|
29.11.2008 |
MT |
Il-Ġurnal Uffiċjali ta’ l-Unjoni Ewropea |
318 |
DEĊIŻJONI TAL-KUMMISSJONI
tad-9 ta’ Awwissu 2005
li tistabbilixxi l-klassijiet ta' reazzjoni għan-nar ta’ ċerti prodotti tal-kostruzzjoni
(notifikat bid-dokument numru C(2005) 2925)
(Test b'rilevanza għaż-ŻEE)
(2005/610/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunitajiet Ewropej,
Wara li kkunsidrat id-Direttiva 89/106/KEE tal-21 ta' Diċembru 1988, dwar l-approssimazzjoni ta’ liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini (1), u b'mod partikolari l-Artikolu 20(2)(a) tagħha,
Billi:
|
(1) |
Id-Direttiva 89/106/KEE tipprevedi li biex jiġu kkunsidrati livelli differenti ta' ħarsien għax-xogħlijiet ta' kostruzzjoni fuq livell nazzjonali, reġjonali jew lokali, jista' jkun meħtieġ li fid-dokumenti interpretattivi jiġu stabbiliti klassijiet li jikkorrispondu mar-reazzjonijiet tal-prodotti fir-rigward ta' kull rekwiżit essenzjali. Dawn id-dokumenti ġew ippubblikati bħala “Il-Komunikazzjoni tal-Kummissjoni fir-rigward tad-dokumenti interpretattivi tad-Direttiva 89/106/KEE (2)”. |
|
(2) |
Fir-rigward tar-rekwiżit essenzjali għas-sikurezza f'każ ta' nar, id-dokument interpretattiv Nru 2 jelenka għadd ta' miżuri interrelatati li flimkien jagħtu definizzjoni tal-istrateġija tas-sikurezza kontra n-nar li se tiġi żviluppata b'modi differenti fl-Istati Membri. |
|
(3) |
Id-Dokument Interpretattiv Nru 2 jidentifika waħda minn dawk il-miżuri bħala l-limitazzjoni tal-bidu u l-firxa tan-nar u d-duħħan f’żona partikolari billi jiġi limitat il-potenzjal tal-prodotti tal-kostruzzjoni li jikkontribwixxu għall-iżvilupp sħiħ tan-nirien. |
|
(4) |
Il-livell ta' din il-limitazzjoni jista' jiġi espress biss f'termini tal-livelli differenti ta' reazzjonijiet għan-nar tal-prodotti fl-applikazzjoni aħħarija tagħhom. |
|
(5) |
Għal soluzzjoni armonizzata, ġiet adottata sistema ta' klassijiet fid-Deċiżjoni tal-Kummissjoni 2000/147/KE (3) tat-8 ta' Frar 2000 li timplementa d-Direttiva tal-Kunsill 89/106/KEE rigward il-klassifikazzjoni tar-reazzjoni għan-nar tal-prodotti għall-kostruzzjoni. |
|
(6) |
Fil-każ ta' ċerti prodotti tal-kostruzzjoni, jinħtieġ tintuża l-klassifikazzjoni stabbilita fid-Deċiżjoni 2000/147/KE. |
|
(7) |
Ir-reazzjonijiet għan-nar ta' ħafna mill-prodotti u/jew materjali tal-kostruzzjoni, fi ħdan il-klassifikazzjoni prevista fid-Deċiżjoni 2000/147/KE, huma stabbiliti sewwa u magħrufa biżżejjed mir-regolaturi tan-nar fl-Istati Membri, tant li ma jeħtieġux testijiet għal din il-karatteristika partikolari ta' reazzjoni. |
|
(8) |
Il-prodotti għandhom jitqiesu f'rabta mal-applikazzjoni tal-użu aħħari tagħhom, fejn rilevanti. |
|
(9) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Kostruzzjoni, |
ADOTTAT DIN ID-DEĊIŻJONI:
Artikolu 1
Il-prodotti u/jew il-materjali tal-kostruzzjoni li jissodisfaw ir-rekwiżiti kollha tal-karatteristika tar-“reazzjoni għan-nar” mingħajr ħtieġa ta' aktar testijiet huma stipulati fl-Anness.
Artikolu 2
Il-klassijiet speċifiċi li għandhom jiġu applikati għal prodotti u/jew materjali differenti tal-kostruzzjoni, fi ħdan il-klassifikazzjoni tar-reazzjonijiet għan-nar adottata fid-Deċiżjoni 2000/147/KE, huma stipulati fl-Anness ta' din id-Deċiżjoni.
Artikolu 3
Din id-Deċiżjoni hija indirizzata lill-Istati Membri.
Magħmula fi Brussell, 9 ta’ Awwissu 2005.
Għall-Kummissjoni
Gunter VERHEUGEN
Viċi President
(1) ĠU L 40, 11.2.1989, p. 12. Id-Direttiva kif emendata l-aħħar bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
(3) ĠU L 50, 23.2.2000, p. 14. Id-Deċiżjoni kif emendata l-aħħar bid-Deċiżjoni 2003/632/KE (ĠU L 220, 3.9.2003, p. 5).
ANNESS
It-tabella stipulata f'dan l-Anness telenka prodotti u/jew materjali tal-kostruzzjoni li jissodisfaw ir-rekwiżiti kollha tal-karatteristika tar-reazzjoni għan-nar mingħajr ħtieġa ta' testijiet.
Tabella 1
KLASSIJIET TA' REAZZJONI GĦAN-NAR GĦALL-GLULAM (1)
|
Materjal |
Dettalji tal-prodott |
Densità medja minima (2) (kg/m3) |
Ħxuna nominali minima (mm) |
Klassi (3) |
|
Glulam |
Prodotti laminati inkullati tal-injam f’konformità ma’ EN14080. |
380 |
40 |
D-s2, d0 |
Tabella 2
KLASSIJIET TA' REAZZJONI GĦAN-NAR GĦALL-KISI LLAMINAT TAL-ART
|
Tip ta' kisi tal-art (4) |
Dettalji tal-prodott |
Densità minima (kg/m3) |
Ħxuna nominali minima (mm) |
Klassi tal-kisjiet (5) |
|
Kisi llaminat tal-art |
Kisi llaminat tal-art immanifatturat f’konformità ma’ EN 13329:2000. |
800 |
6,5 |
EFL |
Tabella 3
KLASSIJIET TA' REAZZJONI GĦAN-NAR GĦALL-KISI ELASTIKU TAL-ART
|
Tip ta' kisi tal-art (6) |
Standard tal-prodott EN |
Massa minima (kg/m2) |
Massa massima (kg/m2) |
Ħxuna nominali minima (mm) |
Klassi tal-kisjiet (7) |
|
Linoljum ordinarju u dekorattiv |
EN 548 |
2 300 |
4 900 |
2 |
EFL |
|
Kisi tal-art tal-polyvinyl chloride omoġenju u eteroġenju |
EN 649 |
2 300 |
3 900 |
1,5 |
EFL |
|
Kisi tal-art tal-polyvinyl chloride b’saff tal-fowm |
EN 651 |
1 700 |
5 400 |
2 |
EFL |
|
Kisi tal-art tal-polyvinyl chloride bil-parti ta’ wara bbażata fuq is-sufra |
EN 652 |
3 400 |
3 700 |
3,2 |
EFL |
|
Kisi tal-art tal-polyvinyl chloride mwessa’ (cushioned) |
EN 653 |
1 000 |
2 800 |
1,1 |
EFL |
|
Madum semi-flessibbli tal-polivinyl chloride |
EN 654 |
4 200 |
5 000 |
2 |
EFL |
|
Linoljum b’qiegħ tas-sufra |
EN 687 |
2 900 |
5 300 |
2,5 |
EFL |
|
Kisi tal-art tal-lasktu lixx omoġenju u eteroġenju bil-parti ta’ wara tal-fowm |
EN 1816 |
3 400 |
4 300 |
4 |
EFL |
|
Kisi tal-art tal-lasktu lixx omoġenju u eteroġenju |
EN 1817 |
3 000 |
6 000 |
1,8 |
EFL |
|
Kisi tal-art tal-lasktu mhux lixx omoġenju u eteroġenju |
EN 12199 |
4 600 |
6 700 |
2,5 |
EFL |
Tabella 4
KLASSIJIET TA' REAZZJONI GĦAN-NAR GĦALL-KISI TAL-ART TAT-TESSUTI
|
Tip ta' kisi tal-art (8) |
Standard tal-prodott EN |
Klassi tal-kisjiet (9) |
|
Twapet tal-pil magħmulin bil-magna li jaslu minn ħajt sa ħajt u madum tat-tapit tal-pil mhux FR (10) |
EN 1307 |
EFL |
|
Kisi tal-art tat-tessuti mingħajr pil maħdumin bil-labra mhux FR (10) |
EN 1470 |
EFL |
|
Kisi tal-art tat-tessuti bil-pil maħdumin bil-labra mhux FR (10) |
EN 13297 |
EFL |
(1) Tapplika għall-ispeċijiet kollha u t-tipi kollha ta’ kolla koperti mill-istandard tal-prodott.
(2) Ikkundizzjonata skont EN 13238.
(3) Il-Klassi kif prevista fit-Tabella 1 tal-Anness tad-Deċiżjoni 2000/147/KE.
(4) Kisi tal-art imqiegħed (mhux imwaħħal) fuq kwalunkwe sottostrat ≥ D-s2, d0 li fih l-injam, jew kwalunkwe sottostrat tal-klassi A2-s1, d0.
(5) Il-Klassi kif prevista fit-Tabella 2 tal-Anness tad-Deċiżjoni 2000/147/KE.
(6) Kisi tal-art imqiegħed (mhux imwaħħal) fuq kwalunkwe sottostrat ≥ D-s2, d0 li fih l-injam, jew kwalunkwe sottostrat tal-klassi A2-s1, d0.
(7) Il-Klassi kif prevista fit-Tabella 2 tal-Anness tad-Deċiżjoni 2000/147/KE.
(8) Kisi tal-art inkullat ma’, jew imqiegħad fuq, sottostrat tal-klassi A2-s1, d0.
(9) Il-Klassi kif prevista fit-Tabella 2 tal-Anness tad-Deċiżjoni 2000/147/KE.
(10) Kisi tal-art tat-tessuti li jkollu massa totali ta’ massimu ta’ 4 800 g/m2, u ħxuna minima tal-pil ta’ 1,8 mm ISO 1766) u:
|
— |
wiċċ ta’ 100 % suf; |
|
— |
wiċċ ta’ 80 % jew iktar tas-suf — 20 % jew inqas ta’ polyamide; |
|
— |
wiċċ ta’ 80 % jew iktar tas-suf — 20 % jew inqas ta’ polyamide/polyester; |
|
— |
wiċċ ta’ 100 % polyamide; |
|
— |
wiċċ ta’ 100 % polypropylene u, jekk ikunu b'wara tal-fowm SBR, massa totali ta' > 780 g/m2. It-twapet tal-polypropylene kollha b’wara ta’ fown ieħor mhumiex inklużi. |