Official Journal L 156 , 30/04/2004 P. 0049 - 0052
Id-Deċiżjoni tal-Kummissjoni tad-29 ta’ April 2004 li tamenda d-Deċiżjoni Nru 2002/613/KE rigward l-approvazzjoni taċ-ċentri Kanadiżi ta’ ġbir tas-semen tal-qżieqeż (notifikata skond id-dokument numru Ċ(2004) 1687) (Test b’relevanza għaż-ŻEE) (2004/456/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 90/429/KEE tas-26 ta’ Ġunju 1990 li tippreskrivi l-ħtiġijiet dwar is-saħħa ta’ l-annimali applikabbli għall-kummerċ intra-Komunitarju fi u l-importazzjoni tas-semen ta’ l-annimali domestiċi ta’ l-ispeċi tal-qżieqeż [1] u b’mod partikolari l-Artikolu 8(1) tiegħu, Billi: (1) Deċiżjoni tal-Kummissjoni 2002/613/KE tad-19 ta’ Lulju 2002 li tippreskrivi l-kondizzjonijiet ta’ l-importazzjoni tas-semen ta’ l-annimal domestiċi ta’ l-ispeċi tal-qżieqeż [2] tiffisa lista ta’ pajjiżi terzi, inkluża l-Kanada, minn fejn l-Istati Membri jawtorizzaw l-importazzjoni tas-semen ta’ l-annimali domestiċi ta’ l-ispeċi tal-qżieqeż. (2) Il-Kanada talbet li jsiru emendi fil-lista taċ-ċentri tal-ġbir tas-semen approvati bi qbil mad-Deċiżjoni 2002/613/KE rigward id-dħul f’pajjiżha. (3) Il-Kanada pprovdiet garanziji rigward il-konformità mar-regoli xierqa preskritti fid-Direttiva 90/429/KEE u s-servizzi veterinarji ta’ pajjiżha approvaw uffiċjalment iċ-ċentri l-ġodda għall-esportazzjoni li għandhom jiżdiedu mal-lista. (4) Id-Deċiżjoni numru 2002/613/KE għandha, għalhekk, tiġi emendata skond dan. (5) Il-miżuri pprovduti f’din id-Deċiżjoni huma skond l-opinjoni tal-Kumitat Permanenti tal-Katina ta’ l-Ikel u s-Saħħa ta’ l-Annimali, ADOTTAT DIN ID-DEĊIŻJONI: Artikolu 1 L-Anness V mad-Decision 2002/613/KE huwa emendat b’konformità ma’ l-Anness ta’ din id-Deċiżjoni. Artikolu 2 Din id-Deċiżjoni tidħol fis-seħħ fit-tielet ġurnata ta’ wara li tkun ippubblikata fil-Ġurnal Uffiċjali ta’ l-Unjoni Ewropea. Artikolu 3 Din id-Deċiżjoni hija indirizzata lill-Istati Membri. Magħmula fi Brussel, fid-29 ta’ April 2004. Għall-Kummissjoni David Byrne Membru tal-Kummissjoni [1] ĠU L 224, tat-18.8.1990, pġ. 62. Direttiva kif l-aħħar emendata mir-Regolament (KE) Nru 806/2003 (ĠU L 122, tas-16.5.2003, pġ. 1). [2] ĠU L 196, tal-25.7.2002, pġ. 45. Deċiżjoni kif l-aħħar emendata mid-Deċiżjoni 2004/52/KE (ĠU L 10, tas-16.1.2004, pġ. 67). -------------------------------------------------- ANNESS Fl-Anness V mad-Deċiżjoni 2002/613/KE, il-lista għall-Kanada hi emendata kif ġej: (a) Titħassar ir-ringiela li ġejja għaċ-ċentru Nru 4-A1-02: CA | 4-AI-02 | Centre d'insémination porcin du Québec (CIPQ) 1486 rang Saint-André Saint-Lambert, Québec | (b) Titħassar ir-ringiela li ġejja għaċ-ċentru Nru 4-AI-24: CA | 4-AI-24 | Centre d'insémination C-Prim 2, Chemin Saint-Gabriel Saint-Gabriel de Brandon, Québec | (ċ) Tiżdied ir-ringiela li ġejja: CA | 7-AI-96 | Hypor Box 323 Ituna, Saskatchewan S0A 1V0 | --------------------------------------------------