|
15.11.2008 |
MT |
Il-Ġurnal Uffiċjali ta’ l-Unjoni Ewropea |
43 |
REGOLAMENT TAL-KUMMISSJONI (KE) Nru 2094/2004
tat-8 ta' Diċembru 2004
li jiftaħ u jipprovdi għall-amministrazzjoni ta' kwota tariffarja ta' 10 000 tunnellata ta' qamħ tal-ħafur maħdum xort'oħra tal-kodiċi NM 1104 22 98
IL-KUMMISSJONI TAL-KOMUNITAJIET EWROPEJ,
Wara li kkunsidrat it-trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1784/2003 tal-Kunsill, tad-29 ta' Settembru 2003 dwar l-organizzazzjoni komuni tas-swieq fis-settur taċ-ċereali (1), u b'mod partikolari l-paragrafu 1 tal-Artikolu 12 tiegħu,
Billi:
|
(1) |
Bil-għan li tilħaq l-impenji tagħha internazzjonali l-Komunità stabbilixxit, għal kull sena ta' kummerċjalizzazzjoni u mill-1 ta' Jannar 1996, kwota tariffarja ta' dazju zero għall-qamħ tal-ħafur maħdum xort'oħra tal-kodiċi NM 1104 22 98. |
|
(2) |
Sas-sena ta' kummerċjalizzazzjoni 2004/2005, din il-kwota tariffarja kienet taqa' taħt ir-Regolament (KE) Nru 2369/96 tal-Kummissjoni tat-12 ta' Diċembru 1996 li jiftaħ u jipprovdi għall-amministrazzjoni ta' kwota tariffarja ta' 10 000 tunnellata ta' qamħ tal-ħafur maħdum xort'oħra tal-kodiċi NM 1104 22 98 (2). Dan ir-Regolament jipprovdi għal amministrazzjoni permezz ta' liċenzji ta' importazzjoni, b'applikazzjonijiet li jintbagħtu kull xahar. |
|
(3) |
Ir-Regolament (KEE) Nru 2454/93 tal-Kummissjoni tat-2 ta' Lulju 1993 li jistabbilixxi ċerti dispożizzjonijiet għall-implimentazzjoni tar-Regolament (KEE) Nru 2913/92 tal-Kunsill li jistabbilixxi l-Kodiċi Doganali tal-Komunità (3), ikkodifika r-regoli ta' amministrazzjoni applikabbli għall-kwoti tariffarji maħsuba biex jintużaw skont l-ordni kronoloġiku tad-data ta' dikjarazzjoni doganali u għas-sorveljanza tal-importazzjonijiet preferenzjali. |
|
(4) |
Minħabba s-semplifikazzjoni u meqjus il-volum żgħir tal-kwota tariffarja tal-qamħ tal-ħafur maħdum xort'oħra tal-kodiċi NM 1104 22 98, jeħtieġ li jiġu applikati, mis-sena ta' kummerċjalizzazzjoni 2005/2006, id-dispożizzjonijiet tar-Regolament (KEE) Nru 2454/93 għall-amministrazzjoni tal-kwota hawn fuq imsemmija u abrogat ir-Regolament (KE) Nru 2369/96. Għal raġunijiet ta' amministrazzjoni, jeħtieġ li jiġi introdott numru tas-serje ġdid għall-kwota kkonċernata. |
|
(5) |
L-Artikolu 9(1) tar-Regolament (KE) Nru 1784/2003 jipprovdi għal deroga mill-obbligu li tintbagħat liċenzja ta' importazzjoni għall-prodotti li ma jkollhomx impatt sinifikanti fuq il-qagħda tal-forniment tas-suq taċ-ċereali. Il-Komunità timporta kull sena medja ta' 6 000 ta' qamħ tal-ħafur maħdum xort'oħra tal-kodiċi NM 1104 22 98. Din hija kwantità limitata ta' prodotti speċifiċi ħafna għal użu industrijali, mingħajr ebda impatt fuq is-suq taċ-ċereali. Id-deroga mill-obbligu ta' liċenzja ta' importazzjoni stipulata fl-Artikolu 9(1) tar-Regolament (KE) Nru 1784/2003 għalhekk tista’ tiġi applikata. |
|
(6) |
Il-miżuri previsti minn dan ir-Regolament huma skont l-opinjoni tal-Kumitat ta' Amministrazzjoni għaċ-Ċereali, |
ADOTTAT DAN IR-REGOLAMENT:
Artikolu 1
Il-kwota tariffarja fl-Anness hija b'dan miftuħa għal kull sena ta' kummerċjalizzazzjoni mill-1 ta' Lulju sat-30 ta' Ġunju.
Artikolu 2
Il-kwota tariffarja msemmija fl-Artikolu 1 hija amministrata mill-Kummissjoni skont l-Artikoli 308a sa 308c tar-Regolament (KEE) Nru 2454/93.
Artikolu 3
L-importazzjoni tal-qamħ tal-ħafur taħt il-kwota tariffarja msemmija fl-Artikolu 1 mhix soġġetta għal preżentazzjoni ta' liċenzja ta' importazzjoni.
Artikolu 4
Ir-Regolament (KE) Nru 2369/96 huwa abrogat.
Artikolu 5
Dan ir-Regolament jidħol fis-seħħ fis-seba' jum wara dak tal-pubblikazzjoni tiegħu f' Il-Ġurnal Uffiċjali ta' l-Unjoni Ewropea.
Għandu japplika mill-1 ta' Lulju 2005.
Dan ir-Regolament jorbot fis-sħiħ u huwa direttament applikabbli fl-Istati Membri kollha.
Magħmul fi Brussell, 8 ta' Diċembru 2004.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 270, 21.10.2003, p. 78.
(2) ĠU L 323, 13.12.1996, p. 8. Ir-Regolament kif modifikat bir-Regolament (KE) Nru 777/2004 (ĠU L 123, 27.4.2004, p. 50).
(3) ĠU L 253, 11.10.1993, p. 1. Ir-Regolament kif modifikat bir-Regolament (KE) Nru 2286/2003 (ĠU L 343, 31.12.2003, p. 1).
ANNESS
Kwota tariffarja għall-perjodu ta' kwota mill-1 ta' Lulju sat-30 ta' Ġunju
|
Numru tas-serje |
Kodiċi NM |
Deskrizzjoni tal-prodotti (1) |
Valur ta' Kwota f'piż nett (tunnellati) |
Dazju ta' kwota tariffarja |
Oriġini |
|
09.0043 |
1104 22 98 |
Qamħ tal-ħafur maħdum xort'oħra |
10 000 |
0 |
Il-pajjiżi terzi kollha (erga omnes) |
(1) Mingħajr ħsara għar-regoli tal-interpretazzjoni tan-Nomenklatura Maqgħuda, it-test tad-deskrizzjoni tal-prodotti għandu jitqies bħala li għandu biss valur indikattiv, filwaqt li t-trattament preferenzjali huwa ddeterminat, fil-kuntest ta' dan l-Anness, mill-kopertura tal-kodiċijiet NM kif ikunu fil-mument tal-adozzjoni ta' dan ir-Regolament.