li jemenda r-Regolament (KEE) Nru 1915/83 dwar regoli dettaljati ta' implimentazzjoni dwar iż-żamma ta' kontijiet biex ikun determinat id-dħul ta' ażjendi agrikoli

Wara li kkunsidrat ir-Regolament tal-Kunsill Nru 79/65/KEE tal-15 ta’ Ġunju 1965 li jistabbilixxi netwerk għall-ġbir ta’ informazzjoni ta’ kontabilità dwar id-dħul u l-operazzjoni kummerċjali ta’ azjendi agrikoli fil-Komunità Ekonomika Ewropea (1), u b'mod partikolari l-Artikolu 6(2) tiegħu,

“1. Il-Kummissjoni għandha tħallas miżata fissa lill-Istati Membri kkonċernati għal kull prospett tal-biedja mimli kif għandu jkun li jkun mgħoddi lilha fil-perjodu preskritt f'Artikolu 3.

1a. In-numru totali ta' prospetti tal-biedja mimlija u mibgħuta kif għandu jkun li huma eliġibbli għall-miżata standard m'għandhomx ikunu iktar min-numru totali ta' azjendi li jirritornaw il-prospetti stabbilit għal dak l-Istat Membru fl-Anness I tar-Regolament (KEE) Nru 1859/82

Għall-Istati Membri li għandhom iktar minn diviżjoni waħda, in-numru ta' prospetti tal-biedja mimlija u mibgħuta kif għandu jkun li huma eliġibbli għall-miżata standard għal kull diviżjoni, jista' jkun sa 20 % ogħla min-numru stabbilit għad-diviżjoni kkonċernata, sakemm dak in-numru totali ta' prospetti tal-biedja mimlija u mibgħuta kif għandu jkun tal-Istat Membru kkonċernat ma jkunx ogħla min-numru totali stabbilit għal dak l-Istat Membru fl-Anness I tar-Regolament (KEE) Nru 1859/82.

Jekk in-numru tal-prospetti tal-biedja mimlija u mibgħuta kif għandu jkun rigward diviżjoni jew Stat Membru, jkun inqas minn 80 % tan-numru ta' azjendi li jirritornaw il-prospetti stabbilit għal dik id-diviżjoni jew għall-Istat Membru kkonċernat, il-ħlas standard għall-prospetti tal-biedja għal dik id-diviżjoni jew dak l-Istat Membru kkonċernat għandu jkun imnaqqas b':

—	10 % għas-sena tal-kontabilità 2005;

—	20 % għas-sena tal-kontabilità 2006 u s-snin ta' wara.

Jekk ikun hemm tnaqqis kemm għad-diviżjoni kif ukoll għall-Istat Membru kkonċernat, it-tnaqqis għandu jkun applikat fuq livell nazzjonali biss.

It-tnaqqis għas-sena tal-kontabilità 2005 stabbilit fl-ewwel inċiż tat-tielet sottoparagrafu m'għandux japplika għar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja”

Dan ir-Regolament għandu jidħol fis-seħħ fis-seba' jum wara l-publikazzjoni tiegħu f'Il-Ġurnal Uffiċjali ta' l-Unjoni Ewropea.