|
12.12.2006
|
MT
|
Il-Ġurnal Uffiċjali ta’ l-Unjoni Ewropea
|
251
|
DEĊIŻJONI TAL-KUMMISSJONI
tal-25 ta’ Lulju 2005
l-awtorizzazzjoni għat-tqegħid fis-suq ta’ l-isomaltulose bħala ikel ġdid jew bħala ingredjent ġdid ta’ l-ikel skond ir-Regolament (KE) Nru 258/97 tal-Parlament Ewropew u tal-Kunsill
(notifikata taħt dokument numru C(2005) 2776)
(It-test bil-Ġermaniż biss huwa awtentiku)
(2005/581/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar ikel ġdid u ingredjenti ġodda ta’ l-ikel (1), u b’mod partikolari l-Artikolu 7 tiegħu,
Billi:
|
(1)
|
Fl-4 ta’ Marzu 2004 Südzucker AG għamlu talba lill-awtoritajiet kompetenti tal-Ġermanja sabiex jitqiegħed fis-suq l-isomaltulose bħala ikel ġdid jew bħala ingredjent ġdid ta’ l-ikel.
|
|
(2)
|
Fl-1 ta’ Ottubru ta’ l-2004 il-korp kompetenti għall-evalwazzjoni ta’ l-ikel tal-Ġermanja ħareġ rapport ta’ evalwazzjoni inizjali. F’dak ir-rapport waslu għall-konklużjoni li l-użu li ġie propost għall-isomaltulose huwa mingħajr riskju għall-konsum mill-bniedem.
|
|
(3)
|
Il-Kummissjoni ressqet ir-rapport ta’ evalwazzjoni inizjali lill-Istati Membri kollha nhar it-30 ta’ Novembru ta’ l-2004.
|
|
(4)
|
Fi żmien il-perjodu ta’-sittin jum stipolat skond l-Artikolu 6(4) tar-Regolament (KE) Nru 258/97, tqajmu oġġezzjonijiet raġunati għat-tqegħid fis-suq tal-prodott skond dik id-dispożizzjoni. L-oġġezzjonijiet/il-kummenti ġew diskussi ma’ l-Istati Membri fil-laqgħa tal-Kumitat Permanenti nhar l-14 ta’ Frar 2005 in konnessjoni ma’ l-ewwel talba li ġiet sottomessa minn Cargill għat-tqegħid ta’ l-isomaltulose fis-suq Komunitarju.
|
|
(5)
|
Rigward l-informazzjoni dwar in-nutriment inkluża fit-tikettar u r-reklamar ta’ l-oġġetti ta’ l-ikel li fihom l-isomaltulose, tapplika d-Direttiva tal-Kunsill 90/496/KE ta’ l-24 ta’ Settembru 1990 dwar it-tikkettar ta’ oġġetti ta’ l-ikel b’informazzjoni dwar in-nutriment (2).
|
|
(6)
|
Abbażi tar-rapport ta’ evalwazzjoni inizjali, ġie stabbilit li l-isomaltulose huwa f’konformità mal-kriterji stipolati fl-Artikolu 3(1) tar-Regolament (KE) Nru 258/97.
|
|
(7)
|
Il-miżuri stipolati f’din id-Deċiżjoni huma konformi ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,
|
ADOTTAT DIN ID-DEĊIŻJONI:
Artikolu 1
L-isomaltulose kif speċifikat fl-Anness, jista’ jitqiegħed fis-suq fil-Komunità bħala ikel ġdid jew ingredjent ġdid ta’ l-ikel għall-użu fl-oġġetti ta’ l-ikel.
Artikolu 2
L-isem uffiċjali “isomaltulose” irid jidher fuq it-tikkettar tal-prodott innifsu jew fil-lista ta’ ingredjenti ta’ l-oġġetti ta’ l-ikel li jkun jinsab fihom.
Permezz ta’ footnote murija b’mod prominenti abbinata ma’ l-isem uffiċjali isomaltulose bl-użu ta’ asterisk (*), għandhom jidhru l-kelmiet “l-isomaltulose huwa sors tal-glukosju u tal-fruttosju”. Il-kelmiet iridu jkunu b’tipa ta’ mill-inqas l-istess qies ta’ dawk tal-lista ta’ l-ingredjenti nnifisha.
Artikolu 3
Din id-Deċiżjoni hija indirizzata lil Südzucker AG Mannheim/Ochsenfurt, Maximilianstraβe 10, D-68165 Mannheim.
Magħmul fi Brussell, nhar il-25 ta’ Lulju 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 43, 14.2.1997, p. 1. Regolament kif l-aħħar emendata bir-Regolament (KE) Nru 1882/2003 (ĠU L 284, 31.10.2003, p. 1).
(2) ĠU L 276, 6.10.1990, p. 40. Direttiva kif l-aħħar emendata bid-Direttiva tal-Kummissjoni 2003/120/KE (ĠU L 333, 20.12.2003, p. 51).
ANNESS
SPEĊIFIKAZZJONIJIET TA’ L-ISOMALTULOSE
Definizzjoni:
Bħala disaccharide li għandu proprjetajiet ta’ riduzzjoni li jikkonsisti minn parti ta’ glukosju u parti ta’ fruttosju mwaħħlin ma’ xulxin permezz ta’ katina li tissejjaħ alpha-1,6- glucosidic. Jista' jinħoloq minn proċess enżimatiku fuq is-sukrosju. Il-prodott kummerċjali huwa il-monohydrate.
Isem kimiku
6-O-a-D-glucopyranosyl-D-fructofuranose, monohydrate
numru CAS
13718-94-0
Formula kimika
C12H22O11 · H2O
Formula strutturali
Piż tal-formula
360.3 (monohydrate)
Assay
Mhux inqas minn 98 % bbażat fuq il-piż dessikat
Deskrizzjoni
Kważi bla riħa, kristalli bojod jew kważi bojod b' togħma ħelwa
Telf mid-dessikkazzjoni
Mhux iktar minn 6,5 % (60 °C, 5h)
Ċomb
Mhux iktar minn 0,1 mg/kg
Ikseb permezz ta’ teknika xierqa ta’ l-assorbiment atomiku fuq il-livell speċifikat. L-għażla tal-qies tal-kampjuni u l-metodu tal-preparazzjoni tal-kampjuni jistgħu jkunu bbażati fuq il-prinċipji tal-metodu deskritt fl’FNP 5 (1), “Metodi strumentali”.
(1) Karta 5 Rev 2 dwar Ikel u Nutriment – Gwida għall-ispeċifikazzjonijiet ta’ avviżi ġenerali, teknika ġenerali analitika, testijiet ta’ identiikazzjoni, soluzzjonijiet għat-testijiet u materjali oħrajn ta’ referenza. (JECFA) ta’ l-1991, 322 paġna. Ingliż – ISBN 92-5-102991-1