(1)

Ir-Regolament (KE) Nru 998/2003 jistipula l-ħtiġijiet tas-saħħa ta’ l-annimali li japplikaw għal moviment mhux kummerċjali ta’ annimali domestiċi u r-regoli li japplikaw għal kontrolli fuq dan il-moviment. Il-Parti C ta’ l-Anness II għal dak ir-Regolament fih lista ta’ pajjiżi terzi li fihom ir-riskju li l-idrofobija/rabja li tidħol fil-Komunità bħala riżultat ta’ movimenti mit-territorji ta’ l-annimali domestiċi nstab li mhuwiex akbar mir-riskju marbut mal-movimenti bejn l-Istati Membri.

(2)

Skond ir-Regolament (KE) Nru 998/2003 lista ta’ pajjiżi terzi kellha tinħoloq qabel it-3 ta’ Lulju 2004. Biex ikun inkluż f’dik il-lista, pajjiż terz għandu juri s-sitwazzjoni ta’ l-idrofobija/rabja fi ħdanu u li jikkonforma ma’ ċerti kondizzjonijiet marbuta ma’ notifikazzjonijiet, monitoraġġ, servizzi veterinarji, prevenzjoni u kontroll ta’ l-idrofobija/rabja u tar-regolament tal-vaċċini.

(3)

Sabiex jiġi evitat kull xkiel mhux meħtieġ fil-moviment ta’ l-annimali domestiċi, u sabiex pajjiżi terzi jkollhom biżżejjed żmien li jipprovdu fejn meħtieġ garanziji addizzjonali, huwa xieraq li tiġi stabbilita lista proviżorja ta’ pajjiżi terzi. Dik il-lista għandha tkun ibbażata fuq informazzjoni disponibbli maħruġa mill-Uffiċċju Internazzjonali tal-Mard Epiżotiku (OIE – Organizzazzjoni Dinjija għas-Saħħa ta’ l-Annimali), ir-riżultati ta’ l-ispezzjonijiet mwettqa mill-Uffiċċju Alimentari u Veterinarju tal-Kummissjoni f’pajjiżi terzi kkonċernati u l-informazzjoni miġbura mill-Istati Membri.

(4)

Il-lista għandha tkun ibbażata wkoll fuq l-informazzjoni pprovduta mill-Organizzazzjoni Dinjija tas-Saħħa (WHO), iċ-Centru ta’ Kollaborazzjoni tad-WHO għas-Sorveljanza ta’ l-Idrofobija/Rabja u Riċerka f’Wusterhausen, u l-Bullettin ta’ l-Idrofobija/Rabja.

(5)

Il-lista proviżorja ta’ pajjiżi terzi għandha tinkludi pajjiżi li huma ħielsa mill-idrofobija/rabja u pajjiżi li fir-rigward tagħhom ir-riskju li l-idrofobija/rabja tidħol fil-Komunità bħala riżultat ta’ movimenti mit-territorji tagħhom instabu li mhumiex ogħla mir-riskju assoċjat mal-movimenti bejn l-Istati Membri.

(6)

Wara t-talbiet ta’ l-awtoritajiet kompetenti tal-Federazzjoni Russa sabiex jiġu inklużi fil-lista f’Parti C ta’ l-Anness II tar-Regolament (KE) Nru 998/2003, jidher xieraq li l-lista proviżorja stabbilita tiġi mmodifikata bi qbil ma’ l-Artikolu 10.

(7)

Fl-interess taċ-ċarezza tal-leġislazzjoni tal-Komunità, huwa xieraq li l-Anness II tar-Regolament (KE) Nru 998/2003 jiġi mibdul fit-totalità tiegħu.

(8)

Ir-Regolament (KE) Nru 998/2003 għandu għalhekk ikun emendat kif meħtieġ.

(9)

Il-miżuri pprovduti f'dan ir-Regolament huma fi qbil ma’ l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,