li tadatta l-Att li jirrigwarda l-kondizzjonijiet ta' l-Adeżjoni tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja, u r-Repubblika Slovakka u l-aġġustamenti għat-Trattati li fuqhom hija stabbilita l-Unjoni Ewropea, bħala riżultat tar-riforma tal-politika agrikola komuni

Wara li kkunsidra t-Trattat ta' Adeżjoni li jirrigwarda l-adeżjoni tar-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja, u s-Slovakkja ma' l-Unjoni Ewropea (1), iffirmat f'Ateni fis-16 ta' April 2003, partikolarment l-Artikolu 2(3) tiegħu,

Wara li kkunsidra l-Att li jikkonċerna l-adeżjoni tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja, u r-Repubblika Slovakka u l-aġġustamenti għat-Trattati li fuqhom hija bbażata l-Unjoni Ewropea (2), minn issa 'l quddiem msejjaħ “l-Att ta' Adeżjoni”, u partikolarment l-Artikolu 23 tiegħu,

Il-Kapitolu 6 A. “Il-Leġislazzjoni dwar l-Agrikoltura” ta' l-Anness II ta' l-Att ta' Adeżjoni għandu jiġi adattat kif ġej:

L-Artikolu 27 għandu jinbidel b'dan li ġej:

“27.

32003 R 1782: Ir-Regolament tal-Kunsill (KE) Nru. 1782/2003 tad-29 ta' Settembru 2003 li jistabbilixxi regoli komuni għal skemi ta' appoġġ dirett taħt il-politika agrikola komuni u li jistabbilixxi ċerti skemi ta' appoġġ għall-bdiewa u li jemenda r-Regolamenti (KEE) Nru. 2019/93, (KE) Nru. 1452/2001, (KE) Nru. 1453/2001, (KE) Nru. 1454/2001, (KE) Nru. 1868/94, (KE) Nru. 1251/1999, (KE) Nru. 1254/1999, (KE) Nru.1673/2000, (KEE) Nru. 2358/71, u (KE) Nru. 2529/2001 (ĠU L 270, 21.10.2003, p.1)”

(a)

fl-Artikolu 1, wara t-tieni inċiż jiddaħħal l-inċiż li ġej:

“–	appoġġ transitorju bbażat fuq id-dħul simplifikat għall-bdiewa fl-Istati Membri l-ġodda (riferit minn hawn 'l quddiem bħala ‘l-iskema ta' pagament uniku bl-area’)”

(b)

fl-Artikolu 2 jiżdied il-punt (g) li ġej:

“(g)	‘Stati Membri l-ġodda’ tfisser ir-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja.”

(ċ)

wara t-Titolu IV jiddaħħal it-Titolu IVa li ġej:

“TITOLU IVA

IMPLIMENTAZZJONI TA' SKEMI TA' APPOĠĠ FL-ISTATI MEMBRI L-ĠODDA

Artikolu 143a

L-introduzzjoni ta' skemi ta' appoġġ

Fl-Istati Membri l-ġodda għandhom jiġu ntrodotti pagamenti diretti skond l-iskeda li ġejja ta' inkrementi espressi bħala persentaġġ tal-livell li jkun applikabbli dakinhar ta' dawn il-pagamenti fil-Komunità kif kostitwita fit-30 ta' April 2004:

—	25 % fl-2004,

—	30 % fl-2005,

—	35 % fl-2006,

—	40 % fl-2007,

—	50 % fl-2008,

—	60 % fl-2009,

—	70 % fl-2010,

—	80 % fl-2011,

—	90 % fl-2012,

—	100 % mill-2013 'il quddiem.

Artikolu 143b

Skema ta' Pagament Uniku bl-Area

1. L-Istati Membri l-ġodda jistgħu jiddeċiedu mhux aktar tard mid-data ta' l-adeżjoni li jissostitwixxu l-pagamenti diretti matul il-perijodu ta' applikazzjoni msemmi fil-paragrafu 9 b'pagament uniku bl-area li għandu jkun ikkalkulat skond il-paragrafu 2.

2. Il-pagament uniku bl-area għandu jsir darba fis-sena. Huwa għandu jkun ikkalkulat billi jkun diviż il-pakkett finanzjarju annwali stabbilit skond il-paragrafu 3 bl-area agrikola ta' kull Stat Membru ġdid stabbilita skond il-paragrafu 4.

3. Għal kwalunkwe Stat Membru ġdid, il-Kummissjoni għandha tistabbilixxi pakkett finanzjarju annwali:

—	bħala s-somma ta' fondi li tkun disponibbli fir-rigward tas-sena kalendarja kkonċernata għall-għoti ta' pagamenti diretti fl-Istat Membru l-ġdid,

—	skond ir-regoli Komunitarji pertinenti u abbażi tal-parametri kwantitattivi, bħalma huma l-area ta' bażi, il-limiti massimi ta' premium u l-Kwantitajiet Massimi Garantiti (KMG), speċifikati fl-Att ta' Adeżjoni u fil-leġislazzjoni Komunitarja sussegwenti għal kull pagament dirett, u

—	aġġustati permezz tal-persentaġġ pertinenti speċifikat fl-Artikolu 143a għall-introduzzjoni gradwali ta' pagamenti diretti.

4. L-area agrikola ta' Stat Membru ġdid taħt l-iskema ta' pagament uniku bl-area għandha tkun il-parti ta' l-area agrikola tiegħu utilizzata li tkun ġiet miżmuma f'kondizzjoni agrikola tajba fit-30 ta' Ġunju 2003, kemm jekk tkun jew ma tkunx tipproduċi f'dik id-data, u, fejn xieraq skond il-każ, aġġustata skond il-kriterji oġġettivi li għandhom ikunu stabbiliti minn dak l-Istat Membru l-ġdid wara li tingħata l-approvazzjoni tal-Kummissjoni.

‘L-area agrikola utilizzata' għandha tfisser l-area globali meħuda minn art tar-raba’, mergħat permanenti, uċuħ permanenti u ġonna tal-ħxejjex kif stabbilit mill-Kummissjoni (EUROSTAT) għall-għanijiet ta' l-istatistika tagħha.

5. Għall-iskop li jiġu mogħtija pagamenti taħt l-iskema ta' pagament uniku bl-area, kull biċċa art agrikola li taqbel mal-kriterji li hemm stabbiliti fil-paragrafu 4 għandha tkun eliġibbli.

Id-daqs minimu ta' area eliġibbli għal kull azjenda li għaliha jistgħu jintalbu pagamenti għandu jkun ta' 0,3 ta' ettaru. Madankollu, kull Stat Membru ġdid jista' jiddeċiedi, abbażi tal-kriterji oġġettivi u wara l-approvazzjoni tal-Kummissjoni, li jistabbilixxi l-qies minimu fl-livell ogħla li ma jaqbiżx ettaru wieħed.

6. Ma għandu jkun hemm l-ebda obbligazzjoni li jiġu prodotti jew impjegati l-fatturi ta' produzzjoni. Madankollu, il-bdiewa jistgħu jużaw l-art imsemmija fil-paragrafu 4 għal kull xorta ta' għan agrikolu. Fil-każ ta' produzzjoni tal-qanneb taħt il-kodiċi CN 5302 10 00, għandhom japplikaw l-Artikolu 5a(2) tar-Regolament tal-Kunsill (KE) Nru. 1251/1999 (********) u l-Artikolu 7b tar-Regolament tal-Kummissjoni (KE) Nru. 2316/1999 (*********) kif ukoll l-Artikolu 52(1) ta' dan ir-Regolament.

Kull art li tibbenefika mill-pagamenti taħt l-iskema ta' pagament uniku bl-area għandha tinżamm f'kondizzjoni agrikola tajba li tkun kompatibbli mal-protezzjoni ta' l-ambjent.

Mill-1 ta' Jannar 2005 'il quddiem l-għażla ta' l-applikazzjoni ta' l-Artikoli 3, 4, 6, 7 u 9 għandha tkun f'idejn l-Istati Membri l-ġodda safejn dawn id-disposizzjonijiet jirrigwardjaw rekwiżiti statutorji ta' amministrazzjoni azjendali.

7. Jekk f'xi sena partikolari l-pagamenti uniċi bl-area fi Stat Membru ġdid jaqbżu il-pakkett finanzjarju annwali tiegħu, l-ammont nazzjonali għal kull ettaru applikabbli f'dak l-Istat Membru l-ġdid għandu jitnaqqas b'mod proporzjonali permezz ta' l-applikazzjoni ta' ko-effiċjent ta' tnaqqis.

8. Ir-regoli tal-Komunità dwar is-sistema integrata stabbilita rispettivament fir-Regolament tal-Kunsill (KEE) Nru. 3508/92 (**********), u b'mod partikolari fl-Artikolu 2 ta' l-istess, u fil-Kapitolu 4 tat-Titolu II ta' dan ir-Regolament, u b'mod partikolari l-Artikolu 18, għandhom japplikaw għall-iskema ta' pagament uniku bl-area safejn huwa neċessarju. Għaldaqstant, kull Stat Membru ġdid li jagħżel din l-iskema għandu:

—	jipprepara u jipproċessa l-applikazzjonjiet annwali għall-għajnuna li jsiru mill-bdiewa. Dawn l-applikazzjonijet għandhom jikkontjenu informazzjoni dwar l-applikanti u dwar il-biċċiet ta' art agrikola ddikjarati (numru ta' identifikazzjoni u l-area);

—

jistabbilixxi sistema ta' identifikazzjoni tal-biċċiet ta' art sabiex jiżgura li l-bicċiet ta' art li għalihom ikunu saru applikazzjonijiet għall-għajnuna jkunu jistgħu jiġu identifikati u l-area tagħhom stabbilita, li l-biċċiet ta' art jirrigwardaw art agrikola u li ma tkunx saret xi applikazzjoni oħra għalihom;

—	jistabbilixxi database kompjuterizzata għal azjendi agrikoli, biċċiet ta' art u applikazzjonijiet għall-għajnuna;

—	jivverifika l-applikazzjonijiet għall-għajnuna għas-sena 2004 skond l-Artikoli 7 u 8 tar-Regolament (KEE) Nru. 3508/92 u dawk pertinenti għal kwalunkwe sena mill-2005 'il quddiem skond l-Artikolu 23 ta' dan ir-Regolament.

L-applikazzjoni ta' l-iskema ta' pagament uniku bl-area ma għandha bl-ebda mod taffetwa l-obbligu ta' xi Stat Membru ġdid fir-rigward ta' l-implimentazzjoni ta' regoli Komunitarji dwar l-identifikazzjoni u r-reġistrazzjoni ta' bhejjem kif hemm stabbilit fid-Direttiva tal-Kunsill 92/102/KEE (***********) u r-Regolament (KE) Nru. 1760/2000 tal-Parlament Ewropew u tal-Kunsill (************).

9. Għal kull Stat Membru ġdid l-iskema ta' pagament uniku bl-area għandha tkun disponibbli għal perijodu li fih tkun tapplika sa l-aħħar tas-sena 2006 bil-possibbiltà li tiġġedded darbtejn f'sena fuq talba ta' l-Istat Membru l-ġdid. Bla ħsara għad-disposizzjonijiet tal-paragrafu 11, kull Stat Membru ġdid jista' jiddeċiedi li jwaqqaf l-applikazzjoni ta' l-iskema fl-aħħar ta' l-ewwel jew tat-tieni sena tal-perijodu li fih tkun tapplika bl-iskop li japplika l-iskema ta' pagament uniku. Stati Membri l-ġodda għandhom jinnotifikaw lill-Kummissjoni bl-intenzjoni tagħhom li jitterminaw sa l-1 ta' Awwissu ta' l-aħħar sena ta' applikazzjoni.

10. Qabel l-aħħar tal-perijodu li fih tkun tapplika l-iskema ta' pagament uniku bl-area, il-Kummissjoni għandha tagħmel stima ta' l-istat ta' preparazzjoni ta' l-Istat Membru l-ġdid ikkonċernat sabiex dan japplika bis-sħiħ il-pagamenti diretti.

B'mod partikolari, sa l-aħħar tal-perijodu ta' applikazzjoni ta' l-iskema ta' pagament uniku bl-area, l-Istat Membru l-ġdid għandu jkun ħa l-passi kollha neċessarji sabiex jistabbilixxi s-sistema integrata msemmija fl-Artikolu 18 sabiex ikunu amministrati sew il-pagamenti diretti bil-mod li jkun applikabbli dakinhar.

11. Abbażi ta' din l-istima, il-Kummissjoni għandha:

(a)	tinnota li l-Istat Membru l-ġdid jista' jintroduċi s-sistema ta' pagamenti diretti li tkun applikabbli fl-Istati Membri tal-Komunità kif kostitwita fit-30 ta' April 2004, jew

(b)	tiddeċiedi li testendi l-applikazzjoni ta' l-iskema ta' pagament uniku bl-area mill-Istat Membru l-ġdid għall-perijodu meqjus meħtieġ biex jippermetti li l-proċeduri ta' amministrazzoni u kontroll meħtieġa jkunu kompletament stabbiliti u jaħdmu sew.

Qabel l-aħħar tal-perijodu ta' applikazzjoni estiż imsemmi f'punt (b), l-paragrafu 10 għandu japplika.

Sa l-aħħar tal-perijodu ta' 5 snin ta' l-applikazzjoni ta' l-iskema ta' pagament uniku bl-area (jiġifieri s-sena 2008), ir-rata ta' persentaġġ stipulata fl-Artikolu 143a għandha tapplika. Jekk l-applikazzjoni ta' l-iskema ta' pagament uniku bl-area tiġi estiża għal wara dik id-data fuq deċiżjoni li tittieħed taħt punt (b), ir-rata ta' persentaġġ stipulata fl-Artikolu 143a għas-sena 2008 għandha tapplika sat-tmiem ta' l-aħħar sena li fiha tkun tapplika l-iskema ta' pagament uniku bl-area.

12. Wara t-tmiem tal-perijodu li fih tkun tapplika l-iskema ta' pagament uniku bl-area, il-pagamenti diretti għandhom ikunu applikati skond ir-regoli Komunitarji pertinenti u abbażi tal-parametri kwantitattivi, bħalma huma l-area ta' bażi, il-limiti massimi tal-premium u l-Kwantitajiet Massimi Garantiti (KMG), speċifikati fl-Att ta' Adeżjoni (*************) għal kull pagament dirett u fil-legislazzjoni Komunitarja sussegwenti. Ir-rati ta' persentaġġ stipulati fl-Artikolu 143a għas-snin relevanti għandhom japplikaw sussegwentament.

13. L-Istati Membri l-ġodda għandhom jinfurmaw lill-Kummissjoni fid-dettall bil-miżuri meħuda sabiex ikun implimentat dan l-Artikolu u b'mod partikolari, il-miżuri li jittieħdu skond il-paragrafu 7.

Artikolu 143ċ

Pagamenti diretti nazzjonali komplementari u pagamenti diretti

1. Għall-għanijiet ta' dan l-Artikolu: ‘Skema nazzjonali li tixbaħ il-PAK’ għandha tfisser kull skema nazzjonali ta' pagament dirett li tkun tapplika qabel id-data ta' l-adeżjoni ta' l-Istati Membri l-ġodda u li permezz tagħha ngħata appoġġ lill-bdiewa fir-rigward ta' produzzjoni li taqa' taħt xi wieħed mill-pagamenti diretti.

2. L-Istati Membri l-ġodda għandhom ikollhom il-possibbiltà, suġġetta għall-awtorizzazzjoni mill-Kummissjoni, li jikkomplementaw kwalunkwe pagamenti diretti sa:

(a)

fir-rigward tal-pagamenti diretti kollha, 55 % tal-livell ta' pagamenti diretti fil-Komunità kif kostitwita fit-30 ta' April 2004 fis-sena 2004, 60 % fis-sena 2005 u 65 % fis-sena 2006 u mis-sena 2007 'il quddiem sa 30 punt ta' persentaġġ 'il fuq mil-livell applikabbli imsemmi fl-Artikolu 143a fis-sena rilevanti. Madankollu, ir-Repubblika Ċeka tista' tikkomplementa pagamenti diretti fis-settur tal-lamtu mill-patata sa 100 % tal-livell applikabbli fil-Komunità kif kostitwita fit-30 ta' April 2004,

jew

(b)

(i)

fir-rigward ta' pagamenti diretti li mhumiex parti mill-iskema ta' pagament uniku, il-livell globali ta' appoġġ dirett li għalih il-bidwi kien ikun intitolat, fuq il-bażi ta' prodott bi prodott, fl-Istat Membru l-ġdid fis-sena kalendarja 2003 taħt xi skema nazzjonali li tixbaħ lill-PAK miżjud b'10 punti ta' persentaġġ. Madankollu, għal-Litwanja is-sena ta' riferenza għandha tkun is-sena kalendarja 2002 u għas-Slovenja ż-żieda għandha tkun ta' 10 punti ta' persentaġġ fl-2004, 15-il punt ta' persentaġġ fl-2005, 20 punt ta' persentaġġ fl-2006 u 25 punt ta' persentaġġ mill-2007 'il quddiem.

(ii)

fir-rigward ta' l-iskema ta' pagament uniku l-ammont globali ta' għajnuna nazzjonali kumplementarja diretta li tista' tingħata minn Stat Membru ġdid fi kwalunkwe sena partikolari għandu jkun limitat b'pakkett finanzjarju speċifiku. Dan il-pakkett għandu jkun daqs id-differenza bejn:

—

l-ammont globali ta' l-appoġġ nazzjonali dirett simili għall-PAK li kien ikun disponibbli fl-Istat Membru l-ġdid rigward is-sena kalendarja 2003 jew, fir-rigward tal-Litwanja, fis-sena kalendarja 2002, kull darba b'żieda ta' 10 punti ta' persentaġġ. Madankollu, fir-rigward tas-Slovenja, iż-żieda għandha tkun ta' 10 punti ta' persentaġġ fl-2004, 15-il punt ta' persentaġġ fl-2005, 20 punt ta' persentaġġ fl-2006 u 25 punt ta' persentaġġ mill-2007 'il quddiem.

—	il-limitu massimu nazzjonali ta' dak l-Istat Membru l-ġdid stabbilit fl-Anness VIIIa aġġustat, fejn hu l-każ, skond l-Artikoli 64(2) u 70(2).

Għall-iskop li jkun ikkalkolat l-ammont globali msemmi fl-ewwel inċiż hawn fuq, għandhom jiġu nklużi l-pagamenti diretti nazzjonali u/jew il-komponenti tiegħu korrispondenti għall-pagamenti diretti Komunitarji u/jew il-komponenti tiegħu li kienu meħuda in konsiderazzjoni għall-kalkolu tal-limitu effettiv ta' l-Istat Membru l-ġdid ikkonċernat skond l-Artikoli 64(2), 70(2) u 71ċ.

Għal kull pagament dirett ikkonċernat Stat Membru ġdid jista' japplika jew l-għażla (a) jew l-għażla (b) hawn fuq.

L-appoġġ globali dirett li l-bidwi jista' jingħata fl-Istati Membri l-ġodda wara l-adeżjoni taħt il-pagament dirett rilevanti nkluż kull pagament dirett nazzjonali komplementari ma għandux jaqbeż il-livell ta' appoġġ dirett li l-bidwi jkun intitolat jirċievi taħt il-pagament dirett korrispondenti applikabbli dakinhar għall-Istati Membri fil-Komunità kif kostitwita fit-30 ta' April 2004.

3. Ċipru jista' jikkomplementa għajnuna diretta mħallsa lil xi bidwi taħt kwalunkwe pagament dirett imniżżel fl-Anness I sal-livell globali ta' appoġġ li l-bidwi kien ikun intitolat jirċievi f'Ċipru fl-2001.

L-awtoritajiet Ċiprijotti għandhom jiżguraw li l-appoġġ dirett globali li l-bidwi jingħata wara l-adeżjoni f'Ċipru taħt il-pagament dirett rilevanti inkluż kull pagament dirett nazzjonali komplementari fl-ebda każ ma jaqbeż il-livell ta' appoġġ dirett li l-bidwi jkun intitolat jirċievi taħt dak il-pagament dirett fis-sena rilevanti fil-Komunità kif kostitwita fit-30 ta' April 2004.

L-ammonti globali ta' għajnuna nazzjonali komplementari li se jingħataw għandhom ikunu dawk indikati fl-Anness XII.

L-għajnuna nazzjonali komplementari li se tingħata għandha tkun soġġetta għall kull aġġustament li jista' jkun meħtieġ minħabba l-iżviluppi fil-politika agrikola komuni.

Il-paragrafi 2 u 5 ma għandhomx japplikaw għal Ċipru.

4. Jekk xi Stat Membru ġdid jiddeċiedi li japplika l-iskema ta' pagament uniku bl-area, dak l-Istat Membru l-ġdid jista' jagħti għajnuna diretta nazzjonali komplementari skond il-kondizzjonijiet imsemmija fil-paragrafi 5 u 8.

5. Fir-rigward tas-sena 2004, l-ammont globali ta' għajnuna nazzjonali komplementari mogħti dik is-sena għal kull (sub)settur meta tkun qed tiġi applikata l-iskema ta' pagament uniku bl-area għandu jkun limitat b'pakkett finanzjarju speċifiku għal kull (sub)settur. Dan il-pakkett għandu jkun daqs id-differenza bejn:

—	l-ammont globali ta' appoġġ għal kull (sub)settur li jirriżulta mill-applikazzjoni tal-punti (a) jew (b) tal-paragrafu 2, skond il-każ li jkun, u

—	l-ammont globali ta' appoġġ dirett li jkun disponibbli fl-Istat Membru l-ġdid rilevanti għall-istess (sub)settur fis-sena konċernata taħt l-iskema ta' pagament uniku bl-area.

Fir-rigward ta' kwalunkwe sena mill-2005 'il quddiem, ir-rekwiżit li jopera l-limitu hawn fuq msemmi permezz ta' l-applikazzjoni ta' pakketti finanzjarji speċifiċi għas-(sub)setturi ma għandux japplika. Madankollu, l-Istati Membri l-ġodda għandhom iżommu d-dritt li japplikaw pakketti finanzjarji speċifiċi għas-(sub)setturi, bil-kondizzjoni li dan il-pakkett finanzjarju speċifiku għas-(sub)settur jirrigwarda biss

—	il-pagamenti diretti magħquda ma' l-iskema ta' pagament uniku, u/jew

—	wieħed jew aktar mill-pagamenti diretti li huma esklużi jew li jistgħu jkunu esklużi mill-iskema ta' pagament uniku skond l-Artikolu 70(2) jew li jistgħu jkunu soġġetti għal implimentazzjoni parzjali kif imsemmi fl-Artikolu 64(2).

6. L-Istat Membru l-ġdid jista' jiddeċiedi abbażi ta' kriterji oġġettivi u wara l-awtorizzazzjoni mill-Kummissjoni, fuq l-ammonti ta' għajnuna nazzjonali komplementari li għandha tingħata.

7. L-awtorizzazzjoni mill-Kummissjoni għandha:

—	fejn japplika l-punt (b) tal-paragrafu 2, tispeċifika l-iskemi rilevanti ta' pagamenti diretti nazzjonali li jixbħu l-PAK,

—	tiddefinixxi l-livell sa fejn tista' titħallas l-għajnuna nazzjonali komplementari, ir-rata ta' l-għajnuna nazzjonali komplementari u, fejn ikun il-każ, il-kondizzjonijiet li taħthom għandha tiġi mogħtija.

—	tingħata soġġetta għal kull aġġustament li jista' jsir meħtieġ minħabba l-iżviluppi tal-politika agrikola komuni.

8. Ma għandu jsir l-ebda pagament nazzjonali komplementari u ma għandha tingħata l-ebda għajnuna għal attivitajiet agrikoli li fir-rigward tagħhom m'hemmx previsti pagamenti diretti fil-Komunità kif kostitwita fit-30 ta' April 2004.

9. Ċipru jista', flimkien mal-pagamenti diretti nazzjonali komplementari, jagħti għajnuna transitorja u digressiva sa l-aħħar tas-sena 2010. Din l-għajuna mill-Istat għandha tingħata f'forma li tixbaħ l-għajnuna Komunitarja, bħalma huma pagamenti sseparati.

Filwaqt li jittieħed kont tan-natura u l-ammont ta' l-appoġġ nazzjonali mogħti fl-2001, Ċipru jista' jagħti għajnuna mogħtija mill-Istat lis-(sub)setturi elenkati fl-Anness XIII u sa l-ammonti speċifikati f'dak l-Anness.

L-għajnuna mogħtija mill-Istat li se tingħata għandha tkun soġġetta għal kull aġġustament li jista' jkun meħtieġ minħabba l-iżviluppi fil-politika agrikola komuni. Jekk dawn l-aġġustamenti jkunu meħtieġa, l-ammont ta' l-għajnuna jew il-kondizzjonijiet għall-għoti tagħha għandhom ikunu emendati abbażi ta' deċiżjoni tal-Kummissjoni.

Ċipru għandu jissottometti rapport kull sena lill-Kummissjoni dwar l-implimentazzjoni tal-miżuri ta' għajnuna mogħtija mill-Istat, fejn jindika x-xorta u l-ammonti ta' l-għajnuna għal kull (sub) settur.

10. Il-Latvja tista', flimkien mal-pagamenti diretti nazzjonali komplementari, tagħti għajnuna nazzjonali transitorja u digressiva sa l-aħħar tas-sena 2008. Din l-għajuna mill-Istat għandha tingħata f'forma li tixbaħ l-għajnuna Komunitarja, bħalma huma pagamenti sseparati.

Il-Latvja tista' tagħti għajnuna mogħtija mill-Istat lis-(sub)setturi elenkati fl-Anness XIV sa l-ammonti speċifikati f'dak l-Anness.

L-għajnuna mogħtija mill-Istat li se tingħata għandha tkun soġġetta għall kull aġġustament li jista' jkun meħtieġ minħabba l-iżviluppi fil-politika agrikola komuni. Jekk dawn l-aġġustamenti jkunu meħtieġa, l-ammont ta' l-għajnuna jew il-kondizzjonijiet għall-għoti tagħha għandhom ikunu emendati abbażi ta' deċiżjoni tal-Kummissjoni.

Il-Latvja għandha tissottometti rapport kull sena lill-Kummissjoni dwar l-implimentazzjoni tal-miżuri ta' għajnuna mogħtija mill-Istat, fejn tindika x-xorta u l-ammonti ta' l-għajnuna għal kull (sub) settur.

(********) Regolament tal-Kunsill (KE) Nru. 1251/1999 li jistabbilixxi sistema ta' appoġġ għall-produtturi ta' ċerti wċuh tar-raba maħrut (ĠU L 160, 26.6.1999, p. 1)."

(*********) Regolament tal-Kunsill (KE) Nru. 2316/1999 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru. 1251/1999 li jwaqqaf sistema ta' appoġġ għall-produtturi ta' ċerti wċuh tar-raba maħrut (ĠU L 280, 30.10.1999, p.43)."

(**********) Regolament tal-Kunsill (KEE) 3508/92 li jistabbilixxi sistema integrata ta' amministrazzjoni u kontroll għal ċerti skemi Komunitarji ta' għajnuna (ĠU L 355, 5.12.1992, p. 1)."

(***********) Direttiva tal-Kunsill 92/102/KEE dwar l-identifikazzjoni u r-reġistrazzjoni ta' bhejjem (ĠU L 355, 5.12.1992, p. 32)."

(************) Regolament (KE) Nru. 1760/2000 tal-Parlament Ewropew u tal-Kunsill li jistabbilixxi sistema għall-identifikazzjoni u r-reġistrazzjoni ta' bhejjem tal-fart u li jirrigwarda t-tikkettar tal-laħam taċ-ċanga u ta' prodotti mill-laħam taċ-ċanga u li jħassar ir-Regolament tal-Kunsill (KE) Nru. 820/97 (ĠU L 204, 11.8.2000, p. 1)."

(*************) ĠU L 236, 23.9.2003, p. 33.”"

(d)

Fl-Artikolu 145 jiżdied il-punt li ġej wara l-punt (d):

“(d)a)

regoli dettaljati li jirrigwardaw l-implimentazzjoni tad-disposizzjonijiet fit-Titolu IVa,”

(e)	Fl-Artikolu 153(4), tiżdied is-sentenza li ġejja: “L-iskema ssimplifikata msemmija fl-Artikolu 2a ta' dak ir-Regolament ma għandhiex tapplika għall-Istati Membri l-ġodda.”

(f)

Fl-Anness I, il-linja li ġejja tidħol wara l-linja “Pagament Uniku”:

“Pagament uniku bl-area

Titolu IVa, Artikolu 143b ta' dan ir-Regolament

Pagamenti sseparati li jissostitwixxu l-pagamenti diretti kollha imsemmija f'dan l-Anness”

(g)

L-Annessi li ġejjin huma miżjuda:

“

ANNESS XII

Tabella 1:

Ċipru: Pagamenti diretti nazzjonali komplementari fejn japplikaw l-iskemi normali għal pagamenti diretti

Skeda ta' inkrementi	25 %	30 %	35 %	40 %	50 %	60 %	70 %	80 %	90 %
Settur	2004	2005	2006	2007	2008	2009	2010	2011	2012
Uċuh tar-raba' maħrut (eskluż il-qamh durum)	7 913 822	7 386 234	6 858 646	6 331 058	75 881	4 220 705	3 165 529	2 110 353	1 055 176
Qamħ durum	2 256 331	2 059 743	1 888 505	1 743 235	1 452 696	1 162 157	871 618	581 078	290 539
Legumi taż-żerriegħa	30 228	28 273	26 318	24 363	20 363	16 362	12 272	8 181	4 091
Ħalib u prodotti tal-ħalib	887 535	1 759 243	2 311 366	2 133 569	1 777 974	1 422 379	1 066 784	711 190	355 595
Laħam taċ-ċanga	3 456 709	3 226 262	2 995 814	2 765 367	2 304 473	1 843 578	1 382 684	921 789	460 895
Nagħaġ u mogħoż	8 267 087	7 715 948	7 164 809	6 613 669	5 511 391	4 409 113	3 306 835	2 204 556	1 102 278
Żejt taż-żebbuġa	5 951 250	5 554 500	5 157 750	4 761 000	3 967 500	3 174 000	2 380 500	1 587 000	793 500
Tabakk	782 513	730 345	678 178	626 010	521 675	417 340	313 005	208 670	104 335
Banana	3 290 625	3 071 250	2 851 875	2 632 500	2 193 750	1 755 000	1 316 250	877 500	0
Għeneb imnixxef	104 393	86 562	68 732	50 901	15 241	0	0	0	0
Lewż	49 594	30 878	12 161	0	0	0	0	0	0
Totali	32 990 086	31 649 237	30 014 153	27 681 672	23 040 943	18 420 634	13 815 476	9 210 317	4 166 409

Pagamenti diretti nazzjonali komplementari taħt l-Iskema ta' Pagament Uniku:

L-ammont globali ta' pagamenti diretti nazzjonali komplementari li jistgħu jsiru taħt l-Iskema ta' Pagament Uniku għandu jkun daqs is-somma tal-limiti settorali msemmija f'din it-tabella fir-rigward tas-setturi li huma koperti bl-Iskema ta' Pagament Uniku sal-punt li l-appoġġ f'dawn is-setturi jkun isseparat.

Tabella 2:

Ċipru: Pagamenti diretti nazzjonali komplementari fejn tapplika l-iskema ta' pagament uniku bl-area għal pagamenti diretti

Skema ta' Pagament Uniku bl-Area
Settur	2004	2005	2006	2007	2008
Uċuh tar-raba' maħrut (eskluż il-qamh durum)	6 182 503	3 997 873	2 687 095	1 303 496	0
Qamħ durum	2 654 980	2 469 490	2 358 196	2 240 719	2 018 131
Legumi taż-żerriegħa	27 346	20 566	16 498	12 204	4 068
Ħalib u prodotti tal-ħalib	1 153 380	2 323 212	3 501 948	3 492 448	3 474 448
Laħam taċ-ċanga	4 608 945	4 608 945	4 608 945	4 608 945	4 608 945
Nagħaġ u mogħoż	10 932 782	10 887 782	10 860 782	10 832 282	10 778 282
Żejt taż-żebbuġa	7 215 000	6 855 000	6 639 000	6 411 000	5 979 000
Għeneb imnixxef	182 325	176 715	173 349	169 796	163 064
Banana	4 368 300	4 358 700	4 352 940	4 346 860	4 335 340
Tabakk	1 049 000	1 046 750	1 045 400	1 043 975	1 041 275
Totali	38 374 562	36 745 034	36 244 154	34 461 726	32 402 554

ANNESS XIII

Għajnuna mogħtija mill-Istat f'Ċipru

Settur	2004	2005	2006	2007	2008	2009	2010
Ċereali (eskluż il-qamh durum)	7 920 562	6 789 053	5 657 544	4 526 035	3 394 527	2 263 018	1 131 509
Ħalib u prodotti tal-ħalib	5 405 996	3 161 383	1 405 471	1 124 377	843 283	562 189	281 094
Laħam taċ-ċanga	227 103	194 660	162 216	129 773	97 330	64 887	0
Nagħaġ u mogħoż	3 597 708	3 083 750	2 569 791	2 055 833	1 541 875	1 027 917	513 958
Is-settur tal-majjali	9 564 120	8 197 817	6 831 514	5 465 211	4 098 909	2 732 606	1 366 303
Tjur u bajd	3 998 310	3 427 123	2 855 936	2 284 749	1 713 561	1 142 374	571 187
Inbid	15 077 963	12 923 969	10 769 974	8 615 979	6 461 984	4 307 990	2 153 995
Żejt taż-żebbuġa	7 311 000	6 266 571	5 222 143	4 177 714	3 133 286	2 088 857	1 044 429
Għeneb frisk	3 706 139	3 176 691	2 647 242	2 117 794	1 588 345	1 058 897	529 448
Tadam ipproċessat	411 102	352 373	293 644	234 915	176 187	117 458	58 729
Banana	445 500	381 857	318 214	254 571	190 929	127 286	63 643
Frott desidwu nkluż il-frott ta' l-għadma	9 709 806	8 322 691	6 935 576	5 548 461	4 161 346	2 774 230	1 387 115
Totali	67 375 310	56 277 938	45 669 267	36 535 414	27 401 560	18 267 707	9 101 410

ANNESS XIV

Għajnuna mogħtija mill-Istat fil-Latvja

GĦAJNUNA MOGĦTIJA MILL-ISTAT
Settur	2004	2005	2006	2007	2008
Kittien	654 000	523 200	392 400	261 600	130 800
Is-settur tal-laħam tal-majjal	204 000	163 200	122 400	81 600	40 800
Nagħaġ u mogħoż	107 000	85 600	64 200	42 800	21 400
Żerriegħa	109 387	87 510	66 110	44 710	23 310
Totali	1 074 387	859 510	645 110	430 710	216 310

”

Fil-Kapitolu 4 “Agrikoltura” ta' l-Anness VI ma' l-Att ta' Adeżjoni, il-punti (2) u (3) għandhom jinbidlu b'dan li ġej:

Fil-Kapitolu 5 A “Il-Leġislazzjoni dwar l-Agrikoltura” ta' l-Anness VII ma' l-Att ta' Adeżjoni, għandu jiżdied il-punt li ġej:

Fil-Kapitolu 4 A “Il-Leġislazzjoni dwar l-Agrikoltura” ta' l-Anness VIII ma' l-Att ta' Adeżjoni, il-punt 3 għandu jinbidel b'li ġej:

Fil-Kapitolu 5 A “Il-Leġislazzjoni dwar l-Agrikoltura” ta' l-Anness IX ma' l-Att ta' Adeżjoni, il-punt 3 għandu jinbidel b'li ġej:

Il-Kapitolu 4 A “Il-Leġislazzjoni dwar l-Agrikoltura” ta' l-Anness XI ta' l-Att ta' Adeżjoni għandu jiġi adattat kif ġej:

Fil-Kapitolu 6 A “Il-Leġislazzjoni dwar l-Agrikoltura” ta' l-Anness XII ta' l-Att ta' Adeżjoni, il-punt 4 jinbidel b'dan li ġej:

Din id-Deċiżjoni għandha titħejja fil-lingwi Ċeka, Daniża, Estonjana, Finlandiża, Franċiża, Ġermaniża, Griega, Ingliża, Irlandiża, Latvjana, Litwana, Maltija, Olandiża, Pollakka, Portugiża, Slovakka, Slovena, Spanjola, Svediża, Taljana u Ungeriża, bit-test ta' kull waħda minn dawn il-lingwi ugwalment awtentiku.

Din id-Deċiżjoni għandu jkollha effett mill-1 ta' Mejju 2004 suġġett għad-dħul fis-seħħ tat-Trattat li jirrigwarda l-Adeżjoni tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka ma' l-Unjoni Ewropea.

(3) Opinjoni tal-11 ta' Marzu 2004 (għadha mhix ippubblikata fil-Ġurnal Uffiċjali).

(**) Żjieda speċjali ta' 50,000 tunnellata metrika għal allokazzjoni esklussiva lil produtturi fl-Azores.