Id-Deċiżjoni tal-Kummissjoni

tad-29 ta’ April 2004

li temenda l-Annessi I, II u III tad-Deċiżjoni 2003/858/KE li tistabbilixxi l-kondizzjonijiet tas-saħħa ta’ l-annimali u ħtiġijiet ta’ ċertifikazzjoni għall-importazzjoni ta’ ħut ħaj, il-bajd u l-gameti tagħhom għall-biedja u ħut ħaj mill-akkwakultura u prodotti ġejjin minnu biex jikkunsmawhom in-nies

(innotifikat f’dokument nru K (2004)1680)

(Test b’rilevanza għaż-ŻEE)

(2004/454/KE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 91/67/KEE: tat-28 ta’ Jannar 1991 dwar il-kondizzjonijiet tas-saħħa ta’ l-annimali li jirregolaw il-bejgħ ta’ annimali u prodotti mill-akkwakultura [1] u b’mod partikolari l-Artikolu 20(1) u l-Artikolu 21(2) tiegħu.

Billi:

(1) Id-Deċiżjoni tal-Kummissjoni 2003/858/KE [2] tippreskrivi l-kondizzjonijiet speċifiċi tas-saħħa ta’ l-annimali u ċertifikati mudell li jgħoddu għal pajjiżi terzi li, minn għandhom, Stati Membri jistgħu jimpurtaw ħut ħaj, il-bajd u l-gameti tagħhom għall-biedja u ħut ħaj mill-akkwakultura u prodotti ġejjin minnu biex jikkunsmawhom in-nies.

(2) Bid-Deċiżjoni tal-Kummissjoni 2004/453/KE tad-29 ta’ April 2004 li timplimenta d-Direttiva tal-Kunsill 91/67/KEE dwar miżuri kontra xi mard f’annimali ta’ l-akkwakultura [3] id-Danimarka, il-Fillandja, l-Irlanda, l-Isvezja u r-Renju Unit ingħataw iżjed garanziji għal xi mard imsemmi fl-Anness I, Kolonna 1, Lista III tad-Direttiva 91/67/KEE.

(3) Dawk il-garanzijii għandhom jgħoddu ukoll meta ħut ħaj jiddaħħal minn pajjiżi terzi. L-Annessi I, II u III tad-Deċiżjoni 2003/858/KE għandhom iqisu ukoll dawk il-garanziji oħrajn u jridu jkunu emendati skondhom.

(4) Il-miżuri li hemm provvediment dwarhom f’din id-Deċiżjoni huma bi qbil ma' l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

Id-Deċiżjoni 2003/858/KE hija emendata kif ġej:

1. L-Anness I jinbidel bit-test fl-Anness I ta’ din id-Deċiżjoni.

2. L-Anness II jinbidel bit-test fl-Anness II ta’ din id-Deċiżjoni.

3. L-Anness III jinbidel bit-test fl-Anness III ta’ din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussel, fid-29 ta’ April 2004.

Għall-Kummissjoni

David Byrne

Membru tal-Kummissjoni

[1] ĠU L 46, tad-19.2.1991, pġ. 1. Direttiva kif emendata l-aħħar bir-Regolament (KU) Nru 806/2003 (ĠU L 122, tas-16.5.2003, pġ. 1).

[2] ĠU L 324, tal-11.12.3, pġ. 37

[3] ĠU L 156, tat-30.4.4.

--------------------------------------------------

ANNESS I

+++++ TIFF +++++

--------------------------------------------------

ANNESS II

+++++ TIFF +++++

--------------------------------------------------

ANNEX III

“ANNEX III

Noti esplanatorji

(a)Iċ-ċertifikati jinħarġu mill-awtoritajiet kompetenti tal-pajjiż li jkun qed jesporta, mibni fuq il-mudell ix-xieraq li qed jidher fl-Anness II, IV jew V ta' din id-Deċiżjoni, b'konsiderazzjoni għal kif se jkun jinyiża l-ħut wara li jasal fil-Komunità.(b)Fuq in-naħa tal-lemin, fuq nett ta' kull paġna, ikun immarkat bħala oriġinal u jkollu numru ta' kodiċi speċifiku, maħruġ mill-awtorità kompetenti.(c)Il-paġni kollha taċ-ċertifikat ikunu nnumerati — (numru tal-paġna) minn (għadd totali tal-paġni).Iċ-ċertifikat l-oriġinali u t-tikketti msemmijin fl-eżempju taċ-ċertifikat isiru minn ta' l-inqas b'ilsien uffiċjali wieħed ta' l-Istat Membru tal-Komunità fejn se ssir spezzjoni mal-bordura u ta' l-Istat Membru tal-Komunità tad-destinazzjoni.(d)Madanakollu, dawn l-Istati Membri jistgħu jħallu ilsna oħrajn, jekk ikun meħtieġ, flimkien ma traduzzjoni uffiċċjali. | (e)ċ-ċertifikat l-oriġinali jrid jitlesta dakinhar li l-kunsinna titgħabba biex tkun esportata lejn il-Komunità b'timbru uffiċjali u ffirmata minn spettur uffiċjali nnominat mill-Awtorità kompetenti. B'hekk, Awtorità kompetenti tal-pajjiż li qed jesporta tiżgura li l-prinċipji taċ-ċertifikazzjoni jiswew daqs dawk stabbiliti fid-Direttiva 96/93/KE ikunu segwiti.It-timbru, sakemm ma jkunx imqabbeż, u l-firma, jridu jkunu ta' lewn differenti mill-istampar.(f)Jekk, biex jingħarfu affarijiet fil-kunsinna, jinthemżu paġni żejda maċ-ċertifikat, dawn il-paġni jitqiesu daqs li kieku huma biċċa mill-oriġinal u kull paġna tkun iffirmata u stampata mill-ispettur uffiċjali li jkun qed jiċċertifika.(g)Iċ-ċertifikat l-Oriinali jrid jibqa' mal-kunsinna sakemm din tasal fil-post ta' spezzjoni mal-bordura tal-Komunità.(h)i Iċ-ċertifikat jibqa' validu għal 10 ijiem minn meta jinħareġ. F'każ ta' trasport b'vapur, iż-żmien ta' validità jitwal daqs iż-żmien tal-vjaġġ bil-baħar.(i)Il-ħut, il-bajd u l-gameti tagħhom ma jistgħux jinġarru ma' bajd jew gameti ta' ħut oħrajn li jew mhux għall-Komunità jew l-istat ta' saħħa tagħhom huwa iktar baxx. Barra minn hekk, ma jistgħux jinġarru f'kondizzjonijiet li jistgħu jibdlulhom l-istat ta' saħħithom.(j)Il-possibbiltà li jinsabu patoġeni fl-ilma hi importanti biex jitqies l-istat tas-saħħa tal-ħut ħaj, bajd u gameti. L-uffijċali li jiċċertifika, għalhekk, għandu jqis dan li ġej: Il-post ta' l-Oriġini għandu jkun il-lokalizzazzjoni tar-razzett minn fejn trabbew il-ħut, il-bajd jew il-gameti sakemm laħqu daqs kummerċjali li jgħodd għall-kunsinna li għaliha hemm dan iċ-ċertifikat.' |

--------------------------------------------------

32004D0454