(1)

It-Tribunal għas-Servizz Pubbliku ta' l-Unjoni Ewropea ġie stabbilit bid-Deċiżjoni 2004/752/KE, Euratom, abbażi ta' l-Artikoli 225a u 245 tat-Trattat KE u l-Artikoli 140b u 160 tat-Trattat KEEA. Għal dak il-għan, dik id-Deċiżjoni żiedet Anness għall-Protokoll dwar l-Istatut tal-Qorti tal-Ġustizzja (minn hawn 'il quddiem imsejjaħ “Anness I għall-Istatut tal-Qorti tal-Ġustizzja”).

(2)

L-Artikolu 3 ta' l-Anness I għall-Istatut tal-Qorti tal-Ġustizzja jipprevedi li:

(3)

Bid-Deċiżjoni 2005/150/KE tiegħu, Euratom (2), il-Kunsill iffissa l-kondizzjonijiet u l-modalitajiet tal-preżentazzjoni u l-ipproċessar tal-kandidaturi għall-ħatra ta' mħallef tat-Tribunal għas-Servizz Pubbliku, kif previst fl-Artikolu 3(2) ta' l-Anness I għall-Istatut tal-Qorti tal-Ġustizzja.

(4)

Bid-Deċiżjoni 2005/49/KE tiegħu, Euratom (3), il-Kunsill iddetermina r-regoli tal-ħidma tal-kumitat previsti fl-Artikolu 3(3) ta’ l-Anness I għall-Protokoll dwar l-Istatut tal-Qorti tal-Ġustizzja.

(5)

Bid-Deċiżjoni 2005/151/KE tiegħu, Euratom (4), il-Kunsill ħatar il-Membri tal-kumitat kif previst fl-Artikolu 3(3) ta’ l-Anness I għall-Protokoll dwar l-Istatut tal-Qorti tal-Ġustizzja.

(6)

Is-sejħa pubblika għall-kandidaturi għall-ħatra ta' mħallfin għat-Tribunal għas-Servizz Pubbliku ġiet pubblikat fit-23 ta' Frar 2005 (fi ĠU C 47 A, p.1); it-termini perentorju għall-preżentazzjoni tal-kandidaturi skadaaaaa fil-15 ta' April 2005. Ġew irreġistrati 243 kandidatura

(7)

Il-kumitat stabbilit permezz ta' l-Artikolu 3(3) ta' l-Anness I għall-Istatut tal-Qorti tal-Ġustizzja ltaqa' f'diversi okkażjonijiet f'Mejju u Ġunju 2005. Kif lesta mid-diskussjonijiet tiegħu, huwa ffinalizza l-opinjoni u l-lista previsti fl-Artikolu 3(4) ta’ l-Anness I għall-Istatut tal-Qorti tal-Ġustizzja. Il-lista fiha 14-il kandidat.

(8)

Skond ir-raba' paragrafu ta' l-Artikolu 225a tat-Trattat tal-KE u r-raba' paragrafu ta' l-Artikolu 140b tat-Trattat tal-KEEA, l-imħallfin tat-Tribunal għas-Servizz Pubbliku għandhom jiġu maħtura mill-Kunsill.

(9)

Seba' mill-persuni inklużi fil-lista ta' hawn fuq għandhom għalhekk jinħatru, filwaqt tiġi żgurata kompożizzjoni ekwilibrata tat-Tribunal fuq bażi ġeografika l-aktar wiesgħa possibbli minn fost ċittadini ta' l-Istati Membri u fir-rigward tas-sistemi legali rappreżentati, kif previst fl-Artikolu 3(1) ta' l-Anness I għall-Istatut tal-Qorti tal-Ġustizzja.

(10)

Taħt l-ewwel sentenza tat-tieni paragrafu ta' l-Artikolu 2 ta' l-Anness I għall-Istatut tal-Qorti tal-Ġustizzja, l-imħallfin tat-Tribunal għas-Servizz Pubbliku għandhon jiġu maħtura għal perijodu ta' sitt snin. B'deroga minn dik id-dispożizzjoni, l-Artikolu 3(2) tad-Deċiżjoni 2004/752/KE, Euratom jipprevedi li li ladarba l-imħallfin kollha tat-Tribunal ikunu ħadu l-ġurament, il-President tal-Kunsill għandu jagħżel bix-xorti tliet imħallfin tat-Tribunal li l-funzjonijiet tagħhom għandhom jispiċċaw mat-tmiem ta' l-ewwel tliet snin tal-mandat tagħhom. Ir-riżultat ta' l-għażla bix-xorti għandha tingħata pubbliċità adatta billi tiġi pubblikata fil-Ġurnal Uffiċjali ta' l-Unjoni Ewropea.

(11)

Għandu wkoll jiġi innotat, fir-rigward tal-ħatra ta' l-ewwel President tat-Tribunal għas-servizz Pubbliku, li skond l-Artikolu 3(1) tad-Deċiżjoni 2004/52/KE, Euratom il-Kunsill għandu l-possibbiltà li japplika l-proċedura stabbilita fl-Artikolu 4(1) ta' l-Anness I għall-Istatut tal-Qorti tal-Ġustizzja, li tipprevedi li l-imħallfin għandhom jaħtru minn fosthom il-President tat-Tribunal għas-Servizz Pubbliku għal perijodu ta' tliet snin. Għandu jsir użu minn dik il-possibbiltà,

—

Irena BORUTA

—

Stéphane GERVASONI

—

Heikki KANNINEN

—

Horstpeter KREPPEL

—

Paul J. MAHONEY

—

Charisios TAGARAS

—

Sean VAN RAEPENBUSCH