|
1.5.2004 |
MT |
Il-Ġurnal Uffiċjali ta’ l-Unjoni Ewropea |
L 169/19 |
REGOLAMENT TAL-KUMMISSJONI (KE) Nru 939/2004
tal-30 ta’ April 2004
dwar l-offerti mressqa għall-kunsinni ta’ ross tawwali B imfesdaq għad-destinazzjoni tal-Gżira ta’ Réunion skond is-sejħa għall-offerti li tissemma fir-Regolament (KE) Nru 1895/2002
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 3072/95 tat-22 ta’ Diċembru 1995 li jwassal għal organizzazzjoni komuni tas-suq fis-settur tar-ross (1), u b’mod partikolari l-Artikolu 10(1) tiegħu,
Wara li kkunsidrat ir-Regolament tal-Kummissjoni (KEE) Nru 2692/89 tas-6 ta’ Settembru 1989 li jistabilixxi regoli dettaljati għall-kunsinni ta’ ross għad-destinazzjoni tal-Gżira ta’ Réunion (2), u b’mod partikolari l-Artikolu 9(1) tiegħu,
Billi:
|
(1) |
Permezz tar-Regolament tal-Kummissjoni (KE) Nru 1895/2002 (3), infetħet sejħa għall-offerti għas-sussidju fuq il-kunsinni ta’ ross għad-destinazzjoni tal-Gżira ta’ Réunion. |
|
(2) |
Skond l-Artikolu 9 tar-Regolament (KEE) Nru 2692/89, fuq il-bażi ta’ l-offerti mressqa, il-Kummissjoni tista’, skond il-proċedura pprovduta fl-Artikolu 22 tar-Regolament (KE) Nru 3072/95, tiddeċiedi li ma titkompliex is-sejħa għall-offerti. |
|
(3) |
Skond il-kriterji pprovduti fl-Artikoli 2 u 3 tar-Regolament (KEE) Nru 2692/89, mhux indikat li ssir stipulazzjoni ta’ sussidju massimu. |
|
(4) |
Il-miżuri pprovduti f’dan ir-Regolament huma konformi ma’ l-opinjoni tal-Kumitat ta’ Ġestjoni taċ-Ċereali, |
ADOTTAT DAN IR-REGOLAMENT:
Artikolu 1
Mhux se tittieħed azzjoni fuq l-offerti mressqa bejn is-26 u l-29 ta’ April 2004 skond is-sejħa għall-offerti għas-sussidju fuq il-kunsinni ta’ ross tawwali B imfesdaq li jaqa’ taħt il-kodiċi NM 1006 20 98 għad-destinazzjoni tal-Gżira ta’ Réunion, imsemmija fir-Regolament (KE) Nru 1895/2002.
Artikolu 2
Dan ir-Regolament għandu jidħol fis-seħħ fit-1 ta’ Mejju 2004.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, fil-30 ta’ April 2004.
Għall-Kummissjoni
Franz FISCHLER
Membru tal-Kummissjoni
(1) ĠU L 329, tat-30.12.1995, p. 18. Emendat bir-Regolament tal-Kummissjoni (KE) Nru 411/2002 (ĠU L 62, tal-5.3.2002, p. 27).
(2) ĠU L 261, tas-7.9.1989, p. 8. Emendat bir-Regolament (KE) Nru 1453/1999 (ĠU L 167, tat-2.7.1999, p. 19).
(3) ĠU L 275 ta’ l-25.10.2003, p. 23.