Ir-Regolament tal-Kummissjoni (KE) numru 1214/2003

tas-7 ta' Lulju 2003

li jemenda ir-Regolament (KE) Numru 2368/2002 li jimplementa skema ta' ċertifikazzjoni skond il-Kimberley Process għall-kummerċ internazzjonali tad-djamanti ħorox

IL-KUMMISSJONI TAL-KOMUNITAJIET EWROPEJ,

Wara li kkonsidrat it-Trattat li jistabbilixxi l-Komunità Ewropea,

Wara li kkonsidrat r-Regolament tal-Kunsill (KE) Numru 2368/2002 ta' l-20 ta' Diċembru 2002 li jimplementa skema ta' ċertifikazzjoni skond il-Kimberley Process għall-kummerċ internazzjonali tad-djamanti ħorox [1], kif emendat bir-Regolament tal-Kunsill (KE) Numru 803/2003 [2], partikolarment l-Artikolu 17 tiegħu,

Billi:

(1) Il-Kummissjoni rċeviet applikazzjoni mill-London Diamond Bourse and Club biex tiġi miżjuda fil-lista fl-Anness V tar-Regolament (KE) Numru 2368/2002 (hawnhekk iżjed ‘il quddiem "ir-Regolament").

(2) Il-London Diamond Bourse and Club pprovda informazzjoni lill-Kummissjoni bħala prova li aderixxa mal-ħtiġijiet ta' l-Artikolu 17 ta' dan ir-Regolament, partikolarment billi jaddotta kodiċi ta' mġieba li jorbot il-membri kollha tiegħu.

(3) Fuq il-bazi ta' l-informazzjoni provduta, il-Kummissjoni kkonkludiet illi ż-żieda tal-London Diamond Bourse and Club fl-Anness V tar-Regolament huwa xieraq.

(4) Il-miżuri previsti f'dan ir-Regolament huma skond l-opinjoni tal-Kumitat imsemmi fl-Artikolu 22 tar-Regolament (KE) Numru 2368/2002,

ADOTTAT DAN IR-REGOLAMENT:

Artikolu 1

It-test li jinsab fl-Anness ta' dan ir-Regolament huwa miżjud ma' l-Anness V ta' dan ir-Regolatment (KE) Numru 2368/2002.

Artikolu 2

Dan ir-Regolament jidħol fis-seħħ fil-ġurnata wara dik tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-7 ta' Lulju 2003.

Għall-Kummissjoni

Christopher Patten

Membru tal-Kummissjoni

[1] ĠU L 358, tal-31.12.2002, p. 28.

[2] ĠU L 115, tad-9.5.2003, p. 53.

--------------------------------------------------

ANNESS

It-test li ġej huwa mizjud ma' l-Anness V tar-Regolament (KE) Numru 2368/2002:

The London Diamond Bourse and Club

100 Hatton Garden

London EC1N 8NX

United Kingdom

--------------------------------------------------