|
5.7.2006 |
MT |
Il-Ġurnal Uffiċjali ta' l-Unjoni Ewropea |
118 |
DIRETTIVA TAL-KUMMISSJONI 2004/88/KE
tas-7 ta' Settembru 2004
li temenda d-Direttiva tal-Kunsill 76/768/KEE, dwar prodotti kosmetiċi, għall-iskop li jiġi addattat l-Anness III tagħha għall-progress tekniku
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri rigward prodotti kosmetiċi (1), u b’mod partikolari l-Artikolu 8(2) tagħha,
Wara li kkonsultat lill-Kumitat Xjentifiku dwar il-Prodotti Kosmetiċi u Prodotti Mhux ta’ l-Ikel maħsuba għall-Konsumaturi,
Billi:
|
(1) |
Minħabba li l-istima tar-riskju ma kinitx tlestiet skond ir-Regolament tal-Kunsill (KEE) 793/93 dwar l-evalwazzjoni u l-kontroll tar-riskji ta’ sustanzi eżistenti (2), il-perjodu ta’ l-inklużjoni fit-2 Parti ta’ l-Anness III tad-Direttiva 76/768/KEE għall-musk xylene u l-musk ketone ġie estiż sat-30 ta’ Settembru 2004. |
|
(2) |
Fit-8 ta’ Jannar 2004, il-Kumitat Xjentifiku dwar it-Tossiċità, l-Ekotossiċità u l-Ambjent addotta opinjoni dwar ir-riżultati ta’ l-istima tar-riskju tal-musk xylene u l-musk ketone li saret skond ir-Regolament (KEE) 793/93. |
|
(3) |
Il-Kumitat Xjentifiku dwar il-Prodotti Kosmetiċi u Prodotti Mhux ta’ l-Ikel (SCCNFP) ikkonferma li l-musk xylene jista’ jintuża b’sigurtà fil-prodotti kosmetiċi, minbarra l-prodotti tal-kura orali, sa konċentrazzjoni massima fil-prodott finali ta’ 1% fil-fwieħa fina, 0.4 % fl-eau de toilette u 0.03 % f’prodotti oħrajn u li l-musk ketone jista’ jintuża b’sigurtà fil-prodotti kosmetiċi, minbarra l-prodotti tal-kura orali, sa konċentrazzjoni massima fil-prodott finali ta’ 1.4 % fil-fwieħa fina, 0.56 % fl-eau de toilette u 0.042 % f’prodotti oħrajn. |
|
(4) |
Għalhekk huwa meħtieġ illi l-musk xylene u l-musk ketone jiġu inklużi fl-1 Parti ta’ l-Anness III tad-Direttiva 76/768/KEE filwaqt li r-reġistrazzjonijiet korrispondenti fit-2 Parti ta’ dak l-Anness għandhom jiġu mħassra. |
|
(5) |
Id-Direttiva 76/768/KEE għandha tiġi emendata f’dan is-sens. |
|
(6) |
Il-miżuri previsti f’din id-Direttiva huma skond l-opinjoni tal-Kumitat Permanenti dwar il-Prodotti Kosmetiċi, |
ADOTTAT DIN ID-DIRETTIVA:
Artikolu 1
L-Anness III tad-Direttiva 76/768/KEE huwa emendat skond l-Anness ta’ din id-Direttiva.
Artikolu 2
1. L-Istati Membri għandhom iġibu fis-seħħ il-liġijiet, regolamenti u dispożizzjonijiet amministrattivi meħtieġa biex ikunu konformi ma’ din id-Direttiva sa mhux aktar tard mill-1 ta’ Ottubru 2004. Għandhom minnufih jikkomunikaw lill-Kummissjoni t-test ta’ dawk id-dispożizzjonijiet u tabella tal-korrelazzjoni bejn dawk id-dispożizzjonijiet u din id-Direttiva.
Meta l-Istati Membri jaddottaw dawk id-dispożizzjonijiet, għandu jkun fihom riferenza għal din id-Direttiva jew ikunu akkumpanjati minn tali riferenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir tali riferenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jaddottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fit-tielet jum wara dik tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmula f’Brussel, nhar is-7 ta' Settembru 2004.
Għall-Kummissjoni
Olli REHN
Membru tal-Kummissjoni
(1) ĠU L 262, 27.9.1976, p. 169. Direttiva kif l-aħħar emendat bid-Direttiva 2003/83/KE (ĠU L 238, 25.9.2003, P.26).
(2) ĠU L 84, 5.4.1993, p. 1. Regolament kif l-aħħar emendat bir-Regolament (KE) Nru 1882/2003 (ĠU L 284, 31.10.2003, p. 1).
ANNESS
L-Anness III tad-Direttiva 76/768/KEE huwa emendat kif ġej:
|
1) |
Fit-2 Parti, in-noti taħt in-numri ta’ riferenza 61 u 62 huma mħassra. |
|
2) |
Fl-1 Parti, dawn in-noti li ġejjin huma miżjuda bħala numri ta’ riferenza 96 u 97:
|
|||||||||||||||||||||||||||||||||||||||