5.7.2006 |
MT |
Il-Ġurnal Uffiċjali ta' l-Unjoni Ewropea |
226 |
DIRETTIVA TAL-KUMMISSJONI 2004/99/KE
ta' l-1 ta' Ottubru 2004
li temenda d-Direttiva tal-Kunsill 91/414/KEE biex tinkludi l-acetamiprid u t-thiacloprid bħala sustanzi attivi
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tpoġġija fis-suq ta’ prodotti għall-protezzjoni tal-pjanti (1), u b’mod partikolari l-Artikolu 6(1) tagħha,
Billi:
(1) |
Skond l-Artikolu 6 (2) tad-Direttiva 91/414/KEE il-Greċja rċeviet fit-22 ta’ Ottubru 1999 applikazzjoni min-Nisso Chemical Europe GmbH għall-inklużjoni f’Anness I tad-Direttiva 91/414/KEE tas-sustanza attiva acetamiprid. Id-Deċiżjoni tal-Kummissjoni 2000/390/KE (2) ikkonfermat li l-inkartament kien “komplut” fis-sens li seta’ jitqies bħala li jissodisfa, fil-prinċipju, ir-rekwiżiti ta’ data u informazzjoni ta’ Annessi II u III tad-Direttiva 91/414/KEE. |
(2) |
Ir-Renju Unit irċieva applikazzjoni skond l-Artikolu 6 (2) tad-Direttiva 91/414/KEE fil-11 ta’ Settembru 1998 mill-Bayer Plc. (illum Bayer CropScience AG) li tikkonċerna t-thiacloprid. Id-Deċiżjoni tal-Kummissjoni 2000/181/KE (3) ikkonfermat li l-inkartament kien “komplut” fis-sens li seta’ jitqies bħala li jissodisfa, fil-prinċipju, ir-rekwiżiti ta’ data u informazzjoni ta’ Annessi II u III tad-Direttiva 91/414/KEE. |
(3) |
Għal dawk is-sustanzi attivi, l-effetti fuq is-saħħa tal-bniedem u fuq l-ambjent ġew evalwati, skond id-dispożizzjonijiet ta’ Artikolu 6 (2) u (4) tad-Direttiva 91/414/KEE, għall-użi proposti mill-applikanti. L-Istati Membri maħtura bħala relaturi ressqu abbozz ta’ rapporti ta’ evalwazzjoni lill-Kummissjoni li jikkonċernaw is-sustanzi fid-19 ta’ Marzu 2001 (acetamiprid) u fit-22 ta’ Novembru 2000 (thiacloprid). |
(4) |
L-abbozz ta’ rapporti ta’ evalwazzjoni ġew riċevuti mill-Istati Membri u mill-Kummissjoni fi ħdan il-Kumitat Permanenti dwar il-Katina ta’ l-Ikel u s-Saħħa ta’ l-Annimali. Ir-reviżjoni kienet finalizzata fid-29 ta’ Ġunju 2004 fil-format ta’ rapporti ta’ reviżjoni tal-Kummissjoni għall-acetamiprid u thiacloprid. |
(5) |
Ir-reviżjoni ta’ l-acetamiprid u t-thiacloprid ma wasslitx għal xi kwistjonijiet jew preokkupazzjonijiet, li kieku kienu jitolbu konsultazzjoni tal-Kumitat Xjentifiku tal-Pjanti. |
(6) |
Mill-eżamijiet varjati deher li l-prodotti għall-protezzjoni tal-pjanti li fihom is-sustanzi attivi konċernati jistgħu jissodisfaw, b’mod ġenerali, ir-rekwiżiti mniżżla f’Artikolu 5(1) (a) u (b) u Artikolu 5(3) tad-Direttiva 91/414/KEE, b’mod partikolari fir-rigward ta’ l-użi li kienu eżaminati u dettaljati fir-rapport ta’ reviżjoni tal-Kummissjoni. Huwa għalhekk xieraq li l-acetamiprid u t-thiacloprid jiġu inklużi f’Anness I ta’ dik id-Direttiva, sabiex ikun assigurat li fl-Istati Membri kollha tkun tista’ tingħata l-awtorizzazzjoni għall-prodotti għall-protezzjoni tal-pjanti li jkun fihom dawn is-sustanzi attivi skond id-dispożizzjonijiet ta’ dik id-Direttiva. |
(7) |
Wara l-inklużjoni ta’ l-acetamiprid u t-thiacloprid f’Anness I tad-Direttiva 91/414/KEE, l-Istati Membri għandhom jingħataw perijodu raġjonevoli biex jimplimentaw id-dispożizzjonijiet ta’ dik id-Direttiva fir-rigward tal-prodotti għall-protezzjoni tal-pjanti li jkun fihom dawk is-sustanzi u b’mod partikolari biex jirrevedu l-awtorizzazzjonijiet proviżorji eżistenti u, biex sa l-aħħar ta’ dan il-perjodu l-iktar tard, jibdlu dawk l-awtorizzazzjonijiet f’awtorizzazzjonijiet sħaħ, biex jemendawhom jew jirtirawhom skond dik id-Direttiva 91/414/KEE. |
(8) |
Huwa għalhekk xieraq li tiġi emendata d-Direttiva 91/414/KEE skond dan. |
(9) |
Il-miżuri msemmija f’din id-Direttiva huma skond l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali, |
ADOTTAT DIN ID-DIRETTIVA:
Artikolu 1
L-Anness I tad-Direttiva 91/414/KEE huwa emendat skond kif imniżżel fl-Anness ta’ din id-Direttiva.
Artikolu 2
1. L-Istati Membri għandhom jadottaw u jippubblikaw sat-30 ta’ Ġunju 2005 l-iktar tard il-liġijiet, regolamenti u dispożizzjonijiet amministrattivi meħtieġa biex ikunu konformi ma’ din id-Direttiva. Għandhom jikkomunikaw minnufih lill-Kummissjoni it-test ta’ dawk id-dispożizzjonijiet u tabella tal-korrelazzjoni bejn dawk id-dispożizzjonijiet u din id-Direttiva.
Għandhom japplikaw dawn id-dispożizzjonijiet mill-1 ta’ Lulju 2005.
Meta l-Istati Membri jadottaw dawk id-dispożizzjonijiet, dawn ta’ l-aħħar għandu jkollhom referenza għal din id-Direttiva jew għandhom ikunu akkumpanjati b’tali referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif se ssir din ir-referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.
Artikolu 3
1. L-Istati Membri għandhom jirrevedu l-awtorizzazzjoni għal kull prodott għall-protezzjoni tal-pjanti li fih l-acetamiprid jew it-thiacloprid biex jassiguraw li l-kondizzjonijiet relatati ma’ dawn is-sustanzi attivi mniżżla f’Anness I tad-Direttiva 91/414/KEE huma mħarsa. Fejn meħtieġ, huma għandhom jemendaw jew jirtiraw l-awtorizzazzjonijiet skond id-Direttiva 91/414/KEE sat-30 ta’ Ġunju 2005 l-iktar tard.
2. Għal kull prodott għall-protezzjoni tal-pjanti awtorizzat li fih l-acetamiprid jew it-thiacloprid jew bħala l-unika sustanza attiva jew bħala waħda minn għadd ta’ sustanzi attivi li kollha kienu elenkati f’Anness I tad-Direttiva 91/414/KEE sal-31 ta’ Diċembru 2004 l-iktar tard, l-Istati Membri għandhom jevalwaw mill-ġdid il-prodott skond il-prinċipji uniformi msemmija f’Anness VI tad-Direttiva 91/414/KEE, fuq il-bażi ta’ inkartament li jissodisfa r-rekwiżiti ta’ Anness III ta’ dik id-Direttiva. Fuq il-bażi ta’ dik l-evalwazzjoni, huma għandhom jiddeterminaw jekk il-prodott jissodisfax il-kondizzjonijiet imniżżla f’Artikolu 4(1)(b), (c), (d) u (e) tad-Direttiva 91/414/KEE.
Wara li jiddeterminaw dan, l-Istati Membri għandhom:
(a) |
fil-każ ta’ prodott li jkun fih l-acetamiprid jew it-thiacloprid bħala l-unika sustanza attiva, fejn meħtieġ, jemendaw jew jirtiraw l-awtorizzazzjoni sat-30 ta’ Ġunju 2006 l-iktar tard; jew |
(b) |
fil-każ ta’ prodott li jkun fih l-acetamiprid jew it-thiacloprid bħala waħda minn għadd ta’ sustanzi attivi, fejn meħtieġ, jemendaw jew jirtiraw l-awtorizzazzjoni sat-30 ta’ Ġunju 2006 jew sad-data ffissata għal dan it-tip ta’ emenda jew irtirar fid-Direttiva jew Direttivi rispettivi li żiedu s-sustanza jew sustanzi rilevanti f’Anness I tad-Direttiva 91/414/KEE, skond liema data tkun l-iktar tard. |
Artikolu 4
Din id-Direttiva ser tidħol fis-seħħ fl-1 ta’ Jannar 2005.
Artikolu 5
Din id-Direttiva hija indirizzata lill-Istati Membri.
Magħmula fi Brussel, nhar l-1 ta' Ottubru 2004.
Għall-Kummissjoni
David BYRNE
Membru tal-Kummissjoni
(1) ĠU L 230, tad-19.8.1991, p. 1. Direttiva kif emendata l-aħħar bid-Direttiva tal-Kummissjoni 2004/30/KE (ĠU L 77, tat-13.3.2004, p. 50).
(2) ĠU Nru L145, ta’ l-20.6.2000, p.36.
(3) ĠU Nru L57, tat-2.3.2000, p.35.
ANNESS
F’Anness I, il-kolonni li ġejjin huma miżjuda fl-aħħar tat-tabella:
“Nru |
Isem komuni, numri ta’ identifikazzjoni |
Isem IUPAC |
Purità (1) |
Dħul fis-seħħ |
Skadenza ta’ l-inklużjoni |
Dispożizzjonijiet speċifiċi |
||||||
92 |
Acetamiprid Nru SAK160430-64-8 Nru CIPAC Għadu mhux allokat |
(E)-N1-[(6-chloro-3-pyridyl)methyl]-N2-cyano-N1-methylacetamidine |
≥990 g/kg |
L-1 ta' Jannar 2005 |
Il-31 ta’ Diċembru 2014 |
Jistgħu jiġu awtorizzati biss l-użi bħala insettiċida. Għall-implimentazzjoni tal-prinċipji uniformi ta’ Anness VI, għandhom ikunu kkunsidrati l-konklużjonijiet tar-rapport ta’ reviżjoni dwar l-Acetamiprid, u b’mod partikolari l-Appendiċi I u II tiegħu, kif finalizzati fid-29 ta’ Ġunju 2004 fil-Kumitat Permanenti dwar il-Katina ta’ l-Ikel u s-Saħħa ta’ l-Annimali. F’din l-evalwazzjoni sħiħa l-Istati Membri
Miżuri għat-tnaqqis tar-riskju għandhom ikunu applikati fejn xieraq. |
||||||
93 |
Thiacloprid Nru SAK 111988-49-9 Nru CIPAC 631 |
(Z)-N-{3-[(6-Chloro-3-pyridinyl)methyl]-1,3-thiazolan-2-yliden}cyanamide |
≥975 g/kg |
L-1 ta’ Jannar 2005 |
Il-31 ta’ Diċembru 2014 |
Jistgħu jiġu awtorizzati biss l-użi bħala insettiċida. Għall-implimentazzjoni tal-prinċipji uniformi ta’ Anness VI, għandhom ikunu kkunsidrati l-konklużjonijiet tar-rapport ta’ reviżjoni dwar it-Thiacloprid, u b’mod partikolari l-Appendiċi I u II tiegħu, kif finalizzati fid-29 ta’ Ġunju 2004 fil-Kumitat Permanenti dwar il-Katina ta’ l-Ikel u s-Saħħa ta’ l-Annimali. F’din l-evalwazzjoni sħiħa l-Istati Membri
Miżuri għat-tnaqqis tar-riskju għandhom ikunu applikati fejn xieraq. |
(1) Iktar dettalji dwar l-identità u l-ispeċifikazzjoni tas-sustanzi attivi huma mogħija fir-rapport ta’ reviżjoni.”