1.5.2004

Il-Ġurnal Uffiċjali ta’ l-Unjoni Ewropea

L 168/68

DIRETTIVA TAL-KUMMISSJONI 2004/79/KE

ta’l-4 ta’ Marzu 2004

li taddatta d-Direttiva 2002/94/KE, fil-qasam tat-tassazzjoni, in vista ta’l-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat ta’l-Adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja (1), u partikolarment l-Artikolu 2(3) tiegħu,

Wara li kkunsidrat l-Att ta’l-Adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja (2), u partikolarment l-Artikolu 57(1) tiegħu,

Billi:

(1)

Għal ċerti atti li jibqgħu validi wara l-1 ta’ Mejju 2004, u li jeħtieġu l-addattament minħabba l-adeżjoni, ma ġiex ipprovdut għall-addattamenti neċessarji fl-Att ta'l-Adeżjoni ta’l-2003, jew inkella ġie pprovdut għalihom iżda jeħtieġu addattamenti ulterjuri. Dawn l-addattamenti kollha għandhom jiġu addottati sabiex ikunu applikabbli mill-bidu ta’l-adeżjoni;

(2)	Sussegwenti għall-Artikolu 57(2) ta’l-Att ta’l-Adeżjoni, dawn l-addattamenti għandhom jiġu addottati mill-Kummissjoni fil-każi kollha fejn il-Kummissjoni addottat l-att oriġinali;

(3)	Id-Direttiva tal-Kummissjoni 2002/94/KE (3) għandha għalhekk tiġi emendata kif imsemmi hawn fuq,

ADOTTAT DIN ID-DIRETTIVA:

Artikolu 1

Id-Direttiva 2002/94/KE ġiet emendata kif muri fl-Anness.

Artikolu 2

L-Istati Membri sejrin idaħħlu fis-seħħ il-liġijiet, ir-regolamenti u l-provedimenti amministrattivi meħtieġa sabiex jikkonformaw mad-Direttiva sa mhux aktar tard mid-data ta’l-adeżjoni. Sejrin sussegwentement jikkomunikaw lill-Kummissjoni t-test ta’ dawn il-provvedimenti u tabella ta' korrelazzjoni bejn dawn il-provvedimenti u din id-Direttiva.

Meta l-Istati Membri jaddottaw dawn il-provvedimenti, ser ikollhom referenza għal din id-Direttiva jew ikunu akkumpanjati minn referenza tali meta jiġu ppubblikati uffiċjalment.

Artikolu 3

Din id-Direttiva ser tidħol fis-seħħ suġġetta għal, u mid-data tad-dħul fis-seħħ tat-Trattat ta’l-Adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja.

Artikolu 4

Din id-Direttiva hija indirizzata lill-Istati Membri.

Magħmula fi Brussel, ta’l-4 ta’ Marzu 2004.

Għall-Kummissjoni

Günter VERHEUGEN

Membru tal-Kummissjoni

(1) ĠU L 236, 23.9.2003, p. 17

(2) ĠU L 236, 23.9.2003, p. 33

(3) ĠU L 337, 13.12.2002, p. 41

ANNESS

TASSAZZJONI

Direttiva tal-Kummissjoni 2002/94/KE tad-9 ta’ Diċembru 2002 li tipprovdi regoli dettaljati għall-implimentazzjoni ta’ ċerti provedimenti tad-Direttiva tal-Kunsill 76/308/KEE dwar l-assistenza reċiproka għall-ġbir ta’ drittijiet relatati ma’ ċerti levies, dazji taxxi u miżuri oħra.

F’Anness IV, il-kolonna tax-xellug taħt “Stat Membru” hija sostitwita minn dawn li ġejjin:

“Belgique/België

Česká Republika

Danmark

Deutschland

Eesti

Eλλάδα

España

France

Ireland

Italia

Kύπρος

Latvija

Lietuva

Luxembourg

Magyarország

Malta

Nederland

Österreich

Polska

Portugal

Slovenija

Slovensko

Finland/Suomi

Sverige

United Kingdom”