Official Journal L 214 , 26/08/2003 P. 0003 - 0005
Ir-Regolament tal-Kummissjoni (KE) Nru 1490/2003 tal-25 ta' Awissu 2003 li emenda l-Anness I tar-Regolament tal-Kunsill (KEE) Nru 2377/90 li jistabbilixxi proċedura tal-Komunità għall-istabbiliment tal-limiti massimi ta' residwu ta' prodotti mediċinali veterinarji f'oġġetti ta' l-ikel li joriġinaw mill-annimali (Test b'relevanza għaż-ŻEE) IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kummissjoni (KEE) Nru 2377/90 tas-26 ta' Ġunju 2003 li tistabbilixxi proċedura tal-Komunità għall-istabbiliment tal-limiti massimi ta' residwu ta' prodotti mediċinali veterinarji fi prodotti ta' l-ikel li joriġinaw mill-annimali [1], kif ġie emendat l-aħħar mir-Regolament tal-Kummissjoni (KE) Nru 1029/2003 [2], u b' mod partikolari l-Artikoli 6, 7 u 8 tiegħu, Billi: (1) B' mod konformi mar-Regolament (KEE) Nru 2377/90, il-limiti massimi ta' residwu jridu jiġu stabbiliti progressivament għas-sostanzi kollha li huma attivi farmakoloġikament li jintużaw fil-Komunità fi prodotti mediċinali veterinarji (li huma) maħsuba għall-amministrazzjoni lill-annimali li jipproduċu l-ikel. (2) Il-limiti massimi ta' residwi għandhom jiġu stabbiliti biss wara li ssir eżaminazzjoni fi ħdan il-Kumitat għall-Prodotti Mediċinali Veterinarji ta' l-informazzjoni relevanti kollha li tikkonċerna s-sigurtà ta' residwi tas-sostanza konċernata għall-konsumatur ta' prodotti ta' l-ikel li joriġinaw mill-annimali u l-impatt tar-residwi fuq l-ipproċessar industrijali ta' prodotti ta' l-ikel. (3) Fl-istabbiliment tal-limiti massimi ta' residwu ta' prodotti veterinarji mediċinali f'oġġetti ta' l-ikel li joriġinaw mill-annimali, huwa meħtieġ li jiġu speċifikati l-ispeċji ta' annimali li fihom jistgħu jkunu preżenti xi residwi, l-livelli li jistgħu jkunu preżenti f'kull waħda mit-tessuti tal-laħam relevanti miksuba mill-annimal trattat (tessut targit) u n- natura tar-residwu li huwa relevanti għall-monitur tar-residwi (marka tar-residwi). (4) Minħabba n-nuqqas ta' disponibilità ta' prodotti mediċinali veterinarji għall-ċerti speċi li jipproduċu l-ikel [3] il-livelli massimi ta' residwu jistgħu jiġu stabbiliti b'mezzi ta' estrapolazzjoni mill-livelli massimi ta' residwu speċifikati għal speċi oħra fuq bażi strettement xjentifika. (5) Għall-kontroll tar-residwi, kif ġie stipulat fil-leġislazzjoni adattata tal-Komunità, il-livelli massimi ta' residwu għandhom normalment jiġu stabbiliti għat-tessuti targit tal-fwied jew tal-kliewi. Madankollu, il-fwied u l-kliewi huma frekwentament imneħħija minn karkassi fil-kummerċ internazzjonali, u l-livelli massimi ta' residwu għandhom għaldaqstant jiġu stabbiliti anki għal tessuti tal-muskoli jew tax-xaħam. (6) Fil-każ ta' prodotti mediċinali veterinarji li ser jintużaw f'tajr li jbid, annimali li jipproduċu l-ħalib jew naħal li jipproduċu l-għasel, il-livelli massimi tar-residwu jridu wkoll jiġu stabbiliti għall-bajd, għall-ħalib jew għall-għasel. (7) Sipermetrin u Emamektin għandhom jiġu mdaħħla fl-Anness I tar-Regolament (KEE) Nru 2377/90. (8) Perijodu adegwat għandu jiġi permess qabel jidħol fis-seħħ l-infurzar ta' dan ir-Regolament, sabiex l-Istati Membri jkunu jistgħu jagħmlu t-tibdiliet neċesarji lill-awtorizzazzjonijiet biex jitqegħdu fis-suq il-prodotti mediċinali veterinarji kkonċernati, li ġew mogħtija skond id-Direttiva 2001/82/KE tal-Parlament Ewropew u tal-Kunsill(4) biex jikkunsidraw il-disposizzjonijiet ta' dan ir-Regolament. (9) Il-miżuri msemmija f'dan ir-Regolament huma dawk skond l-opinjoni tal-Kumitat Permanenti dwar il-Prodotti Veterinarji Mediċinali, ADDOTTA IR-REGOLAMENT LI ĠEJ: Artikolu 1 L-Anness I tar-Regolamenti (KEE) Nru 2377/90 huwa b'dan emendat kif imniżżel fl-Anness għal dan. Artikolu 2 Dan ir-Regolament għandu jiġi fis-seħħ fit-tielet ġurnata wara li jiġi ppubblikat fil-Ġurnal Uffiċjali ta' l-Unjoni Ewropea. Għandu japplika mis-60 jum wara l-pubblikazzjoni tiegħu. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, 25 ta' Awissu 2003. Għall-Kummissjoni Erkki Liikanen Membru tal-Kummissjoni [1] ĠU L 224, tat-18.8.1990, p. 1. [2] ĠU L 149, tas-17.6.2003, p. 15. [3] "Id-Disponibilità ta' prodotti mediċinali veterinarji", Komunikazzjoni mill-Kummissjoni lill-Kunsill u l-Parlament Ewropew, KUM(2000) -------------------------------------------------- ANNESS L-Anness I tar-Regolament (KEE) Nru 2377/90 ġie emendat kif ġej: 2. Aġenti Anti-parassitiċi 2.2. Aġenti li jaħdmu kontra l-ektoparassiti 2.2.3. Piretrojdi "Sustanza(i) farmakoloġikament | Marka tar-residwi | Speċji ta' annimali | LMR | Tessuti immirati | Sipermetrin | Sipermetrin (total ta' isomeri) | Bovini | 20 µg/kg | Muskolu | 200 µg/kg | Xaħam | 20 µg/kg | Fwied | 20 µg/kg | Kliewi | 20 µg/kg | Ħalib | Ovini | 20 µg/kg | Muskolu | 200 µg/kg | Xaħam | 20 µg/kg | Fwied | 20 µg/kg | Kliewi | 2.3. Aġenti attivi kontra l-endo u l-ektoparasiti 2.3.1. Avermektins "Sustanza(i) farmakoloġikament attiva(i) | Marka tar-residwi | Speċji ta' annimali | LMR | Tessuti immirati | Emamektin | Emamektin B 1 a | Ħut bil-ġewnaħ | 100 μg/kg | Muskolu u ġilda fi proporzjonijiet naturali" | --------------------------------------------------