—

Huwa l-fonti tal-kompetenza militari ta' l-UE;

—

Huwa jassigura l-konnessjoni bejn l-EUMC min-naħa l-waħda u r-riżorsi militari disponibbli għall-UE min-naħa l-oħra, u jipprovdi kompetenza militari lill-korpi ta' l-UE skond id-direttivi mill-EUMC;

—

Huwa jwettaq tliet funzjonijiet operattivi prinċipali: twissija minn kmieni, valutazzjoni tas-sitwazzjoni u pjanar strateġiku;

—

Huwa jipprovdi kapaċità ta' twissija minn kmieni. Huwa jippjana, jivvaluta u jagħmel rakkomandazzjonijiet fir-rigward tal-kunċett ta' maniġġar ta' kriżijiet u l-istrateġija militari ġenerali u jimplimenta d-deċiżjonijiet u d-direttivi ta' l-EUMC;

—

Huwa jagħti appoġġ lill-EUMC fir-rigward tal-valutazzjoni tas-sitwazzjoni u l-aspetti militari ta' l-ippjanar strateġiku (1), fuq il-medda kollha ta' missjonijiet u kompiti previsti fl-Artikolu 17.2 tat-TUE, inklużi dawk identifikati fl-Istrateġija Ewropea ta' Sigurtà, għall-każijiet kollha ta' operazzjonijiet immexxija mill-UE, kemm jekk l-UE tieħu mill-assi u l-kapaċitajiet tan-NATO u wkoll jekk le.

—

Huwa jagħti appoġġ (fuq talba tal-SĠ/RG jew tal-Kumitat Politiku u ta' Sigurta' (PSC)) lil missjonijiet temporanji għal pajjiżi terzi jew organizzazzjonijiet internazzjonali, sabiex jipprovdi kif meħtieġ konsulenza u assistenza dwar aspetti militari tal-prevenzjoni ta' konflitti, maniġġar ta' kriżijiet u stabbilizzazzjoni wara l-kunflitt;

—

Huwa jikkontribwixxi għall-proċess ta' elaborazzjoni, valutazzjoni u reviżjoni ta' miri ta' kapaċità li b'kont meħud tal-ħtieġa, għal dawk l-Istati Membri konċernati, li tiġi żgurata koerenza mal-Proċess ta' Pjanar għad-Difiża (DPP) tan-NATO u l-Proċess ta' Pjanar u Reviżjoni (PARP) tas-Sħubija għall-Paċi (PfP) skond proċeduri miftiehma.

—

Huwa jaħdem f'kordinazzjoni mill-qrib ma' l-Aġenzija tad-Difiża Ewropea;

—

Huwa għandu r-responsabbiltà li jagħmel monitoraġġ, jivvaluta u jagħmel rakkomandazzjonijiet dwar il-forzi u l-kapaċitajiet magħmula disponibbli għall-UE mill-Istati Membri, dwar taħriġ, eżerċizzji u interoperabbiltà;

—

Huwa jżomm il-kapaċità biex jirrinforza l-HQ nazzjonali magħżul biex imexxi operazzjoni awtonoma ta' l-UE, primarjament permezz ta' Ċellula Ċiv/Mil;

—

Huwa għandu r-responsabbiltà permezz taċ-Ċellula Ċiv/Mil, li jiġġenera l-kapaċità li jippjana u jmexxi operazzjoni militari awtonoma ta' l-UE, u jżomm il-kapaċità fi ħdan l-EUMS, li jistabbilixxi malajr ċentru ta' operazzjoni għal operazzjonijiet speċifika, partikolarment fejn rispons ċivil/militari konġunt huwa meħtieġ u fejn mhu identifikat l-ebda kwartier nazzjonali, ladarba deċiżjoni dwar tali operazzjoni ittieħdet mill-Kunsill, fuq parir ta' l-EUMC.

—

Huwa jipprovdi kompeteza militari lis-Segretarju-Ġenerali/Rappreżentant Għoli u lill-korpi tal-UE, taħt id-direzzjoni ta' l-EUMC;

—

Huwa jagħmel monitoraġġ tal-kriżijiet potenzjali billi jafda fuq kapaċitajiet ta' tagħrif sigriet nazzjonali u multinazzjonali xierqa;

—

Huwa jforni ċ-Ċentru tas-Sitwazzjoni b' informazzjoni militari u jirċievi l-kontribut tiegħu;

—

Huwa jwettaq l-aspetti militari ta' pjanar strateġiku bil-quddiem;

—

Huwa jidentifika u jelenka l-forzi nazzjonali u multinazzjonali Ewropej għal operazzjonijiet immexxija mill-UE kordinati man-NATO;

—

Huwa jikkontribwixxi għall-iżvilupp u t-tħejjija (inklużi taħriġ u eżerċizzji) ta' forzi nazzjonali u multinazzjonali magħmula disponibbli mill-Istati Membri lill-UE. Il-modalitajiet tar-relazzjoni man-NATO huma definiti fid-dokumenti rilevanti;

—

Huwa jorganizza u jikkoordina l-proċeduri ma' HQs nazzjonali u multinazzjonali inklużi dawk l-HQs tan-NATO disponibbli għall-UE, biex tiġi żgurata, safejn possibbli, il-kompatibbilità mal-proċeduri tan-NATO;

—

Huwa jikkontribwixxi lejn l-aspetti militari tad-dimensjoni tal-PESD tal-ġlieda kontra t-terroriżmu;

—

Huwa jikkontribwixxi għall-iżvilupp ta' kunċetti, duttrina, pjanijiet u proċeduri għall-użu ta' assi u kapaċitajiet militari għal operazzjonijiet ta' maniġġar ta' konsegwenzi ta' diżastri naturali jew ikkawżati mill-bniedem;

—

Huwa jipprogramma, jippjana, imexxi u jivvaluta l-aspetti militari tal-proċeduri ta' maniġġar ta' kriżijiet ta' l-UE, inkluż l-eżerċizzju tal-proċeduri UE/NATO;

—

Huwa jipparteċipa fl-estimi finanzjarji ta' operazzjonijiet u eżerċizzji;

—

Huwa jagħmel kollegament ma' l-HQs nazzjonali u l-HQs multinazzjonali tal-forzi multinazzjonali;

—

Huwa jistabbilixxi relazzjonijiet permanenti man-NATO skond l-“Arranġamenti permanenti UE/NATO”;

—

Huwa jospita Grupp ta' Kollegament man-NATO fl-EUMS u jżomm Ċellola ta' l-UE f' SHAPE skond ir-Rapport tal-Presidenza dwar l-ESDP adottat mill-Kunsill fit-13 ta' Diċembru 2004;

—

Huwa jistabbilixxi relazzjonijiet adatti ma' korrispondenti identifikati fin-Nazzjonijiet Uniti kif ukoll organizzazzjonijiet internazzjonali oħra, inklużi l-OSCE u l-AU, soġġett għal qbil minn dawn l-organizzazzjonijiet;

—

Huwa jikkontribwixxi għall-proċess meħtieġ ta' tagħlim miksub mill-esperjenza;

—

Kompiti mwettqa permezz taċ-Ċellula Ċiv/Mil:

—

Huwa jitlob u jipproċessa informazzjoni speċifika mill-organizzazzjonijiet ta' tagħrif sigriet u informazzjoni rilevanti oħra mis-sorsi kollha disponibbli;

—

Huwa jappoġġa lill-EUMC fil-kontributi tiegħu għal Gwida dwar Ippjanar Inizzjali u Direttivi ta' Pjanar tal-PSC;

—

Huwa jiżviluppa u jagħti l-prijoritajiet ta' l-għażliet strateġiċi militari bħala l-bażi għall- konsulenza militari ta' l-EUMC lill-PSC permezz ta':

—

Huwa jidentifika f' kordinazzjoni ma' persunal ta' pjanar nazzjonali u, skond il-ħtieġa, in-NATO, il-forzi li jistgħu jipparteċipaw f'operazzjonijiet possibbli mmexxija mill-UE;

—

Huwa jassisti lill-kmandant ta' l-operazzjoni fi skambji tekniċi ma' pajjiżi terzi li joffru kontributi militari lil operazzjoni mmexxija mill-UE, u fit-tħejjija tal-konferenza tal-ġenerazzjoni ta' forza;

—

Huwa jkompli jagħmel monitoraġġ ta' sitwazzjonijiet ta' kriżi;

—

Kompiti mwettqa permezz taċ-Ċellula Ċiv/Mil:

—

L-EUMS, li jaġixxi taħt id-direzzjoni ta' l-EUMS, jagħmel monitoraġġ kontinwu ta' l-aspetti militari kollha ta' l-operazzjonijiet. Huwa jmexxi analiżi strateġika f'kollegament mal-kmandant ta' l-operazzjoni magħżul sabiex jingħata appoġġ lill-EUMC fir-rwol konsultattiv tiegħu lill-PSC inkarigat mid-direzzjoni strateġika;

—

Fid-dawl ta' żviluppi politiċi u operattivi, huwa jipprovdi għażliet ġodda għall-EUMC bħala bażi għall-konsulenza militari ta' l-EUMC lill-PSC;

—

Huwa jikkontribwixxi għan-nukleu ċentrali rinforzat, u għal żieda ulterjuri, kif meħtieġ, taċ-Ċentru Operattiv ta' l-UE;

—

Kompiti mwettqa taċ-Ċellula Ċiv/Mil:

—

L-EUMS taħdem taħt id-direzzjoni militari ta' l-EUMC, li lilu jirrapporta;

—

L-EUMS hu dipartiment tas-Segretarjat tal-Kunsill marbut direttament mas-SĠ/RGħ u jaħdem f'kooperazzjoni stretta ma' dipartimenti oħrajn tas-Segretarjat tal-Kunsill;

—

L-EUMS hu mmexxi mid-DGEUMS, uffiċjal ta' l-ammirall ta' 3-stilel;

—

Huwa magħmul minn persunal sekondat mill-Istati Membri li jaġixxu f'kapaċità internazzjonali, skond ir-regoli applikabbli għall-esperti nazzjonali u l-persunal militari sekondat lis-Segretarjat Ġenerali tal-Kunsill, kif ukoll ħaddiema taċ-ċivil sekondati mil-SĊK u mill-Kummissjoni. Bil-għan li jitjieb il-proċess selettiv ta' l-EUMS, l-Istati Membri huma mħeġġa li jippreżentaw iktar minn kandidat wieħed għal kull post li qed japplikaw għalih.

—

Sabiex ikun jista' jlaħħaq mal-firxa kollha ta' missjonijiet u kompiti l-EUMS hu organizzat kif imniżżel fl-Appendiċi;

—

F'sitwazzjonijiet jew eżerċizzju ta' maniġġar ta' kriżijiet, l-EUMS tista' tistabbilixxi Gruppi ta' Azzjoni fi Kriżi (CAT) li jużaw mill-kompetenza, il-persunal u l-infrastruttura tiegħu. Barra minn dan, huwa jista', jekk meħtieġ, jitlob permezz ta' l-EUMC persunal għal żieda temporanja mill-Istati Membri ta' l-UE.

—

Il-missjoni, il-funzjoni u l-organizzazzjoni taċ-Ċellula Ċiv/Mil, kif ukoll il-konfigurazzjoni taċ-ċentru operattiv ġew approvati mill-Kunsill fit-13 ta' Diċembru u approvati mill-Kunsill Ewropew fis-16 - 17 ta' Diċembru 2004. L-EUMC jipprovdi gwida permezz tad-DGEUMS, dwar l-attivitajiet militari mwettqa permezz taċ-Ċellula Ċiv/Mil. Kontributi permezz taċ-Ċellula għal aspetti ċivili dwar maniġġar ta' kriżijiet jibqgħu taħt ir-responsabbiltà funzjonali tad-DGE. Rappurtar dwar dawn l-attivitajiet lis-CIVCOM isiru skond proċeduri stabbiliti dwar l-aspetti ċivili ta' maniġġar ta' kriżijiet.

Ippjanar strateġiku

:

attivitajiet ta' ppjanar li jibdew malli titfaċċa kriżi u jintemmu meta l-awtoritajiet politiċi ta' l-UE japprovaw għażla strateġika militari jew sett ta' għażliet strateġiċi militari. Il-proċess strateġiku jinkludi valutazzjoni tas-sitwazzjoni militari, definizzjoni ta' qafas POL/MIL u żvilupp ta' għażliet strateġiċi militari.

Għażla strateġika militari

:

azzjoni militari possibbli mfassla biex jinkisbu l-objettivi POL/MIL imfissra fil-qafas POL/MIL. Għażla strateġika militari tiddeskrivi b'mod ġenerali s-soluzzjoni militari, ir-riżors meħtieġ u l-limitazzjonijiet u r-rakkomandazzjonijiet dwar l-għażla tal-kmandant ta' l-operazzjonijiet u l-OHQ.