Official Journal L 006 , 10/01/2004 P. 0013 - 0015
Ir-Regolament tal-Kummissjoni (KE) Nru 38/2004 tad-9 ta’ Jannar 2004 li jemenda r-Regolament (KE) Nru 314/2002 li jistabbilixxi regoli dettaljati għall-applikazzjoni tas-sistema ta’ kwoti fis-settur taz-zokkor IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi tal-Komunitajiet Ewropej, Wara li kkunsidrat ir-Regolament tal-Kunsill (KE) Nru 1260/2001 dwar l-organizzazzjoni komuni tas-swieq fis-settur taz-zokkor [1], u partikolarment l-Artikoli 13(3), 14(4), 15(8), 16(5), 18(5) u 20(2) u t-tieni paragrafu ta’ l-Artikolu 41 li jinsab fih, billi: (1) Billi il-produzzjoni kemm tal-ħmira kif ukoll ta’ l-alkoħol jużaw prodotti u prodotti sekondarji ta’ l-industrija taz-zokkor li ma jagħmlux parti mill-prodott lest imma huma meħtieġa għal proċess ta’ fermentazzjoni li bih jinħadmu. (2) Id-domanda li reċentement kienet qegħda tiżdied minn produtturi tal-alkoħol għal ġulepp wassal biex ġulepp ta’ kwalità inqas għolja ta’ pitravi qiegħed ikun għad-dispożizzjoni tal-produtturi tal-ħmira u li qed isir aktar jaqblilhom li jużaw ġuleppi taz-zokkor. L-użu ta’ dawn b’hekk wassal għal tnaqqis li jinħass fit-tniġġis ta’ l-ambjent ikkawżat bl-użu tal ġulepp biex issir il-ħmira. (3) Ir-Regolament tal-Kummissjoni (KE) Nru 314/2002 [2] jistipula li zokkor maqlub u ġuleppi pproċessati f’alkoħol jew rum huma esklużi mill-kalkolazzjonoi ta’ prodotti taz-zokkor għall-għanjiet ta’ l-Artikolu 13 sa 18 tar-Regolament (KE) Nru 1260/2001. (4) Sabiex il-produuturi tal-ħmira jkunu ttrattati b’ mod ġust id-dispożizzjonijiet msemmija aktar il-fuq għandhom jiġu estiżi biex ikopru guleppi li jkunu proċessati fi ħmira ħajja. (5) Biex ma jitħallix isir użu ħażin tas-sistema tal-kwoti tal-produzzjoni, arranġamenti għandhom jiddaħħlu biex ikunu sorveljati kemm l-impriżi li jkunu allokatti kwoti ta’ produzzjoni taz-zokkor u kif ukoll dawk li jipproċessaw iz-zokkor f’alkoħol, rum jew ħmira. Approvazzjoni ta’ impriżi li jipproċessaw għandha tkun mehtieġa u dikjarazzjoni bil-quddiem ta’ fornituri mill-impriża assenjata kwoti għandha tkun meħtieġa sabiex l-awtoritajiet ta’ l-Istati Membri jkunu jistgħu jiċċekkjaw dwar il-kwantitajiet. Dawn l-arranġamenti għandhom japplikaw ukoll għal ġuleppi biex jiddelku u ġuleppi biex ikunu proċessati f’"Rinse appelstroop", li, taħt l-Artikolu 1(2)(h) tar-Regolament (KE) Nru 314/2002, huma esklużi mill-kalkolu tal-produzzjoni taz-zokkor għall-fini ta’ l-Artikoli 13 sa 18 tar-Regolament (KE) Nru 1260/2001. Sabiex l-awtroitajiet jinagħataw żmien idaħħlu miżuri ta’ amministrazzjoni w ispezzjoni, id-dispożizzjonijiet il-ġodda għandhom ikunu applikabbli mill-1 ta’ Frar 2004. (6) Sabiex ikun mgħejjunin l-immonitorjar ta’ l-użu taz-zokkor maqlub u ġuleppi u tal-prodotti ta’ pariġġhom ta’ l-alkoħol, ir-rum, il-ħmira, ġuleppi għat-tidlik u "Rinse appelstroop", l-Istati Membri għandhom javżaw lill-Kummissjoni dwar il-kwantitajiet użati u prodotti. (7) Fit-tielet paragrafu ta’ l-Artikolu 4b(3) tar-Regolament (KE) Nru 314/2002 għandha issir distinzjoni bejn kwantitajiet ta’ isoglukosju imfisser bħala materjal niexef u kwantitajiet ta’ gulepp ta’ inulina imfisser bħala ekwivalenti ta’ zokkor abjad. (8) Fl-Artikolu 6(5)(c) tar-Regolament (KE) Nru 314/2002 dwar obligazzjonijiet dwar l-esportazzjoni li għandhom jaderixxu magħhom waqt is-sena kurrenti ta’ marketing (fis-sens ta’ l-Artikolu 15(1)(d) tar-Regolament (KE) Nru 1260/2001) il-kliem "tali kwantitajiet għandhom jinferxu ugwalment matul is-sena t’ marketing" ma humiex meħtieġa u biex kollox ikun ċar għandhom jitneħħew. (9) Ir-Regolament (KE) Nru 314/2002 ghandu jigi emendat skond ma ntqal hawn fuq. (10) Il-kumitat ta’ ġestjoni għaz-Zokkor ma tax opinjoni fiż-żmien stipulat mill-president tiegħu, ADOTTAT DAN IR-REGOLAMENT: Artikolu 1 Ir-Regolament (KE) Nru 314/2002 qiegħed jiġi emendat kif ġej: 1. fl-Artikolu 1(2) punt (f) huwa sostitwit minn: "(f) kwantitajiet ta’ zokkor maqlub u ġuleppi pproċessati f’alkoħol jew rum u kwantitajiet ta’ ġuleppi wżati biex jagħmlu ħmira;". 2. l-Artikolu 1a li ġej huwa miżjud: "L-Artikolu 1a 1. Dawk il-kwantitajiet biss li huma wżati minn impriża approvati mill-awtoritajiet kompetenti tal-Istati Membri għandhom jgħoddu għall fini ta’ l-Artikolu 1(2)(f) u (h). Dawn l-awtoritajiet għandhom joħorġu approvazzjoni meta mitlubin lill-impriżi li jippoduċu l-alkoħol, ir-rum, il-ħmira, il-ġuleppi għat-tidlik u ‘Rinse appelstroop’ li jaċċettaw: (a) li jżommu reġistri seprati tal-merkanzija għall-materja prima u prodotti pproċessati indikat fl-Artikolu 1(2)(f) u (h); (b) jipprovdu fuq talba minn dawn l-awtoritajiet kull informazzjoni jew dokumenti ta’ sostenn meħtieġa biex jiġu iċċekkjati l-oriġini u l-użu li jkun sar mill-materja prima indikati f’(a); (ċ) jħallu lil dawn l-awtoritajiet jagħmlu iċċekkjar xieraq amministrattiv u fiżiku. 2. Għall-fini li jiġi applikat l-Artikolu 1(2)(f) u (h) impriżi assenjati kwoti għandhom qabel ma jagħmlu l-kunsinna jiddikjaraw lill-awtoritajiet kompetenti ta’ l-Istati Membri kkonċernati: (a) in- natura u l-kwantità tal-prodotti li sejrin ikunu jikkunsinnaw, kemm f’termini ta’ piż net ukif ukoll fl-ekwivalenti ta’ zokkor abjad; (b) il-partikolaritajiet tal-proċessur approvat u l-lokalità fejn il-prodotti jkunu kkunsinnati biex jiġu pproċessati (ċ) l-iskeda ta’ kunsinni lil-lokalità fejn isir l-ipproċessar. 3. L-awtoritajiet kompetenti ta’ l-Istati Membri għandhom fejn meħtieġ jistabbilixxu kondizzjonijiet addizzjonali għall-ħruġ ta’ approvazzjoni kif indikat fit-tieni sotto-paragrafu ta’ paragrafu 1 u kondizzjoniet addizzjonali dwar id-dikjarazzjonijiet indikati fil-paragrafu 2 bħad-data sa meta għandhom isiru u l-perjodu tal-validità tagħhom. Għandhom jagħmlu iċċekkjar amministrattivi u fiżiċi dwar l-oriġini u l-ipproċessar ta’ dawn il-kunsinni. Permezz ta’ analiżi tar-riskji huma għandhom kull sena ta’ marketing jagħmlu ċċekkjar fiżiku għal għarrieda fuq il-post. L-analiżi tar-riskji għandu juża, fost oħrajn: (a) Tisjib mill-iċċekkjar li jkun sar fi snin mgħoddija; (b) bidliet mis-sena ta’ qabel; (ċ) ir-rendiment tal-prodott ipproċessat mill-materja prima. Għandu jiġi iċċekkjat għallinqas 10 % taz-zokkor u tal-ġuleppi. Jekk jinsabu irregolaritajiet jew anomaliji, l-Istati Membri għandhom iżidu l-persentaġġ ta’ iċċekkjar skond il-gravità tat-tisjib. 4. Fl-aħħar ta’ kull sena ta’ marketing Stati Membri għandhom jistabilixxu għal kull impriża assenjata kwoti u kull impriża approvata l-kwantitajiet rilevanti ta’ ġulepp u zokkor maqlub u l-produzzjoni relatata magħhom ta’ alkoħol, rum, ħmira, ġuleppi għat-tidlik ud ‘Rinse appelstroop’. 5. L-approvazzjoni għandha tiġi rtirata, għas-sena ta’ marketing li tkun għadejja u għall-waħda ta’ warajha, minn kull impriża li tonqos milli tosserva l-kondizzjonijiet ta’ l-approvazzjoni. Applikazzjoni ġdida għall-approvazzjoni trid imbagħad issir. 6. Qabel il-5 ta’ Settembru ta’ kull sena l-Istati Membri għandhom javżaw lill-Kummissjoni dwar is-sena ta’ marketing li tkun għaddiet: (a) il-kwantitajiet totali, imfissrin bħala ekwivalenti ta’ zokkor abjad, ta’ zokkor maqlub u ġuleppi u l-prodotti li jikkorrespondu magħhom ta’: - alkoħol, imfisser bħala alkoħol pur, mqassam f’alkoħol karburanti, rum u alkoħol ieħor, - ħmira, imfissra bħala ħmira ppressata, u - ġuleppi għat-tidlik u ‘Rinse appelstroop’. (b) it-tisjib mill-iċċekkjar mwettqa taħt paragrafu 3 u l-azzjoni meħuda dwar dawn; (ċ) każi ta’ irtirar ta’ approvazzjoni taħt paragrafu 5." 3. fl-ewwel sotto-paragrafu ta’ l-Artikolu 4b(3) il-kliem ta’ ftuħ huma sostitwiti minn: "Kull impriża li tkun mogħtija kwota ta’ produzzjoni għall-isoglukosju jew ġulepp ta’ l-inulina għandha tavża lill-awtorità kompetenti ta’ l-Istat Membru fejn tkun saret il-produzzjoni, qanel l-1 ta’ Awissu, dwar il-kwantitajiet ta’ isoglukosju (mfisser bħala materja niexfa) u l-ġulepp ta’ l-inulina (mfisser bħala ekwivalenti ta’ zokkor abjad) propjetà tagħha u maħżuna f’ċirkolazzjoni ħielsa fuq territorju fil-Komunità fl-aħħar tas-sena ta’ marketing ta’ qabel, analiżżata kif ġej:". 4. fl-ewwel paragrafu ta’ l-Artikolu 6(5), punt (ċ) huwa sostitwit minn: "(ċ) l-esprtazzjoni kollha mbassra ta’ zokkor, isoglukosju u ġulepp ta’ inulina f’għamla ta’ prodotti pproċessati b’ rifużjonijiet għall-esportazzjoni jew taxxi fuq l-esportazzjoni iffissati għal dak il-għan waqt dik is-sena ta’ marketing." Artikolu 2 Dan ir-Regolament ghandu jigi fis-sehh fit-tielet gurnata wara li jigi ppubblikat fil-Ġurnal Uffiċjali ta’ l-Unjoni Ewropea. Punti 1 u 2 fl-Artikolu 1 għandhom jgħoddu mill-1 ta’ Frar 2004. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, Id-9 ta’ Jannar 2004. Għall-Kummissjoni Franz Fischler Membru tal-Kummissjoni [1] ĠU L 178, tat-30.6.2001, p. 1. Regolament kif l-aħħar emendat bir-Regolament tal-Kummissjoni (KE) Nru 2196/2003 (ĠU L 328, tas-17.12.2003, p. 26). [2] ĠU L 50, 21.02.02, p. 40. Ir-Regolament kif emendat bir-Regolament (KE) Nru 1140/2003 (ĠU L 160, 28.06.03, p. 33). --------------------------------------------------