|
30.5.2006 |
MT |
Il-Ġurnal Uffiċjali ta’ l-Unjoni Ewropea |
191 |
ID-DEĊIŻJONI TAL-KUNSILL
tad-19 Lulju 2004
dwar in-notifika lir-Repubblika tal-Korea ta' l-irtirar tal-Komunità Ewropea mill-Ftehim dwar l-akkwisti fis-settur tat-telekomunikazzjonijiet bejn il-Komunità Ewropea u r-Repubblika tal-Korea
(2004/589/KE)
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133 flimkien ma' l-ewwel sentenza ta' l-Artikolu 300 tiegħu,
Wara li kkunsidra l-Artikolu 8(5) tal-Ftehim dwar l-akkwisti fis-settur tat-telekomunikazzjonijiet bejn il-Komunità Ewropea u r-Repubblika tal-Korea (1) (“il-Ftehim”) kif adottat mid-Deċiżjoni 97/784/KE (2),
Wara li kkunsidra l-proposta mill-Kummissjoni,
Billi:
|
(1) |
Skond l-Artikolu 8(5) tal-Ftehim kull parti tista' tirtira mill-Ftehim billi tinnotifika lill-parti l-oħra. |
|
(2) |
Il-Ftehim, ma' l-irtirar ta' l-operaturi tat-telekomunikazzjonijiet tal-Komunità, mal-liberalizzazzjoni tas-suq tat-telekomunikazzjonijiet Korean u mal-privatizzazzjoni tal-Korea Telekom, tilef kull skop. |
|
(3) |
Il-Korea wkoll tikkunsidra li l-Ftehim tilef kull skop. |
|
(4) |
Huwa xieraq li l-Komunità għandha tirtira mill-Ftehim. |
|
(5) |
Il-Kunsill għandu jawtorizza lill-Kummissjoni sabiex tinnotifika l-irtirar mill-Ftehim. |
|
(6) |
Il-Memorandum dwar l-akkwisti ta' operaturi privati tat-telekomunikazzjonijiet bejn il-Komunità Ewropea u r-Repubblika tal-Korea (3) għandu jinżamm fis-seħħ, |
IDDEĊIEDA KIF ĠEJ:
Artikolu 1
Il-Komunità tirtira b'dan mill-Ftehim dwar l-akkwisti fis-settur tat-telekomunikazzjonijiet bejn il-Komunità Ewropea u r-Repubblika tal-Korea.
Artikolu 2
Il-President tal-Kunsill qed jiġi b'dan awtorizzat sabiex jaħtar il-persuna(i) li għandha s-setgħa biex tinnotifika lir-Repubblika tal-Korea bl-irtirar.
Magħmula fi Brussell, fid-19 ta' Lulju 2004.
Għall-Kunsill
Il-President
P. H. DONNER
(1) ĠU L 321, tat-22.11.1997 p. 32.
(2) ĠU L 321, tat-22.11.1997 p. 30.
(3) ĠU L 321, tat-22.11.1997, p. 41.