Official Journal L 094 , 31/03/2004 P. 0017 - 0021
Ir-Regolament tal-Kummissjoni (KE) Nru 594/2004 tat-30 ta' Marzu 2004 li jiddettermina l-okkorrenzi operattivi applikabbli għall-prodotti fis-settur tal-frott u l-ħxejjex u għall-prodotti pproċessati tal-frott u l-ħxejjex IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KE) Nru 2799/98 tal-15 ta' Diċembru 1998 li jistabblixxi l-arranġamenti agrimonetraji għall-euro [1], u partikolarment l-Artikolu 3 [2] tiegħu, Billi: (1) Ir-Regolament (KE) Nru 2799/98 introduċa arranġamenti agrimonetarji ġodda sa mill-1 ta' Jannar 1999. Ir-regoli dettaljati dwar l-applikazzjoni ta' dawn l-arranġamenti huma stabbiliti fir-Regolament tal-Kummissjoni (KE) Nru 2808/98 (2). Dak ir-Regolament jiddettermina l-okkorrenzi operattivi li huma applikabbli għar-rati tal-kambju fuq il-bażi tal-kriterja stabbilita fl-Artikolu 3 tar-Regolament (KE) Nru 2799/98, mingħajr preġudizzju għal dettalji ulterjuri li għandhom ikunu speċifikati jew għad-derogi li hemm provvediment dwarhom, meta meħtieġ, bir-regolamenti li jkopru l-gruppi tal-prodott ikkonċernat. L-okkorrenzi operattivi għar-rati tal-kambju applikabbli għall-prodotti fis-settur tal-frott u l-ħxejjex u għall-prodotti ipproċessati tal-frott u l-ħxejjex għandhom għalhekk ikunu stabbiliti u miġbura flimkien f'regolament wieħed. (2) Ir-Regolemanet tal-Kunsill (KE) Nru 2200/96 tat-28 ta' Ottubru 996 dwar l-organizzazzjoni komuni fis-suq tal-frott u l-ħxejjex [3] u r-Regolament tal-Kunsill (KE) Nru 2201/96 tat-28 ta' Ottubru 1996 dwar l-organizzazzjoni komuni tas-swieq fil-prodotti pproċessati tal-frott u l-ħxejjex [4] kienu emendati ta' spiss. Fl-interess taċ-ċarezza, ir-Regolament tal-Kummissjoni (KE) Nru No 293/98 ta' l-4 ta' Frar 1998 li jiddetermina l-okkorrenzi operattivi applikabbli għall-prodotti fis-settur tal-frott u l-ħxejjex, għall-prodotti ipproċessati tal-frott u tal-ħxejjex u parzjalment għall pjanti ħajjin u prodotti tal-fjorikultura u għal ċerti prodotti elenkati fl-Anness II tat-Trattat tal-KE, u li jħassru r-Regolament (KE) Nru 1445/93 [5] għandhom ikunu mħassra u mibdula b'regolament ġdid. (3) It-tieni subparagrafu ta' l-Artikolu 4(1) tar-Regolament tal-Kummissjoni (KE) Nru 1432/2003 tal- 11 ta' Awissu 2003 jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2201/96 fir-rigward tal-kondizzjonijiet għar-rikonoxximent ta' l-organizzazzjonijiet tal-produtturi u għar-rikonixximent prelimenrju ta' l-organizzazzjonijiet bis-saħħa ta' l-Artikolu 11(2)(a) tar-Regolament (KE) Nru 2201/96. La darba il-volumi kkonċernati huma annwali, l-okkorrenza operattiva għar-rata tal-kambju agrikola għal dawn il-volumi għandha tkun definita permezz ta' l-Artikolu 3(2) tar-Regolament (KE) Nru 2799/98 bħala li taqgħa fl-1 ta' Jannar tas-sena relevanti. (4) L-Artikolu 15(3) tar-Regolament (KE) Nru 2201/96 jistabilixxi l-kondizzjonijiet li permezz tagħhom l-Istati Membri jistgħu jistabbilixxu limitu dwar is-supplement għall-irtirar tal-kumpens tal-Komunità imħallas mill-fondi operazzjonali. Dawn is-supplimenti nazzjonalo massimi huma elenkati fl-Anness II tar-Regolament tal-Kummissjoni (KE) Nru 103/2004 tal-21 ta' Jannar 2004 li jistabbilixxi regoli dettaljati għall-implementazzjoni tar-Regolament tal-Kunsill (KE) Nru 2201/96 f'dak li jirrigwardja l-arranġamenti ta' l-intervent u tat-tneħħija mis-suq fis-settur tal-frott u l-ħxejjex (7). L-okkorrenza operattiva applikabbli għall-kumpens imneħħi korrespondenti għandha tkun applikabli għar-rata tal-kambju ta; dan il-limitu u tas0suplement massimu. (5) Il-Punt 3 ta' l-Anness I tar-Regolament tal-Kummissjoni (KE) Nru 1433/2003 tal-11 ta' Awissu 2003 jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2200/96 rigward il-programmi operazzjonali, il-fondi operazzjonali u l-għajnuna finanzjarja Komunitarja (8), jiddetermina l-ammont massimu ta' l-ispejjeż globali kumprensivi eliġibbli sabiex ikunu nklużi fil-programm oparazzjonali. La darba l-ammont ikkonċernat huwa annwali, ir-rata tal-kambju applikabbli għall-elementi l-oħrajn tal-fond operazzjonali ikkonċernat, permezz ta' l-Artikolu 3(2) tar-Regolament (KE) Nru 2799/98, u, bħala eċċezzjoni, għall-Artikolu 4(2) tar-Regolament (KE) Nru 2808/98, għandu jkun applikabbli għal dak l-ammont. (6) Ir-raba' inċiż ta' l-Artikolu 3(1) tar-Regolament (KE) Nru 2808/98 jipprovdi li fil-każ tat-tneħħija ta' prodotti mis-settur tal-frott u l-ħxejjex, l-okkorrenza operattiva għar-rata tal-kambju taqgħa fl-ewwel jum tax-xahar li fih it-tneħħija tkun isseħħ. Dik ir-regola għandha tkun applikabli mhux biss għall-operazzjonijiet tat-tneħħija imwettqa bi qbil ma l-Artikolu 23(1) tar-Regolament (KE) Nru 2200/96, imma wkoll minħabba l-operazzjonijiet relatati jew simili li huma involuti, lejn l-għajnuna għall-ispejjeż tat-trasport tal-frott u l-ħxejjex imqassma mingħajr ħlas kif hemm provvediment dwar dan fl-Artikolu 16(1) tar-Regolament (KE) Nru 103/2004 bi qbil ma l-Artikolu 30 [6] tar-Regolament (KE) Nru 2200/96, u għall-ispiża massima ta' l-iggradar u l-ippakkjar tal-prodotti imqassma mingħajr ħlas li jkunu merfuha mill-Komunità kif hemm provvediment dwar dan fl-Artikolu 17 tar-Regolament (KE) Nru 103/2004 bi qbil ma l-Artikolu 30(6) tar-Regolament (KE) Nru 2200/96. (7) L-Artikolu 2(3) tar-Regolament tal-Kummissjoni (KE) Nru 3223/94 tal-21 ta' Diċembru 1994 dwar ir-regoli dettaljati għall-applikazzjoni ta' l-arranġamenti ta' l-importazzjoni tal-frott u l-ħxejjex (9) jipprovdi għal ammont b'rata dritta li għandu jkun imnaqqas mill-prezzijiet irreġistrati bi qbil ma l-Artikolu 2(2) meta dawk il-prezzijiet huma stabbiliti fl-istadju tal-grossista/ta' l-imnut. L-Artikolu 5(2) tar-Regolament (KEE) Nru 2808 għandu jkun applikabbli f'dan il-każ b'anoloġija. (8) L-Artikolu 5(2) tar-Regolament (KE) Nru 2808/98 għandu jkun applikabbli għall-kalkolazzjoni tal-valur normali ta' l-importazzjoni referut fl-Artikolu 4(1) tar-Regolament (KE) Nru 3223/94. (9) Għall-iskop sabiex ikun applikat l-Artikolu 5(1)(a) u l-Artikolu 5(1°)(a) tar-Regolament (KE) Nru 3223/94 (il-metodu tal-fattura), il-prezz tad-dħul tal-lott ikkonċernat għandu jkun espress f'euro. B'analogu ma l-Artikolu 2 tar-Regolament (KE) Nru 2808/98, ir-rati tal-kambju applikabli għandhom ikunu dawk fis-seħħ fid-data ta' l-aċċettazzjoni tad-dikjarazzjoni doganali. (10) Ir-rifużjoni ta' l-esportazzjoni li hemm provvediment dwarha fl-Artikolu 35 tar-Regolament (KE) Nru 2200/96 hija inkluża fl-arranġamenti għall-kummerċ ma pajjiżi terzi li kienu introdotti bit-Titolu V ta' dak ir-Regolament. L-Artikolu 2 tar-Regolament (KE) Nru 2808/98 għandu għalhekk ikun applikabbli. (11) L-Artikolu 2 tar-Regolament (KE) Nru 2201/96 introduċa sjkema ta' għajnuna tal-produzzjoni għal ċerti prodotti ipproċessati mit-tadam, mill-ħawħ u mil-lanġas. Dik l-iskema tipprovdi għall-għajnuna li għandha tkun mogħtija lill-organizzazzjonijiet tal-produtturi. L-istess, l-Artikolu 6.o ta' dak ir-Regolament tintroduċi skema ta' għajnuna tal-produzzjoni għat-tin imqadded u l-pruna. Dik l-iskema tipprovdi għall-għajnuna li għandha tkun mogħtija lill-proċessaturi basta li dawn iħallsu prezz minimu lill-produtturi. Minħaba l-ammont ferm kbir ta' operaturi, proċessaturi u produtturi involuti, l-okkorrenza operattiva għar-rata tal-kambju permezz ta' l-Artikolu 3(2) tar-Regolament (KE) Nru 2799/98, u bħala eċċezzjoni ta' l-Artikolu 3(2) tar-Regolament (KE) Nru 2808/98, għandha sseħħ fl-ewwel jum tax-xahar li fih il-proċessatur jakkwista l-prodotti taħt idejħ. Dan l-akkwist għandu jkun definit. (12) L-Artikolu 3(1) tar-Regolament (KE) Nru 2808/98 għandu jkun applikabbli għall-prezz tax-xiri 'l ġewwa għall-għeneb imqadded u t-tin imqadded referut fl-Artikolu 9(2) tar-Regolament (KE) Nru 2201/96. (13) L-Artikolu 9(4) tar-Regolament (KE) Nru 2201/96 jipprovdi għall-għajnuna tal-ħażna ta' l-għeneb imqadded u tat-tin. Dik l-għajnuna hija mogħtija għat-tul attwali tal-ħażna. Għar-raġunijiet ta' l-amministrazzjoni prattikabbli, okkorenza operattiva ta' kull xahar għandha tkun iddetterminata bi qbil ma l-Artikolu 3(2) tar-Regolament (KE) Nru 2799/98 dwar l-għoti ta' l-għajnuna. (14) L-Artikolu 3(1) tar-Regolament (KE) Nru 2808/98 għandu jkun applikabbli għall-prezz tal-bejgħ stabbilit bil-quddiem fl-euro bis-saħħa ta' l-Artikolu 9 [7] tar-Regolament (KE) Nru 2201/96 għall-għeneb imqadded u t-tin li jkunu miżmuma mill-aġenziji tal-ħażna. (15) It-tieni inċiż ta' l-Artikolu 5(4) tar Regolament (KEE) Nru 2808/98 għandu jkun applikabbli għall-garanziji kollha referuti fit-tieni subparagrafu ta' l-Artikolu 9(3) u tat-tieni subparagrafu ta' l-Artikolu 9 [8] tar-Regolament (KE) Nru 2201/96. (16) Ir-rifużjoni ta' l-esportazzjoni li hemm provvediment dwarha fl-Artikolu 16 tar-Regolament (KE) Nru 2201/96 u l-levies ta' l-esportazzjoni fuq ċerti prodotti li jkun fihom zokkor miżjud kif hemm provvediment dwar dan fl-Artikolu 20 ta' dak ir-Regolament huma parti mill-arranġamenti għall-kummerċ ma pajjiżi terzi li kienu ġew introdotti bit-Titolu II ta' dak ir-Regolament. L-Artikolu 2 tar-Regolament (KE) Nru 2808/98 għandu għalhekk ikun applikabbli. (17) L-iskema introdotta [9]bir-Regolament tal-Kunsill (KE) Nru 2202/96 tat-28 ta' Ottubru 1996 li tintroduċi skema ta' għajnuna tal-Komunità għall-produtturi ta' ċerti frott taċ-ċitri [10], tipprovdi għall-għajnuna lill-organizzazzjonijiet tal-produtturi għal-lumi, it-tronġ, il-larinġ, il-mandolini, il-klementi u s-satsumi, fornuti lill-proċessaturi permezz ta' kuntratti. Minħaba l-ammont ferm kbir ta' operaturi, proċessaturi u produtturi involuti, l-okkorrenza operattiva għar-rata tal-kambju permezz ta' l-Artikolu 3(2) tar-Regolament (KE) Nru 2799/98, u bħala eċċezzjoni ta' l-Artikolu 3(2) tar-Regolament (KE) Nru 2808/98, għandha sseħħ fl-ewwel jum tax-xahar li fih il-proċessatur jakkwista l-prodotti taħt idejħ. It-teħid bħala pussess iseħħ meta ċertifikat tal-forniment kif hemm provvediment dwaru fl-Artikolu 17(2) tar-Regolament tal-Kummissjoni (KE) Nru 2111/2003 ta' l-1 ta' Diċembru 2003 li jistabbilixxi regoli dettaljati dwar l-applikazzjoni tar-Regolament tal-Kunsill (KE) Nru 2202/96 li introduċa skema ta' l-għajuna tal-komunià għall-produtturi ta' ċerti frottijiet taċ-ċitru [11] ikun imħejji. (18) Il-miżuri li hemm provvediment dwarhom f'dan ir-Regolament huma bi qbil ma' l-opinjoni konġunta tal-Kumitat ta' Ġestjoni tal-Frott u l-Ħxejjex friski, il-Kumitat ta' Ġestjoni tal-Prodotti Ipproċessati mill-Frott u mill-Ħxejjex, ADOTTAT DAN IR-REGOLAMENT: Il-KAPITOLU I DEFINIZZJONIJIET Artikolu 1 Definizzjonijiet 1. Id-definizzjonijiet li jinsabu fl-Artikolu 1 tar-Regolament (KEE) Nru 2799/98 għandhom ikunu applikabbli għall-iskopijiet ta' dan ir-Regolament. 2. Għall-iskopijiet ta' dan ir-Regolament, "it-teħid tal-pussess ta' lott" għandu jfisser il-bidu tal-forniment fiżiku tiegħu. Il-KAPITOLU II FROTT U ĦXEJJEX FRISKI Artikolu 2 Organizzazzjoni tal-produtturi L-okkorrenza operattiva għar-rata tal-kambju tl-volum minimu tal-produzzjoni tajba għas-suq stabbilita fit-tieni subparagrabu ta' l-Artikolu 4(1) tar-Regolament (KE) Nru 1432/2003 f'euro għandu jseħħ fl-1 ta' Jannar tas-sena relevanti. Artikolu 3 Fondi operazzjonali 1. Għall-iskop li jkun applikat it-tieni subparagrafu ta' l-Artikolu 15(3) tar-Regolament (KE) Nru 2200/96, ir-rata tal-kambju għas-supplementi massimi stabbiliti fl-Anness II tar-regolament (KE) Nru 103/2004 għandha tkun ir-rata applikabbli għall-kumpens tat-tneħħija ikkonċernata tal-Komunità, kif stabbilita bis-saħħa ta' l-Artikolu 4(1) ta' dan ir-Regolament. 2. L-okkorrenza operattiva għar-rata tal-kambju applikabbli għas-somma f'salt stabbilita fil-punt 2 ta' l-Anness tar-Regolament (KE) Nru 1433/2003 għandha sseħħ fl-1 ta' Jannar tas-sena li fiha dak l-ammont ikun applikabbli. Artikolu 4 L-ispejjeż ta' l-intervent, it-tneħħija, it-trasport, l-iggradar u l-ippakkjar 1. L-okkorrenza operattiva għar-rata tal-kambju tal-kumpens tat-tneħħija tal-Komunià stabbilita fl-Anness V tar-Regolament (KE) Nru 2201/96 għandha sseħħ fl-ewwel jum tax-xahar li fih it-tneħħija tkun isseħħ. 2. Ir-rata tal-kambju applikabbli għar-rata dritta tal-ispejjeż tat-trasport referuta fl-Artikolu 16(1) tar-Regolament (KE) Nru 103/2004 u stabbilita fl-Anness V ta' dak ir-Regolament għandha tkun ir-rata iddeterminata bi qbil mal-paragrafu 1 ta' hawn fuq. 3. Ir-rata tal-kambju applikabbli għar-rata dritta tal-ispejjeż tal-iggradar u l-ippakkjar stabbilita fl-Artikolu 17(1) tar-Regolament (KE) Nru 103/2004 għandha tkun ir-rata iddeterminata bi qbil mal-paragrafu 1 ta' hawn fuq. Artikolu 5 Il-prezzijiet tad-dħul 1. L-okkorronza operattiva għar-rata dritta applikabbli għal kambju fil-munita nazzjonali tal-Istat Membru mhux-parteċipanti ta' l-ammont tar-rata dritta referuta fl-Artikolu 2(3) tar-Regolament (KE) Nru 3223/94 għandha sseħħ fil-jum li fih il-prezz relevanti kien irreġistrat. 2. Għall-iskop li jkun ikkalkolat il-valur normali ta' l-importazzjoni referut fl-Artikolu 4(1) tar-Regolament (KE) Nru 3223/94, l-okkorrenza operattiva għar-rata tal-kambju tal-prezzijiet rapreżentattivi għandha sseħħ fil-jum li fih dawk il-prezzijiet kienu applikabbli. 3. Għall-iskop li jkun applikat l-Artikolu 5(1)(a) u l-Artikolu 5(1°)(a) tar-Regolament (KE) Nru 3223/94, l-okkorrenza operattiva tar-rata tal-kambju għandha tkun l-aċċettazzjoni tad-dikjarazzjoni doganali. Artikolu 6 Rifużjoni L-Artikolu 2 tar-Regolament (KE) Nru 2808/98 għandu jkun applikabbli għar-rifużjoni ta' l-esportazzjoni li hemm provvediment dwaru fl-Artikolu 35(1) tar-Regolament (KE) Nru 2200/96. Il-KAPITOLU III PRODOTTI PROĊESSATI MILL-FROTT U L-ĦXEJJEX Artikolu 7 L-għajnuna tal-ipproċesar għat-tadam, il-ħawħ, il-lanġas, it-tin u l-pruna 1. L-okkorrenza operattiva għar-rati tal-kambju applikabbli għal-għajnuna lill-organizzazzjonijiet tal-produtturi referuta fl-Artikolu 2 tar-Regolament (KE) Nru 2201/96 għat-tadam, il-ħawħ u l-lanġas u l-għajuna tal-produzzjoni għat-tin imqadded u l-pruna kif refeuta fl-Artikolu 6°(1) ta' dak ir-Regolamemnt għandha sseħħ fl-ewwel jum tax-xahar li il-proċesatur jiħeu f'idejh il-prodotti. 2. L-okkorrenza operattiva għar-rata tal-kambju applikabli għall-prezzijiet minimi referuti fl-Artikolu 6°(2) tar-Regolament (KE) Nru 2201/96 għandha sseħħ fl-ewwel jum tax-xahar li fih il-proċessatur ikun ħa f'idejh il-prodotti. Artikolu 8 Għajuna għall-għeneb imqadded u t-tin imqadded 1. L-okkorrenza operattiva għar-rata tal-kambju applikabbli għall-prezz tax-xiri 'l ġewwa referuta fl-Artikolu 9(2) tar-Regolament (KE) Nru 2201/96 għandha sseħħ fil-jum li fih il-prodotti jkunu meħuda mill-aġenzija tal-ħażna fil-qofol tat-tifsira tal-paragrafu 1 ta' dak l-Artikolu. 2. L-okkorrenza operattiva għar-rata tal-kambju applikabli għall-għajnuna tal-ħażna referuta fl-Artikolu 9(4) tar-Regolament (KE) Nru 2201/96 għandha sseħħ fl-ewwel jum tax-xahar li fih l-għajnuna tkun ġiet mogħtija. 3. L-okkorrenza operattiva għar-rata tal-kambju applikabbli għall-prezzijiet tal-bejgħ stabbiliti bil-quddiem b'konformità ma l-Artikolu 9(7) tar-Regolament (KE) Nru 2201/96 għall-għeneb imqadded u t-tin imqadded miżmum mill-aġenziji tal-ħażna għandha sseħħ fil-jum li fih ix-xerrej jieħu f'idejħ il-prodotti, jew fil-jum tal-pagament jekk dan iseħħ l-ewwel. 4. L-okkorrenza operattiva tar-rata tal-kambju applikabbli għall-ammont f'euro tal-garaniji referuti fit-tieni subparagrafu ta' l-Artikolu 9(3) u tat-tieni subparagrafu ta' l-Artikolu 9(7) tar-Regolament (KE) Nru 2201/96 għandha sseħħ fil-jum li fih l-applikazzjoni għall-offerta jew għax-xiri tkun ippreżentata. Artikolu 9 Rifużjoni L-okkorrenza operattiva għar-rata tal-kambju applikabbli għar-rifużjoni ta' l-esportazzjoni kif hemm provvediment dwar dan fl-Artikolu 16 tar-Regolament (KE) Nru 2201/96 u l-levies ta' l-esportazzjoni li hemm provvediment dwahom fl-Artikolu 20 ta' dak ir-Regolament għandha tkun l-aċċettazzjoni tad-dikjarazzjoni doganali. Il-KAPITOLU IV FROTT TA-ITRU GĦALL-IPPRO-ESSAR Artikolu 10 Għajnuna lill-organizzazzjonijiet tal-produtturi għall-frott taċ-ċitru L-okkorrenza operattiva għar-rata tal-kambju applikabbli għall-għajnuna lill-organizzazzjonijiet tal-produtturi referuta fl-Artikolu 3 tar-Regolament (KE) Nru 2202/96 għandha sseħħ fl-ewwel jum tax-xahar li fih il-prodotti ikunu fornuti lejn l-impjant tal-ipproċessar fil-qofol tat-tifsira ta' l-Artikolu 17(2) tar-Regolament (KE) Nru 2111/2003. Il-KAPITOLU V TĦASSIR U DISPOSIZZJONIJIET FINALI Artikolu 11 Dħul fis-seħħ Ir-Regolament (KE) Nru 293/98 huwa b'hekk imħassar. Ir-riferenzi għar-Regolament imħassar għandhom jinftiehmu bħala referenzi għal dan ir-Regolament u għandhom jinqraw b'konformità mat-tabella tal-korrelazzjoni fl-Anness. Artikolu 12 Dan ir-Regolament għandu jidħol fis-seħħ fit-tielet jum li jiġi wara l-pubblikazzjoni tiegħu fil-Ġurnal Uffiċjali ta' l-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-30 ta' Marzu 2004. Ghall-Kummissjoni Franz Fischler Membru tal-Kummissjoni [1] ĠU L 349, ta’ l-24.12.1998, p. 1. [2] ĠU L 349, ta’ l-24.12.1998, p. 36. Ir-Regolament kif l-aħħar emendat bir-Regolament (KE) Nru 2304/2003 (ĠU L 342, tat-30.12.2003, p. 6). [3] ĠU L 297, tal-21.11.1996, p. 1. Ir-Regolament kif l-aħħar emendat bir-Regolament tal-Kummissjoni (KE) Nru 47/2003 (ĠU L 7, tal-11.1.2003, p. 64). [4] ĠU L 297, tal-21.11.1996, p. 29. Ir-Regolament kif l-aħħar emendat bir-Regolament tal-Kummissjoni (KE) Nru 386/2004 (ĠU L 64, tat-2.3.2004, p. 25). [5] ĠU L 30, tal-5.2.1998, p. 16. Ir-Regolament kif l-aħħar emendat bir-Regolament (KE) Nru 1410/1999 (ĠU L 164, tat-30.6.1999, p. 53). [6] ĠU L 203, tat-12.8.2003, p. 18. [7] ĠU L 16, tat-23.1.2004, p. 3. [8] ĠU L 203, tat-12.8.2003, p. 25. [9] ĠU L 337, ta’ l-24.12.1994, p. 66. Ir-Regolament kif l-aħħar emendat bir-Regolament (KE) Nru 1947/2002 (ĠU L 299, ta’ l-1.11.2002, p. 17). [10] ĠU L 297, tal-21.11.1996, p. 49. Regolament kif l-aħħar emendat bir-Regolament tal-Kummissjoni (KE) Nru 1933/2001 (ĠU L 262, tat-2.10.2001, p. 6). [11] ĠU L 317, tat-2.12.2003, p. 5. -------------------------------------------------- L-ANNESS TABELLA TA' KORRELAZZJONI Ir-Regolament (KE) Nru 293/98 | Dan ir-Regolament | L-Artikolu 1 | L-Artikolu 2 | L-Artikolu 2 (1) | L-Artikolu 3 (1) | L-Artikolu 2 (2) | — | L-Artikolu 2 (3) | — | L-Artikolu 2 (4) | L-Artikolu 3 (2) | L-Artikolu 3 (1) | L-Artikolu 4 (1) | L-Artikolu 3 (2) | L-Artikolu 4 (2) | L-Artikolu 3 (3) | — | L-Artikolu 3 (4) | L-Artikolu 4 (3) | L-Artikolu 4 (1) | L-Artikolu 5 (1) | L-Artikolu 4 (2) | L-Artikolu 5 (2) | L-Artikolu 4 (3) | L-Artikolu 5 (3) | L-Artikolu 5 | L-Artikolu 6 | L-Artikolu 6 | — | L-Artikolu 7 (1) | L-Artikolu 7 (1) u (2) | L-Artikolu 7 (2) | — | L-Artikolu 8 (1) | — | L-Artikolu 8 (2) | L-Artikolu 8 (1) | L-Artikolu 8 (3) | L-Artikolu 8 (2) | L-Artikolu 8 (4) | — | L-Artikolu 8 (5) | L-Artikolu 8 (3) | L-Artikolu 8 (6) | — | L-Artikolu 8 (7) | L-Artikolu 8 (4) | L-Artikolu 9 | — | L-ewwel inċiż ta' l-L-Artikolu 10 | — | It-tieni inċiż ta' l-L-Artikolu 10 | L-Artikolu 9 | It-tielet inċiż ta' l-L-Artikolu 10 | — | L-Artikolu 11 | L-Artikolu 10 | L-Artikolu 12 | — | L-Artikolu 13 | — | L-Artikolu 14 | — | L-Artikolu 15 | — | L-Artikolu 16 | — | L-Artikolu 17 | — | L-Artikolu 18 | L-Artikolu 11 | L-Artikolu 19 | — | L-Artikolu 20 | L-Artikolu 12 | --------------------------------------------------