Ir-Regolament tal-Kunsill (KE) Nru 798/2004

tas-26 ta'April 2004

li jġedded il-miżuri restrittivi dwar Burma u l-Mjanmar u li jħassar ir-Regolament (KE) Nru 1081/2000

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikoli 60 u 301 tiegħu,

Wara li kkunsidra l-Posizzjoni Komuni tal-Kunsill 2004/423/PESK tas-26 ta' April 2004 li ġġedded il-miżuri restrittivi għal Burma/il-Mjanmar [1],

Wara li kkunsidra l-proposta mill-Kummissjoni,

Billi:

(1) Fit-28 ta' Ottubru 1996, il-Kunsill, imħasseb bin-nuqqas ta' progress lejn id-demokratizzazzjoni u bil-ksur kontinwu tad-drttijiet tal-bniedem f'Burma/il-Mjanmar, impona ċerti miżuri restrittivi kontra Burma/il-Mjanmar permezz tal-Posizzjoni Komuni 1996/653/PESK [2]. Minħabba l-kontinwazzjoni ta' vjolazzjoni intensifikata u sistematika tad-drittijiet tal-bniedem mill-awtoritajiet ta' Burma, u b'mod partikolari l-kontinwazzjoni ta' tgħakkis intensiv tad-drittijiet ċivili u politiċi, u n-nuqqas ta' dawk l-awtoritajiet biex jieħdu passi lejn id-demokrazija u r-rekonċiljazzjoni, il-miżuri restrittivi kontra Burma/il-Mjanmar kienu għalhekk estiżi diversi drabi, l-aktar reċenti bil-Posizzjoni Komuni 2003/297/PESK [3] fuq Burma/il-Mjanmar, li ser tiskadi fid-29 ta' April 2004. Xi wħud minn dawn il-miżuri restrittivi imposti kontra Burma/il-Mjanmar kienu implimentati fil-livell tal-Komunità permezz tar-Regolament tal-Kunsill (KE) Nru 1081/2000 [4].

(2) Minħabba s-sitwazzjoni politika preżenti f'Burma/il-Mjanmar, kif mixhud min-nuqqas ta' l-awtoritajiet militari li jidħlu f'diskussjonijiet sostantivi ma' l-għaqda demokratika dwar proċess li jwassal għal rikonċiljazzjoni nazzjonali, rispett għad-drittijiet tal-bniedem u d-demokrazija, il-kontinwazzjoni tad-detenzjoni ta' Daw Aung San Suu Kyi u ta' membri ohrajn ta' L-Għaqda Nazzjonali Għad-Demokrazija u l-kontinwazzjoni ta' vjolazzjonijiet serji tad-drittijiet tal-bniedem inkluż in-nuqqas ta' azzjoni meħuda biex jiġi eradikat l-użu ta' xogħol furzat skond ir-rekomandazzjonijiet tar-rapport 2001 tal-High-Level Team ta' l-Organizzazzjoni Internazzjonali tax-Xogħol, Posizzjoni Komuni 2004/423/PESK tistipula li l-miżuri restrittivi kontra r-reġim militari f'Burma/il-Mjanmar u dawk li jibbenefikaw l-iktar mill-amministrazzjoni ħażina tiegħu u dawk li attivament jiffrustraw il-proċess ta' rikonċiljazzjoni nazzjonali, ir-rispett għad-drittijiet tal-bniedem u d-demokrazija għandhom jinżammu.

(3) Il-miżuri restrittivi previsti mill-Posizzjoni Komuni 2004/423/PESK jinkludu inter alia projbizzjoni ta' assistenza teknika, iffinanzjar u assistenza finanzjarja relatata m'attivitajiet militari, projbizzjoni ta' l-esport ta' apparat li jista' jintuża għat-trażżin intern, u l-iffriżar ta' fondi u ta' riżorsi ekonomiċi tal-membri tal-Gvern ta' Burma/il-Mjanmar u ta' kull persuni naturali jew legali, entitatjiet jew korpi assoċjati magħhom.

(4) Dawn il-miżuri jaqaw fl-iskop tat-Trattat u, għalhekk, sabiex jiġi evitat kull distorsjoni tal-kompetizzjoni, il-legislazzjoni tal-Komunità hi neċessarja biex timplimenthom sa fejn hi kkonċernata l-Komunità. Għall-għan ta' dan ir-Regolament, it-territorju tal-Komunità għandu jiġi meqjus li jinkludi t-territorji ta' l-Istati Membri li għalihom it-Trattat hu applikabbli taħt il-kondizzjonijiet stabbiliti f'dak it-Trattat.

(5) Huwa mixtieq li jsir allinjament ma' prattika reċenti tad-disposizzjonijiet li jikkonċernaw il-projbizzjoni ta' assistenza teknika, iffinanzjar u assistenza finanzjarja relatata m'attivitajiet militari, u dawk li jikkonċernaw l-iffriżar ta' fondi u ta' riżorsi ekonomiċi.

(6) Biex inkunu ċari, test ġdid li jkun fih id-disposizzjonijiet relevanti kollha kif emendati għandu jiġi addottat, minflok ir-Regolament (KE) Nru 1081/2000, li għandu jiġi mħassar.

(7) Sabiex jiġi assikurat li l-miżuri previsti f'dan ir-Regolament huma effettivi, dan ir-Regolament għandu jidħol fis-seħħ fil-jum tal-pubblikazzjoni tiegħu,

ADOTTA DAN IR-REGOLAMENT:

Artikolu 1

Għall-għanijiet ta' dan ir-Regolament għandhom japplikaw dawn id-definizzjonijiet:

1. "assistenza teknika" tfisser kull appoġġ tekniku li għandu x'jaqsam ma' tiswija, żvilupp manifattura, immuntar, prova, manuntenzjoni, jew kull servizz ieħor tekniku, u jista' jkun taħt forma ta' tagħlim, parir, taħriġ, trasmissjoni ta' tagħrif tajjeb jew kapaċitajiet jew servizzi ta' konsultazzjoni; assistenza teknika tinkludi forom verbali ta' assistenza;

2. "fondi" tfisser assi finanzjari u benefiċċji ta' kull xorta, inkluż iżda mhux limitati għal:

(a) flus kontanti, ċekkijiet, pretensjonijiet ta' flus, kambjali, ordnijiet ta' flus u strumenti oħra ta' pagament;

(b) depożiti ma' istituzzjonijiet finanzjarji jew entitajiet oħra, bilanċi fil-kontijiet, djun u obligazzjonijiet ta' dejn;

(ċ) sigurtajiet u strumenti ta' dejn innegozjati pubblikament u privatament, inkluż stocks u ishma, ċertifikati li jirrapreżentaw sigurtajiet, bonds, noti, digrieti, obligazzjonijiet u kuntratti derivattivi;

(d) imgħax, dividends jew dħul ieħor minn jew valur akkumulat minn jew iġġenerat minn assi;

(e) kredtu, dritt għal tpaċija, garanti, garanzija ta' esekuzzjoni jew irbit finanzjarju ieħor;

(f) ittri ta' kredtu, poloz tat-tagħbija, dokumenti ta' bejgħ ta' proprjetà privata;

(g) dokumenti li jixhdu interess f'fondi jew f'riżorsi finanzjarji;

(h) kull strument ieħor ta' finanzjar ta' esportazzjoni;

3. "iffriżar ta' fondi" tfisser li ma jitħalliex ċaqlieq, trasferiment, tibdil, użu minn, aċċess għal, jew negozjar ta' fondi bl-ebda mod li jirriżulta f'kambjament fil-volum, ammont, lokalità, dritt tal-pussess, pussess, karattru, destinazzjoni tagħhom jew kambjament ieħor li jagħmel possibbli li l-fondi jintużaw, inkluż l-amministrazzjoni tal-portafoll;

4. "riżorsi ekonomiċi" tfisser assi ta' kull tip, kemm tanġibbli jew intanġibbli, mobbli jew immobbli, li mhumiex fondi imma li jistgħu jintużaw biex jinkisbu fondi, merkanzija jew servizzi;

5. "iffriżar ta' riżorsi ekonomiċi" tfisser li ma jkunx jitħalla l-użu tagħhom biex jinkisbu fondi, merkanzija jew servizzi bl-ebda mod, inkluż, iżda mhux biss, il-bejgħ, kiri jew ipoteka tagħhom.

Artikolu 2

Għandu jkun projbit:

(a) li tingħata, tinbigħ, tkun provduta jew trasferita assistenza teknika relatata m'attivitajiet militari u mal-provvista, fabbrikazzjoni, manutenzjoni u użu ta' armi u materjal relatat ta' kull tip, inkluż armi u munizzjon, vetturi u apparat militari, apparat paramilitari, u partijiet tal-bdil għal dawn ġa msemmija, direttament jew indirettament lil kull persuna, entità jew korp ġo, jew għall-użu ġo Burma/il-Mjanmar;

(b) li jingħata finanzjar jew assistenza finanzjarja relatata ma' attivitajiet militari, inkluż partikolarment għotjiet, self u assigurazzjoni ta' kredtu għall-esprtazzjoni, għal kull bejgħ, provvista, trasferiment jew esportazzjoni ta' armi u materjal relatat, direttament jew indirettament lil kull persuna, entità jew korp ġo, jew għall-użu ġo Burma/il-Mjanmar;

(ċ) li jsir parteċipazzjoni, bl-intenzjoni u intenzjonalment, f'attivitajiet li l-għan jew l-effett taghhom hu li, direttament jew indirettament, jippromovu l-operazzjonijiet imsejħa f'punti (a) jew (b).

Artikolu 3

Ikun projbit:

(a) li bl-intenzjoni u intenzjonalment, jinbigħ, ikun provdut, trasferit jew esportat, direttament jew indirettament, apparat li jista' jintuża għal repressjoni intern kif elenkat fl-Anness I, kemm jekk l-oriġini tiegħu hu fil-Komunità jew le, lil kull persuna naturali jew legali, entità jew korp ġo, jew għall-użu ġo Burma/il-Mjanmar;

(b) li tingħata, tinbigħ, tkun provduta jew trasferita assistenza teknika relatata ma' l-apparat imsejjaħ f'punt (a), direttament jew indirettament lil kull persuna naturali jew legali, entità jew korp ġo, jew għall-użu ġo Burma/il-Mjanmar;

(ċ) li jingħata finanzjar jew assistenza finanzjarja relatata ma' l-apparat msejjaħ f'punt (a), direttament jew indirettament lil kull persuna naturali jew legali, entità jew korp ġo, jew għall-użu ġo Burma/il-Mjanmar;

(d) li jsir parteċipazzjoni, bl-intenzjoni u intenzjonalment, f'attivitajiet li l-għan jew l-effett taghhom hu li, direttament jew indirettament, jippromovu l-operazzjonijiet imsejħa f'punti (a), (b) or (c).

Artikolu 4

1. Permezz ta' deroga mill-Artikoli 2 and 3, l-awtoritajiet kompetenti ta' l-Istati Membri kif elenkati fl-Anness II jistgħu jawtorizzaw:

(a) il-provvista ta' finanzjar u assistenza finanzjarja u assistenza teknika relatata ma':

(i) apparat militari li ma jikkaġunax il-mewt maħsub biss għall-użu umanitarju jew protettiv, jew għal programmi ta' bini ta' istituzzjonijiet tan-Nazzjonijiet Uniti, l-Unjoni Ewropea u l-Komunità;

(ii) materjal maħsub għall-Unjoni Ewropea u għall-operazzjoniet ta' l-amministrazzjoni ta' kriżi fin-Nazzjonijiet Uniti;

(b) il-bejgħ, provvista, trasferiment jew esportazzjoni ta' l-apparat elenkat fl-Anness I maħsub biss għall-użu umanitarju jew protettiv, u l-provvista ta' assistenza finanzjarja, finanzjar u assistenza teknika relatata ma' dawn l-operazzjonijiet.

2. Awtorizzazzjonijiet imsejħa fil-paragrafu 1 jistgħu jingħataw biss qabel l-attività li għaliha ġew mitluba.

Artikolu 5

L-Artikoli 2 u 3 ma għandhom ikunux applikabbli għall-ilbies protettiv, inkluż ġgieget tqal għall-protezzjoni rinfurzati bil-metall u elmi militari, temporanjament esportati lejn Burma/il-Mjanmar mill-persunal tan-Nazzjonijiet Uniti, persunal tal-Unjoni Ewropea, il-Komunità jew l-Istati Membri tagħha, rappreżentanti tal-medja u ħaddiema umanitarji u għall-iżvilupp u minn persunal assoċjati magħhom għall-użu personali tagħhom biss.

Artikolu 6

1. Il-fondi u r-reżorsi ekonomiċi kollha li jappartjenu lill-membri individwali tal-Gvern ta' Burma/il-Mjanmar u lill-persuni naturali jew legali, entitajiet jew korpi assoċjati magħhom kif elenkati fl-Anness III ikunu ffriżati.

2. L-ebda fondi jew reżorsi ekonomiċi ma għandhom ikunu mqegħdin għad-disposizzjoni, direttament jew indirettament, jew għall-benefiċju tal-persuni naturali jew legali, entitajiet jew korpi kif elenkati fl-Anness III.

3. Il-parteċipazzjoni, bl-intenzjoni u intenzjonalment, f'attivitajiet li l-għan jew l-effett tagħhom hu li, direttament jew indirettament, jiġu skansati l-miżuri msejħa f'1 u 2 tkun projbita.

Artikolu 7

1. Permezz ta' deroga mill-Artikolu 6(1), l-awtoritajiet kompetenti ta' l-Istati Membri kif elenkati fl-Anness II jistgħu jawtorizzaw il-ħelsien ta' ċerti fondi jew riżorsi economiċi ffriżati jew iqiegħdu għad-disposizzjoni ċerti fondi jew riżorsi economiċi ffriżati, taħt it-tali kondizzjonijiet li huma jqisu xierqa, wara li jkunu ddeterminaw li l-fondi jew r-riżorsi economiċi kkonċernati huma:

(a) neċessarji għal spejjeż bażiċi, inkluż pagamenti għall-oġġetti ta' l-ikel, kera jew ipoteka, mediċini u trattament mediku, taxxi, premji ta' l-assigurazzjoni, piżijiet ta' utilità pubblika;

(b) maħsuba esklużivament għall-pagament ta' piżijiet professjonali xierqa u għar-radd lura ta' spejjes li ntefqu għall-provvista ta' servizzi legali;

(ċ) maħsuba esklużivament għall-pagament ta' piżijiet jew piżijiet għal servizzi ta' żamma ta' rutina jew mantniment ta' fondi jew riżorsi economiċi ffriżati;

(d) neċessarji għal spejjeż straordinarji, iżda l-awtorità kompetenti relevanti għandha tkun għarrfet ir-raġunijiet għaliex tikkonsidra li awtorizzazzjoni speċifika għandha tingħata, lill-awtoritjiet konpetenti l-oħra kollha u lill-Kummissjoni ta' l-inqas gimgħatejn qabel l-awtorizzazzjoni.

L-awtorità kompetenti relevanti għandha tinforma lill-awtoritajiet kompetenti ta' l-Istati Membri l-oħra u lill-Kummissjoni ta' kull awtorizzazzjoni li tkun ingħatat taħt dan il-paragrafu.

2. L-Artikolu 6(2) m'għandux japplika għaż-żieda ma' kontijiet iffriżati ta':

(i) imgħaxijiet jew qliegħ ieħor fuq dawk il-kontijiet; jew

(ii) pagamenti dovuti taħt kuntratti, ftehim jew obligazzjonijiet li ġew konklużi jew li nqalgħu qabel id-data li fiha dawk il-kontijiet saru soġġetti għal miżuri restrittivi,

iżda kull imgħax, qliegħ ieħor u pagamenti bħal dawn ikomplu jkunu soġġetti bla ħsara għall-Artikolu 6(1).

Artikolu 8

L-Artikolu 6(2) ma jwaqqafx l-ikkreditar tal-kontijiet iffriżati minn istituzzjonijiet finanzjarji li jirċievu fondi trasferiti minn terza partijiet fil-kontijiet tal-persuna jew entità elenkata, iżda kull żieda f'dawn il-kontijiet tkun ukoll iffriżata. L-istituzzjoni finanzjarja għandha tinforma lill-awtoritajiet kompetenti dwar operazzjonijiet bħal dawn mingħajr dewmien.

Artikolu 9

1. Mingħajr preġudizzju għar-regoli applikabbli dwar rappurtaġġ, riservatezza u sigriet professjonali u għad-disposizzjonijiet ta' l-Artikolu 284 tat-Trattat, persuni naturali u legali, entitajiet u korpi għandhom:

(a) jipprovdu immedjatament kull informazzjoni li tiffaċilita l-osservanza ta' dan ir-Regolament, bħal kontijiet u ammonti ffriżati skond l-Artikolu 6, lill-awtoritajiet kompetenti ta' l-Istati Membri elenkati fl-Anness II fejn huma residenti jew jinstabu, u għandhom jittrasmettu din l-informazzjoni, direttament jew mill-awtoritajiet kompetenti, lill-Kummissjoni;

(b) jikkoperaw ma' l-awtoritajiet kompetenti elenkati fl-Anness II għal kull verifikazzjoni ta' din l-informazzjoni.

2. Kull informazzjoni addizzjonali rċevuta direttament mill-Kummissjoni għandha tkun imqiegħda għad-disposizzjoni ta' l-awtoritajiet kompetenti ta' l-Istati Membri kkonċernati.

3. Kull informazzjoni provduta jew irċevuta skond dan l-Artikolu għandha tintuża biss għall-iskopijiet għal liema ġiet ipprovduta jew irċevuta.

Artikolu 10

L-iffriżar ta' fondi u riżorsi ekonomiċi jew iċ-ċahda biex l-fondi jew ir-riżorsi ekonomiċi jkunu mqiegħeda għad-disposizzjoni, magħmula bi skop tajjeb fuq il-bażi li din l-azzjoni hija skond dan ir-Regolament, m'għandux jirriżulta f'obbligu ta' l-ebda tip mill-parti ta' persuni naturali jew legali jew ta' entità li timplimentha, jew id-diretturi jew l-impjegati tagħha, kemm-il darba ma jkunx ipprovat li l-fondi u r-riżorsi ekonomiċi kienu ffriżati bħala riżultat ta' negligenza.

Artikolu 11

Il-Kummissjoni u l-Istati Membri għandhom immedjatament jinformaw lil xulxin bil-miżuri meħuda taħt dan ir-Regolament u għandhom jipprovdu lil xulxin b'kull informazzjoni oħra relevanti konnessa ma' dan ir-Regolament li hija għad-disposizzjoni tagħhom, partikolarment informazzjoni dwar problemi ta' vjolazzjoni u ta' infurzar u ġudizzji mgħotija mill-qrati nazzjonali.

Artikolu 12

Il-Kummissjoni għandha tkun awtorizzata biex:

(a) temenda l-Anness II fuq il-bażi ta' informazzjoni provduta mill-Istati Membri,

(b) temenda l-Anness III fuq il-bażi ta' deċizjonijiet meħuda dwar l-Anness għall-Posizzjoni Komuni 2004/423/PESK.

Artikolu 13

L-Istati Membri għandhom jistabbilixxu r-regoli dwar sanzjonijiet applikabbli għall-ksur tad-disposizzjonijiet ta' dan ir-Regolament u għandhom jieħdu l-miżuri kollha neċessarji biex jiżguraw li jiġu implimentati. Is-sanzjonijiet previsti għandhom ikunu effettivi, proporzjonati u dissważivi.

L-Istati Membri għandhom igħarrfu lill-Kummissjoni b'dawk ir-regoli mingħajr dewmien wara d-dħul fis-seħħ ta' dan ir-Regolament u għandhom igħarrfuha b'kull emenda sussegwenti.

Artikolu 14

Dan ir-Regolament għandu jkun japplika:

(a) fit-territorju tal-Komunità, inkluż fl-ispazju ta' l-ajru tagħha;

(b) abbord kull inġenju ta' l-ajru jew kull bastiment taħt il-ġurisdizzjoni ta' Stat Membru;

(ċ) lil kull persuna ġewwa jew barra mit-territorju tal-Komunità li hija ċittadina ta' Stat Membru;

(d) lil kull persuna legali, grupp jew entità li hija inkorporata jew kostitwita laħt il-liġi ta' Stat Membru;

(e) lil kull persuna legali, grupp jew entità li qed tagħmel xi kummerċ fil-Komunità.

Artikolu 15

Ir-Regolament (KE) Nru. 1081/2000 huwa hawnhekk imħassar.

Artikolu 16

Dan ir-Regolament għandu jidħol fis-seħħ fil-ġurnata tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Għandu japplika mit-30 ta' April 2004.

Magħmul fil-Lussemburgu, fis-26 ta' April 2004.

Għall-Kunsill

Il-President

B. Cowen

[1] ĠU L 125, 28.04.04, p. 61.

[2] ĠU L 287, 08.11.96, p. 1.

[3] ĠU L 106, tad-29.4.2003, p. 36. Posizzjoni Komuni kif l-aħħar emendata mid-Deċiżjoni tal-Kunsill Nru 2003/907/PESK (ĠU L 340, ta' l-24.12.2003, p. 81).

[4] ĠU L 122, ta' l-24.5.2000, p. 29. Ir-Regolament kif l-aħħar emendat mir-Regolament tal-Kummissjoni (KE) Nru 2297/2003 (ĠU L 340, ta' l-24.12.2003, p. 37).

--------------------------------------------------

ANNESS I

Lista ta' apparat li jista' jintuża għar-repressjoni interna kif msejħa fl-Artikolu 3

Il-lista ta' hawn taħt ma tinkludix l-oġġetti li ġew iddisinnjati jew modifikati b'mod speċjali għall-użu militari.

1. Elmi li jipprovdu protezzjoni ballistika, elmi għal kontra r-rewwixti, tarki għal kontra r-rewwixti u tarki ballistiċi u komponenti ddisinnjati b'mod speċjali għal dak l-iskop.

2. Apparat iddisinnjat b'mod speċjali għall-marki tas-swaba'.

3. Serċlajts jaħdmu bl-elettriku.

4. Apparat tal-kostruzzjoni provdut bil-protezzjoni ballistika.

5. Skieken tal-kaċċa.

6. Apparat tal-produzzjoni ddisinnjat b'mod speċjali biex jagħmlu s-snieter.

7. Apparat ta' ammunizzjon ikkargat bl-idejn.

8. Strumenti li jinterċettaw il-komunikazzjoni.

9. Ditekters ottiċi solid-state.

10. Tubi li jamplifikawl-immaġini.

11. Lentijiet teleskopiċi għall-mira ta' l-armi.

12. Armi bil-kanen lixxi u ammunizzjoni konness magħhom, oħra għajr dawk iddisinnjati b'mod speċjali għall-użu militari, u komponenti ddisinnjati b'mod speċjali għal dak l-iskop; ħlief:

- pistoli tas-sinjali;

- xkubetti tar-riħ u ta' l-iskrataċ iddisinnjati bħala għodda industrijali jew għall-istordament umanitarju ta' l-annimali.

13. Simulaturi għat-taħriġ fl-użu ta' l-armi tan-nar u komponenti u aċċessorji ddisinnjati b'mod speċjali jew modifikati għal dak l-iskop.

14. Bombi u granati, oħra għajr dawk iddisinnjati b'mod speċjali għall-użu militari, u komponenti ddisinnjati b'mod speċjali għal dak l-iskop.

15. Korazzi tal-persuna, oħra għajr dawk fabbrikati għall-istandardi jew speċifikazzjonijiet militari, u komponenti ddisinnjati b'mod speċjali għal dak l-iskop.

16. Vetturi bi trazzjoni integrali li jservu għal aktar minn użu wieħed u li jistgħu jintużaw barra mit-triq li ġew fabbrikati jew provduti b'protezzjoni ballistika, u korazzi ddisinnjati għal vetturi bħal dawn.

17. Kanun ta' l-ilma u komponenti ddisinnjati b'mod speċjali jew modifikati għal dak l-iskop.

18. Vetturi armati b'kanun ta' l-ilma.

19. Vetturi ddisinnjati b'mod speċjali jew modifikati biex ikunu elettriċizzati sabiex jimbottaw lura lil min jiitla' abbord u komponenti ddisinnjati b'mod speċjali jew modifikati għal dak l-iskop.

20. Strumenti akustiki rappreżentati mill-fabbrikant jew mill-fornitur kif xieraq għall-iskop ta' kontroll ta' rewwixti, u komponenti ddisinnjati b'mod speċjali għal dak l-iskop.

21. Manetti tas-saqajn, ktajjen għal tajfa priġunieri, manetti u ċinturini li jagħtu xokk elettriku, iddisinnjati b'mod speċjali biex irażżnu lill-bnedmin; ħlief:

- manetti li d-daqs totali massimu tagħhom inkluż il-katina ma teċċedix il-240 mm meta maqfula.

22. Strumenti portabbli ddisinnjati jew modifikati għall-iskop tal-kontroll ta' rewwixti jew il-protezzjoni tal-persuna nnifisha bl-amministazzjoni ta' sustanza li tinkapàċita (bħal gass tad-dmugħ jew sprejs tal-bżar), u komponenti ddisinnjati b'mod speċjali għal dak l-iskop.

23. Strumenti portabbli ddisinnjati jew modifikati għall-iskop tal-kontroll ta' rewwixti jew il-protezzjoni tal-persuna nnifisha bl-amministazzjoni ta' xokk elettriku (inkluż lenbubi li jagħtu xokk elettriku, tarki li jagħtu xokk elettriku, xkubetti li jistordu u xkubetti bid-darts li jagħtu xokk elettriku (tasers)) u komponenti ddisinnjati b'mod speċjali jew modifikati għal dak l-iskop.

24. Apparat elettroniku kapċi li jiskopri splussivi moħbija u komponenti ddisinnjati b'mod speċjali għal dak l-iskop, ħlief:

- TV jew apparat ta' l-ispezzjoni bl-X-ray.

25. Apparat elettroniku li jikkaġuna l-interferenza iddisinnjat b'mod speċjali biex ma jħallix l-isplużjoni qawwija permezz ta'radju bit-telekommand ta' strumenti improvissati u komponenti ddisinnjati b'mod speċjali għal dak l-iskop.

26. Apparat u strumenti ddisinnjati b'mod speċjali biex jagħtu bidu għall-splużjonijiet b'mezzi elettriċi jew mhux elettriċi, inkluż settijiet ta' l-isparar, detonaturi, apparat li jqabbad, bûsters u korda tad-detonaturi, u komponenti ddisinnjati b'mod speċjali għal dak l-iskop, ħlief:

- dawk iddisinnjati b'mod speċjali għal użu kummerċjali speċifiku li jikkonsisti fl-attwazzjoni jew operazzjoni b'mezzi splussivi ta' apparat jew strumenti li l-funzjoni tagħhom mhix li jinħolqu splużjonijiet (eż., neffieħa ta' l-air bags tal-karozzi, apparat li jnaqqas it-tlugħ f'daqqa ta' l-elettriku f'bexxiexa tat-tifi tan-nar).

27. Apparat u strumenti ddisinnjati għar-rimi ta' artillerija splussiva, ħlief:

- kutri kontra l-ħruq mill-bombi;

- kontenituri ddisinnjati għal oġġetti li jintwew u li huma magħrufa, jew sospettati li huma strumenti splussivi improviżżati.

28. Apparat għall-vista bil-lejl u dak li jirreġġistra immaġni termali u tubi li jamplifikaw l-immaġni jew sensori solid state għal dak l-iskop.

29. Software ddisinnjat b'mod speċjali u teknoloġija meħtieġa għall-punti kollha elenkati.

30. Kargi splussivi li jaqtgħu b'mod lineari.

31. Splussivi u sustanzi relatati kif ġej:

- amatol,

- nitroċellulosa (li jkunu jinsabu fih aktar minn 12,5 % ta' nitroġenu),

- nitroglikol,

- tetranitrat tal-penteritritol (PETN),

- klorur tal-pjeriku,

- trnitrofenilmetilnitrammina (tetril),

- 2,4,6-trinitrotoluene (TNT)

32. Software ddisinnjat b'mod speċjali u teknoloġija meħtieġa għall-punti kollha elenkati.

--------------------------------------------------

ANNESS II

Lista ta' l-awtoritajiet kompetenti msemmija fl-Artikolu 4, 7 u 8

IL-BELĠJU

Service public fédéral des affaires étrangères, commerce extérieur et coopération au développement

Egmont 1

Rue des Petits Carmes 19

B-1000 Bruxelles

Direction générale des affaires bilatérales

Service "Asie du sud et de l'Est, Océanie"

Téléphone (32-2)501 82 74

Service des transports

Téléphone (32-2)501 37 62

Fax: (32-2)501 88 27

Direction générale coordination et des affaires européennes

Coordination de la politique commerciale

Téléphone (32-2)501 83 20

Service public fédéral de l'économie, des PME, des classes moyennes et de l'énergie

ARE 4 e o division, service des licences

Avenue du Général Leman 60

B-1040 Bruxelles

Téléphone (32-2)206 58 16/27

Fax: (32-2)230 83 22

Service Public Fédéral des Finances

Administration de la Trésorerie

30 Avenue des Arts

B-1040 Bruxelles

Fax 00 32 2233 74 65

E-mail: Quesfinvragen.tf@minfin.fed.be

Brussels Hoofdstedelijk Gewest —Région de Bruxelles-Capitale:

Kabinet van de minister van Financiën, Begroting, Openbaar Ambt en Externe Betrekkingen van de Brusselse Hoofdstedelijke regering

Kunstlaan 9

B-1210 Brussel

Telefoon: (32-2)209 28 25

Fax: (32-2)209 28 12

Cabinet du ministre des finances, du budget, de la fonction publique et des relations extérieures du gouvernement de la Région de Bruxelles-Capitale

Avenue des Arts, 9

B-1210 Bruxelles

Téléphone (32-2)209 28 25

Fax: (32-2)209 28 12

Région wallonne:

Cabinet du ministre-président du gouvernement wallon

Rue May, 25-27

B-5100 Jambes-Namur

Téléphone (32-81)33 12 11

Fax: (32-81)33 13 13

Vlaams Gewest:

- Administratie Buitenlands Beleid

Boudewijnlaan 30

B-1000 Brussel

Tel.(32-2)553 59 28

Fax (32-2)553 60 37

DANIMARKA

Erhvervs- og Boligstyrelsen

Dahlerups Pakhus

Langelinie Allé 17

DK — 2100 København Ø

Tel. (45) 35 46 60 00

Fax (45) 35 46 60 01

Udenrigsministeriet

Asiatisk Plads 2

DK — 1448 København K

Tel. (45) 33 92 00 00

Fax (45) 32 54 05 33

Justitsministeriet

Slotholmsgade 10

DK — 1216 København K

Tel. (45) 33 92 33 40

Fax (45) 33 93 35 10

IL-ĠERMANJA

Concerning freezing of funds, financing and financial assistance:

Deutsche Bundesbank

Servicezentrum Finanzsanktionen

Postfach

D — 80281 München

Tel. (49-89) 28893800

Fax (49-89) 3501633800

Concerning goods, technical assistance and other services:

Bundesamt für Wirtschafts- und Ausfuhrkontrolle (BAFA)

Frankfurter Strasse 29-35

D — 65760 Eschborn

Tel. (49) 61 96908 — 0

Fax (49) 61 96908 — 800

IL-GREĊJA

A. Freezing of Assets

Ministry of Economy and Finance

General Directory of Economic Policy

Address: 5 Nikis Str., 101 80

Athens, Greece

Tel.: + 30210 3332786

Fax: + 30210 3332810

A. ΔΕΣΜΕΥΣΗ ΚΕΦΑΛΑΙΩΝ

Υπουργείο Οικονομίας και Οικονομικών

Γενική Δ/νση Οικονομικής Πολιτικής

Δ/νση: Νίκης 5, ΑΘΗΝΑ 101 80

Τηλ.: + 30210 3332786

Φαξ: + 30210 3332810

B. Import- Export restrictions

Ministry of Economy and Finance

General Directorate for Policy Planning and Management

Address Kornaroy Str.,

GR- 105 63 Athens

Tel.: + 30210 3286401-3

Fax.: + 30210 3286404

B. ΠΕΡΙΟΡΙΣΜΟΙ ΕΙΣΑΓΩΓΩΝ — ΕΞΑΓΩΓΩΝ

Υπουργείο Οικονομίας και Οικονομικών

Γενική Δ/νση Σχεδιασμού και Διαχείρισης Πολιτικής

Δ/νση: Κορνάρου 1, Τ.Κ. 105 63

Αθήνα — Ελλάς

Τηλ.: + 30210 3286401-3

Φαξ: + 30210 3286404

SPANJA

Ministerio de Economía

Dirección General de Comercio e Inversiones

Paseo de la Castellana, 162

E-28046 Madrid

Tel. (34) 913 49 38 60

Fax (34) 914 57 28 63

Dirección General del Tesoro y Política Financiera

Subdirección General de Inspección y Control de Movimientos de Capitales

Ministerio de Economía

Paseo del Prado, 6

E — 28014 Madrid

Tel. (00-34) 91209 95 11

Fax (00-34) 91209 96 56

FRANZA

Ministère de l'économie, des finances et de l'industrie

Direction générale des douanes et des droits indirects

Cellule embargo — Bureau E2

Tél.: (33) 1 44 74 48 93

Télécopie: (33) 1 44 74 48 97

Ministère de l'économie, des finances et de l'industrie

Direction du Trésor

Service des affaires européennes et internationales

Sous-direction E

139, rue du Bercy

75572 Paris Cedex 12

Tel.: (33) 1 44 87 72 85

Télécopie: (33) 1 53 18 96 37

Ministère des Affaires étrangères

Direction de la coopération européenne

Sous-direction des relations extérieures de la Communauté

Tél.: (33) 1 43 17 44 52

Télécopie: (33) 1 43 17 56 95

Direction générale des affaires politiques et de sécurité

Service de la Politique Etrangère et de Sécurité Commune

Tél.: (33) 1 43 17 45 16

Télécopie: (33) 1 43 17 45 84

L-IRLANDA

Central Bank of Ireland

Financial Markets Department

PO Box 559

Dame Street

Dublin 2

Tel. (353-1) 671 66 66

Fax. (353-1) 671 65 61

Department of Foreign Affairs

Bilateral Economic Relations Division

80 St. Stephen's Green

Dublin 2

Tel. (353) 1408 21 53

Fax. (353) 1408 20 03

Department of Enterprise, Trade and Employment

Export Licensing Unit

Block C

Earlsfort Centre

Lower Hatch St.

Dublin 2

Tel. (353) 1631 25 34

Fax (353) 1631 2562

L-ITALJA

Ministero degli Affari Esteri

Piazzale della Farnesina, 1 — 00194 Roma

D.G.A.O. — Ufficio II

Tel. (39) 0636913820

Fax. (39) 0636915161

U.A.M.A.

Tel. (39) 0636913605

Fax. (39) 0636918815

Ministero dell'Economia e delle finanze

Dipartimento del Tesoro

Comitato di Sicurezza Finanziaria

Via XX Settembre, 97 — 00187 Roma

Tel. (39) 0647613942

Fax. (39) 0647613032

Ministero della attivita'produttive

Direzione Generale Politica Commerciale

Viale Boston, 35 — 00144 Roma

Tel. (39) 0659931

Fax. (39) 0659647531

IL-LUSSEMBURGU

Ministère des Affaires Étrangères

Direction des relations économiques internationales

6, rue de la Congrégation

L — 1352 Luxembourg

Tel. (352) 478 23 46

Fax (352) 22 20 48

Ministère des Finances

3, rue de la Congrégation

L — 1352 Luxembourg

Tel. (352) 478-2712

Fax (352) 47 52 41

L-OLANDA

Centrale Dienst voor In- en Uitvoer

Postbus 30003

9700 RD Groningen

Tel (31-50) 523 91 83

L-AWSTRIJA

Bundesministerium für Wirtschaft und Arbeit

Abteilung C/2/2

Stubenring 1

A-1010 Wien

Tel. (43-1) 711 00

Fax (43-1) 711 00-8386

Oesterreichische Nationalbank

Otto Wagner Platz 3,

A-1090 Wien

Tel. (01-4042043 1) 404 20-0

Fax (43 1) 404 20 — 73 99

Bundesministerium für Inneres

Bundeskriminalamt

Josef Holaubek Platz 1

A-1090 Wien

Tel (43 1) 313 45-0

Fax: (43 1) 313 45-85290

IL-PORTUGALL

Ministério dos Negócios Estrangeiros

Direcção-Geral dos Assuntos Multilaterais

Largo Rilvas

P — 1350-179 Lisboa

Tel. (351) 21394 60 72

Fax (351) 21394 60 73

Ministério das Finanças

Direcção Geral dos Assuntos Europeus e Relações Internacionais

Avenida Infante D. Henrique, n.o 1, C 2.o

P — 1100 Lisboa

Tel. (351) 21882 32 40/47

Fax (351) 21882 32 49

FINLANDJA

Ulkoasiainministeriö/Utrikesministeriet

PL/PB 176

00161 Helsinki/Helsingfors

Tel. (358) 9 16 05 59 00

Fax (358) 9 16 05 57 07

Puolustusministeriö/Försvarsministeriet

Eteläinen Makasiinikatu 8

00131 Helsinki/Helsingfors

PL/PB 31

Tel. (358) 9 16 08 81 28

Fax (358) 9 16 08 81 11

SVEZJA

Inspektionen för strategiska produkter (ISP)

Box 70252

107 22 Stockholm

Tel. (46) 8406 31 00

Fax (46) 8 20 31 00

Regeringskansliet

Utrikesdepartementet

Rättssekretariatet för EU-frågor

103 39 Stockholm

Tel. (46) 8405 10 00

Fax (46) 8723 11 76

Finansinspektionen

Box 6750

S — 113 85 Stockholm

Tel. (46) 8787 80 00

Fax (46) 8 24 13 35

IR-RENJU UNIT

Sanctions Licensing Unit

Export Control Organisation

Department of Trade and Industry

4 Abbey Orchard Street

London SW1P 2HT

United Kingdom

Tel. (44) 2072150594

Fax (44) 2072150593

HM Treasury

Financial Systems and International Standards

1, Horse Guards Road

London SW1A 2HQ

United Kingdom

Tel. (44-207) 2705977

Fax (44-207) 2705430

Bank of England

Financial Sanctions Unit

Threadneedle Street

London EC2R 8AH

United Kingdom

Tel. (44-207) 6014607

Fax (44-207) 6014309

--------------------------------------------------

ANNESS III

Lista msemmija fl-Artikolu 6

KUNSILL TAL-PAĊI TA' L-ISTAT U TA' L-IŻVILUPP (SPDC)

Ġen Thura Shwe Mann | Kap ta' l-Istat Maġġur, Kordinatur ta' l-Operazzjoniet Speċjali (Armata, Nejvi u Ajru) | | Khin Lay Thet | Toe Naing Mann (il-mara-Zay Zin Latt), Aung Thet Mann KoKo, Shwe Mann Ko Ko | |

Lt-Ġen Ye Myint | Kap tad-Dipartiment ta' l-Operazzjonijiet Speċjali 1 (Kachin, Chin, Sagaing, Magwe, Mandalay) | | Tin Lin Myint (25.1.1947) | Theingi Ye Myint, Aung Zaw Ye Myint, Kay Khaing Ye Myint | |

KOMANDANTI REĠJONALI

DEPUTATI KOMANDANTI REĠJONALI

MINISTRI

Ġen Maġ Sein Htwa | Kemm il-Ministeru ta' l-Immigrazzjoni u Popolazzjoni kif ukoll il-Ministeru tal-Ħarsien Soċjali, Solliev u Kolonizzazzjoni | | Khin Aye | | |

Brig-Ġen Thein Zaw | Kemm il-Ministeru tat-Telekomunikazzjonijiet, Posta u Telegrafija kif ukoll il-Ministeru tal-Lukandi u t-Turiżmu | | Mu Mu Win | | |

DEPUTATI MINISTRI

Kur Tin Ngwe | Progress taż-Żoni fuq il-Fruntieri u Tiġrijiet Nazzjonali u Affarijiet ta' l-Iżvilupp | | | | |

Brig-Ġen Than Tun | Progress taż-Żoni fuq il-Fruntieri u Tiġrijiet Nazzjonali u Affarijiet ta' l-Iżvilupp | | | May Than Tun ( 25.06.1970) ir-raġel: Ye Htun Myat | |

MEMBRI TA' QABEL TAL-GVERN

Lt-Ġen Tin Hla | Deputat Prim Ministru u Ministru għall-Affarijiet Militari u Ġeneral Quartermaster | | | | |

U Khin Maung Thein | Ministru għall-Finanzi u Introjtu | | Su Su Thein | Daywar Thein ( 25.12.1960), Thawdar Thein ( 06.03.1958), Maung Maung Thein ( 23.10.1963), Khin Yadana Thein ( 06.05.1968), Marlar Thein ( 25.02.1965), Hnwe Thida Thein ( 28.07.1966) | |

U Kyaw Tin | Deputat Ministru għall-Iżvilupp ta' Żoni fuq il-Fruntieri u ċTiġrijiet Nazzjonali | | | | |

ĦATRIET OĦRA RELATATI MAT-TURIŻMU

Kapt. (Retd.) Htay Aung | Direttur Eżekuttiv fis-Servizzi tal-Lukandi u Turiżmu tal-Mjanmar | | | | |

UFFIĊJALI ANZJANI FIL-MINISTERU TAD-DIFIŻA

Ġen-Maġ Khin Aung Myint | Direttur tar-Relazzjonijiet Pubbliċi u t-Taqbid ta' Gwerra Psikoloġika | | | | |

MEMBRI TA' L-UFFIĊĊJU TAL-KAP TA' L-INTELLIGENZA MILITARI (UKIM)

Brig-Ġen Kyaw Thein | Nazzjonalitajiet Etniċi u Gruppi tal-Waqfien l-Isparar, Trażżin ta' Drogiu Intelliġenza Navali u ta' l-Ajru | | | | |

UFFIĊJALI MILITARI LI JMEXXU L-ĦABSIJIET U L-PULIZIJA

Kur Ba Myint | Direttur Ġenerali tad-Dipartiment tal-Ħabsijiet (Ministeru ta' l-Intern) | | | | |

ASSOĊJAZZJONI TAS-SOLIDARJETÁ U L-IŻVILUPP TA' L-UNJONI (USDA)

PERSUNI LI JIBBENEFIKAW MILL-POLITIKA EKONOMIKA TAL-GVERN

U Win Aung | Dagon International | 30.09.1953 | Moe Mya Mya ( 28.08.1958), Yangon | Ei Hnin Pwint (a) Christabelle Aung ( 22.02.1981), Thurane Aung (a) Christopher Aung ( 23.07.1982), Ei Hnin Khin (a) Christina Aung ( 18.12.1983) | |

IMPRIŻI EKONOMIĊI TA' L-ISTAT

--------------------------------------------------

32004R0798