(1)

Id-Deċiżjoni 2000/258/KE ddeżinjat il-laboratorju ta' l-Agence Française de Sécurité Sanitaire des Aliments de Nancy (il-Laboratorju ta' l-AFSSA, Nancy), Franza bħala l-istitut responsabbli għall-iffissar tal-kriterji meħtieġa biex jiġu standardizzati t-testijiet seroloġiċi għall-monitoraġġ ta' l-effettività tal-vaċċini kontra l-idrofobija. Dik id-Deċiżjoni tipprovdi wkoll biex il-Laboratorju ta' l-AFSSA, Nancy jibgħat lill-Kummissjoni l-elenku ta' dawk il-laboratorji Komunitarji li għandhom jingħataw l-awtorizzazzjoni biex iwettqu dawn it-testijiet seroloġiċi. Għaldaqstant, il-Laboratorju ta' l-AFSSA, Nancy iħaddem il-proċedura stabbilita tal-verifika tal-profiċjenza biex jevalwa l-laboratorji fir-rigward tat-twettiq ta' dan l-ittestjar seroloġiku.

(2)

Id-Deċiżjoni tal-Kummissjoni 2004/233/KE ta' l-4 ta' Marzu 2004, li tawtorizza laboratorji biex jivverifikaw l-effettività f'ċerti karnivori domestiċi tat-tilqim kontra l-idrofobija (2), stabbilixxiet elenku tal-laboratorji fl-Istati Membri li ġew approvati fuq il-bażi tar-riżultati tal-verifika tal-profiċjenza kkomunikati mil-Laboratorju ta' l-AFSSA, Nancy.

(3)

Ħames laboratorji, fir-Repubblika Ċeka, l-Estonja, il-Latvja, il-Litwanja u l-Ungerija ripettivament, kienu ġew approvati mil-Laboratorju ta' l-AFSSA, Nancy, f'konformità mad-Deċiżjoni 2000/258/KE.

(4)

Għaldaqstant, huwa f'loku li dawn il-ħames laboratoji jiġu miżjuda ma' l-elenku tal-laboratorji approvati fl-Istati Membri kif huwa stabbilit fl-Anness għad-Deċiżjoni 2004/233/KE.

(5)

Id-Deċiżjoni 2004/233/KE għandha għalhekk tiġi emendata.

(6)

Il-miżuri li hemm f'din id-Deċiżjoni huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,