kondizzjonijiet stipolati fid-Deċiżjoni 2005/464/KE, kif emendata. Dawk il-prrogrammi għandhom b’ hekk jiġu approvati.

(6)

Fid-dawl ta’ l-importanza ta’ dawk il-programmi għall-ilħiq ta’ l-għanijiet tal-Kummissjoni fil-kamp tas-saħħa ta’ l-annimali u dik pubblika, huwa xieraq li tiġi ffissata l-kontribuzzjoni finanzjarja Komunitarja għal 50 % tan-nefqa li għandhom jagħmlu l-Istati Membri kkonċernati għall-miżuri li jissemmew f’ din id-Deċiżjoni sa limitu massimu għal kull programm.

(7)

Spejjeż li huma relatati mal-programmi li għandhom jiġu apprrovati u li saru mill-1 ta’ Lulju 2005 għandhom jiġu kkunsidrati bħala eliġibbli għall-kofinanzjament mill-Komunità.

(8)

Aktar minn hekk, huwa xieraq li jiġu stipolati regoli għar-rappurtar ta’ l-istħarriġiet u għall-eliġibbiltà ta’ l-infiq li jinsab fit-talba finanzjarja għal parteċipazzjoni finanzjarja tal-Komunità fl-ispejjeż magħmula mill-Istati Membri għall-implimentazzjoni tal-programm.

(9)

Il-miżuri li dwarhom hemm provediment f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

a)

li jġib fis-seħħ il-liġijiet, ir-regolamenti jew id-dispożizzjonijiet amministrattivi meħtieġa għall-implimentazzjoni tal-programm;

b)

li jressaq rapport finali lill-Kummissjoni u lil-Laboratorju Komunitarju ta' Referenza għall-influwenza tat-tjur sa mhux iktar tard mill-31 ta’ Marzu 2006, dwar l-eżekuzzjoni teknika tal-programm u r-riżultati miksuba, skond il-mudelli ta’ rappurtar li jidhru fl-Annessi II, III, IV u V;

c)

li jressaq evidenza xierqa lill-Kummissjoni dwar l-infiq matul il-perjodu li għalih il-programm huwa approvat;

d)

li jimplimenta l-programmi b’ mod effiċjenti, partikolarment li l-awtorità kompetenti għandha tiżgura li jsir it-teħid ta' kampjuni xieraq.

a)

ELISA test

:

EUR 1 għal kull test;

b)

agar gel immune diffusion test

:

EUR 0.6 għal kull test;

c)

test HI għall-H5/H7

:

EUR 4 għal kull test;

d)

test ta’ l-iżolazzjoni tal-virus

:

EUR 30 għal kull test.

e)

test PCR

:

EUR 10 għal kull test.