(1)

Ir-Regolament tal-Kummissjoni (KE) Nru 2076/2002 ta’ l-20 ta’ Novembru 2002 li jestendi l-perjodu ta’ żmien imsemmi fl-Artikolu 8(2) tad-Direttiva tal-Kunsill 91/414/KEE u li jikkonċerna n-nuqqas ta' inklużjoni ta’ ċerti sustanzi attivi f’ Anness I ta’ dik id-Direttiva u t-tneħħija ta’ l-awtorizzazzjonijiet fuq il-prodotti tal-protezzjoni tal-pjanti li fihom dawn is-sustanzi (2) fiha miżuri temporanji biex ikunu jistgħu jiġu żviluppati alternattivi li jikkonċernaw l-użu li għalih evidenza teknika addizzjonali ġiet provduta li turi l-bżonn essenzjali għal aktar użu tas-sustanza attiva u l-assenza ta’ alternattiva effiċjenti.

(2)

Franza ppreżentat evidenza ġdida li turi l-bżonn ta’ użu essenzjali miżjud. Din l-informazzjoni giet ivvalorizzata mill-Kummissjoni flimkien ma’ esperti mill-Istati Membri.

(3)

Id-derogi għandhom jiġu mogħtija biss għall-każijiet li jidhru ġustifikati u li ma jqajmux tħassib u għandhom ikunu ristretti għall-kontroll ta' organiżmi li jagħmlu l-ħsara li għalihom ma jeżistux alternattivi effiċjenti.

(4)

Ir-Regolament (KE) Nru 2076/2002 għandu għalhekk jiġi emendat b'dan il-mod.

(5)

Il-miżuri msemmija f’dan ir-Regolament huma skond l-opinjoni tal-Kumitat Permanenti tal-Katina Alimentari u s-Saħħa ta’ l-Annimali,